ގެދޮރު އަޅަން 12 އަހަރުގެ ތެރޭގައި 20 ބިލިއަން ރުފިޔާ ހޭދަކޮށްފި: ވޯލްޑް ބޭންކް

ހުޅުމާލެ ދެވަނަ ފިޔަވަހީގައި އަޅާފައިވާ ފްލެޓްތައް. ހުޅުމާލެއަކީ ދައުލަތުން އެންމެ ބޮޑެތި އަދަދުތަކުން ލޯނު ނަގައިގެން ފްލެޓް އަޅާ ސަރަހައްދު--ފޮޓޯ:މިހާރު

ފާތިމަތު ޝަނާ މުހައްމަދު، މިހާރު

13 ސެޕްޓެމްބަރ 2022 - 11:40

8 comments

ބޯހިޔާވަހިކަމުގެ މަޝްރޫއުތައް ހިންގަން މިދިޔަ 12 އަހަރު ދައުލަތުން 1.3 ބިލިއަން ޑޮލަރު (20 ބިލިއަން ރުފިޔާ) ހޭދަކޮށްފައިވާ ކަމަށް ވޯލްޑް ބޭންކުން ބުނެފި އެވެ.

އެ ބޭންކްގެ އެކްސްޕެންޑިޗާ ރިވިއުގައި ސަރުކާރުން 2010 ވަނަ އަހަރުން ފެށިގެން މިހާތަނަށް ނެގި ލޯނުތަކުގެ ތަފުސީލް ވަނީ އާންމުކޮށްފަ އެވެ.

ފްލެޓްތައް އިމާރާތްކުރަން އެންމެ ގިނަ އަދަދެއްގެ ލޯނު ނަގާފައިވަނީ އެ ރިވިއު އިން ދައްކާ ގޮތުން ޗައިނާއިންނެވެ. އެ ގައުމުން ނެގި ލޯނުގެ އަދަދު 503 މިލިއަން ޑޮލަރު (7.7 ބިލިއަން ރުފިޔާ) އަށް އަރަ އެވެ. ދެވަނަ އަށް އެންމެ ގިނަ ލޯނު ނަގާފައިވަނީ އިންޑިއާއިންނެވެ. އެ އަދަދު 390 މިލިއަން ޑޮލަރު (6 ބިލިއަން ރުފިޔާ) އަށް އަރަ އެވެ.

މި ސަރުކާރު ވެރިކަމަށް އައި ފަހުން ފްލެޓު އިމާރާތް ކުރުމާއި ގެދޮރުގެ މަސައްކަތްތަކަށް 270 މިލިއަން ޑޮލަރު (4.1 ބިލިއަން ރުފިޔާ) ހޭދަކޮށްފައިވެ އެވެ. ކުރީގެ ރައީސް އަބްދުﷲ ޔާމީންގެ ވެރިކަމުގައި 2013 ވަނަ އަހަރުން ފެށިގެން 2018 ވަނަ އަހަރާ ދެމެދު ގެދޮރު އެޅުމަށް ހޭދަކޮށްފައި ވަނީ 776 މިލިއަން ޑޮލަރު (11.9 ބިލިއަން ރުފިޔާ) އެވެ.

ގެދޮރު އަޅަން ސަރުކާރުން ބޮޑު ހޭދައެއް ކުރާއިރު ވެސް އެ މައްސަލައަށް ހައްލެއް ނުލިބެނީ، އެކަށީގެންވާ ރަނގަޅު ޕްލޭނެއްގެ ދަށުން މަސައްކަތް ނުކުރާތީ ކަމަށް ވޯލްޑް ބޭންކުން ބުނެ އެވެ.

ސަރުކާރުން މިހާރު ވެސް އަންނަނީ 14،200 ހައުސިން ޔުނިޓް ރާއްޖޭގެ އެކި ސަރަހައްދުތަކުގައ އިމާރާތް ކުރުމަށް މަސައްކަތް ކުރަމުންނެވެ. އޭގެ ތެރެއިން 6،200 ފްލެޓް ހަދަނީ ހުޅުމާލޭގަ އެވެ. އެއީ ދެ ކޮޓަރީގެ 2،100 އެޕާޓްމެންޓާއި ތިން ކޮޓަރީގެ 4،100 އެޕާޓްމެންޓެވެ.

ސަރުކާރުން އިމާރާތްކުރަން މަސައްކަތް ކުރާ 14،200 ހައުސިން ޔުނިޓްގެ ތެރެއިން މިހާތަނަށް ފައިނޭންސް ހަމަނުޖެހޭ ޕްރޮޖެކްޓްތައް ވެސް އެބަހުއްޓެވެ. އެ އަދަދަށް ރާއްޖޭގެ އެކި ހިސާބުތަކުގައި ފްލެޓް އިމާރާތްކުރުމަށް ދައުލަތަށް ގާތްގަނޑަކަށް 670 މިލިއަން ޑޮލަރު (10.3 ބިލިއަން ރުފިޔާ) އަދިވެސް ބޭނުންވާނެ އެވެ.

