މަޖިލީހުގެ ރައީސް އަދި މައްޗަންގޮޅި މެދު ދާއިރާގެ މެމްބަރު ނަޝީދު، އެމްޑީޕީ ޕީޖީ އިންތިހާބުގައި ވޯޓު ލައްވަނީ: އެމްޑީޕީއަށް ވޭތުވެދިޔަ އިންތިހާބުތަކުގައި ކާމިޔާބީ ހޯދުނީ ޕާޓީ ހިންގާލައިގެން ކަމަށް ވިދާޅުވި. -- ފޮޓޯ: ނިޝާން އަލީ/ މިހާރު
10 އެޕްރީލް 2022 - 01:42
43 comments
ސިޔާސީ ޕާޓީއެއްގެ ގޮތުގައި އެމްޑީޕީއަށް މިހާތަނަށް ހޯދުނު ހުރިހާ ކާމިޔާބީއަކީ ޕާޓީ "ހިންގާލައިގެން" ލިބުނު ކުރިއެރުން ކަމަށް ވިދާޅުވެ ޗެއާޕާސަން ކަމަށް ވާދަކުރައްވާ އިކޮނޮމިކް މިނިސްޓަރު ފައްޔާޒް އިސްމާއިލްގެ ޓީމަށް އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިރޭ ރައްދު ދެއްވައިފި އެވެ.
އެމްޑީޕީގެ ގައުމީ މަޖިލީހުގެ ވަޓްސްއެޕް ގްރޫޕަށް ފޮނުއްވި މެސެޖުތަކެއްގައި އެ މަނިކުފާނު ވިދާޅުވީ އިންތިހާބުތައް ކާމިޔާބުކުރުން ނޫން ކަމަކަށް ޕާޓީ ހިންގާލަން ނުޖެހޭ ކަމަށެވެ. އެ ކަމުގައި ޕާޓީ މިހާތަނަށް އައީ ހިނގަމުން ކަމަށް ވިދާޅުވި އެވެ.
އެމްޑީޕީގައި މިހާތަނަށް ބާއްވާ އެންމެ ވާދަވެރި ޗެއާޕާސަންގެ އިންތިހާބުގައި "ހިންގާލަން" ސްލޯގަން ބޭނުންކުރައްވަނީ ރައީސް އިބްރާހިމް މުހައްމަދު ސޯލިހުގެ ތާއީދާ އެކު ނުކުމެ ހުންނެވި ފައްޔާޒެވެ. ވެރިކަމުގައި އޮވެމެ ސަރުކާރާއި އެމްޑީޕީގެ ގުޅުން ހީނަރުވެ އާއްމު މެމްބަރުންނާ ވެސް ޕާޓީ ދުރުވެފައި އޮތީ ނުހިންގޭތީ ކަމަށް ފައްޔާޒްގެ ޓީމުން ބުނެ އެވެ.
ނަޝީދުގެ ފަޅިން އިންތިހާބުގައި ވާދަކުރައްވާ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި)ގެ ޓީމުން ކެމްޕޭންގައި ބޭނުންކުރަނީ "ތިލަފަތުގެ ރަމްޒު" ސްލޯގަން އެވެ. އެމްޑީޕީގެ އަސާސްތަކާ އެކު ޕާޓީ ކުރިއެރުވޭނީ އިންތިއަށް ކަމަށް އެ ޓީމުން އަންނަނީ ބުނަމުންނެވެ.
އަޅުގަނޑަކީ މިވަގުތު އެމްޑީޕީގެ ރައީސް. އެމްޑީޕީ ނުހިނގާ ކަމަށް ބުނަނީ ނަމަ އަޅުގަނޑު ދެކޭނީ އަޅުގަނޑު އެއްޗެއް ބުނަން ޖެހޭ ކަމަށް. -- ނަޝީދު
އިންތިގެ ފަޅިއަށް ބުރަވެވަޑައިގެން ނަޝީދުގެ ފާޑުވިދާޅުވުން ފައްޔާޒަށް މި އަމާޒުކުރެއްވީ ދެ ފަޅީގެ ކެމްޕޭނުގެ ވާދަވެރިކަން ބޮޑުވެފައި ވަނިކޮށެވެ. މި އިންތިހާބުގެ ފޯރިގަދައީ 2023 އަށް ޕާޓީގެ ކުރިމަގު ކަނޑައެޅުމުގެ އިދާރީ ކަންކަމުގައި ޗެއާޕާސަންގެ ދައުރު ބޮޑު ކަމުންނެވެ.
