އިންޑިއާގެ އެހީގައި އައްޑޫގައި ހަދާފައިވާ ޕޮލިސް އެކެޑަމީ ހުޅުވުމުގެ ރަސްމިއްޔާތުގައި ރައީސް އިބްރާހިމް މުހައްމަދު ސޯލިހާއި ފޮރިން މިިނިސްޓަރު އަބްދުﷲ ޝާހިދު، އިންޑިއާގެ އެކްސްޓާނަލް މިނިސްޓަރު އެސް ޖައިޝަންކަރާ އިރުތުން ސަރުކާރުގެ ބައެއް އިސްވެރިން ފޮޓޯއަށް ހުއްޓިގެން --. ފޮޓޯ: ރައީސް އޮފީސް
20 އެޕްރީލް 2022 - 12:36
16 comments
އައްޑޫގައި ހިންގާ ޕޮލިސް އެކަޑެމީ "އިންސްޓިޓިއުޓް އޮފް ސެކިއުރިޓީ އެންޑް ލޯ އެންފޯސްމަންޓް ސްޓަޑީޒް" ގައި މީހުން ތަމްރީނު ކުރަން އިންޑިއާ އިން ގެންނަ ޓްރެއިނަރުންނަށް ލިބޭނީ ހަމައެކަނި ލޮޖިސްޓިކަލް އެހީތެރިކަން ކަމަށާއި ހާއްސަ އިމްތިޔާޒުތަކެއް ނޯންނާނެ ކަމަށް ދިވެހި ފުލުހުންގެ އިދާރާ އިން ބުނެފި އެވެ.
އެ އިދާރާ އިން އެހެން ބުނީ، އެ އެކަޑެމީއާ ގުޅޭގޮތުން މައުލޫމާތު ހޯދައި ލިބިގަތުމުގެ ގާނޫނުގެ ދަށުން "ދިޔަރެސް" ނޫހުން ފޮނުވި ސުވާލުތަކަށް ފުލުހުން މިދިޔަ ހޯމަ ދުވަހު ދިން ޖަވާބުގަ އެވެ.
"ގެނެވޭނެ [ޓްރެއިނަރުންގެ] އަދަދު ކަނޑައެޅޭނީ ހިންގާ ތަމްރީނުގެ ބާވަތާއި ބޭނުންވާނެ ވަސީލަތަށް ބަލައި ދެ ފަރާތުގެ މަޝްވަރާގެ މަތިންނެވެ. މިގޮތުން ގެނެވޭ ޓްރެއިނަރުންނަށް ބޭނުންވާ ލޮޖިސްޓިކަލް އެހީތެރިކަން ދިނުން ފިޔަވައި ހާއްސަ އިމްތިޔާޒުތަކެއް ދިނުމަށް ކަނޑައެޅިފައެއް ނުވެ އެވެ،" ފުލުހުންގެ ޖަވާބުގައި ބުންޏެވެ.
ނަމަވެސް ފުލުހުން ބުނިގޮތުގައި، އިންޑިއާ އިން ޓްރެއިނަރުން ގެނައުމުގެ އުސޫލު އަދި ކަނޑައެއް ނާޅަ އެވެ. ޓްރެއިނަރުން ގެންނަން ހަމަޖައްސާފައިވަނީ ދެ ފަރާތުން މަޝްވަރާ ކޮށްގެން، ފުލުހުންގެ އިދާރާ އަށް މުވައްޒަފުން ތަމްރީނުކުރަން މުހިއްމު ދާއިރާތަކުގެ ތެރެއިން ތަމްރީނު ދިނުމަށް ބޭނުންވާ ގާބިލް ޓްރެއިނަރުން ލިބެން ނެތް ދާއިރާތަކަށް އިސްކަން ދީގެން ކަމަށް ފުލުހުންގެ ޖަވާބުގައި ވެ އެވެ.
