އެއް ބިލިއަން ރުފިޔާގެ ޓީ ބިލް ސަރުކާރުން ވިއްކަނީ

އެމްއެމްއޭގެ ކައުންޓަރު މަތީގައި ހުރި ނޫޓުތަކެއް މީހަކު ގުނަނީ: ސަރުކާރުގެ ކޭޝް ފްލޯ ހަަޖައްސަނީ ބޭންކުތަކަށް ޓީ ބިލް ވިއްކައިގެން.

އަބްދުﷲ ޖަމީލު، މިހާރު

15 ޖެނުއަރީ 2017 - 14:06

6 comments

ސަރުކާރުގެ ކޭޝްފްލޯ ހަމަޖެއްސުމަށްޓަކައި އެއް ބިލިއަން ރުފިޔާގެ ޓްރެޝަރީ ބިލް (ޓީ ބިލް) ވިއްކަން މިއަދު ހުޅުވާލައިފި އެވެ. މިއީ މިއަހަރުގެ ތެރޭގައި ޓީ ބިލްގެ ގޮތުގައި ވިއްކަން ހުޅުވާލި އެންމެ ބޮޑު އަދަދެވެ.

މަރުކަޒީ ބޭންކު، މޯލްޑިވްސް މަނިޓަރީ އޮތޯރިޓީގެ ވެބްސައިޓްގައިވާ ގޮތުން ސަރުކާރުން ވިއްކަން ހުޅުވައިލި 1،054.70 މިލިއަން ރުފިޔާގެ ޓީ ބިލްގެ ތެރޭގައި ހިމެނެނީ 28 ދުވަހުގެ ތެރޭގައި އަނބުރާ ދައްކާ ގޮތަށް 316.4 މިލިއަން ރުފިޔާގެ ޓީ ބިލާއި 91 ދުވަހަށް 210.9 މިލިއަން ރުފިޔާގެ ޓީ ބިލާއި 180 ދުވަހަށް 316.5 މިލިއަން ރުފިޔާގެ ޓީ ބިލް އަދި 364 ދުވަހަށް 210.9 މިލިއަން ރުފިޔާގެ ޓީ ބިލެވެ. އެ ޓީ ބިލްތަކުގެ އިންޓަރެސްޓް ރޭޓް އުޅެނީ 3.5 ޕަސެންޓާއި 4.6 ޕަސެންޓާ ދެމެދުގަ އެވެ.

ސަރުކާރުން އެއް ބިލިއަން ރުފިޔާގެ ޓީ ބިލް ވިއްކަން ހުޅުވައިލި އިރު، އެމްއެމްއޭގެ ވެބްސައިޓްގައިވާ ގޮތުން މި މަހުގެ ތެރޭގައި ދެ ފަހަރެއްގެ މަތިން ވިއްކަން ހުޅުވައިލި 762.8 މިލިއަން ރުފިޔާގެ ޓީ ބިލްގެ ތެރެއިން 583.3 މިލިއަން ރުފިޔާ މިހާރު ވަނީ ސަރުކާރަށް ލިބިފަ އެވެ.

އެމްއެމްއޭގެ ވެބްސައިޓްގައިވާ ގޮތުން ސަރުކާރުން މިހާތަނަށް ޖުމްލަ 23 ބިލިއަން ރުފިޔާގެ ޓީ ބިލާއި ޓީ ބޮންޑް އަދި އިސްލާމިކް ސެކިއުރިޓީސް ވިއްކާފައިވެ އެވެ.

ސަރުކާރުން ވިއްކާ ޓީ ބިލްތައް އާއްމުކޮށް ގަންނަނީ ޕެންޝަން ފަންޑާއި ބައެއް ބޭންކުތަކާއި ސަރުކާރު ހިއްސާވާ ބައެއް ކުންފުނިތަކާއި އަމިއްލަ ކުންފުނިތަކުންނެވެ.

