އިއްޒުއްދީން ސްކޫލް: އެތަން ބޭނުންކުރުން ހުއްޓުވުމުގެ އަމުރެއް ނުދެވޭނެ ކަމަށް ހައި ކޯޓުން ވަނީ ނިންމާފައި --- ފޮޓޯ/މިހާރު
10 ޖުލައި 2022 - 09:04
13 comments
އިއްޒުއްދީން ސްކޫލް ހިންގަމުންދާ ކުރީގެ އެމްއީއެސް އިމާރާތް ބޭނުންކުރުން ހުއްޓުވަން މަންދު ކޮލެޖް ހިންގާ މާލޭ ހައި ޕްރައިވެޓް ލިމިޓެޑުން އެދުނަސް، އެފަދަ އަމުރެއް ނެރެދެވެން ނެތް ކަމަށް ހައި ކޯޓުން ނިންމައިފި އެވެ.
ކުރިން މަންދު ކޮލެޖް ހިންގި ކުރީގެ އެމްއީއެސް އިމާރާތް މާލެ ހައި ކުންފުންޏަށް ސަރުކާރުން ދޫކޮށްފައި ވަނިކޮށް 2015 ވަނަ އަހަރު އެތަން އަތުލީ ގޯސްކޮށް ކަމަށް ހައި ކޯޓާއި ސުޕްރީމް ކޯޓުން ވެސް ކުރިން އޮތީ ނިންމައިފަ އެވެ.
އެ އިމާރާތް އަލުން ހޯދުމަށާއި ލިބުނު ގެއްލުމުގެ ބަދަލު ހޯދަން އެ ކުންފުނިން ސިވިލް ކޯޓުގައި ދައުވާ ކުރުމުން އެ ކޯޓުން މިދިޔަ ފެބްރުއަރީ މަހު ނިންމީ އެތަން އެ ކުންފުންޏާ ހަވާލު ނުކުރެވޭނެ ކަމަށެވެ. އެތަނުގައި އިއްޒުއްދީން ސްކޫލް ހިންގަން ފެށީ 2019 ވަނަ އަހަރުން ފެށިގެންނެވެ.
ސިވިލް ކޯޓުގެ ނިންމުން އިސްތިއުނާފް ކުރުމަށްފަހު މާލެ ހައި ކުންފުނިން ހައި ކޯޓުގައި އެދުނީ އެ މައްސަލަ ނިމެންދެން އެ އިމާރާތް އެއްވެސް ކަމަކަށް ބޭނުން ނުކުރުމަށާއި އަދި އިއްޒުއްދީން ސްކޫލްގައި މިހާރު ކިޔަވަމުންދާ ދަރިވަރުންގެ އިތުރުން އިތުރު ދަރިވަރުން އެންރޯލް ނުކުރުމުގެ ވަގުތީ އަމުރަކަށެވެ.
ހައި ކޯޓުން މިދިޔަ ބުރާސްފަތި ދުވަހު ނިންމި ނިންމުމުގައިވަނީ އެ އިމާރާތް ބޭނުންކުރުން ހުއްޓުވުމުގެ އަމުރެއް ނެރެފިނަމަ އެތަނުގައި މިހާރު ހިންގަމުންދާ އިއްޒުއްދީން ސްކޫލުގެ ދަރިވަރުންނާއި މުވައްޒަފުންނަށް ލިބޭނެ ގެއްލުމުގެ ފުރުސަތު މާ ބޮޑު ކަމަށެވެ. އަދި އެ އަމުރު ނުނެރުނަސް، މާލެ ހައި ކުންފުންޏަށް އިއާދަ ނުކުރެވޭނެ ގެއްލުމެއް ލިބިދާނެ ކަމަށް ނުބެލެވޭ ކަމަށް ތިން ފަނޑިޔާރުންގެ އިއްތިފާގުން ނިންމެވި އެ ނިންމުމުގައިވެ އެވެ.
އިސް ފަނޑިޔާރު ހާތިފް ހިލްމީގެ އިތުރުން އެ މައްސަލަ ބައްލަވާ ބެންޗުގައި ދެން ތިއްބަވަނީ ފަނޑިޔާރު މުހައްމަދު ފައިސަލް އަދި ފަނޑިޔާރު ފާތިމަތު ފަރުހީޒާ އެވެ. ބެންޗުގެ ރިޔާސަތަކީ އިސް ފަނޑިޔާރު ހާތިފެވެ.
