ހުޅުމާލޭގެ އިންޑަސްޓްރިއަލް ސަރަހައްދުގެ މަގެއް: ގަރާޖު ހިންގަން ބިން ދެނީ އެ ސަރަހައްދުން -- ފޮޓޯ: ފަޔާޒު މޫސާ | މިހާރު
20 ޑިސެމްބަރ 2022 - 11:31
13 comments
މާލޭގައި ހުރި ގަރާޖުތަކާއި ވޯކްޝޮޕްތައް ރައްކާތެރި ތަނަކަށް ބަދަލުކުރުމަށް ހުޅުމާލެ އިން 23 ބިމެއް ކުއްޔަށް ދޫކުރަން މިއަދު ހުޅުވާލައިފި އެވެ.
އެޗްޑީސީގެ އިއުލާނެއްގައި ބުނީ، ގަރާޖު ޔުނިޓު ހިންގުމަށް، މާލޭގައި މި ވަގުތު ގަރާޖުތައް ހިންގަމުންދާ ފަރާތްތަކަށް އަމާޒުކޮށްގެން 23 ބިމެއް ކުއްޔަށް ދޫކުރަން ހަމަޖެހިފައިވާ ކަމަށެވެ. އެ ބިންތައް ކުއްޔަށް ހިފަން ޝައުގުވެރިވާ ފަރާތްތަކަށް އެ ފުރުސަތު މިއަދުން ފެށިގެން ހުޅުވާލާފައިވާ ކަމަށް ވެސް އެ އިއުލާނުގައި ބުންޏެވެ.
އެކަމަށް ޝައުގުވެރިވާ ފަރާތްތަކުން އަންނަ މަހުގެ ދޭއްގެ ކުރިން ފޯމު ހުށަހަޅަން ޖެހެ އެވެ.
އެ އިއުލާނާ އެކު، އެޗްޑީސީން ވަނީ އެ ބިންތަކުގައި ގަރާޖާއި ވޯކްޝޮޕްތައް ހިންގޭނެ ގޮތުގެ ގައިޑްލައިނެއް ވެސް އާންމުކޮށްފަ އެވެ. އެ ގައިޑްލައިންގައި ފާހަގަކޮށްފައިވާ ބައެއް މުހިންމު ކަންކަމުގެ ތެރޭގައި؛
• ގަރާޖު ހެދުމުގެ ކުރިން އެޗްޑީސީ އަށް ޑިޒައިން ހުށަހަޅައި އިމާރާތް ކުރުމުގެ ހުއްދަ ހޯދަން ޖެހޭނެ.
• ގަރާޖު ނުވަތަ ވޯކްޝޮޕް ހިންގުން ނޫން ކަމަކަށް އެ ބިން ބޭނުމެއް ނުކުރެވޭނެ.
• ގަރާޖުގައި މަސައްކަތްކުރާ މުވައްޒަފުންގެ ވެހިކަލްތަކާއި މަރާމާތަށް ގެންދާ ވެހިކަލްތައް ވެސް ޕާކުކުރަން ޖެހޭނީ ކުއްޔަށް ދީފައިވާ ބިމުގައި.
• ޑިފެންސް މިނިސްޓްރީން ގަބޫލުކުރާ ފަޔާ ސޭފްޓީ ނިޒާމެއް ހުންނަން ޖެހޭނެ.
ގަރާޖާއި ވޯކްޝޮޕް ހިންގަން ހުޅުމާލެއިން ކުއްޔަށް ދޫކުރާ ބިންތަކުގެ ކުރެހުމެއް.
ގަރާޖު ހިންގަން ބިން ދެނީ ހުޅުމާލޭގެ ސިނާއީ ސަރަހައްދުންނެވެ. އެއީ ހުޅުމާލޭގެ އިންޖީނުގޭގެ އިރުމަތީގައި އޮންނަ ހުސް ބިމުންނެވެ.
