ޕީޕީއެމްގެ ޖަލްސާގައި އެ ޕާޓީގެ އާއްމު މެމްބަރުންނަށް ރައީސް ޔާމީން އަތްޕުޅުން އިޝާރާތްކުރައްވަނީ. ކޮރަޕްޝަނާ ގުޅޭގޮތުން އެމަނިކުފާނު ދެއްކެވި ވާހަކަފުޅާ މެދު އެމްޑީޕީން ވަނީ ހިތްހަމަނުޖެހުންފާޅުކޮށްފައި. --ފޮޓޯ: މިހާރު
21 ޖެނުއަރީ 2017 - 10:28
38 comments
ކޮރަޕްޝަނަކީ އިންސާނީ ތަބީއަތުގައި ހިމެނޭ ކަމަކަށް ވާއިރު، ދިވެހިންގެ ތެރޭގައި ވެސް އެކަން އޮންނާނެ ކަމަށް ވިދާޅުވެ ރައީސް އަބްދުﷲ ޔާމީން ވާހަކަ ދެއްކެވީ ޚިޔާނާތާއި ވައްކަމަކީ ވެސް އާދައިގެ ކަމެއްގެ ގޮތުގައި ދެއްކެވުމަށް ކަމަށް، އިދިކޮޅު އެމްޑީޕީން ބުނެފި އެވެ.
މ. މުލަކާއި ދިއްގަރު އަދި މަޑުއްވަރީގެ ބައެއް މީހުން ޕީޕީއެމަށް ސޮއިކުރުމަށް ބުރާސްފަތި ދުވަހުގެ ރޭ ދަރުބާރުގޭގައި ބޭއްވި ހަފުލާއެއްގައި ރައީސް ޔާމީން ވިދާޅުވީ ކޮރަޕްޝަނަކީ އިންސާނީ ތަބީއަތުގައި ހިމެނޭ ކަމަށް ވާތީ މި ސަރުކާރުގެ ތެރެއިން ހިންގާ ކަންތައްތަކުގައި ވެސް ކޮރަޕްޝަނަށް ޖާގަ އެބައޮތް ކަމަށެވެ. ރައީސް ވިދާޅުވީ ކޮންމެ ސަރުކާރަކުން ވެސް މަސައްކަތް ކުރާނީ އެ ޖާގަ ކުޑަކުރެވޭތޯ ކަމަށެވެ.
ރައީސްގެ ވާހަކަފުޅު ކުށްވެރިކުރައްވައި ނެރުނު ބަޔާނުގައި އެމްޑީޕީން ބުނީ ރާއްޖޭގެ ރައްޔިތުން ސިއްސުވާލައި ރައްޔިތުންގެ މުދަލާއި ފައިސާއިން އެންމެ ބޮޑެތި ވައްކަންތަކާއި ހިޔާނާތް ހިންގި ސަރުކާރަކަށް މި ސަރުކާރުވެފައިވާ ކަމަށެވެ. އެ ވައްކަންތަކާއި ހިޔާނާތްތަކުގެ ފުރިހަމަ ތަހުގީގެއް ނުހިންގައި އެކަންކަން ތޮބީއަތާ ގުޅުވުމަކީ އިސްލާމް ދީނުގެ އަސާސްތަކާއި އިންސާނީ އެންމެހާ ހަމަތަކާ ހިލާފު ބިރުވެރި ކަމެއް ކަމަށް އެ ބަޔާނުގައިވެ އެވެ.
އެ ޕާޓީން ބުނިގޮތުގައި، ތޮބީއީގޮތުން އިންސާނާއަކީ ހެޔޮކަމާއި މައުސޫމްކަމުގެ ސިފަތަކުން ސިފަ ލިބިގެންވާ ފަރާތަކަށްވެފައި، އެ މީހަކު ހިޔާނާތްތެރިއަކަށް ނުވަތަ ވަގަކަށް ވާނީ އަމިއްލަ އަށް ކަމަށްވާއިރު އެ ހަގީގަތް ގައުމުގެ އެންމެ މަތީ ވެރިޔާ އަށް އެނގިވަޑައިނުގެން ވާހަކަފުޅު ދެއްކެވުމަކީ ރައްޔިތުންނާއި ދައުލަތުގެ ބައިތުލްމާލަށް އޮތް ބިރެކެވެ.
މި ސަރުކާރުން ކޮށްފައިވާ ބޮޑެތި ވައްކަންތަކާއި ހިޔާނާތުގެ މައްސަލަތަކުން ސަރުކާރުގެ ވެރިން ސަލާމަތްވެވޭނެ، ބުއްދި ގަބޫލުކުރާ އެއްވެސް ހެއްކެއް ނެތް ކަމަށް އެމްޑީޕީން ބުންޏެވެ.
