އިދިކޮޅުގެ އެއްވުން މިފަހަރު "ތިޔަހެން ނުވިއްކޭނެ" ނަމުގައި

ރާއްޖޭގެ ބިންތައް ބޭރުގެ ފަރާތްތަކަށް ވިއްކުމާ ދެކޮޅަށް އިދިކޮޅު ޕީޕީއެމުން ސިލްސިލާ އެއްވުންތަކެއް ފަށަން ނިންމައިފި އެވެ.

"ތިޔަހެން ނުވިއްކޭނެ" ނަމުގައި އެ އެއްވުން ފަށަން ނިންމާފައި ވަނީ އަންނަ ހުކުރު ދުވަހު ބާއްވާ ހިނގާލުމަކުންނެވެ.

މިއަދު ޕީޕީއެމުން ބޭއްވި ނޫސްވެރިންގެ ބައްދަލުވުމުގައި ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވީ މި ހަރަކާތް ހިންގުމުގެ އެންމެ ބޮޑު ބޭނުމަކީ ދިވެހިންގެ ބިންތައް "ނުއަގުގައި، ބިން ވިއްކުމުގެ ގާނޫނުތަކާ ހިލާފަށް" ސަރުކާރުން ސިޔާސީ ބޭނުމަށް ވިއްކާތީ ކަމަށެވެ.

މި އެއްވުން މި ބާއްވަނީ ތިލަފުށިން ބޭރުގެ ކުންފުނިތަކަށް 99 އަހަރަށް ކުއްޔަށް ދިނުމަށް އިއުލާނުކުރުމުން އެކަމަށް ފާޑުކިޔުން އަމާޒުވެފައި ވަނިކޮށެވެ.

"ބިން ވިއްކުމަށް ހެދިފައި ހުރި ޑޮކިއުމަންޓްތަކުން މި އެނގެނީ މިއީ ވަކި ގައުމެއްގެ ވަކި ކުންފުނިތަކަކަށް ބިން ދިނުމަށް ހަދާފައިވާ އެއްޗެހިކަން،" ޝިޔާމް ވިދާޅުވި އެވެ.

މި ސަރުކާރުން ބޭރުގެ ފަރާތްތަކަށް ބިން ވިއްކުމާ ދެކޮޅަށް ޕީޕީއެމުން ނުކުންނައިރު ކުރީގެ ރައީސް އަބްދުﷲ ޔާމީންގެ ވެރިކަމުގައި ފ. އަތޮޅު ވިއްކާލަން އުޅުމާ ހުރި ތަފާތަކީ ކޮބައިތޯ ނޫސްވެރިއަކު ސުވާލުކުރި އެވެ.

"ފ އަތޮޅުގެ މަޝްރޫއުއަކީ މި ރާއްޖޭގައި ހިނގާނެ އެންމެ ބޮޑު އިގްތިސާދީ މަޝްރޫއު. އެ މަޝްރޫއުއިން ދިވެހި ރައްޔިތުންގެ ދިރިއުޅުންތައް ތަނަވަސް ކޮށްދޭނެ. ކޮންމެ ރައްޔިތެއްގެ ބޮލަށްޖެހޭ ޑޮލަރުގެ އަގު މިހާރަށްވުރެ އެތައް ގުނައެއް އިތުރުވާނެ'" ރައްދުގައި ޝިޔާމް ވިދާޅުވި އެވެެ.

Bidheyseennah ves fahivaa gothah 99 aharah Thilafushin 57 bimeh kuyyah dhenee

The most trusted news source in the Maldives

Mihaaru

"އަަދި އޭގެ އަނެއް ތަފާތަކީ ޔާމީން ވަޑައިގެންނެެވީ އިގްތިސާދު އިތުރު ކުރުމަށް ގާނޫނީ އޮނިގަނޑަކާ ވެސް އެއްކޮށް. މިހާރު އެ ގާނޫނު އުވާލާފައި އާ ގާނޫނެއް ހަދައިގެން އުޅެނީ."

އެޗްޑީސީން ވަނީ ހުޅުމާލޭން ހަ ބާވަތެއްގެ ޕްލޮޓް ދޫކުރަން އިއުލާންކޮށްފަ އެވެ. އޭގެ ތެރޭގައި ހިމެނެނީ 2،500 އަކަފޫޓާއި 35،000 އަކަފޫޓާ ދެމެދުގެ ބިންތަކެވެ. އެންމެ ކުޑަ އަގެއްގެ ގޮތުގައި އަކަފޫޓަކަށް 1،700ރ. ދައްކަން ޖެހޭނެ އެވެ.

ބީލަމުގެ އުސޫލުން ސިނާއީ ބޭނުމަށް ތިލަފުށިން ބޭރުގެ ކުންފުނިތަކަށް ބިން ދޫކުރެވޭނީ އެއީ ސަރުކާރުގެ ފޮރިން ޑިރެކްޓް އިންވެސްޓްމަންޓް ޕޮލިސީ (އެފްޑީއައި) ގެ ދަށުން ހުއްދަ ދީފައި އޮތް، އަދި ރާއްޖޭގައި ރަޖިސްޓްރީކޮށްފައިވާ ކުންފުންޏެއް ނަމަ ކަމަށް އެޗްޑީސީން ވަނި ބުނެފަ އެވެ.