03 ޑިސެމްބަރ 2022 - 18:00
ދޮށީގެ މަސްވެރިކަން ކޮށްގެން އެއް ދުވަހުން 996،000ރ. ގދ. އަތޮޅުގެ އެހެން ދޯންޏަކުން ހޯދައިފި އެވެ.
މިފްކޯ އިން މިއަދު ބުނީ، އެ އަދަދަށް ފައިސާ ހޯދީ ގދ. ފަރެސްމާތޮޑާގެ ބާހިރާ ދޯނިން ކަމަށާއި އެ ދޯނިން 58.6 ޓަނުގެ މަސް ގއ. ކޫއްޑު އަށް ކިރުވާފައިވާ ކަމަށެވެ.
ދޮށީގެ މަސްވެރިކަމުގެ ރެކޯޑެއް މީގެ ކުރިން ހަދާފައިވަނީ ގދ. މަޑަވެލި "ޓީއެސް ލައިން" ދޯނިންނެވެ. މިދިޔަ ސެޕްޓެމްބަރު މަހު އެ ދޯނިން ވަނީ 57 ޓަނުގެ މަސް ކިރުވައިފަ އެވެ. އެ ފަހަރު އާމްދަނީގެ ގޮތުގައި 971،000ރ. އެ ދޯނިން ހޯދި އެވެ.
ދޮށީގެ މަސްވެރިކަމުގެ އާ ރެކޯޑް ހެދި ބާހިރާ ދޯންޏަކީ 117 ފޫޓު ހުންނަ، ޒަމާނީ މަސްދޯންޏެކެވެ. އެ ދޯނިން 30 އަކަށް މަސްވެރިން މަހަށް ދެ އެވެ.
އިއްޔެ ގދ. ފަރެސްމާތޮޑާ އިން މަހަށް ނިކުތް ބާޚިރާ ދޯނިން ވަނީ 58.6 ޓަނުގެ މަސް ކޫއްޑޫއަށްކިރުވައި، އެއްދުވަހެއްގެ ދޯށީގެ މަސްވެެރިކަމުގެ އާ ރިކޯޑެއް ހަދާފައި. މިމަސްކިރުވައި ބާޚިރީ ދޯނިން ވަނީ 996,034ރ ގެ އާމްދަނީ އެއް ހޯދާފައި. ދޯނީގެ ފަޅުވެރިންނާއި ކެޔޮޅަށް މަރުހަބާ! pic.twitter.com/8LhjlHElsU
— MIFCO (@mifcomv) December 3, 2022
މިފްކޯގެ ޓްވީޓް
އެ ދޯނީގައި މަސް ފިނިކޮށް ބެހެއްޓޭ ގޮތަށް އާރްއެސްޑަބްލިއު ސިސްޓަމް ވެސް ހުރެ އެވެ.
އާންމުކޮށް މިހާރު މަސް ދޯނިތަކުން މަސްވެރިކަން ރަނގަޅު ދުވަސްވަރު 20 ޓަނާއި 40 ޓަނާއި ދެމެދުގެ އަދަދެއްގެ މަސް ބާނަ އެވެ.
މަސްވެރިކަން ރަނގަޅުވާ ދުވަސްވަރު، މަސްވެރިން ބާނާ މަސް ނުކިރުވޭ މައްސަލަ އަދިވެސް ކުރިމަތިވެ އެވެ. އެ ފަދަ ހާލަތްތަކުގައި ކޫއްޑޫގެ ކެޕޭސިޓީ ފުލްވެ، މަސްވެރިން އަތުން ކިރާ ވަރު ކޮންޓްރޯލް ކުރެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ރާވެރިން
04 December 2022
މަސްވެރިންނަށް ތެލަށްދޭ ސަބްސިޑީސް އަދި އިތުރުކޮށްލަން ފެންނަނީ
އިސްމާލު2.0
03 December 2022
ހުރިހާ ދާއިރާއެއްގެ މީހުންނަށް ވެސް ސަބްސިޑީގެ އުސޫލުން ގަނެވޭ އެންމެ ދަށް އަގު ކަނޑައެޅި ލާރި ލިބޭނެނަމައީ ކިހާ ރަނގަޅު. ހޭބަލިވެދާނެ.
ތަޖޫރިބާ
03 December 2022
ޓުވަރިޒަމެކޭ އެއްގޮތަށް ރާއްޖޭގެ މަސްވެރިކަން ދައުލަތަށް ނަގާނެ ޓެކުހެއް ނަގާގޮތަށް ރާއްޖޭގެ މަސްވެރިން ކޯޕަރޭޓިވް ވިޔަފާރިއެއްގެގޮތަށް ސަރުކާރު އިނގިލިނުކޮށްޕައި، މިނިވަންކަމާއިއެކު މެނޭޖުކުރަން ދޫކޮށްލަންވީ. ޓުވަރިޒަމުންލިބޭ ޢާމްދަނީއަށްވުރެ އެންމެތަންފުކެއްވެސް ކުޑަނުވާނެ. މިހާތަނަށް ކުރެވުނު ތަޖުރިބާއަށް ބަލާއިރު ސަރުކާރުގެ ކުންފުނިހަދައިގެން މެނޭޖުކުރިކުރުމުން ފައިދާވެ، ހެދިބޮޑުވީ އެކުންފުނިތަކެއްނޫން.
