ޚަބަރު / ރައީސް އިބްރާހިމް މުހައްމަދު ސޯލިހް

ގޭންގުތަކާ ދެކޮޅު މަސައްކަތް މަގުތަކުން ފެންނާނެ: ރައީސް

ލ. ގަމުން، އާސިމާ ނިޒާރު، މިހާރު

12 ސެޕްޓެމްބަރ 2022 - 22:00

މާލޭގައި ހަރަކާތްތެރިވާ ގޭންގުތަކާ ދެކޮޅަށް ސިފައިންނާއި ފުލުހުން ގުޅިގެން ކުރާ މަސައްކަތުގެ ނަތީޖާ މަގުތަކުން ފެންނަ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.

މި ރަށުގައި ބޭއްވި ވިއަވަތި ކޮންފަރެންސް ނިންމުމަށްފަހު ނޫސްވެރިންނާ އެކު ބޭއްވެވި ބައްދަލުވުމުގައި "މިހާރު"ން ކުރި ސުވާލާ ގުޅިގެން ރައީސް ވިދާޅުވީ މާލޭގެ މަގުތަކުގައި އާއްމުންގެ ސަލާމަތާއި ރައްކާތެރިކަމާ ގުޅޭ މައްސަލަ އެބަހުރި ކަމަށެވެ. ނަމަވެސް، ފާއިތުވި 4-5 އަހަރާ އަޅާބަލާއިރު މަގުތަކުގެ ސަލާމަތަށް ބަދަލުތަކެއް އައިސްފައިވާ ކަމަށް އެ މަނިކުފާނު ވިދާޅުވި އެވެ.

އާއްމުންގެ ގިނަ ކަންބޮޑުވުމެއް އޮތް މި މައްސަލަ ހައްލުކުރުމުގެ ފުރަތަމަ މަރުހަލާގައި، ރައީސް ވިދާޅުވީ، އެ ގޭންގުތައް އެއްވެ އުޅޭ މަގުތައް ސިފައިންނާއި ފުލުހުން ބެލެހެއްޓީ ކަމަށެވެ.

"ކޯނާތަކުގައި ސިފައިންނާއި ފުލުހުން ތިބެގެން އެ ހަރަކާތްތައް ހުއްޓުމަކަށް ގެނައީ ފުރަތަމަ ކަމަށް. އެކަން ކޮންމެ ވެސް ވަރަކަށް ކުރެވިއްޖެ. ގޭންގު ޓާސްކް ފޯހުގެ މިދިޔަ ހަފުތާގެ ބައްދަލުވުމުގައި ފުލުހުން ދިން ޕްރެޒެންޓޭޝަންގައި ބުނީ މިހާރު އެ މީހުންގެ ސްޓްރެޓަޖީ ބަދަލުކުރޭ. މިހާރު އެ ތަނުގައި، ކުރިން ތިބޭ ތަންތަނުގައި ނުތިބޭ. އަޅުގަނޑުމެންނަށް އެންމެ ފުރަތަމަ ހުށަހެޅުނު ކަރުދާހުގައި ވެސް އޮތް މިގޮތަށް މަސައްކަތް ފެށީމަ އެ މީހުންގެ ހަރަކާތް ބަދަލުކުރާނެއޭ،" ރައީސް ވިދާޅުވި އެވެ.

ވިއަވަތި ކޮންފަރެންސް ނިންމާލުމަށް ބޭއްވި ރަސްމިއްޔާތުގައި ރައީސް އިބްރާހިމް މުހައްމަދު ސޯލިހު ވާހަކަދައްކަވަނީ -- ފޮޓޯ: ރައީސް އޮފީސް

އެ މަނިކުފާނު ވިދާޅުވީ އެ ގޭންގުތަކުން މިހާރު އެހެން ތަންތަނަށް ބަދަލުވެ، އެ މީހުން ކަންކުރާ ގޮތް ވެސް ބަދަލުކޮށްފައިވާ ކަމަށެވެ. އެހެންވެ، ސިފައިންނާއި ފުލުހުން ވެސް ދެން ޖެހޭނީ އެ ބަދަލާ ދެކޮޅަށް މަސައްކަތް ކުރަން ކަމަށާއި އެކަން ރާވައިގެން ކުރިއަށްދާކަން ފާހަގަކުރެއްވި އެވެ.

