ދުވަސްތައް ފާހަގަކުރަން ކުރާ ހަރަދު ކުޑަކުރަން ސްކޫލުތަކަށް އަންގައިފި

މި އަހަރު ސްކޫލްތައް ހުޅުވި ދުވަހު އަމީނިއްޔާ ސްކޫލްގައި ބޭއްވި ހާއްސަ އެސެމްބްލީގެ ތެރެއިން --

އާލިމް އަބްދުއްލަތީފް، މިހާރު

30 ސެޕްޓެމްބަރ 2022 - 20:44

މުނާސަބަތުތައް ފާހަގަަކުރުމަށް ބާއްވާ ދުވަސްތައް އިންތިޒާމުކުރުމުގައި ކުރާ ހޭދަތައް މަދުކޮށް އިގްތިސާދުކުރުމަށް އެޑިއުކޭޝަން މިނިސްޓްރީން ސްކޫލްތަކަށް އަންގައިފި އެވެ.

އެޑިއުކޭޝަން މިނިސްޓަރު އާއިޝަތު އަލީ، ސްކޫލްތަކުގެ ޕްރިންސިޕަލުންނަށް ފޮނުއްވި ސިޓީއެއްގައި ވިދާޅުވެފައިވަނީ އެކިއެކި މުނާސަބަތުތަކާ ގުޅުވައިގެން ފާހަގަކުރާ އެކިއެކި ދުވަސްތައް ފާހަގަކުރުމަށް ބޮޑެތި ހޭދަތައް ކުރަމުންދާކަން ފާހަގަ ކުރެވޭ ކަމަށެވެ.

އަދި މި ގޮތަށް ކުރާ ހޭދަތަކަށް ބޭނުންވާ ފައިސާ ސްކޫލްތަކުގެ ޕީޓީއޭ މެދުވެރިކޮށާއި އެކި ފަރާތްތަކުން ހިލޭ އެހީ އާއި ސްޕޮންސަރުގެ ގޮތުގައި ހޯދާކަން ފާހަގަ ކުރެވޭ ކަމަށް ވިދާޅުވެފައިވެ އެވެ.

އެފަދަ ކަންކަމަށް ހޭދަކުރުމަށް ބެލެނިވެރިން މެދުވެރިކޮށް އެހީގެ ގޮތުގައި ފައިސާ ހޯދުމާއި ބެެލެނިވެރިން ލައްވައި ބޮޑެތި ހޭދަތައް ކުރުވުމަކީ މިނިސްޓްރީން އެއްވެސް ވަރަކަށް ތަރުހީބުދޭ ކަމެއް ނޫންކަމަށާއި އެ ކަންކަން އެ ގޮތަށް ކުރުމުގެ ސަބަބުން މިނިސްޓްރީއަށް ޝަކުވާ ލިބެމުންދާ ކަމަށް ވެސް ވިދާޅުވެފައި ވެ އެވެ.

"ސްކޫލްތަކުން ރާވާ ހިންގޭ ކޮންމެ ހަރަކާތަކީ އެ ކަމުގެ ސީދާ މަންފާ ދަރިވަރުންނަށް ކުރާ ގޮތަށް ހިންގާ ހަރަކާތަަކަށް ހެދުމާއި ބެލެނިވެރިން ދަރިވަރުންނަށް ޓަކައި ކުރާ ކޮންމެ ހޭދައަކީ އެ ކަމުގެ ސީދާ އަސަރު ދަރިވަރުންނަށް ކުރާ ކަމަކަށް ހެދުމަށް މި މިނިސްޓްރީން އަބަދުވެސް ބާރު އަޅަމެވެ."

"ސްކޫލްތަކުން ރާވާ ހިންގޭ ކޮންމެ ހަރަކާތަކީ އެ ކަމުގެ ސީދާ މަންފާ ދަރިވަރުންނަށް ކުރާ ގޮތަށް ހިންގާ ހަރަކާތަަކަށް ހެދުމާއި ބެލެނިވެރިން ދަރިވަރުންނަށް ޓަކައި ކުރާ ކޮންމެ ހޭދައަކީ އެ ކަމުގެ ސީދާ އަސަރު ދަރިވަރުންނަށް ކުރާ ކަމަކަށް ހެދުމަށް މި މިނިސްޓްރީން އަބަދުވެސް ބާރު އަޅަމެވެ." މިނިސްޓަރު ފޮނުއްވި ސިޓީގައި ވިދާޅުވެފައި ވެ އެވެ.