ގެދޮރުގެ މަޝްރޫއުތައް ހިންގުމަށް ސަރުކާރުން ގިނަ އަދަދެއްގެ ލޯނު ނަގަމުން އަންނަ އިރު ދައުލަތުގެ ދަރަނި ވެސް އެއް އަހަރުން އަނެއް އަހަރަށް ވަނީ އިތުރެވެ. ރާއްޖޭގެ ދަރަނި މިހާރު ހުރީ 100 ބިލިއަން ރުފިޔާ އަށް ވުރެ މަތީގަ އެވެ. މިއީ ރާއްޖޭގެ އުފެއްދުންތެރިކަމުގެ ނިސްބަތުން 110 ޕަސެންޓެވެ.

ފިނޭންސް މިނިސްޓްރީ ބޯހިޔާވަހިކަން ހުޅުމާލޭ ދެ ވަނަ ފިޔަވަހި ފްލެޓް ވޯލްޑް ބޭންކް ހުޅުމާލެ

8 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުމީހާ

13 September 2022

ބޯހިޔާވެހިކަމަށް ހައްލެއް ނާންނާނެ ސިޔާސީ މީހުންނަށް ސަނާ ކިޔާހާ ހިނދަކު. ވަންނާނެ ގެދޮރެއް ނެތަސް ޕާޓީ ޖަލްސާއަށް ގޮސް ޕާޓީ މީހާ ޕްރޮމޯޓްކުރަން ރެޔާއި ދުވާލު އުޅެވޭ. ޕާޓީ މީހާ ޖަަލަށްލާއިރަށް މުޒާހަރާކުރެވޭ. ބޯހިޔާވެހިކަން ޔަގީންކުރަން އެއްޗެއް ބުނެލާނެ މީހަކު ނުހުރޭ. އެންމެ މަޖްލިސް މެމްބަރަކު ހޯދަން 500މިލިއަން ޚަރަދުކުރާއިރު ބޯހިޔާވެހިކަމަށް ސަލާންޖަހާ އެތައް ދިވެހިންނެއް އެބަތިބޭ އެތާގަ އަތްޖަހަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖބބބވ

13 September 2022

ހަހަހަހަ 20 ބިލިޔަން ރުފިޔާއިން "މުޅިން އަލަށް" 10 ވަރަކަށް ހާސް މީހުން ވެސް ބޯހިޔާ ކޮށްނުދެވުނު. ޝޭމް އޮން ޔޫ،، ދިވެހި ސަރުކާރު. ޗީޑި. މިނޫނީ ނޯނާނެ މީހަކާ އިނދެ އަމިއްލަ ދަރިން ލިބި ބޮޑެތި ވާއިރުވެސް އުޅެލާނެ ފްލެޓްގަނޑެއްހާ ހިސާބުވެސް ނުލިބޭ ގައުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިޔާލީ އަލީ

13 September 2022

ހިޔާ ފްލެޓުތައް ޗައިނާ ކުންފުންޏަށް ދިނީ 5 ކޮޓަރި ހެދޭ ވަރުގެ ފައިސާ 3 ކޮޓަރީގެ ކުދި ކޮތަރުކޮށި އަޅާ ގޮތަށް، މި ވެސް ދިވެހިންނަށް އޯކޭވީމާ ކޮބާ މައްސަލައަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލޫ

13 September 2022

ނޫނޭ ނޫނޭ. 10 ކޮޓަރި ހެދޭ އަގު ދިނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

56800

13 September 2022

މިސަރުކާރުން އިތުރު ފޮލެޓްތައް ހުޅުމާޅެގަ އަޅަހިދޭނެނަމަ ކުއްޔައް އޫޅޭމީހުނަށް ލުއިވާނީ.އަދި ޝޮޕިން މޯލް ތަކެއްވެސް ހެދީމަ މާލޭގެ ބިމުގެ ކުލިން ސަލާމަތްވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބޫ

13 September 2022

ކޮބާތަ މައްސަލައަކީ. ސަރުކާރުން ނުޖެހޭނެ ބައިލޯލާރްވެސް ދޭކަށް. އެތަނަށް ވަންނަމީހުންނއެތަނުގެ ކުލި ދައްކާނީ. ވަކިބަޔަކަށް ގެއްލުންވެދާނެތީ ފްލެޓައެއްޗެހި ލިމިޓް ކޮށްގެން އަޅަނީ. 1 ޓްރިލިޔަން ޑޮލަރު ދިޔަޔަސް ސަރުކާރުން ދައްކަން ނުޖެހެންޔާ ސަރުކަރަށް ކޮން ބުރައެއްބާ އޮތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދޮރު

13 September 2022

އެއްވެސް ކަމެއްގަ އެކަށީގެންވާ ޕްލޭނެއް ނެތް ..... ތެޅިގަނެފަ ބިންގާ އަޅަނީ....... ހަމަ އެގޮތަށް ޕްރައިވެޓް ޑިވެލޮޕަރ އިންނަށްވެސް ބިންތައް ދެނީ ދީފަ ސަރުކާރަށްވާ ލާރި ކޮޅާ އާމުން އަތުން ވެސް ނެގެން ހުރި ލާރިއެއް ނަގާފަ ...... އެވެސް ތަނެއް ނުނިއްމާ....... އެތައްބައިވަރު ބިލްޑިންގެއްގެ ބިންގާ އަޅައިފި..... އެކަމާ ގުޅޭގޮތުން އެޗްޑީސީންވެސް ޖަވާބެއް. ނުދޭ..... ކޭޕާރކް ،، ޖާހު ..އައިރާ،..... މިއިން ކަމަކާ ޒިއްމާވާނެ ފަރާތެއްވެސް ނެތް ....ހުސްލާރި