ހަށިވިއްކުން ހުއްޓުވަން މިދިޔަ އަހަރު 25 އޮޕަރޭޝަން ހިންގައި، 32 މީހަކު ހައްޔަރުކުރި

ފުލުހުންގެ މައި އިދާރާ: ހަށިވިއްކުން ހުއްޓުވަން މިދިޔަ އަހަރު 25 އޮޕަރޭޝަނެއް ހިންގާފައިވާ ކަމަށް ފުލުހުންގެ ތަފާސް ިހިސާބުތަކުން ދައްކާ --- ފޮޓޯ/މިހާރު

މުއިއްޒު އިބްރާހިމް، މިހާރު

05 ޖެނުއަރީ 2023 - 17:36

11 comments

ހަށި ވިއްކުމާއި އިންސާނީ ވަގު ވިޔަފާރީގެ ހަރަކާތްތައް ހުއްޓުވަން މިދިޔަ އަހަރު 25 އޮޕަރޭޝަނެއް ހިންގައި، 32 މީހަކު ހައްޔަރުކުރި ކަމަށް ފުލުހުން ބުނެފި އެވެ.

ފުލުހުން އާންމުކުރި މިދިޔަ އަހަރުގެ ތަފާސް ހިސާބުތައް ދައްކާ ގޮތުން މިދިޔަ އަހަރު ހިންގި އޮޕަރޭޝަންގެ ތެރެއިން 14 އޮޕަރޭޝަނެއް ހިންގީ ފުލުހުންގެ އިންޓެލިޖެންސަށް ލިބުނު މައުލޫމާތަށް ބިނާކޮށެވެ. އަދި ބާކީ 11 އޮޕަރޭޝަނަކީ އިމިގްރޭޝަނާ ގުޅިގެން ހިންގި އޮޕަރޭޝަންތަކެއް ކަމަށް އެ ހިސާބުތަކުން ދައްކަ އެވެ.

ފުލުހުން ބުނިގޮތުގައި އެ އޮޕަރޭޝަންތަކުން ހައްޔަރުކުރި 32 މީހުންގެ ތެރޭގައި ހިމެނެނީ ހަ ދިވެހިންނާއި 26 ބިދޭސީންނެވެ. އަދި ކުރީ އަހަރުތަކުގައި ހައްޔަރު ކޮށްފައިވާ މީހުން ވެސް ހިމެނޭ ގޮތުން 28 ބިދޭސީއަކު މިދިޔަ އަހަރު މިފަދަ މައްސަލަތަކުގައި ޑީޕޯޓްކުރި ކަމަށް އެ ހިސާބުތަކުން ދައްކަ އެވެ.

އެ ހިސާބުތައް ދައްކާ ގޮތުން ހަށި ވިއްކުމާއި އިންސާނީ ވަގު ވިޔަފާރީގެ 11 މައްސަލައެއް މިދިޔަ އަހަރު ތަހުގީގުކުރި އެވެ. އަދި ހަ މައްސަލައެއްގެ ތަހުގީގު އަދިވެސް ކުރިއަށް ދާ ކަމަށް އެ ހިސާބުތަކުން ދައްކަ އެވެ.

އިތުރު ދެ މައްސަލައެއްގެ ތަހުގީގު ނިންމައި، ޕްރޮސެކިއުޓާ ޖެނެރަލްގެ އޮފީހަށް ފޮނުވާފައިވާއިރު ތިން މައްސަލައެއް ފައިލްކޮށްފައިވާ ކަމަށް ވެސް އެ ހިސާބުތަކުން ދައްކަ އެވެ.

ކުށްކުރުން ފުލުހުން ހިއުމަން ޓްރެފިކިން ހަށިވިއްކުން

11 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުދުހޭ

07 January 2023

25 އޮޕަރޭޝަން ހިންގިދާނެ 1 ދުވަހުންވެސް. ނަމަކަށް ކުރާ ކަމެއްކަމެއްވީމާތާ މިކަން ހައްލުނުވެ އޮތީ. އެމްޑީއެމް ވެސް އުވާލިދޯ އެކަމަކު އެތާ އުޅުނުމީހުން އެތިބީ ބޮޑު މަގާމުތަކުގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދުބޭބެ

06 January 2023

އަހަރަކަށް 25 އޮޕަރޭޝަން އެއީ ވަރަށް ބޮޑު ވަރެއްް ކުރީގައި ނަމަ. އެކަމަކު ދުވަހު ކުއްޔަށް ކޮޓަރިދޭ ބީދޭސީން އެމީހުންގެ ވިޔަފާރި ހިންގަނީ މަސްތުގެ ވަބާގައި ޖައްސާފައިތިބި ދިވެހި އަންހެނުން ބޭނުންކޮށްގެން. ރެއަކަށް އެތައް ސަތޭކަ އޮޕަރޭޝަން އެމީހުން ހިންގާ. އެކަން އެނގޭ މީހުން ވެސް ގިނަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

07 January 2023

މަސްތުގެ ވަބާގައި އަމިއްލައަށް ޖެހެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

06 January 2023

ހަށިވިއްކާ މީހުން އެކަން ކުރަނީ ސިއްރުން އެކަމަކު ބަނގުރާ ވިއްކު މަކީވެސް އިސްލާމުނައް ހުއްދަ ކަމެއްނޫން އެކަމަކު އެކަން ކުރަނީފާޅުގަ މުޅިރައްތުން ރުހުމާއެކުގަޔޭ ބުނެވިދާނެ! ދީނީ އިލުމުވެރިން ބުނަނީ ސިއްރުން ކުރާ ފާފަތަކަކީ ތައުބާވެވޭ އެމިހަކާ ﷲ ދެމެދުގަ އޮންނަކަމެއްކަމައް! މުންކަރާތްތައް ނަހީކުރުމުގެ ގޮތުން ތިކަންކުރާނަމަ ފުރަތަމަ ފާޅުގަ ވިއްކާ ބަނގުރާ ވިއްކުން ހުއްޓާލަން ޖެހޭކަމުގަ ދެކެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

06 January 2023

ޢާއްމުކޮށް ހަށިވިއްކަނީ ބޮންދުން ހިންގާ ގެސްޓް ހައުސްތައް ތެރެއިން! މަސްތުވާތަކެތިވެސް އެންމެ ބޮޑަށް ޑީލް ކުރަނީ ބޮންދުންނާއި ގުންޑާ ގްރޫޕްތައް ގުޅިގެން! މިފައިސާތައް ދޮންނަނީ ބޮންދުން ހިންގާ ކަންމަތީ ފިހާރަތަކާއި ކެފޭތައް ތެރެއިން! މިއީ އެންމެނަށްވެސް އެނގޭ ސިއްރުތައް! ކަމެއްނެތި މަގުމައްޗަށް ގިނަވެފަ ތިބޭ ދިވެހިންނަށްވުރެ މިއަދު ގިނައީ އެފަދަ ބޮންދުން! ބާޒާރުމަތީ އުނގުވިޔަފާރު ކުރާ ބޮންދުންވެސް މަދެއް ނޫން! ސަރުކާރުން މިކަންކަމަކާ އަޅައެއްނުލާ!