"...މިހާރު މި ފެންނަނީ ވައްކަމާއި ހިޔާނާތަކީ އިންސާނީ ތޮބީއަތުގައިވާ ކަންތައްތަކެއް ކަމާއި، އާއްމުކޮށް އެންމެން ކުރާނޭ ކަންތައްތަކެއް ކަމަށް ވާހަކަފުޅު ދައްކަވައި ވައްކަމާއި ހިޔާނާތުގެ ނުބައިކަން ކުޑަކަމެއްގެ ގޮތުގައި ސިފަކުރެއްވުމަށް މަސައްކަތްޕުޅު ކުރައްވާ ތަނެވެ. އަދި އެ ކަންތައްތަކަކީ މުޖުތަމައިން ކަންބޮޑުވާން ޖެހޭ ކަންތައްތަކެއް ނޫން ކަމަށް ސިފަކުރައްވާ ތަނެވެ،" އެމްޑީޕީގެ ބަޔާނުގައިވެ އެވެ.
މީގެ ކުރިން ވެސް މިފަދަ ވާހަކަފުޅުތައް ރައީސް ދައްކަވާފައިވާ ކަމަށް ބުނެ، އެފަދަ ވާހަކަފުޅުތައް ދެއްކެވުން ހުއްޓާލެއްވުމަށް އެމްޑީޕީގެ ބަޔާނުގައި ގޮވާލާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަދޫދު
22 January 2017
" ރައީސް ޔާމީން ވިދާޅުވީ ކޮރަޕްޝަނަކީ އިންސާނީ ތަބީއަތުގައި ހިމެނޭ ކަމަށް ވާތީ މި ސަރުކާރުގެ ތެރެއިން ހިންގާ ކަންތައްތަކުގައި ވެސް ކޮރަޕްޝަނަށް ޖާގަ އެބައޮތް ކަމަށެވެ. " ހަހަަަހަހަހާހާހާ.......
ކޯޅުން
22 January 2017
އިންސާނީ ޠަބީޢަތުގައި އޮންނަ ކަމެކޭ ބުނެ ވާހަކަ ދެއްކުމަކީ ދެރަވަރުކަމެއް. އިންސާނުންގެ ތެރޭގައި ކުށްކުރުން އޮންނާނެ، ކުށް ނެތް މުޖްތަމަޢެއް ނުއޮންނާނެ. އެކަމަކު އެއީ އާދަޔާ ޚިލާފަށް މައްޗަށް ދިއުމުން މައްސަލައެއް. ކޮރަޕްޝަންވެސް އޮންނާނެ، ނަމަވެސް އެކަމުގައި ހައްދުފހަނަ އަޅާދާއިރު ވެރިއެއްގެ ހައިސިއްޔަތުން އެކަމަށް ހައްލެއް ނުގެނެވި ދުވަހުން ދުވަހަށް އެކަން މައްޗަށް ދާނަމަ އެއީ މައްސަލައެއް. އެންމެ ބޮޑު ތުހުމަތެއް މިކުރެވެނީ ރާއްޖޭގެ އެންމެ މަތީ ފެންވަރުގެ ވެރިންނަށް އެހެންވީމަ އަދި އެއީ އެއަށްވުރެ ބޮޑު މައްސަލައެއް.
ގާދޫނި
22 January 2017
އެމްޑީޕީގެ ބަޔާނަށް އަޅުގަނޑު ތާއީދު
ހަޖަމު
22 January 2017
ކަންކަން ރަނގަޅުކުރެވޭނީ ތަބީޢީ ވާހަކަ ދައްކައިގެން. އެކަމާ ވިސްނައިގެން. ހަޖަމު ކުރެވިގެން. އެކަމާއި ބެހޭ ވާހަކަ ނުދައްކާ ގޭމްޕްލޭން ބީ އެއް ނެތިއްޔާ ކޮރަޕްޝަނޭ ކިޔައިގެން ހުރިހާކަމެއް ހުއްޓުމަކަށް އައިސް އަތް މައްޗަށް ނަގައިގެން މަގުމައްޗަށް ނުކުމެ ދުވީމަ ނިމުނީ؟ އަޑު އެހުމުގެ ގާބިލްކަން ހުންނަވާ.
ށާށާ
22 January 2017
ކޮރަޕްޝަނަކީ ކުޅޭ ގޭމެއް މިހާރު. މިގޭމް އިން މޮޅުވާނީ އެންމެގިނައި އެކަން ކުރުން މަނާ ކުރަން ގޮވަމުން އެކަން ކުރާމީހާ
އިބިރިހިން ބެއްޔާ
21 January 2017
ހެޔޮކަން ދޯ.