އެކަމަކު، ރާއްޖެ އަށް އެއްފަހަރާ ގެނެވޭނެ ޓްރެއިނަރުންގެ އަދަދު، ދެ ގައުމުން ސޮއިކޮށްފައިވާ އެމްއޯޔޫގައި ބަޔާންކޮށްފައެއް ނުވެ އެވެ.
"ދިޔަރެސް" އަށް ފުލުހުން ދިން ޖަވާބުގައިވާ ގޮތުން މިދިޔަ މަހުގެ 27 ގައި ރައީސް އިބްރާހިމް މުހައްމަދު ސޯލިހު ހުޅުއްވައި ދެއްވި ޕޮލިސް އެކަޑެމީގެ އެމްއޯޔޫ ހާމަކުރެވޭނީ އިންޑިއާގެ ސަރުކާރުގެ އިއުތިޒާރެއް ނެތް ނަމަ އެވެ. ސަބަބަކީ އެމްއޯޔޫގައި ސޮއިކޮށްފައި ވަނީ އެ ގައުމާއެކު ކަމަށް ވާތީ އެވެ.
އެހެންވެ، އެމްއޯޔޫގެ ކޮޕީ ދޫކުރެވޭނީ އެ ފަރާތްތަކުން ދެކޮޅު ނުހަދާ ނަމަ ކަމަށް ދިވެހި ފުލުހުންގެ އިދާރާ އިން ބުނެ އެވެ.
އެމްއޯޔޫގެ ދަށުން އިތުރު އެއްބަސްވުންތަކެއްގައި ސޮއިކުރުމަށް ބަޔާންކޮށްފައި ނެތް ކަމަށް ފުލުހުން ބުންޏެވެ.
ޕޮލިސް އެކަޑެމީއަކީ އިންޑިއާގެ ސަރުކާރުން 18 މިލިއަން ޑޮލަރު ހޭދަކޮށްގެން ހަދާފައިވާ ތަނެކެވެ. އެހެންވެ، އެ ތަން ހިންގުމަށް އިންޑިއާގެ ފުލުހުން ތިބޭނެ ކަމަށް އިދިކޮޅު ފަރާތްތަކުން ދަނީ ތުހުމަތު ކުރަމުންނެވެ. ނަމަވެސް އެކަން ދިވެހި ސަރުކާރުން ދޮގުކުރެ އެވެ.
ޕޮލިސް އެކަޑެމީގެ އެމްއޯޔޫގައި ވާ ގޮތުން، އެމްއޯޔޫގެ މުއްދަތަކީ ފަސް އަހަރެވެ. އޭގެ ފަހުން ދެ ފަރާތް އެއްބަސްވާ ނަމަ އިތުރު ތިން އަހަރަށް އެމްއޯޔޫ އަށް އަމަލު ކުރެވިދާނެ އެވެ.
ޕޮލިސް އެކެޑެމީގެ މަސައްކަތް ފަށާފައިވަނީ އިންޑިއާގެ ސްރީ އަވަންތިކާ ކޮންޓްރެކްޓާސް ލިމިޓެޑުން، ކުރީގެ ރައީސް އަބްދުﷲ ޔާމީންގެ ވެރިކަމުގައި 2017 ގަ އެވެ. އެ ތަން ހުޅުވާފައިވަނީ މިދިޔަ މަހުގެ ފަހުކޮޅު އައްޑޫގައި ބޭއްވި ރަސްމިއްޔާތުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިޔަރެނދު
20 April 2022
" ޕޮލިސް އެކެޑެމީގެ މަސައްކަތް ފަށާފައިވަނީ އިންޑިއާގެ ސްރީ އަވަންތިކާ ކޮންޓްރެކްޓާސް ލިމިޓެޑުން، ކުރީގެ ރައީސް އަބްދުﷲ ޔާމީންގެ ވެރިކަމުގައި 2017 ގަ އެވެ. " ދެން އެހެންވީމަ، މިއީ ޔާމީން ރައީސް ގެ ސަރުކާރުން އިންޑިޔާ މީހުނާ ހާވާލުކުރިކަމެއްތާ. ދެން ސޯލިޙް ގެ ސަރުކާރާ ދިމާލަށް ކޮންހާ ހާސަރުތަކެއް މިބަޔަކު މިގޮވަނީކީ.