އެމްއީއެސް އިމާރާތް އަތުލި މައްސަލާގައި މާލެ ހައި ކުންފުންޏަށް 15 މިލިއަން ރުފިޔާގެ ބަދަލެއް ކުރިން ވެސް ދިނެވެ. އެއީ އެމްއީއެސް އިމާރާތުން މަންދު ކޮލެޖް ބޭރުކޮށްލުމުން އެހެން އިމާރާތެއްގައި އެތަން ހިންގަން ހަރަދުވި ފައިސާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުއިއްޒު
11 July 2022
ބޯގަންވިލާ އަށް ހިބައިން ގައުމު ހަވާލުކޮށްބަލަ ހިތްފުރޭތޯ. މިއީވާ ކަމެއް.
ބަދަލުބޯގީ
11 July 2022
ބަދަލު ހޯދައިގެން ކައިބޮއި އުޅޭ ބޭޅެއް ލޮލް
ހޭބުއްދި
11 July 2022
މި އިބުރާގެ ބަދަލު ހޯދުން މީއަޅެ ނުނިމޭ ކަމެއްތަ؟ މަސައްކަތް ނުކޮއް ލާރި ބޭނުންވަނީ އުތަ؟
ެަެރަދުން
11 July 2022
މީ ޖެހިފައިއޮތް މުސީބާރެއް މި ޤައުމަށް.
ވަގުމީދާ
10 July 2022
އެކި މީހުން ވައްކަން ކުރާނީ އެކި ގޮތަށް
ކަކުނިބޯ
10 July 2022
15މިލިޔަން ހުސްވީތަ؟ 15ވމިލިޔަނަކީ އަމިއްލައިމާރާތެއް އަޅާހާފައިސާ ހުޅުމާލެއިން ބިންގަނެގެންވެސް އެޅޭނެ އެތަނުގައި ކޮލެޖް އަޅަން ވަކިންހާއްސަކޮށްފައި ބިން އެބަހުރި. ޤައުމު ދަވާލަނީ ޤައުމުދެކެ ލޯބިވާވަރުން
ބޮޑޭ އަހައްމަދު
10 July 2022
މުޅި ސަރުކާރު ދަވާލައިގެންވެސާ ބޯގަންވިލާ ފެމިލީއަށް ނުފުދިގެންދޯ ތިޔައުޅެނީ އިބްރާހިމާ !
thayyib
11 July 2022
ބޯގަންވިލާ އަކީ މަނީހެއިސްޓުގެ އަޑީ ދައުލަތް ކަލޯ
އާތިފާ
10 July 2022
މިފަސްއަހަރު ނިމިގެން މިދަނީ މިމަންދުކޮލެޖަށް ދައުލަތުން ފައިސާދީ އަދިވެސް ގެއްލުން ފޫބައްދައިދޭން.
ފޫހި
10 July 2022
ޢިބުރާގެ ތަރިކަ މުދާތަ? ލަދުހަޔާތުގެ ކަންފުޅެއްވެސްނެތް.
އަލިފުޅު1111
10 July 2022
ކޮންފަދަ ކަމެއްތަ؟؟ އިބްރާވެސް އަމިއްލަ މަސައްކަތުން ފައިސާހޯދައިގެން އުޅުމަށް ގޮވާލަން. ދިވެހި ދައުލަތުން ތިޔަކަމަށް މިހާރުވެސް ބިލިޔަނެއްގެ ރުފިޔާ ހޯދައިގެން ކައިފި. ބަލަ އެއިމާރާތަކީ ދިވެހި ދައުލަތުން ހެދިތަނެއް. ދައުލަތުގެ ބިމެއް. 2012ގަ ކަރަޕްޝަންގެ ތެރެއިން ކުއްޔަށްދިން ބޭނުމަށްވެސް އެއްކަމެއްނުކުރުމުން އެ އެގްރީމަންޓާވެސް ޚިލާފްވެގެން އެތަންނެގީ. ބައިރުފިޔާއެއްވެސް ދައުލަތުންދޭކަށް ހައްޤެއްނޫން.