އެޗްޑީސީގެ ގައިޑްލައިންގައިވާ ގޮތުން، ކުއްޔަށް ދޭ ކޮންމެ ބިމެއްގައި އެވްރެޖުކޮށް 1،000 އަކަފޫޓް ހުންނާނެ އެވެ. ކުއްޔަށް ދޫކުރާ ބައެއް ބިންތަކުގެ ތެރޭގައި 2،000-5،000 އަކަފޫޓުގެ ބިންތައް ވެސް އެބަހުއްޓެވެ.
އެ އިމާރާތްތައް އެންމެ އުސްކޮށް ނެގޭނީ ދެ ބުރިއަށެވެ.
އެ ބިންތައް ކުއްޔަށް ދޫކުރާ އަގެއް އެޗްޑީސީގެ އިއުލާނުގައި ނެތެވެ.
މާލޭގައި ހުރި ގަރާޖުތައް ހުޅުމާލެއަށް ބަދަލުކުރުމަށް ބިން ކުއްޔަށް ދޫކުރަން ސަރުކާރުން ނިންމީ މި ފަހުން މ. ނިރުފެހިގޭގައި ހިނގި ނުރައްކާތެރި އަލިފާނުގެ ހާދިސާގައި ގިނަ ބަޔަކު މަރުވުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޭސީ
20 December 2022
މީ ކޮންކަހަލަ ގޮތެއް؟ އިއުލާންކުރާއިރު މިބުނަނީ ކުރިމަތިލެވޭނީ މި މީހުންނަށް އެކަންޏޭ. އެންމެންނަށް ވާދަކުރެވެންޖެހޭ. ވަރަށްބޮޑު ނާއިންސާފެއް
ޔާދީބު
20 December 2022
ބުނަން. ބަލަން ތިބެންވާނެ. އިންޑަސްޓްރިޔަލް ޒޯނުންވެސް ދިން ތިޔަގޮތަށް. ނަމަވެސް ވެރިކަން ބަދަލުވުމުގެ ވެސް މާ ކުރިން އެތަން އޮތީ މުއްލޮޓި ވެ ދަބަރަށްވެ ފެހިވިނައިން ބޭގަރާރު ވެފަ. ވީ ކީއް ކަމެއްވެސް ޔާދީބުން ނުދެންނަވާ. ކުރެހުންތައް ހުށަހައެޅިން އަޅުވެސް.
ކޮރަލް
20 December 2022
ކުއްޔަށް ދޭ މުއްދަތު ބުނެފަ އެއް ނެތެވެ. އަދި ކުލި ބުނެފަ އެއް ނެތެވެ. ހަމަ އޮޅުވާލުމެވެ. ކަންކަން ކުރަންވާނީ ހާމަ ކަން ބޮޑު ގޮތެއްގަ އެވެ. އޭރުން ގިނަ ބަޔަކު ކުރިމަތި ލާނެ އެވެ.
ފުކެއްް ބޮޑުވަރު
20 December 2022
ދެން ގޭއް އަނދައިފިއްޔާ ހުރިހާ ގެތައްވެސް ތިލަފުއްޓައް ނޫނީ ހުޅުމާލޭ އިންޑަސްޓްރިއަލް ޒޯނައް ދެއްތޯ ބަދަލުކުރާނީ. ދާދި މިދާކައްދުވަހު އިންޑިޔާ މިހުން ތަކެއްވެސް އަނދައިފި. އެހެންވީމަ މާލޭގަ އުޅޭ އިންޑިޔާ އެންމެން ތިލަފުއްޓައް ބަދަލުކޮއްލާ. ދެރައީ ގައުމުހިންގަން ނޭނގޭކަބްވެސް ނޭނގޭތީ.
