މާލޭގައި ހުރި ގަރާޖުތައް ބަދަލުކުރަން ހުޅުމާލެއިން ބިން ދެނީ

ހުޅުމާލެ ދެވަނަ ފިޔަވަހި: ގަރާޖުތައް ބަދަލުކުރަން ބިން ދޭން ވަނީ ނިންމާފައި-- ފޮޓޯ: ފަޔާޒު މޫސާ/ މިހާރު

އާސިމާ ނިޒާރު، މިހާރު

29 ނޮވެމްބަރ 2022 - 18:36

މާލޭގައި މީހުން ދިރިއުޅޭ ސަރަހައްދުގައި ހުރި ގަރާޖުތައް ރައްކާތެރި ތަނަކަށް ބަދަލުކުރަން ހުޅުމާލެއިން ބިން ދޭން އެޗްޑީސީން މިއަދު ނިންމައިފި އެވެ.

އެ ކުންފުނިން ބުނީ މާލޭގައި ހިންގާ 1،000 އަކަފޫޓަށް ވުރެ ކުޑަ ގަރާޖުތަކަށް 1،000 އަކަފޫޓު އަދި އެއަށްވުރެ ބޮޑު ގަރާޖުތަކަށް 1،300 އަކަފޫޓުގެ ބިން ދޫކުރަން ހަމަޖައްސާފައިވާ ކަމަށެވެ.

ގަރާޖުތައް ހަދަން ދޫކުރާ ބިމުގައި ދެ ފްލޯއަށް އިމާރާތްކުރެވޭނެ އެވެ.

މީހުން ދިރިއުޅޭ ގެތަކުގައި ހިންގާ ގަރާޖުތަކުގައި ވެލްޑިން ކުރުމާއި ޓިންކަރިންކުރުން ފަދަ ކަންކަން ކުރެ އެވެ. އަދި އެ ތަންތަނުގައި ތަފާތު ކެމިކަލްތައް ބޭނުންކުރުމުން ފުރާނައަށް ނުރައްކާވާ ހާދިސާތައް ވެސް ހިނގާފައި އެބަހުއްޓެވެ.

އެހެންވެ، އެޗްޑީސީން ބުނީ ރައްކާތެރި ތަނެއްގައި ގަރާޖުތައް ހިންގަން ބިން ދޫކުރުމަކީ އެ މައްސަލަ އަށް ބޮޑު ހައްލެއް ލިބޭނެ ކަމެއް ކަމަށެވެ.

"މިއީ މާލޭގައި ދިމާވާ ނުރައްކާތެރި ހާދިސާތައް މަދުކުރުމަށް ސަރުކާރުން އިސްނަގައިގެން ކުރަމުންގެންދާ މަސައްކަތުގެ ތެރެއިން މި ކޯޕަރޭޝަނާއި ސަރުކާރާއި ގުޅިގެން ނިންމި ނިންމުމެއް،" އެ ކުންފުނިން ބުންޏެވެ.

އެޗްޑީސީން ބުނީ ގަރާޖުތައް ބަދަލުކުރަން ބިން ހޯދުމަށް ވަކިން އިއުލާނުކުރާނެ ކަމަށެވެ. އަދި އެކަމުގެ ތަފްސީލުތައް ފަހުން ހިއްސާކުރާނެ ކަމަށް ބުންޏެވެ.

މާލޭގައި ހުރި ގުދަންތައް ހުޅުމާލެއަށް ބަދަލުކުރަން ނިންމިއިރު، މ. ނިރުފެހި ގޭގައި މި މަހުގެ ނުވަ ވަނަ ދުވަހުގެ ރޭ ހިނގި އަލިފާނުގެ ހާދިސާގައި 10 ބިދޭސީން ވަނީ މަރުވެފަ އެވެ.

އޭގެ ހަތަރު ދުވަސް ފަހުން ފުލުހުން ބޭއްވި ނިއުސް ކޮންފަރެންސްގައި އިންސްޕެކްޓަ އޮފް ޕޮލިސް މުހަންމަދު ސާމީ ވިދާޅުވީ އަލިފާނުގެ ހާދިސާގައި އެންމެ ފުރަތަމަ އަލިފާން ރޯވީ ގަރާޖުގައި ކަމަށެވެ. އެ ތަނުން އެއްޗެއް ގޮވައި، މުޅި ގޭގައި ދޮޅު މިނެޓްގެ ތެރޭގައި ހުޅު ހިފި ކަމަށް އޭނާ ވިދާޅުވި އެވެ.

އަލިފާން ރޯވި ގަރާޖު ހިންގުމުގެ ހުއްދަ ސަރުކާރުން ދީފައި އޮތީ ހުޅުމާލޭގަ އެވެ. ގަވައިދާ ހިލާފަށް އެކަން ކުރި މައްސަލަ ވެސް ފުލުހުން އަންނަނީ ބަލަމުންނެވެ.