އޮނަރަބްލް އަފީފު ދީދީ
03 December 2022
ގޭންއެއަރޕޯޓަށް Fly Dubai ގެ ޝެޑިއުލްދަތުރު ފައްޓަންހަމަޖެހި އަދި ސަރަޙައްދުގެ އެންމެބޮޑު އެއަރލައިން Srilankan Airlines ހަފުތާއަކު 2 ދަތުރުކުރާއިރު މަސްބޭރުކުރުމަށްއޮތް ހުރަސްނައްތާލާފައި ދެކުނުގެމަސްވެރިންނަށް ޗައިނާ، ޤަލްފު އަދި ރަޝިޔާ ފަދަ ޤައުމުތަކަށް މަސް ބޭރުކުރުމުގެ ހުއްދަދޭންޖެހޭ. # މިދެންނެވިޤައުމުތަކަކީ ކޮންމެހެން EU ސެޓިފައިޑް އައިއެސްއޯ ސްޓޭންޑަރޑް ފެކްޓަރީތަކުގައި ބަންދުނުކުރިޔަސް މަސް އިމްޕޯޓްކުރުމުގެ ހުއްދައޮންނަ ޤައުމުތައް.
ޝޯމޭން
03 December 2022
ބޭނުނޭ ކިޔާފަ މިވަރަށް ނުބޭނިޔަކަސް ވެދާނެ. އޯވާފިޝިންއަކީ ދެމެހެއްޓެނިވި ގޮތަކަށް މަސްވެރިކަންކުރާނަމަ ކޮންޓްރޯލް ކުރަންޖެހޭނެކަމެއް. ދާއަޅައިގެން މަސްހިފުން މަނާކުރީވެސް މިސަބަބަށްޓަކާ. ދޮށިން ބޭނުމެކޭ ދާއެޅުމެކޭ ތަފާތެއް ނެތްފަދަ އަދަދުތަކަށް މިހާރު ތިނަންބަރުތައް އަރައިގެންގޮއްސި. ތިގޮތަށް ތިކަންކުރުން ތިއީ ވަގުތީކަމަކަށް ނޫނީ ނުވާނެ. ތީގެ ނޭދެވޭ އަސަރު ކަނޑުތަކުން ފެންނަން މާގިނަދުވަހެއް ނުނަގާނެ.
ބޮޑުމީހާ
03 December 2022
ކަންނެލި ޖަގަހަތަކުން ޑޮލަރުން ލިބެނީ
ދގދސެފ×
03 December 2022
މިއަށް ދިވެހިން ކިޔާއުޅެނީ މަނިކާރޯއްޖާ.
އޮއިވާލި ނަންކުރާ ދޯނި
03 December 2022
މިވެރިކަމާއެކުމަސްވެރިންގަނަތެޅެން ޖެހުމުގެސަބަބުންވަނީ ހިތްވަރު އެލިފަ މަސްކިރާފަފައިސާނުލިބި ޗިޓުބުރިހިފައިގެން އަނެއްދުވަހު މަހަށްދާން ކޮންމެވެސްމީހަކަށް އޮޑިވެރިޔާއާ ފަޅުވެރިންދަރައިގެން ދަރަންޏަށް ތެޔޮނަގާ ދޯނީގެފަޅުވެރިންގޭގޭގަ ބަނޑުފުރާނަ މުއްތިކުރުން ރަށުގެ ފިހާރަތަކުން ދަރަނިކާޑު ނަގައިގެން ދެންތިކިރިމަހުގެ ފައިސާވެސް ހޯދަން ޖެހޭނީ މުޒާހިރާކޮށްގެން ޙާލަތު މިހެންއޮވެ ވާރު8%[ އަށްމަތިކޮށް ކޮތަޅަކުން 2ރ ނަގާފަގަ ވެރިމީހަ މެޗުބެލަން ގަތަރަށް
އޮއިވަލީ
03 December 2022
ތާހިރެއްނުން
ޖަމީލުބެ
03 December 2022
الحمد لله ގިނައިން ބޭނިގެން މަސް ނުކިރޭ ދުވަސްދުވަހު، ﷲ ދެއްވި ރިޒްގު ކަޑަށް ނާޅާނެކަމަށް އުއްމީދުކުރަން.
ޑިސްއޮނަރަބަލް ޑީޑީ
03 December 2022
ބަންގާޅީންތައް އަރާ ދޯނިފަހަރުވެސް އެހެރަ ފުރާލަނީއެވެ. މަގުމަތީގާ ސަލާންޖަހާންއުޅޭ ޕާޓޭއިންތައްވެސް ސާލާންޖެހުންދޫކޮށް ދޯނިދޯންޏަށް އަރައިގެން މަހައްދާނެނަމަ މިހާރަނގަޅުވާނެހެއްޔެވެ. ރޯދި ލިބޭނީ ރޯދި ހޯންދާންވެސް ކޮންމެސްމަސައްކަތެއްކޮށްގެންނޫންތޯއެވެ؟