މީގެ އިތުރުން، ހޭދަތައް ކުރުމުގައި އިގްތިސާދުކުރުމަށް ދަރިވަރުންނާއި ބެލެނިވެރިންނަށް ބާރުއަޅައި ހިތްވަރު ދޭން ޖެހޭ ކަމަށާއި މުޅި ދުނިޔެ އިގްތިސާދީ ބަނަ ވިލާގަނޑެއްގެ ތެރޭގައި އޮތް މިފަދަ ދުވަސްވަރެއްގައި ހަރަދު ކުޑަ ކުރުމާއި އިސްރާފުކުރުން މަދުކުރުމަށް ދަރިވަރުންނަށް ދަސްކޮށްދީ ހިތްވަރު ދިނުމުގައި ތައުލީމީ ނިޒާމުގެ ތެރެއިން ނަމޫނާ ދެއްކިދާނެ ކަމަށް އެ ސިޓީގައި ވެ އެވެ. އެހެންކަމުން ދުވަސްތައް ފާހަގަކުރުމަށް އަގުބޮޑު ހަދިޔާތައް ބަދަލުކުރުމާއި އެކިއެކި ހަފްލާތައް ބޭއްވުމަށް ބޮޑެތި ހޭދަތައް ނުކުރުމަކީ މިނިސްޓްރީގެ އިލްތިމާސެއް ކަމަށް ވިދާޅުވެފައި ވެ އެވެ.

މިނިސްޓަރު އިތުރަށް ވިދާޅުވެފައި ވަނީ މި ގޮތަށް ކުރެވޭ ކަންކަމުގެ ސަބަބުން އެއް ކްލާހެއްގައި ކިޔަވާ ދަރިވަރުންގެ މެދުގައި އަޅާކިޔުމާއި ދޭދޭ ސްކޫލްތަކުން ކުރާ މިފަދަ ކަންކަމުގެ ސަބަބުން ސްކޫލްތައް އަޅާކިޔުމަށް މަގުފަހިވާ ކަމަށެވެ. އަދި ސްކޫލް ތެރޭގައި ދަރިވަރުން ދަރަޖަކުރެވި ލޭބަލް ކުރުމަށް މަގުފަހިވުމާއި މުޖުތަމައު ތެރޭގައި ތައުލީމީ ނިޒާމާ ދޭތެރޭ ދެކޭ ގޮތް ބަދަލުވެ ނުރަނގަޅު ތަސައްވުރެއް އުފެއްދުމަށް މަގުފަހިވާ ކަަމަށް ވިދާޅުވެފައި ވެ އެވެ.

އެކިއެކި މުނާސަބަތުތަކާ ގުޅުވައިގެން މާލޭގެ ގިނަ ސްކޫލްތަކެއްގައި ކުލަގަދަ ހަރަކާތްތައް މިހާރު ބާއްވަ އެވެ. އަދި އެއް ސްކޫލް އަނެއް ސްކޫލާ ވާދަވެރިކަން މިފަދަ ހަރަކާތްތަކުން ބައެއް ފަހަރަށް ފެނެ އެވެ.

ސްކޫލް ތައުލީމް އެޑިއުކޭޝަން މިނިސްޓަރު އެޑިއުކޭޝަން މިނިސްޓްރީ

58 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަސަންތަކުރުބެ

02 October 2022

އަޅެ! މާއަވަސް ތިކަމާ ވިސްނުނުލެއް! މި ހުރިހާ ދުވަސްތައް ކަހަތުކޮށް ސްކޫލް ބަންދުކުރަން ކުޑަދުވަސްކޮލެއް މިއޮތީ، ތިޔަ ދުވަސްތައް އައިސް އެތައް ޚަރަދެއް ބެލެނިވެރިން ޓީޗަރުންގެ ޖީބުން ކުރިފަހުން ހަފްލާތައް ފާހަގަ ކުރުމުގެ ބަޖެޓުކިޔާއަޑު މިއިވުނީ. ތަންފުކެއް ބޯޑުވަރު. ޓީޗަރުންގެ ދުވަސް، ފިރިހެނުންނާއި އަންހެނުންގެ ދުވަސް މިހެންގޮސް ކަލަންޑަރުން ކޮންމެސް އެއްދުވަހެއް އައިސް ފާހަގަނުކުރާ މަހެއްނެތް. ޙަމަސާބަސް. ދަރިވަރުނަަށްވާހާ މަންފާ ލިބިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރީ

02 October 2022

ބޮޑުމީޓިން އެއްބާއްވާނީ ދެންބުނާނީ ބައިވެރިން ވާންބޭނުން ނޫން މީހުން އޯކޭޔޭ އޭ ނުވިއަސް، އެއަށްފަހު ކިލާސްގްރޫޕުގަ ބުނާނީ ލާރިދިން މީހުންގެ ނަންޖަހާށޯ ދެން އެއްކަލަ ނުލިބޭ މީހާވެސްނުލިބުނަސް ލޭބަލް ނުވާން ޖެހޭނެ ދޯ ދަރަންޏައް ނަގައިގެންވެސް ބައިވެރިވާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް

02 October 2022

ޗުއްޓީއަށް ބަންދުކުރާ ދުވަހު ސޯ އަށާ މިސް އަށް 1000ރ އަށް ވުރެން އަގުހެޔޮ ހަދިޔާއެއް ގެންގޮއްސިއްޔާ މާކުސް ދަށްވޭޔޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރިފިދާދާ

02 October 2022

ތިއީ ވަރަށް ރަނގަޅުކަމެއް. ހަމައެގޮތަށް އެޑިއުކޭޝަނުން ސުކޫލުތަކަށް ދަރިވަރުންނަށް ކުރަންޖެހޭ ޚަރަދުކުރުމަށް ފައިސާ ދޭންޖެހޭ. އަދި ދަރިވަރުންގެ ކަންކަމަށޭ ކިޔައިގެން ބެލެނިވެރިންގެ އަތުން ފާޑުފާޑުގެ އެއްޗެހި ނުގެނެސް ފިލާވަޅުތައް ކުރިއަށް ގެންދެވެނެ ގޮތެއްވެސް ހަމަޖެހުމަކީ ވަރަށް ބޮޑަށް ދެކެން ބޭނުންވާ ދުވަހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވައިބަނދަރު

02 October 2022

އިބުރާހިމް ދަތުރުތަކަށް ކުރާ ޚަރަދޮ؟300 މީހުން ގޮވައިގެން އެފުރަނީ ކޮންމެ ދަތުރަކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭކާރު ހަރަދު ހުއްޓުވާ!!!!!

01 October 2022

ސްކޫލުތަކުން ޓީޗަރުންނަށްވެސް ވަކިކުލައެއްގެ ހެދުންލާން ދުވަސްދުވަހު އަންގާ އެންގުން ނިކަން މަނާކުރުވަ ބަލަ މިނިސްޓަރޫ. ދުނިޔޭގެ ކޮންތާކު ކޮއް އުޅޭ ކަމެއްްތާ އެއީ އަޅެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

@ބޭކާރީ

02 October 2022

100 އިގެ ވާހަކައެއް ވަގުތުން ހުއްޓުވަން ޖެހިފަ އޮތް ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންބެ

01 October 2022

ޢަހްމަދިއްޔާ ތީ ތިކަމުގެ އަރާހުރިތަނެއް. ފީ ބޮޑުކުރަނީ ޓީޗަރުންގެ މުސާރަބޮޑުކުރަންށޭ ކިޔާފައި އިންޑިޢާ އިން އަގުހެޔޮ ޓީޗަރުންގެނެސް ތަންފުރާފަ. ބޮޑު ފީނަގައިގެން ގުދަނެއްހެން ސްކޫލް ހީވަނީ. ޢިރުއިރުކޮޅާ ކޮންމެވެސް އެއްޗެކޭ ކިޔާފައި 50 ރ ގެންދަންޖެހޭ. ÷ޕްރައިވެޓް ސްކޫލްއެއްވީމަ ރަގަޅުވާނެކަމަށް ވެއްދީމަ ބޮޑުފީދީފަ ސަރުކާރުސްކޫލްއށް ވުރެކަންތައް ބޮޑު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާދަވެރިކަމުން ގޮސް ހައްދުފަހަނައަޅާފައިފަ

01 October 2022

ރަނގަޅު ވާހަކައެކެވެ. މިއީ ރަނގަޅު ކުރަންވީ ކަންކަން. ފަށައިގަންނަންވީ ބެލެނިވެރިން ވެސް ތަމްރީނުކުރަން. ގައުމުގެ ތެރޭ ވާދަވެރިވީމަ. ދެން ބޭރުގައުމުތަކާ ވާދަކުރާނީ ކޮންބައެއް؟ ބޭރުގައުމުތަކާ ވާދަކޮށްބަލަ ރާއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަދިގެ

01 October 2022

ދުނިޔޭގެ ތަހުޒީބު ގައުމުތަކުގައި މިހާރަކު ކުރާ ކަމެއް ނޫން ތިޔަހެން ބެލެނިވެރިން އަތުން ހަރަދުކޮއްގެން ތާއަބަދު އުޅުން. ވީހާވެސް މިނިމައިސް ކޮއް ކަންކަން ކުރަން ކުދިންނަށް ދަސްކޮއްދޭން ޖެހޭ ތަހުޒީބު ދުނިޔޭގައި. އޭގެ އިދިކޮޅު މިރާއްޖޭގައި. ކޮންމެ ކަމެއްގައި ތަޔަށް ވުރެ މަ މޮޅުކަން ދައްކަން. ވަޓް ނޮންސެންސް؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭކާރު ކަމެއް

01 October 2022

ރާއްޖޭގައި ކޮންމެ ކަމެއްގައި ވެސް އޮތީ ވާދަވެރިކަން. ބެލެނިވެރިންވެސް ތިމާ މީހާގެ ދަރިން އަނެއް މީހާގެ ދަރިއަށް ވުރެ މޮޅުކުރަން. ސްކޫލްތަކުންވެސް އެންމެ މޮޅު ގިނަ އެކްޓިވިޓީ ބާއްވާ ސްކޫލަށް ހެދެން. އެހެޔޮ ބެލެނެވެރިންނާ ޓީޗަރުންނާ ދަރިވަރުން ހަނާވިއަސް. ނޭވާލާނެ ފުރުސަތެއް ނުލިބުނަސް. މާއްދީ ކަންކަމަށް ވާދަކުރުން ނޫންކަމެއް އެބަ ދަސްކޮއްދެވޭބާ މިކަންކަމުން އަހަރުމެންގެ ދަރިންނަށް؟ވާދަވެރިކަމަކީ އެޔަކުން މާބޮޑު ރަނގަޅެއް ހެވެއް ނުކުންނަ ކަމެއްނޫން