ފިނޭންސް މިނިސްޓްރީ އެމްއެމްއޭ ބޭންކިން ޓްރެޝަރީ ބިލް

6 ކޮމެންޓް, 35 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުއި ސައްޕެ

26 January 2017

ތިޔައީ އުފާ ކުރަން ޖެހޭ ވަރު ކަމެއް .... ޝޮކުރިއްޔާ ޤޢުމު ... އާފެށުން....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަރީ

16 January 2017

މިހާރު ވެފަ މިއޮތީ މާ މޮޅު ގޮތެއް. ވަޒީފާ އަދާކުރާ މީހުން އަތުންނާ ވަޒީފާ ދޭ މީހަ އަތުން މަޖުބޫރުން ޖުމްލަ 14 ޕަސެންޓް ކޮންމެ މަހަކު އެބަ އަތުލާ. މިއީ އެތައް މިލިއަން ރުފިޔާ. މިފައިސާއަށް ހަދާނެ ގޮތެއް ނެތް. ކުރެވޭނެ އިންވެސްޓްމަންޓްތަކެއް ނެތް. މިފައިސާތައް މިހުންނަނީ ސަރުކާރުން ބޭނުން ކޮންމެ ވަގުތެއްގަ ފަހުން ދޭގޮތަށް ޚަރަދުކޮށްލަން ރެޑީގަ. ޕެންޝަން ފަންޑު މިހާރުން މިހާރަށް އުވާލާ އެމީހެއްގެ ފައިސާ އެމީހަކަށް ރައްދުކޮށް ދޭންޖެހޭ. ކޮންމެހެން ސަރުކާރުން ޚަރަދުކުރަން މަޖުބޫރުން މީހުން އަތުން ނަގާކަށް ނުޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީ

15 January 2017

މިހުރިހާ ޓެކްސްނަގާ، މީރާއަށް އެތައް ބިލިއަން ރުފިޔާއެއް މިދިޔަ އަހަރުވެސް ވަދެފަ ވާކަމަށް ބުނާއިރު، ދެން ސަރުކާރުގެ ކޭޝްފްލޯ މިހާލަތަށް މިދާންވީ ކީއްވެގެންބާ؟ އަދިވެސް މަމެން ޕިންކު ކުދިން ހަމަ މިވަރުގެ ސަރުކާރެއް ނެތިފަ. އެކަމަކު މިސަރުކާރު ހިންގަ މިހާރު ލާރި ނެތިގެން މިޔޮށް ރައްޔިތުންގެ އަތުން ލޯނު ނަގަނީ. ދެން އާފެށުން ކޮންތާކު މިޖެހުނީ! އިރާދަފުޅުކުރެއްވީއްޔާ ތީ ހަމަ މިސަރުކާރުގެ ނިމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާގޮޑި ރާޖާ

15 January 2017

ގައުމު ދަރާ ވިކިފަ މިޔޮތީ އިކޮނަމިސްޓް މޮޅުކަމުން ރައްޔިތުން ލޮލުގަ އަދުން އަޅުވާފަ ދެންވެސް ގައުމު ސަލާމަތް ކުރެވެން އޮތީ ރައްޔިތުންގެ ބާރު ރައްޔިތުން ދައްކައިގެން ބަސްބުނެގެން ރައްޔިތުންވެއްޖެ ހޭއަރާ ވިސްނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެެންޓަލިސްޓް

15 January 2017

އެހެންވީމައި ގައުމުގެ ރައްޔަތުންގެ ބައިތުލްމާލް ހުސްވެ މިހާޜު ހުރީ އެހެންމީހުންގެ 23 ބިލިއަންރުފިޔާކަމަށް އަސްލު އެމް،އެމް،އޭއިން ތިޔަބުނެވެނީ ،،، 4 ލައްކަމީހުންގެ އާބާދީއެއް ދިރިއުޅޭގައުމެއްގެ މަރުކަޒީބޭނކް 23 ބިލިއަން އަށް ދެރީމައި އެވާއެއްޗެއް އެކިޔޭއެއްޗެއް ފަހުމްވާ ކިތަށް ސިޔާސީ ވެރިންބާ އުޅެނީ ،، ނޫނީ އެކިޔާއެއްޗެއް އެވާގޮތެއް ދެނެހުރި ކިތަށް ޓެކްނިކަލް މީހުންތޯ ތިބީ ،،، ގައުމުދަރާ ވިކިފައިތިޔައޮތީ ،،،، ދެންވާނެ ގޮތެއްވެސް ނޭންގޭ ،،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓީބިލް

15 January 2017

ހެޔޮނުވާނެ. ނުލިބޭވަރަށް ޚަރަދުނުކޮށްބަލަ. ތިޔަކަމުން ވެސް ދެރަލިބޭނީ ހަމަ ރައްޔިތުންނަށް. މާދަމާ އަނެއްކާ ކާއެއްޗެހި އަގުބޮޑުކޮށްލާނެ. ނޫނީ ކޮންމެވެސް ޓެކްސެއްނަގާނެ. ހާދަދެރައޭ.