ގޭންގުތަކާ ދެކޮޅަށް ފުލުހުންނާއި ސިފައިން މަސައްކަތްކުރަމުން ދާއިރު، މިދިޔަ ހުކުރު ދުވަހުގެ ހެނދުނު ވަނީ ހެންވޭރުގެ ގްރޫޕަކުން ޑްރަގް އެންޑް އެންފޯސްމަންޓް ޑިޕާޓްމަންޓް (ޑީއީޑީ) ގެ ތިން ފުލުހަކަށް ހަމަލާދީފަ އެވެ.

ރައީސް ވިދާޅުވީ އެފަދަ ހަމަލާއެއް ކުރިމަތިވިއަސް މިހާރު އެކަންކަން މަދު ކަމަށެވެ. އަދި ކަމާގުޅޭ އިދާރާތަކުގެ އޮޕަރޭޝަން އޮތީ އެ ފަދަ ހަމަލާއަކާ ގުޅިގެން ހުއްޓާލާ ގޮތަކަށް ނޫން ކަމަށް ވިދާޅުވި އެވެ.

"އިރާދަކުރެއްވިއްޔާ [އޮޕަރޭޝަން] ކުރިއަށް ގެންދާނަން،" އެ މަނިކުފާނު ވިދާޅުވި އެވެ.

ގޭންގުތަކުގައި އުޅޭ މީހުން ބަންދުކުރުމަށް ފާއިތުވި އަހަރުތަކުގައި ޖަލުގެ ކެޕޭސިޓީ ބޮޑުކޮށްފައި ނެތް ކަމަށާއި ނުރައްކާތެރި ކުށްވެރިން ބަންދުކޮށްފައި ބައިތިއްބާނެ ތަންތަން ހަދަންޖެހޭ ކަމަށް ވެސް ރައީސް ވިދާޅުވި އެވެ.

ފުލުހުން ގޭންގް ހަމަނުޖެހުން މަސްތުވާތަކެތި އެމްއެންޑީއެފް ރައީސް އިބްރާހިމް މުހައްމަދު ސޯލިހް

43 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮރި ހުސްނީ

13 September 2022

2013 އިން 2018 އަށް މަގުމަތިން މަރާލެވުނު މީހުންގެ އަދަދު، އެހެން އެއްވެސް ރިއާސީ ދައުރަކަށްވުރެ ގިނަ! އެހެނަސް ފޮޓޯތަކުން ފެނުނީ މިނިސްޓަރުންގެ ވަށައިގެން ގޭންގުތައް އަތުރާލައިގެން ތިބި މަންޒަރު. ކޯޓުތަކުގެ ބެންޗުތަކަށް ގޭންގު ލީޑަރުންނާއި ގޭންގު ކުދިން އަރާ ނެގި ސެލްފީތައް. ރައީސްމީހާ ޓީވީއަށް އަރާ ވިދާޅުވީ އެކުދިންނަށް އަދީބު ދެނީ ތިމަންނަގެ ފައިސާއޭ. އެކަން ހަމަޖައްސާނަމޭ. "ރީކޯލް" ކުރެވޭ ބޭފުޅުން އަޅާ ކިޔާލާ އެހާރާއި މިހާރު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެންޏާ

13 September 2022

ގޭންގްތަކާ ދެކޮޅު މަސައްކަތް މަގުތަކުން ފެންނަން ފަށާއިރު ހޮސްޕިޓަލްގަ އެޑްމިޓްކުރަންޖެހޭ ފުލުހުންގެ އަދަދު މައްޗަށް ގޮސް ހޮސްޕިޓަލް އެނދުގެ ޖާގަ އިތުރުކުރަން ނުޖެހޭނެ ގޮތަކަށް ހަދާތި. ފުލުހުންނަށްވުރެ މޮޅަށް މާރާމާރީ ހިންގާ މީހުންނާ ކުރިމަތިލީމަ ފުލުހުން ހޮސްޕިޓަލަށް ގިނަވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަސްފާގު

13 September 2022

ސަރުކާރާއި ފުލުހުން ތިބެނީ މިމީހުންގެ ދަށުވެފަ. މަޖިލީހުން ގާނޫނު ހަދަނީ މި މީހުނާއި ގުޅިގެން އެމީހުން ބޭނުންވާ ގޮތަށް. މަޖިލީހާއި ސިޔާސީ ޕާޓީތަކުގަ ތިބެނީ މިމީހުނަށް ވާގިވެރިވާ މީހުން، ގަނޫނީ ވަކީލުންނާއި ގާޡީންނަކީ މިމީހުންގެ އެންމެ އެކުވެރި ބައިވެރިން، ދެން މިކަން ކުރާނެ ގޮތެއް ކިޔާދީބަލަ. އިހަށް ދުވަހުވެސް މީހެއްގެ ކަރަށް ތޫނު އެއްޗަކަުން އަންހެނަކު ހަމަލަ ދިނީމަވެސް ކަންވީ ކިހިނެއްތޯ. ނުފޫޒު ދެއްތޮ. ދެން ރައީސް މި ވިދާޅުވަނީ ކީކޭތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަސްފާގު

13 September 2022

ކޮންމެކަމެއްގަ ފޮނިކަނޑާންވީމަ ތީ ދެން ބޮޑުވަރު. ގޭންގުތަކާއި ދެކޮޅަށް މިވީހާތަނަށް ކުރެވުނު އެއްކަމެއްވެސް އޮތީކީ ނޫން. ދެން ކޮން ފޮންޏެއްތޯ ތިޔަ ކަޑަނީ. ކޮބައިތޯ ޒީރޯ ޓޮލެރެންސް ކޮބައިތޯ ގަވައިދާ ހިލާފަށް މި ގައުމުގަ އުޅޭ ބިދޭސީން. މާލޭގަ ދިވެހިންނަށް ވުރެ މާގިނަ ޑުރަގު ޔޫސްކުރާ ގަވައިދާ ހިލާފަށް އުޅޭ ބިދޭސީން. ވެރިކަމެއްތޯ ތިޔަކުރައްވަނީ. ކޮންކަމެއްތޯ ބެލުނީ. ވީމާ ކަމެއް މާލެއަށް ކޮއްނުދެވޭ އިރު ފޮނިކެންޑުން މަދުކޮއްލުން ރަގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލް

13 September 2022

އެއްކަމެއްވެސް ނުވާނެ. އިހަކަށްދުވަހުވެސް މިތާ ހުޅުމާލޭ ތިބީ ކުޑަ ކުޑަ ބޮއްތަކެއް ކަރުގަ ފަށްއަޅައިގެން ގޭންގް ހަދާފަ ތަޅަން. އަދި އެމީހުންގެ ތެރެއިން ވީޑީއޯވެސް ކުރަމުން. ތިބޭނެ 25 30 ޕާޓޭ ހެދިފަ ތިބި ކުދިން. ދެން އޮންނާނެ ޖެންޑާއަކާ އެޗްއާރސީއެމްއަކާ. އެކުދި ޕާޓޭމެންގެ ހައްޤުގަ. އެ ބޮއްތަކަށްވެސް އެބަ އެނގޭ އެމީހުންނާމެދު ފިޔަވަޅު އެޅޭނެ ބައެއް ނެތްކަން. ބައްޕަ ހަކުރުބޮއެގެން. މަންމަ ފެމިނިސްޓް ވެގެން ޝީޝަ ބޮމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮންދިން

13 September 2022

ޙުސް އާރޓު…

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންގުމަރުމަރު

13 September 2022

ކޮބާ ތިކަން ފެނިފަ!!! ދުވާލު މަޖީދީމަގުން ދަނިކޮށް ދަބަސް ފޭރިގަނޭ އެބަ!!! މި ވެރިކަމުގަ މުޅި ދިވެހި ރާއްޖެ ކުށުގެ ހާއްޔަކަށް ހަދައިފި! ގޭންގުތަކުން ރަސްކަން ކުރަނީ، ވެރިންނާ ގޭންގް ތަކާ ގުޅިފަ! ކޮރަޕްޓް ގާޒީން މިއިން ގޭންގް މީހަކަށް އަދަބެއް ވެސް ނުދޭ!!! ބިރުވެރިކަން ނިހާޔަތަށް، މީހަކަށް މަގެއްގެ ކަނެއްގަ މަޑުކޮށްލެވޭކަށް ނޯވޭ ގޭމްގް ތަކުގެ ކަންތަކުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސްއަނގަތޮ

13 September 2022

ކަމަކީ ހަމައެކަނި ހުސްއަނގަތެޅުން . ކަމެއް ނުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގޭޚިޔާލުމީ

13 September 2022

ސިފައިންނާއި ފުލުހުން ނުކުމެގެން ކުރާކަމެއް ހަރާން. މިހާރު އެމީހުން މަގުމަތިން ނުވެސްފެނޭ. ސިޔާސީ މީހުން ފޮނިކަނޑަނީ. ރައްޔިތުންގެ ބޮލަށް ޗިޕުޖަހައިގެން ކުރާކަމެއް ނުފެނޭ. ކުށްކުރާމީހުން ކުރިއަރާދާތަން މިފެންނަނީ. އެމީހުން ހުއްޓުވާމީހުން ތިބެނީ ފަހަތުފަޔަށް ބަރުވެފަ.