އިންތިހާބާ ގުޅުވައި ނަޝީދު ފޮނުއްވި މެސެޖްތަކުގައި ވިދާޅުވީ އެމްޑީޕީގެ ހިންގުމުގެ އެންމެ މައިގަނޑު ނިޒާމަކީ އެތެރޭގެ އިންތިހާބުތައް ކަމަށެވެ. ސިޔާސީ ޕާޓީއެއްގެ ހިންގުން އަމާޒުވާން ޖެހޭނީ އިންތިހާބު ކާމިޔާބު ކުރުމުގެ މައްޗަށް ކަމަށް ވާ އިރު އެކަމުގައި އެމްޑީޕީ ނުހިންގިފައި ނެތް ކަމަށް ވިދާޅުވި އެވެ.
މިސާލެއް ދައްކަވަމުން ވިދާޅުވީ 2017 އިން ފެށިގެން މިހާތަނަށް އެ ޕާޓީއަށް ގެއްލުނީ މި ފަހުން ބޭއްވި ކުރެންދޫ ކައުންސިލްގެ ރައީސް ހޮވުމުގެ ބައި އިލެކްޝަނެވެ. އެމްޑީޕީގެ މެޖޯރިޓީ ކައުންސިލާއި އަތޮޅު ކައުންސިލްގައި އޮއްވައި އެ އިންތިހާބު ކާމިޔާބު ކުރީ އިދިކޮޅު ޕީޕީއެމުންނެވެ.
އެ އިންތިހާބު އެމްޑީޕީއަށް ގެއްލުނީ ޗެއާޕާސަން ކަމުގެ ފަސް އަހަރުގެ ދައުރު ހެންވޭރު ހުޅަނގު ދާއިރާގެ މެމްބަރު ހަސަން ލަތީފަށް ހަމަވެފައި ވަނިކޮށް އިންތިހާބަކަށް ދާން ޖެހުމުން ކަން ވެސް ނަޝީދު ފާހަގަކުރެއްވި އެވެ.
"އިންތިހާބު ކާމިޔާބު ކުރުން ނޫން ކަމަކަށް އެމްޑީޕީ ހިންގާލާކަށް ނުޖެހޭ،" ނަޝީދު ވިދާޅުވި އެވެ.
"އަޅުގަނޑަކީ މިވަގުތު އެމްޑީޕީގެ ރައީސް. އެމްޑީޕީ ނުހިނގާ ކަމަށް ބުނަނީ ނަމަ އަޅުގަނޑު ދެކޭނީ އަޅުގަނޑު އެއްޗެއް ބުނަން ޖެހޭ ކަމަށް."
އިންތިހާބުތައް ކާމިޔާބުވުމާ އެކު ޕާޓީ ހިނގާ ކަން އެނގެނީ ނަޝީދު ވިދާޅުވި ގޮތުގައި މުޅި ރާއްޖޭގައި ފެންނަން ހުރި އެމްޑީޕީގެ ދިދަ އާއި ކުލަ އިންނެވެ.
އެ މަނިކުފާނު ވިދާޅުވި ގޮތުގައި ޕާޓީގެ އަޑާއި ކަންކަމުގައި ބަހުސްތަކަށް ހުޅުވި ކުރިއަށް ދިއުމާއި އެ ކަންކަމުގައި އާއްމު މެމްބަރުންގެ ބައިވެރިވުން އޮތުމަކީ ވެސް ޕާޓީ ހިނގަމުން އައުމެވެ.
"ޕާޓީ މިދަނީ އެކަން ކުރަމުން ކަމަށް އަޅުގަނޑު ދެކެނީ" ނަޝީދު ވިދާޅުވި އެވެ.
އެ މަނިކުފާނު ވިދާޅުވީ ގިނަ ޕާޓީތައް އެކުލެވޭ ނިޒާމެއް ރާއްޖެ ގެނެސް 30 އަހަރުގެ ހުދުމުހުތާރު ވެރިކަން ފުރޮޅާލީ ވެސް އެމްޑީޕީ ހިނގާތީ ކަމަށެވެ. ފުރަތަމަ ޑިމޮކްރެޓިކް އިންތިހާބު އެމްޑީޕީއަށް ކާމިޔާބުވީ ވެސް އެ ޕާޓީ ހިނގާތީ ކަމަށް ވިދާޅުވި އެވެ.
ނަޝީދު ވިދާޅުވީ އެމްޑީޕީގެ ފުރަތަމަ ވެރިކަން ބަޣާވާތްކޮށްގެން ވައްޓާލައި އެ މަނިކުފާނާއި ޕާޓީގެ އެތައް ބަޔަކު ޖަލަށް ލުމުން 2018ގައި އަލުން އަނެއްކާވެސް އިންތިހާބު ކާމިޔާބުވީ އެމްޑީޕީ ހިނގާތީ ކަމަށެވެ.
