ބުރުނީ ހާދިސާ: އިމަޖެންސީގައި ދެ މީހަކަށް ފަރުވާ ދެނީ

އައިޖީއެމްއެޗް:.-- ފޮޓޯ: ފަޔާޒު މޫސާ/ މިހާރު

އާސިމާ ނިޒާރު، މިހާރު

28 ފެބުރުއަރީ 2023 - 21:51

ތ. ބުރުނީގައި މިދިޔަ އާދީއްތަ ދުވަހު ހިނގި ބޮޑު ހާދިސާގައި އަނިޔާވި ދެ މީހަކަށް އައިޖީއެމްއެޗުގައި ފަރުވާ ދޭން ފަށައިފި އެވެ.

އެކްސްކަވޭޓަރަކުން ރުއްތަކެއް ނެގުމުގެ މަސައްކަތް ކުރަނިކޮށް، ވެއްޓުނު ރުކަކުން ޖެހި އެކަކު މަރުވެ، ތިން މީހަކަށް އަނިޔާ ވި އެވެ. އެ މީހުންނަށް ފަރުވާ ދިނުމަށް ދ. ކުޑަހުވަދޫގައި ހިންގާ އަތޮޅު ހޮސްޕިޓަލަށް އެ ދުވަހު ގެންދިޔަ ނަމަވެސް އިތުރު ފަރުވާ އަށް ފަހުން މާލެ ފޮނުވާލި އެވެ.

އައިޖީއެމްއެޗްގެ މީޑިއާ އޮފިޝަލަކު ވިދާޅުވީ ބުރުނީގައި ހިނގި ހާދިސާގައި އަނިޔާވެގެން ތިން މީހަކު އެ ތަނަށް ގެންދިޔަ ކަމަށެވެ. އޭގެ ތެރެއިން އެކަކަށް ފަރުވާ ދިނުމަށް ފަހު މިހާރު ހޮސްޕިޓަލުން ވަނީ ދޫކޮށްލައިފަ އެވެ.

Buruni gai rukakun jehi, bidheysee eh maruve, ithuru bayaku serious

The most trusted news source in the Maldives

Mihaaru

ބާކި ތިބި ދެ މީހުންނަށް އިމަޖެންސީގައި ފަރުވާ ދެމުން އަންނަ ކަމަށް އޭނާ ވިދާޅުވި އެވެ. އެއީ އުމުރުން 27 އަހަރުގެ ސްރީ ލަންކާގެ މީހަކާއި 43 އަހަރުގެ އިންޑިއާ މީހެކެވެ.

އެ މީހުންގެ އަތާއި ބޮލުގެ އެކި ތަންތަން ވަނީ ފަޅައިގެން ގޮސްފަ އެވެ.

ލިބިފައިވާ ބައެއް ވީޑިއޯތަކުން އެނގޭ ގޮތުގައި ވިއްސައިގެން ގޮސް އެކެއްގެ ބޯ ޖެހިފައި އޮތީ ކޮންކްރީޓް ގަނޑެއްގަ އެވެ. އޭނާގެ ބޯ ފަޅައިގެން ގޮސް ލޭތައް ފައިބަމުން ދިޔައިރު އޭނާ އަށް ހަރަކާތް ކުރެވެނީ ވަރަށް ކުޑަކޮށެވެ. ބައެއް މީހުންގެ ބޭރުފުށުން ޒަހަމެއް ފެންނަން ނެތަސް އެ އެންމެން ތިބީ ހަރަކާތް ހުއްޓިފަ އެވެ.

ދ. ކުޑަހުވަދޫ ތ. ބުރުނި އައިޖީއެމްއެޗު ބިދޭސީން އެކްސިޑެންޓް

3 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަދީފްއޮފިޝަލް

01 March 2023

މަސައްކަތުގެ މާހަލުގަ މިފަދަ ރިސްކް އެކުލެވޭ މަސައްކަތްކުރާއިރު ކޮންމެވެސް ވަރަކަށް ގްރެވިޓީ ، އިކުލިބްރިއަމް ، ފޯސް ، މޯޝަން ، ރިލޭޓިވް ވެލޯސިޓީ ފަދަ ބައިތަކަށް ވިސްނައިގެން ކުރިއަށް ދިޔުން ރަނގަޅު.އިސްރަށްވެއްސެއްގެ އިރުޝާދާއި އެކީގަ ތިޔަކަން ކުރިނަމަ ރިސްކް ކުޑަކުރެވި ޓްރެޖެޑީއަކުން ސަލާމަތް ވުމުގެ ފުރުސަތު އޮތީސް.އިސްރަށްވެހިން އެއީ މިފަދަ ކަންކަމުަގ ތަޖްރިބާކާރުން.ވެލޯސިޓީ އެއީ ކޯޗެއްކަން ނޭނގުނަސް އެމީހުންނަށް ތަންދޮރު އެނގޭނެ.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

01 March 2023

ސަރަޙައްދީ ލެވެލްގަ ކުރާ ކޮންކްރީޓަށްވުރެ މިވަރުގެ ކަމެއްވެސް ކޮށްލެވޭވަރަށް ހޮސްޕިޓަލްއެއް ތަރައްޤީ ކޮށްލުން މާމުހިއްމު! އަދި ހުރިހާ ކަމަކަށް ބިދޭސީން ލައިގެން، ވަޒީފާ ދިނުނުގަ ދިވެހިން ބާކީ ކޮށްގެން އުޅޭ އުޅުންވެސް ހުއްޓަންޖެހޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

28 February 2023

މަރުތަންމައްޗަށް އެރިޔަސް މިދާންޖެހެނީ ނުވަތަ ގެންދަން ޖެހެނީ ރާއްޖޭގެ މުޤައްދަސް ބިންކަމުގައިވާ މާލެ'ފުޅަށް'. އެއީ ރާއްޖެތެރޭ މީހުންނަށް ހައްޤުމިންވަރަކީ. މިއީ ދައުލަތެއް ތޯ ނުވަތަ ޕްރިވެޓް ކުންފުންޏެއް ތޯ ސުވާލު އުފައްދަންޖެހޭ. މާލެ ނޫން އެހެން ގޮތެއް ރާއްޖެތެރޭ މީހުން ހޯދަން ބޭނުން ނަމަ 2023ގައި އެމްޑީޕީ އަދި ޕީޕީއެމް އަދި މާލޭ މީހުންނަށް ނޫނެކޭ ބުނަންޖެހޭ.