ހުޅުމާލެ އެޗްޑީސީ

13 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވާނުވާ

01 December 2022

ދެން މާލެ ހުޅަގު ދެކުނުގަ ސިނާއީ މަސައްކަތްތަކާ ގަރާޖްތަށް ހަދަން ހުޅުވާލަން ހެދި ސަރަހައްދު ރައްޔިތުންނަށް ނުލިބޭނެތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮތަރު

30 November 2022

ތިލަ މާލެ ބުރިޖާއެކު ތިމަސައްކަތް ބަދަލުވާންޖެހޭނީ ތިލަފުއްޓަށް. ނަމަވެސް މާލޭގަވެސް ހުޅުމާލެގަވެސް މީހުން ދިރިއުޅޭ ސަރަހައްދާ ދުރުގަ ވެހިކަލްތަކުގެ ކުދި މަރާމާތަށް ކޮންމެވެސް މިންވަރަކަށް ގަރާޖު ހުންނަންޖެއެވެ. ދޮވެސާފު ކުރުމާއި މެއިންޓަނަންސް ފަދަ ބޮޑެތި މަސައްކަތަށް ތިލަފުށީގަ ގަރާޖުތައް ހެދުމަކީ އެންމެ ބުއްދިވެރި ގޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެޒޯ

30 November 2022

ވިސްނުންތެރިކަމާއި އެކު ކަންކަން ރާވަން ނޭގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްލަމް މިލިނިއަރ

30 November 2022

މިހާރު މާލޭ މީހުން އެންމެ ޖޭވަނީ ހުޅުމާލެޔާ މެދު. ވަކިން އޮންނަ ބިމެއް އެއީ މާލޭ ސިޓީއެއް ކަމަކު. މާލޭގެ ސްލަމްކަން ކަނޑުވާލާ ހުޅުމާލެއަށް ކުނިބުނި ޖަމާކޮށް ތޮއްޖައްސާ ހުޅުމާލޭގެ ހިތްފަސޭހަކަން ނަގާލަން މަސައްކަތްކުރާތަން ވަރަށް ފެނޭ މިދިޔަ 7 އަހަރު ތެރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުމާރުސް

30 November 2022

ހުރިހާ ގްރާޖުތައް އެއްކޮށް ހުޅުމާލެއަށް ބަދަލުކުރީމަ މާލޭގައި ދިރިއުޅޭ މީހުންނަށް ހާދަ އުނަދަގޫވާނޭ ހާދަ ދަތިވާނޭ މޭލޭގަވެސް ކޮންމެވެސް ދިމާލެއްގައި ގަރާޖުތަކެއް ހުރުން ވަރަށް މުހިންމުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކަރިމަސް

30 November 2022

ގޭ ބުޑުގަ ގަރާޖު ހުރީމާ ފޮޑިއެއް ޖަހާއިރަށް ގަރާގު ގޮވީމަ ރަނގަޅެއްނޫން. ކުޑަ އުނަދަގުލަކާ އެއްކޮށްވެސް ފުރާނަ ސަލާމަތްކުރުން މުހިއްމު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލަޑޭ

29 November 2022

އެނިމުނީނު އެކަން......ސިންޕަލް ކަމެއްނު ތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއުމޭދޯ

29 November 2022

ހުޅުމާލެ އަށް ބަދަލު ކުރާ ގަރާޖްސް ތަކާއި ވާރކްޝޮޕްސް ތައް ދޭންވީ މަދުވެގެން 5 ހާސް އަކަފޫޓް އަދި ދެ ބުރިއަށް ނޫން އެމެންނަށް އެތަން ނެގެންވާނެ މަދުވެގެން 15 ބުރިއަށް އެއިރުން ދެން ހުޅުމާލެ އަކީ އެއީ އިންޑަސްޓްރިއަލް ސިޓީ އަކަށް ބަދަލުވެ މާލޭގައި މިހާރު ހުރި ލައިޓް އިންޑަސްޓްރިއަލް މަސައްކަތް ތަކަށް އާމަގެއް ފެނި އެމެން ހިންދެމިލެވޭނީ ނަތީޖާ އަކީ ކުރިއަށް އޮތް 20 އަހަރު ފަހުން ރާއްޖެ އަކީ އިންޑަސްޓްރިއަލައިޒްޑް ކަންޓްރީ އަކަށް ބަދަލު ވެގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޓަރުވިސްނުން

30 November 2022

މަދުވެގެން އެއްލައްކަ އަކަފޫޓެއް ނޫންބާ ދޭންވީ؟ އެމެން އެތަންނެގެންވާނީ 25ބުރިއަކަށް ނޫންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޗީ

29 November 2022

ސިޓީ ކައުންސިލެއް އަނެއްކާވެސް ބޮޑު ފުރުސަތެއް. އަވަހަށް ބެކްޑޭޓް ކޮއްފަ ވަގަށް ހިންގާ ގަރާޖްތަކާ ، ގަަރާޖް ނުހިންގިޔަސް ބިންބޭނުން މީހުންނަށް ރަޖިސްޓްރީ ހަދަން ފަށާ .. ޖީބަށްލާން ދެތިން ލައްކަ ނަގަން ވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަޖިސްތަރީ ނުކުރާ ބަންގާޅީން

29 November 2022

މީހުން އާބާދުވަފަވާ ސަރަޙައްދާ ދުރުން ތިކަމަށް ބިންދޭން ޖެހޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިސްފާ

29 November 2022

ތީމިވަގުތައް ވާހަކަތައް ހިންދާލަން ކުރާކަމަކަށް ނުހަދާ ތިކަން ހައްލުވާނެ ގޮތެއް ހަދާތި.. އިއުލާން ކުރާއިރު ހިމަނާ ޝަރުތުތައް ގިނަކަމުން ތިކަން ނުވެ ހުއްޓޭގޮތް ނުހަދާތި..