ނޮޅިވަރަމްގައި މީހަކު މަރާލި ކަމަށް ބުނާ މައްސަލައެއް ތަހުގީގު ކުރަނީ

ހދ. ނޮޅިވަރަމް ކައުންސިލް: އެ ރަށު ކޯޓުން ނިންމީ ގޯތި ދޫކުރުމުގައި ކައުންސިލުން ޕޮއިންޓް ދީފައި ވަނީ ރަނގަޅަށް ނޫން ކަމަށް -- ފޮޓޯ: ނޮޅިވަރަން ކައުންސިލް

އިފްރާޒް އަލީ، މިހާރު

10 ޑިސެމްބަރ 2022 - 15:16

4 comments

ހދ. ނޮޅިވަރަމްގައި ޒުވާން އަންހެނަކު މިއަދު މަރާލި ކަމަށް ބުނާ މައްސަލައެއް ފުލުހުން ތަހުގީގުކުރަން ފަށައިފި އެވެ.

ފުލުހުން ބުނީ އެ ރަށުގައި މީހަކު މަރާލައިގެން އުޅޭ ކަމުގެ ރިޕޯޓެއް މިއަދު މެންދުރު އެ އިދާރާ އަށް ލިބިފައިވާ ކަމަށެވެ. މަރުވީ 28 އަހަރުގެ ދިވެހި އަންހެނަކު ކަމަށް ފުލުހުން ބުންޏެވެ.

އެ ރިޕޯޓް ލިބުމާއެކު ސީނަށް ގޮސް، އެ ތަނުގައި ހޭނެތިފައި އޮތް މީހަކު ފުލުހުންގެ އެހީތެރިކަމާއެކު ނޮޅިވަރަމް ސިއްހީ މަރުކަޒަށް ގެންދިޔަ ކަމަށް ފުލުހުން ބުންޏެވެ.

ފުލުހުން ބުނިގޮތުގައި ސިއްހީ މަރުކަޒަށް ގެންދިޔައިރު ވެސް އެ އަންހެން މީހާ އޮތީ މަރުވެފަ އެވެ.

އޭނާގެ މަރާ ގުޅިގެން ވަރަށް ބައިވަރު ޝައްކުތަކެއް އެބަހުރި ކަމަށް އެ ރަށުން ވާހަކަދެއްކި ބައެއް މީހުން ބުންޏެވެ. އެ އަންހެން މީހާ މަރުވީ އޭނާގެ ފިރިމީހާއާ ދެމެދު ޒުވާބެއް ހިންގި ފަހުން ކަމަށާއި އޭނާ މަރުވިތަނާހެން ފިރިމީހާ ރަށުން ފިލާފައިފައިވާ ކަމަށް ބައެއް މީހުން ތުހުމަތު ކުރެ އެވެ/

ނޮޅިވަރަމް ކައުންސިލުގެ މެމްބަރަކު "މިހާރު" އަށް ވިދާޅުވިގޮތުގައި، އެ އަންހެން މީހާގެ ހަށިގަނޑު ބޭރު ފުށުން އެއްވެސް ޒަހަމެއް ފެންނާކަށް ނެތެވެ. އެ މަރު ހިނގި ގޮތް ވެސް އަދި ޔަގީން ނުވާ ކަމަށް އޭނާ ވިދާޅުވި އެވެ.