"އެމްޑީޕީ ކުރިއަށް އޮތް ތަނުގައި ވެސް ހިނގާނެ،" ނަޝީދު ވިދާޅުވި އެވެ.
އެ މަނިކުފާނު ވިދާޅުވި ގޮތުގައި ޕީޕީއެމާއި ޖޭޕީ އާއި އަދާލަތު ޕާޓީގެ އިތުރުން އިލެކްޝަންސް ކޮމިޝަން ވެސް ހިނގަނީ އެމްޑީޕީ ހިނގާތީ އެވެ.
ދެން ތަކުރާރު ކުރެއްވީ ޕާޓީއާ ގުޅޭ ގޮތުން އެ މަނިކުފާނު އަބަދުވެސް ވިދާޅުވާ ވާހަކަ އެވެ. އެމްޑީޕީއަކީ ހުރިހާ ކަނޑަކަށް ހެޔޮވަރު އޮޑިއެއް ކަމަށާއި ނުފެތޭނެ ކަމަށެވެ. ޕާޓީ ފަނޑުވެއެއް ވެސް ނުދާނެ ކަމަށް ވިދާޅުވި އެވެ.
ޗެއާޕާސަންގެ މި އިންތިހާބަކީ ރައީސް އިބްރާހިމް މުހައްމަދު ސޯލިހާއި ނަޝީދާ ދެމެދު ހިނގާ ފައިޓެއްކަން ކެމްޕޭނުގެ މަންޒަރުތަކުން ސާފުވެ އެވެ. އިންތިއާ އެކު ނަޝީދަށް ވަފާތެރި މަޖިލިސް މެމްބަރުން ކެމްޕޭންގައި ހަރަކާތްތެރިވާ އިރު ފައްޔާޒްއާ އެކު ތިއްބެވީ މަޖިލީހުގައި ރައީސް ސޯލިހްގެ ނިންމެވުންތަކަށް ތާއީދުކުރައްވަމުން ގެންދަވާ މެމްބަރުންނެވެ.
އަންނަ މަހުގެ 14 ގައި އޮންނަ އިންތިހާބުގައި 94,000 އަށް ވުރެން ގިނަ މެމްބަރުންނަށް ވޯޓުލުމުގެ ހައްގު ލިބިގެންވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުދުބެއްޔާ
05 May 2022
ޖަލްސާއެއް ނުބާއްވާ 3 އަހަރުވެގެން ދިއުމަކީ ހިންގުމުގެ ހަރުދަނާކަމެވެ.
ޙަބީބު
14 April 2022
30 އަހހހ ހަރުގެ ހުދުމުހުތާރު ވެރިކަންކުރީ ކާކުތޯ ނަޝީދޫ
ކިޔަމާކިޔަމާ
11 April 2022
30 އަހަރުގެ ހުދުމުހުތާރު ވެރިކަން ފުރޮޅާލި ގޮތަށް އެ ހުދުމުހުތާރު ވެރިއާގެ އަތުގަ ހިފައިގެން އެންމެ ފަހުން ވެރިކަން ލިބުނު ވާހަކަވެސް ދައްކާނަމަ. އަސާގަނޑެއްހެން ޖޭޕީއާ އަދާލަތާ ނުލާ އެއްފަހަރުވެސް ވެރިކަމެއް ނުލިބޭ. އެހާ ބޮޑަށް ހިނގާ ޕާޓީއެއްނަމަ އެއިން އަސައެއްގެ ބޭނުމެއް ނުޖެހޭނެ އަދި އަމުދުން ހުދުމުހުތާރު 30 އަހަރުގެ ބާނީ ގޮވައިގެން ނުއުޅޭނެ.
ޝެލަރީ
11 April 2022
އިންތި ދަމާފަހުރި ބެނާތަކުގަހުރިލިޔެފާ ޕާޓީ ހިންގާލުމައް، އިހުހުރި ފޯރި ގެނައުމައް، މިކަހަލަ ކިތައްމެ ވާހަކައެއް ތިމާއަކީ އެެއްމެ މޮޅުމީހާކަމައް ދެކުނީމާ ވާނީ، ދާނީ ޗޮކުން
ފައްޔާޒް ކޮއެ
11 April 2022
ތެދު ފުޅެއް އެމްޑީޕީ އަބަދުވެސް ހިނގާ. އިދިކޮޅުގަ އޮންނައިރު. ނުހިނގާތަން ފެންނަނީ ސަރުކާރު.