ފެހުނު
20 December 2022
ދެން ފުރޮޅުފަޅައިގެން ދިޔަސް ކަބާފަ ބޮޑުއަގުދީފަ އަނެއް ރަށަށް ބޯހަލާކު
މަހަށްދޭދޭބަލަ
20 December 2022
މާލޭގައި ހުރި ގަރާޖްސް ތަކުގެ އަދަދަކީ 20 ހާސް ދެން އެންމެ 23 ބިން ދީގެން މިކަން ހައްލުކުރާނެ ހިސާބު އިލްމް ދިމާނުވާނެއޭ 5 ހާސް އަހަރުވާއިރުވެސް ތަމެން ދެން މަހަށްދޭބަލަ މަހަށް މަހަށްދޭބަލަ
ބަގަޓު
20 December 2022
20000 އޭ؟ 2 މިލިޔަނެއްނޫންތަ؟
ހިންގާލަން އައިމީހާ.
20 December 2022
ތިއިން ތަނެއް ހޯދުމަށް އެއްޗެއް ދޭންޖެހޭނެތަ ؟ ދޭންޖެހޭނަމަ އެއީ ކިހާވަރެއްތަ؟
އެޗް ޑީ ސީ
21 December 2022
އެންމެ މަތިން ބިޑް ކޮއްފަ ހުރީ އަދި 3 މިލިއަން. ފުރުސަތު އެބަ އޮތް. އަވަހަށް ދުރުވެ ބައްލަވާ!
ދޮން
20 December 2022
މާލޭގައި ހުރި ގަރާޖުތައް ހުޅުމާލެއަށް ބަދަލު ކުރީމަ ، މާލޭގައި އުޅޭމީހުން ސައިކަލް ބުރެކި ނަރު ކެޑުނަސް ޕިކަޕަކަށް ލައިގެން ހުޅުމާލެއަށް ތޯ ދާންޖެހެނީ. މާލެ މި ފަޅުރަށެއްކަމަށްތޯ ސަރުކާރު އިސްވެރިން ވިސްނަނީ މާލޭގައި އުޅޭމީހުންނަށް އިތުރު ތަކުލީފެއްތީ ކޮބާތޯ މާލޭ ގައި ތިކަމަށް ހިއްކި އިންޑަސްޓުރިއަލް ވިލެޖް މުޅިތަން އިންޑިޔާ ބުރިޖްއަޅާކުދިން ނަން ދީގެން ނެރެވޭ ނަތީޖާ އަކީ ކިބާތޯ..
ދޯޕައްޓާ
20 December 2022
ތިވިސްނުން ހުރެގެންނޭ ރާއްޖޭގެ ރަށްރަށުމީހުން ދަތެއްގަ ރިއްސައިގަންނައިރަށްވެސް ކ.މާލެއަށް ގޮސްގޮސް 30 އަހަރު ވަންދެން އުޅުނީ.
ފައިދަށުމަކުނު
20 December 2022
23 ބަދަލު ކުރިޔަސް ދޮންގެ ސައިކަލުގެ ބުރަކި ނަރާ ކެލެޖް ނަރު އަޅުވަދޭނެ ކުދުވެރިންނާއި އަވަށްޓެރި ގައުމުތަކުގެ ބޭފުޅުން ތިއްބަވާނެ މާލޭގަ. އެހެންނޫނަސް ބޮޑަށް ރަނގަޅީ ތަނާ އެކަށީގެންވާ ބާވަތުގެ އުޅަނދު ގެންގުޅުން. ކުދި ކުދި ކަންކަން ކޮއްލަން އަމިއްލެއަށް އިނގުން މުހިއްމު. އެހެންނު.
ފޫހި
20 December 2022
ދައުރު ނިމޭއިރު ހުރިހާ ބިމެއް ގާތްމީހުންނަށް ދީ ނިންމާލާތި. އަގު ނެތީމަ ޝައްކު އުފެދޭ. ތިޔައީ ވެސް ހަމަ ބޮޑު އާމްދަނީ ލިބޭ މަސައްކަތެއް. ތިޔަތަންތަން ނަގާފަ ދޭނީ ބިދޭސީންނަށް.