ހަފޯ
21 January 2017
ޕްރޮފެސަރު އުގެއިލް އާއިލީ ގުޅުންތަކާ ބެހޭގޮތުން މިކަހަލަ ކޮމެންޓެއް ކުރީމަ އެންމެން ދުއްވައިގަތީ އާނ އާނ ތިއީ ތެދެއް ކިޔަން. ދިވެހިންގެ ވިސްނުމުގެ ކޮރަޕްޝަންގެ މައްސަލަ ކުޑައެއްވެސް ނޫން.
އެމްވީވޮޗް
21 January 2017
ފަހު ޒަމާނުގައި ޙަލާލް ޙަރާމް އޮޅޭނެ ވާހަކަ މާކުރިން އޮތީ އަންގަވާފައި.. އެކަން މިހާރު ފެންނަމުން މިދަނީ.. އަހަރެން ހައިރާނެއް ނުވޭ މީނަ މިކަހަލަ ވާހަކަ ދެއްކީމަ.. އަހަރެން ވަރަށް ގާތުން ވަރަށް ރަނގަޅަށް ދަންނަމީހެއްވީމަ މިބުނީ..
ހަސަން
21 January 2017
ނަޝީދު ކީތަކުރީ ތިންއަހަރުގާ.
ކަޅުކާޅު.
21 January 2017
ފުލެޓް އެޅީ. އަހަރުމެން ރާއްޖެތެރޭ މީހުންނަށް އެންމެ 740 ފުލެޓް މި ސަރުކާރުން އަޅާދެނީ. މާލެމީހުން ހިތައް އެރީމަ ކުލި ބޮޑު ކޮއްފަ، މަމެންގެ ލިބޭ މުސާރައިން ޅަދަރުންނަށް ކިޔަވާދީފަ ކުލިދައްކާ ދެން ނޯވޭ މީރުކޮއް ކާލެވޭ ވަރުގެ ފައިސާ އެއް.#ވޯރކް ހާރޑް # ޕޭ ރެންޓް # ޑައި .
ކޮން
22 January 2017
ނަޝީދު ކޮށްގެން ޔާމީނު ކޮށްގެންނެއް ނޫން ކަމެއް ރީތިވެ ހުތުރުވަނީ، އެކަމަކީ ހުތުރު ކަމެއްގެ ގޮތުގައި އެންމެހައި މީސްތަކުން ދެކޭތީ އަދި އިލާހީ ބަސްފުޅުގައިވެސް އެކަން އެގޮތަށް އޮންނާތީ، ނަޝީދު ތިންއަހަރު އެކަން ކުރުމަކީ ޔާމީނުގެ ފަސްއަހަރުގައި އެކަން ކުރަންޖެހޭ ސަބަބެއް ނޫން. ތަޢައްޞުބުން ފުރިފަ މިތެބެނީ މީހުން. އެއްބަޔަކު ޕިންކު އަނެއްބަޔަކު ޔެލޯ އަނެއް ބަޔަކު އޮރެންޖް. ގައުމާމެދަކު ނުވިސްނާ ވިސްނަނީ ޖީބަށް. އައްޔަކަސް ކާސިމަކަސް ގޯހެއްވިއްޔާ ވާނީ ގޯހަށް. އަންނީގެ ދުވަސްވަރު އޮތްވަރަށްވުރެ ކަރަޕްޝަން އެތައް ގުނައެއް މިހާރު އިތުރު، އެކަން ރަސްމީ ރިޕޯޓުތަކުން އެހެރީ އެނގެން.
އެމެންތޭ
21 January 2017
މިސަރުކާރުން ކޮރަޕްޝަން ގެ އުސޫލުން ކޮށްފައިވާ ކަންކަން ވެސް ދަނީ އޭސީސީން ބަލަމުންނެވެ. ރައީސް ވިދާޅު ނުވޭ އެއީ ތަބީއީ ކަމެކޭ. އެމްޑީޕީ ގެ ވެރިކަމުގައި ހުރިހާ މިނިސްޓްރީ ތަކުން ދައުލަތުގެ މާލިއްޔަތުގެ ގާނޫނާއި ޚިލާފަށް ޚަރަދު ކުުރުމުން ވެސް އެމްޑީޕީގެ ވެރިކަމުން ކުރި ކަމެއް ނެތެވެ. އޭސީސީގެ އެންގުމާއި ޚިލާފަށް ބޯޑަރ ކޮންޓްރޯލް ނިޒާމް ގައި ސޮއިކުރުމުން އެވެސް އޯކޭވީ އެމެންގެ ވެރިކަމުގައި ތޯ އައި ޑޯން ނޯ ވަޓް ޓު ސޭ.