ާއުނިމާ
10 April 2022
ބަލަ ވެރިކަން ލިބުނީ ހިންގަންޖެހެނީ ސަރުކާރު، ޕާޓީއަކީ އޭގެ ފަހުގެ ކަމެއް! ސަރުކާރު ނުހިންގި ވައުދުތައް ނުފުއްދި ބަރިބަިޔަށް ޖަހާފަތަން މި ފެންނަނީ! ޢިބޫ، އަށް ފައްޔާޒަށް އެހެން މިނިސްޓރުންނަށްމިއުޅެނީ ނުހިންގިގެން! ކޮން ޕާޓީއެއް ހިންގޭތޯތަ މިއުޅެނީ ރައްޔިތުނަށް ވީ ވައުދުތައް ފުއްދޭތޯ އުޅެބަލަ، ފޮނި ބައިސާ ނުކަނޑާ
ޕޮލި
10 April 2022
ނުހިނގާކަމުގެ ހެއްކެއް އިންތި ދަމާފައި ހުރި ބެނާތަކުގައި ލިޔެފައި ހުރި ލިޔުންތަކުން ފެންނަން އެހެރީ
ލުލު
10 April 2022
ޕާޓީ ގެ ހަމައެކަނި މަގުސަދަކީ ރައްޔިތުން ނަށް އޮޅުވާލައިގެން އިންތިހާބުތައް ކާމިޔާބު ކުރުން ކަމުގާވެގެން ނުވާނެ .. އިންތިހާބު ކާމިޔާބު ކުރެވެނިީމަ ވީވައުދު ފުއްދާ ބަޔަކަށް ވާންޖެހޭ .. އަދި މިއުޅެނީ އެންމެ ސޯސިއަލު ހައުސިން ޔުނިޓެއްވެސް ނޭޅިގެން ވީމާ ހިންގާލަން އެބަޖެޙޭ ...2023 ފެށޭއިއު ވަރައް ހިގަންފަށާނެހެން ހީވޭ މީ 5 އަހަރުން އެއްއަހަރު ހިނގައިގަންނަ ގައުމެއް..
ފަޔާޒު
10 April 2022
އެމީހުން ޕާޓީއާ ނޫޅެ ސަރުކާރު ހިންގަންވީ. ދޮޅު އަހަރު ބާކީ އަދި ބޯހިޔާވަހި ކަމެއް ނުލިބެ
ޝީ
10 April 2022
ތިމާމީހާކިބައިގަހުރި އުނިސިފައެއްގެވާހަކަ މަދުމީހެއްނޫނީ ނުދައްކާނެތެވެ. އެމްޑީޕީވެސް، އަދި އެހެެންޕާޓީތައްވެސް އަބަދުވެެސް ހިންގަމުންގެންދާތަން ފެންނަނީ ވަރަށްވެސް ޚުދުމުޙުތާރުކޮށެވެ. އެއްވެސް ޕާޓީއަކުން ޢާންމުޖަލްސާއެއްބާއްވައި، އެޖަލްސާއެއްގައި މެންބަރުންގެޚިޔާލުހޯދައިގެން ގޮތެއްނިންމާތަނެއް ނުފެނެއެވެ. އަބަދުވެސްފެންނަނީ އެކިގޮތްގޮތަށް ލޮބީކޮށްގެން ޤައުމީމަޖިލީސް ގަނެލައިގެން ޚުދުމުޚުތާރުކޮށް ކަންކުރާތަނެވެ. ނަމުގައި ޑިމޮކުރަސީ!
ކޮރަލް
10 April 2022
އެމްޑިޕީ އުފެދުނީއްސުރެ އެ ޕާޓީގެ ރައީސް ކަމުގަ ހުރީ އެންމެ މީހެކެވެ. މައުމޫން ގެ ދިގު 30 އަހަރުގެ ވާހަކަ ދެއްކިއެވެ. އެވާހަކަ ދެއްކި މީހާ އަންނި ވެސް އެމްޑީޕީގެ ރައީސް ކަމުގަ ދިގު 30 ހަމަ ކުރަނީ އެވެ. އެހެން މީހަކަށް ޕާޓީ ހިންގުމުގެ ފުރުސަތު ދީބަލާށެވެ. ނޫނީ ޕާޓީ ތެރޭން ބަޔަކު ނިކުމެ އެހެން މީހަކަށް ޕާޓީގެ ރައީށް ކަން ދޭން ވީ އެވެ. އަންނި ވެސް ހުދު މުހުތާރު ވީ އެވެ.