ބޭހޭކިޔާ
20 April 2022
އިދިކޮޅޭމެން ގޮވި މިލިޓަރީ ބޭސް އަތަށްގޮވީމަ އަނެއް ގޭސްގަނޑު އަބުރަން އުޅޭނެކަމެއްނެތް. ކަލޭމެން އައުޓު ގޮވަމުން ދުވެނަގަނީ ދައުލަތުގެ ފައިސާގައި ޖެހިފައިތިބި މީހުން އިންސާފުން ރެކެން އެހީތެރިވެ ދިނުމަށްޓަކައި.
ސީޒަން ޖެކުހަން
20 April 2022
އިންޑިޔާމީހަކު ކުއްވެރިވެއްޖިއްޔާ އެމީހަކުދޫކޮށްލަން އިންޑިޔާއިން އަމުރުކޮށްފިއްޔާ ޖެހޭނީ ދޫކުރަން. އެމީހާ ޖަލުގާއޮތަސް ޖެހޭނީ ޖަލުން ނެރޭން. އެއީ ދިވެހިން އިންޑިޔާއަށް އަދާކުރަންޖެހޭ އަގަކީ.
ޝަފީރު
20 April 2022
ލޮޖިސްޓިކް ސަޕޯރޓްގައި އައިސް ތިބޭނީ ކިތައް މީހުންކަމެއް ޓްރޭނިންގައި ބޭނުންކުރަންގެންނަނީ ކޮންބާވަތެއްގެ ހަތިޔާރެއްކަމެއް އެހަތިޔާރު ގެނެސްފައި ބަހައްޓާނެ މިންވަރެއް މިއެއްބަސް ވުމުގައިނެތް. އަދި މިއެއްބަސްވުމުގެ ދަށުން ދިވެހިސިކިއުރިޓީ ފުލުހުންނަށް އެތަނަށް ވައްދާ އެއްޗެއްގެ އެންޓްރީ ކޮށްލުމެއް ބަލާލުމުގެ ހުއްދައެއްވެސްނެތް. ނަޝީދުގެ ޜޭވުމުގެ ދަށުން ޢަބްދުﷲ ޝާހިދު ހިންގި ޣަދަރުވެރި އެއްބަސްވުމެއް.
ކޮރަލް
20 April 2022
ތިއޮއް ބޮޑު އެކަޑެމީގަ ހުރި އިންޑިޔާ މީހުންގެ އަދަދާ އަދި ޓްރޭނިންގް ހަދަން ހުރި މީހުންގެ އަދަދު ހާމަ ކޮށްލަ ބަލާށެވެ.
މުރަކަ
20 April 2022
ރާއްޖޭގެ ހޮސްޕިޓަލް ތަކުގައި ތިބި އިންޑިޔާ ޑޮކްޓަރުން ނަރުހުން އަދި ލެބޯޓްރީ އެކްސްރޭ ޓެކްނިޝަނުންނާއި ސްކޫލްތަކުގައި ތިބި ޓީޗަރުންނާއި ބެންކް ތަކާއި ރިސޯރޓް ތަކުގައި ތިބި އެކައުންޓެންޓުންގެ އަދަދު ވެސް ހާމަކޮށްލަން އެދިބަލަ. އަހަރުމެން ދިވެހިން މިއުޅެނީ ރުކަށް އަރައި ދޭނެ މީހަކު ނުވެގެން. ދޯނީގައި މަހަށް ގޮސްދޭނެ މީހަކު ނުވެގެން. އެކަންކަން ރަނގަޅުކުރެވޭތޯ އުޅެނީ ކޮންއިރަކުންތޭ؟
އުދުހޭ
20 April 2022
ޓްރޭނަރުންގެ ގޮތުގައި އާދެވޭނެ އަދަދެއް ނެތިއްޔާ އައްޑޫގެ އާބާދީއާ އެއްވަރުގެ އަދަދެއްވެސް އައުމަކަށް ހުރަހެއް ނެތް ދޯ؟
ގައްލީށާ.
