ލަންދޫ ބޯޓު އަޑިއަށް، ބޯޓުގައި ތިބި 30 މީހުން ގާފަރަށް ގެންގޮސްފި

ނ. ލަންދޫ ބޯޓު، ކ. ގާފަރު ފަރަށް އަރައި، އަޑިއަށް ދަނީ -- ފޮޓޯ: ޒަހީން އަބްދުﷲ

އިފްރާޒް އަލީ، މިހާރު

31 އޯގަސްޓް 2022 - 13:03

މާލެ އިން ފުރައިގެން ނ. އަތޮޅަށް ދަތުރުކުރަނިކޮށް، މިއަދު ހެނދުނު ފަރަށް އެރި ލަންދޫ ބޯޓުގައި ތިބި މީހުން ކ. ގާފަރަށް ގެންގޮސްފައިވާ ކަމަށް އެމްއެންޑީއެފުން ބުނެފި އެވެ.

އެ ބޯޓު ގާފަރު ފަރަށް އަރައި، ދިޔަވި ކަމުގެ ރިޕޯޓް ލިބުނީ މިއަދުގެ ހެނދުނު 11 ޖަހާކަށް ހާއިރު ކަމަށް ސިފައިން ބުންޏެވެ.

"ފަރަށް އެރި ދޯންޏަށް އެހީތެރިކަން ފޯރުކޮށްދިނުމުގައި ގާފަރު މީހުންގެ އިތުރުން އެ ސަރަހައްދުން ދަތުރުކުރަމުންދިޔަ އެހެން އުޅަނދުތައް ވެސް އަންނަނީ ހަރަކާތްތެރިވަމުން. ކޯސްޓްގާޑުން މިހާރު އަންނަނީ އެ ސަރަހައްދަށް ދަތުރުކުރަމުން،" ސިފައިން ބުންޏެވެ.

ގާފަރު ކައުންސިލުގެ މެމްބަރު މުހައްމަދު ސައްމާން "މިހާރު" އަށް ވިދާޅުވީ އެ ބޯޓުން ދަތުރުކުރި 30 މީހުން އެ ރަށަށް މިހާރު ގެންގޮސްފައިވާ ކަމަށެވެ. އެ އެންމެން ހާލު ވެސް ރަނގަޅު ކަމަށް ވިދާޅުވި އެވެ.

"ދެ ބިދޭސީން ފިޔަވައި އެ ބޯޓުގައި ތިބީ ހުސް ދިވެހިން. އެންމެ އަންހެނެއް. އެއީ ކުޑަކޮށް ބަލި މީހެއް ވީމާ މަރުކަޒަށް ގެންގޮސްފައި ވަނީ. އެކަމަކު ހާލު ހަމަ ރަނގަޅު،" އޭނާ ވިދާޅުވި އެވެ.

ސައްމާން ވިދާޅުވިގޮތުގައި، ގާފަރުގައި އެ މީހުންނަށް ތިބޭނެ ތަންތަން ވެސް މިހާރު ވަނީ ހަމަޖައްސައިދީފަ އެވެ.

ސޯޝަލް މީޑިއާގައި އާންމުވެފައިވާ ވީޑިއޯތަކުން ފެންނަ ގޮތުގައި އެ ބޯޓުގައި ގިނަ އަދަދެއްގެ ގޭސްފުޅިތައް ހުއްޓެވެ. އެ އެއްޗެހި އޮޔާ ދާތަން ވީޑިއޯ އިން ފެނެ އެވެ. ގާފަރުގެ މަސް ދޯންޏަކުން އެ އެއްޗެހި ނެގުމުގެ މަސައްކަތް ކުރަމުން އަންނަތަން ވެސް ފެނެ އެވެ.

ލަންދޫ ބޯޓު ފަރަށް އެރިއިރު، މި ދުވަސްވަރު ރާއްޖޭގެ މޫސުން ވަރަށް ބޮޑަށް ގޯސްވެފައި ވާތީ ކަނޑުދަތުރުފަތުރު ކުރުމުގައި ސަމާލުވުމަށް ކަމާބެހޭ އިދާރާތަކުން ވަނީ އިލްތިމާސްކޮށްފަ އެވެ.

މެޓް އޮފީހުން އެންމެފަހުން ބުނި ގޮތުގައި މިއީ މުޅި ރާއްޖެ އަށް ވެސް ވިއްސާރަކޮށް، ކަނޑުތައް ގަދަވާނެ ހަފުތާއެއް ކަމަށް ލަފާކުރެވެ އެވެ.

އެމްއެންޑީއެފް ފަރަށް އެރުން ކ. ގާފަރު ނ. ލަންދޫ ދިވެހި ސިފައިން

17 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާލުބަލާ

01 September 2022

ދެން އެ ބޯޓުން ގެންދަންވީ ތަކެތި ކަނޑުވެ ގެއްލުނީމަ ރަށްތަކުގެ މީހުން ހާލުގަ ޖެހޭތޯ ނުޖެހޭތޯ ބަލަން އެނގޭވަރުގެ ބަޔަކު ސަރުކާރުގަ އެބަ ތިބިބާ. ވިއްސާރަވެލާއިރަށް ރަށްތަކުން ކާޑު ހުސްވާނެ. ކައުންސެލަރުންތައް ހޮވިއެއް ކަމަކު އިންތިޒާމެއް ކުރެވިފައެއް ނޯވޭ މޫސުން ސަކަރާތްވެލާއިރަށް ރަށްރަށު މީހުން ބަނޑަށްޖެހޭވަރުވެފަ އޮންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިޝީ

01 September 2022

ރޯމާ ދުވާލުގައި އިންޖީނު ނުހުއްޓެނީސް ފަރަށް އަރާނީ ކައްޕިގެ ފަރުވާކުޑަކަމުންނޭ ބުނެވޭނެ ޖާގަ އޮންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙދ އަތޮޅު ހޮޅު އަށިން

01 September 2022

ބޯޓުގެ ކަ އްޕި އެގޮތަ އް ކަންކުރީ ދިޔަވާ ވަރުން އޮބިނޯވެގެން ފުންކަނޑަ އް ދިޔަނުދިނުމަ އް މިހާރު މި އޮތް ގޮތުން ބޯޓު ބޮޑުމަރާމާތަކުންވެސް ބޭނުން ކުރެވޭނެތީ މާތްﷲ ތިޔަފަރާތުގެ ހިތްނުތަނަވަސްކަން ދުރުކުރަ އްވާ ފާފަ ފު އްސަވާށި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮގުބާ

01 September 2022

ނުހައްގުން މައިންބަފައިންގެ މުދާ ބޭނުންކުރާ އެހެންމީހުންނަށް އިބުރަތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

31 August 2022

ރުކާއި ގަސް ވެއްޓޭ ވަރަށް ވައިގަދަ ވިޔަސް ކަނޑަށް ނުކުންނަ މީހުން އެބައުޅޭ. ހިތަކަށް ނާރާ ތިމާ ދުއްވާ އެތިގަނޑަކީ އެހެން ބަޔަކު 10 އަހަރު ދުއްވާފައި ބާ ވީމަ ދަވާދު ލާފައި ވިއްކާފައި އޮތް އެތިގަނޑެކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

01 September 2022

ވިއްކާލަނީ 10 އަހަރުނު ފުރުނު ދުވަހުގެ 7 ދުވަސް ފަހުން ދެއްތޯ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުކުނުއްޒަމާން

31 August 2022

ތިޔަ ދާން އޮތް ތަނަށް ސަލާމަތުން ދެވުނުނަމަ ކައްޕި ގޮލާ ރަނގަޅަށް ދުފާލައިގެން ރަށު ހޮޅުއަށީގަ ނިކަން ކަރާ ފެޅީސް އަހަރުމެންނާ ނުކުޅެވޭނޭ ދެ ވިލާގަނޑު ދޭތެރޭ އޮންނާނީ ބަޗައިފައޭ ކިޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮނީ

31 August 2022

އެބަ އަޑުއިވޭ ބޯޓް ދިޔަވާންފެށުމުން އެނޫންގޮތެއް ނެތިގެން ފަރަށް އަރުވާލީއޭ. މިހާ މޫސުން ގޯސްއިރު މާލެ ބަނދަރުން ނިކުތުމުގެ ކުރިން ބޭސިކް ސީ ވޯތިނަސް ޗެކަޕުކުރޭބާ؟ ގައިމު ފުރިހަމަ މޮނީޓަރިން ހަދާނަމަ މިކަހަލަ ހާދިސާ މެދުވެރިވުނުން ދުރުވާނެކަންނޭގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

31 August 2022

މިހާ ގަދަ އިރު ކާށިދޫކަނޑު އަދި ބަރަވެލި ކަނޑުގަ ދުއްވުން އެއީ ރައްކާތެރިކަމެއް ނޫން. 2008 ވަނަ އަހަރު އަހަރެން ނޫނު އަތޮޅަށް "މީރާޒް ބޯޓް""ގަ ކުރި ދަތުރެއްގަ ވަރަށް ކަނޑުގަދަވި.ބޯޓުގަ ތިބި ގިނަ ކަނބަލުންނާއި ކުޑަކުދިން ތިބީ ބިރުން ރޯން.އަހަރެންވެސް ވަަރަށް ބިރުގަތް.ބޯޓް ހީވީ ދެންމެ ދެންމެ ބަންޑުން ޖަހާލަފާނެހެން.ބޯޓުގެ ކައްޕިވެސް ބުނީ ކިރިޔާޔޯ ސަލާމަތުން އާދެވުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުދުބެއްޔާ

31 August 2022

އެބުނީ 36 ބަންގާޅީންނާ 12 ދިވެހިންނޭ. ބަންގާޅުންނަކަށް އެތެރެވަރިއެއް ނޭގޭނެ ދޯ.އަންނަނީކޮނއސްޓްރަކްޝަން މަސައްކަތަށް. ކުރަނީ ކައްޕިކަން.އިންނަނީ ދިވެހި އަންހެނުންނާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދ

31 August 2022

ނޫސްވެރިންގެ މޮޅުކަމުން މިހާރު ތެދެއް ދޮގެއް އޮޅުމަކުން ނުފިލާ. އެއްނޫހެއްގައި އޮތީ މާލެއަށް އަންނަނިކޮށް ފަރަށްއެރިވާހަކަ. އަނެއްނޫހެއްގައި މިއޮތީ މާލެއިންފުރާގެން ރަށަށްދަނިކޮށް ފަރަށް އެރި ވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

- ނޫން

31 August 2022

ދަތުރުވެރިންގެ މުދަލަށް އެއްވެސް ވަރަކަށް ނުބަލާ ބައެއްތީ. ފޮށިގަނޑެއް އެއްޗެއް ނުގެއްލޭ ފަހަރެއް ނުދޭ. އެކަމު ބަދަލުވެސް ނުދޭ. ވަރަށް ރުންކުރުކޮށް ޑީލްކުރަނީ. ތިޔަ ހިތާމައިގަ ބައިވެރިވަން.