22 April 2022
އުދުހޭއަށް ކޮން ކަމެއް . އަހަރުމެން އައްޑޫ މީހުން ނޫޅޭ މިސިޓީގައި އިންޑިޔާ ރައްޔިތުން ގިނަވެ ކަންބޮޑު ވެގެނެއް. ކަލޭމެން މާދުރު ރަށެއްގައި އަރާމުގައި ތިބި ބަޔަކަށް ކޮންކަމެއްތަ ؟
އަލް އުސްތާޒު
20 April 2022
ކުރީގެ "ހަވީރު" އަދި މިހާރުގެ "މިހާރު" ނޫހުން ވަނީ ޤައުމަށް ބޭނުން ޖެހިފައިވާ މުހިންމު ކަންކަމުގައި މުހިންމު އިންވެސްޓިގޭޝަން ބޭސްޑް ޖާނަލިޒަމެއް ކުރިން ކޮއްފަ. މި ޤައުމަށް ލޯތްބެއް ހުރިނަމަ ވަކި ކޮޅަކަށް ބުރަނުވެ އިންޑިއާގެ ނުފޫޒާ އެމީހުންގެ ހަން ފަތުރަން އެޤައުމުގެ ނޭޝަނަލިސްޓް ކަނާތު ވިންގުގެ ޕާޓީއެއް ކަމަށްވާ "ޕީޖޭޕީ" އާއި އެމީހުންގެ ފަރާތުން ރާއްޖެ ކަހަލަ މުސްލިމު ޤައުމަކަށް ހުރި ނުރައްކަލާ ފައިދާގެ އާޓިކަލްތައް ގެނެސްދީބަލަ
އަލް ކުރެދި
20 April 2022
އެއަށްވުރެ މުހިއްމު ސްޓީލިންގެ ޕެރަޑައިސްގެ ހަގީގަތް ހޯދައި ރައްޔިތުންނަށް ހާމަކުރިއްޔާ. އިންޑިއާގައި 200 މިލިއަން މުސްލިމުން އުޅޭ. ރާއްޖޭގައި ގިނަވެގެން އުޅޭނީ ބައި މިލިއަން.
ހަފްތާ
20 April 2022
"ހަފްތާ" ނަގަން ދަސްކޮށްނުދީފިއްޔާ ކަލާކޯ!
ޤައުމު ވިކިފަ
20 April 2022
ކޮންމެ ދުވަހަކުވެސް އަޑުއިވެނީ ކޮންމެވެސް އިންޑިއާ ބަޔަކަށް ކޮންމެވެސް ކަމެއް ހަވާލުކުރާ ވާހަކަ. މި ޤައުމުގަ ނެތީތަ އެކަން ކުރަވޭނެ ފެންވަރުގެ މީހުން ނުވަތަ އިންޑިއާ ނޫނީ އެހެން ޤައުމެއް ނެތީތަ ކަމެއް ކޮށްދޭނެ.
ސަސ
20 April 2022
ލޮޖިސްޓިޖް ސަޕޯރޓްދޭން އައިސްތިބި ސިފައިންގެ ކިބައިން ސަލާމަތް ނުވެގެން މި އުޅެނީ.
ސުބެސްޓިން
20 April 2022
ކިހިނެއް ސަލާމަތް ނުވާ ވާހަކަތަ ކަލޯ އެމީހުންގެ ފަރާތުން ދިވެހިންނަށް ވެފައި އޮންނާނީ ފައިދާއެއް ބޮޑު ސޮހޮލަކު އެއްރެއަކު ނިދިންހޭލި ގޮތަށް އިންޑިއާ އައިޓޭ ގޮވަންފެށީ އެމީހުންގެ ފަރާތުން އުނދަގުލެއް ގެއްލުމެއްވާތީއެއް ނޫން އެއީ އޭނާގެ ސަޕޯރޓް އިތުރުކުރަން 2023 އަށް ކުރާ ކެމްޕޭނެއް