ރައީސް އިބްރާހިމް މުހައްމަދު ސޯލިހު، ކުރީގެ ރައީސް މައުމޫންއާ ބައްދަލު ކުރައްވަނީ. -- ފައިލް ފޮޓޯ: ރައީސް އޮފީސް
19 މާޗް 2023 - 10:53
20 comments
ކޯލިޝަން ހަދަން ދެއްވި ދައުވަތާ ގުޅިގެން ރައީސް އިބްރާހިމް މުހައްމަދު ސޯލިހު، އެމްއެމްއާރުއެމްގެ މުސްތަޝާރު އަދި ކުރީގެ ރައީސް މައުމޫން އަބްދުލްގައްޔޫމާ މިއަދު ބައްދަލު ކުރައްވާނެ އެވެ.
މި ސަރުކާރު ހިންގާ ކޯލިޝަންގައި ހިމެނޭ އެމްއާރުއެމްގެ ފައުންޑަރު މައުމޫނާ، ރައީސް އިބްރާހިމް މުހައްމަދު ސޯލިހު ބައްދަލުކުރައްވާނެ ކަމަށް ރައީސް އޮފީހުގެ ތަރުޖަމާނު މިއުވާން މުހައްމަދު "މިހާރު" އަށް ކަށަވަރު ކޮށްދެއްވި އެވެ.
އެ ބައްދަލުވުން އޮންނާނީ މިއަދު ހެނދުނު 11:00 ހާއިރު ރައީސް އޮފީހުގަ އެވެ.
ރައީސް އިބްރާހިމް މުހައްމަދު ސޯލިހު ވަނީ މިހާރު ވެސް އެ މަނިކުފާނުގެ ސަރުކާރުގައި ހިމެނޭ ކޯލިޝަން ޕާޓްނަރުން ސެޕްޓެމްބަރު 9 ގައި ބާއްވާ ރިޔާސީ އިންތިހާބުގައި އެކުގައި ދެމިތިބުމަށް ދައުވަރު ދެއްވައިފަ އެވެ.
އެ ދައުވަތު ގަބޫލުކޮށް، އަނެއްކާވެސް އެމްޑީޕީއާ ކޯލިޝަން ހަދަން މިހާތަނަށް ނިންމާފައި ވަނީ އަދާލަތު ޕާޓީ އެކަންޏެވެ. މިހާރުގެ ކޯލިޝަންގައި ނުހިމެނޭ އެމްޑީއޭ އިން ވަނީ މި އަހަރުގެ ރިޔާސީ އިންތިހާބަށް އެމްޑީޕީއާއެކު ކުރިއަށް ދާން އެއްބަސްވެފަ އެވެ. އެހެންވެ، ރައީސް އިބްރާހިމް މުހައްމަދު ސޯލިހާއެކު މި ފަހަރުގެ ރިޔާސީ އިންތިހާބުގައި ތިބެން މިހާތަނަށް އެއްބަސްވީ އަދާލަތާއި އެމްޑީއޭ އެވެ.
ކޯލިޝަން ހަދަން ދައުވަތު ދީފައި ވަނިކޮށް ޖުމްހޫރީ ޕާޓީގެ ކައުންސިލުން ވަނީ ރިޔާސީ އިންތިހާބުގައި އެ ޕާޓީގެ ކެނޑިޑޭޓަކު ވާދަ ކުރަން ނިންމައިފަ އެވެ. ކޯލިޝަނެއް ހަދަން ޖެހިއްޖެ ނަމަ އެ ޕާޓީ އިސްވެ އޮވެ ކޯލިޝަން ހަދަން މަޝްވަރާތައް ފަށަން ވެސް ޖޭޕީގެ ކައުންސިލުން ވަނީ ފާސްކޮށްފަ އެވެ.
ނަމަވެސް ޖުމްހޫރީ ޕާޓީން ކޯލިޝަން ނުހަދާނެ ކަމަށް ރަސްމީކޮށް އަންގާފައި ނުވާތީ ސަރުކާރުގެ އޮފިޝަލުން ވިދާޅުވަނީ އަދިވެސް އެ މަޝްވަރާތައް ކުރިއަށް ދާނެ ކަމަށެވެ.
ޖުމްހޫރީ ޕާޓީން އަންނަނީ އެމްޑީޕީގެ ރިޔާސީ ޕްރައިމަރީން ނާކާމިޔާބުވި ރައްޔިތުންގެ މަޖިލީހުގެ ރައީސް މުހައްމަދު ނަޝީދާ ކޯލިޝަނެއް ހެދުމުގެ މަޝްވަރާތަކެއް ވެސް ކުރަމުންނެވެ.
ނަޝީދުގެ "ފިކުރެއްގެ ދިރުން" ފެކްޝަނުން ވަނީ ރައްޔިތުންގެ މަޖިލީހުގައި ވެސް ޖުމްހޫރީ ޕާޓީއާއެކު ޖޮއިންޓް ޕާލިމެންޓަރީ ގްރޫޕެއް އެކުލަވާލަން މަޝްވަރާ ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބިޑި ކާ
19 March 2023
އޭނަ އާއި ޙަވާލުކޮށްފާ މީނަ ގެ އަށް ދޭ
ބޮޑުމީހާ
19 March 2023
އެއް ދައުރުގަ 1400 ސިޔާސީ މަގާމު. މިވަރުން ކޯލިޝަން ހަދަން އަނެއް ދައުރުގަ 2000-3000 ސިޔާސީ މަގާމު ބޭނުންވާނެ. އަދި ދައުލަތުގެ ދަރަނި އިތުރު 60 ބިިލިއަނަށް ދަރުވާލެވޭނެ.
ކުނަލަންހާ
19 March 2023
އެވަރު ނުވާނެ
މިއީ މަ ހާދަ ލޯބިވާ ދެރައީސުންނޭ
19 March 2023
ރައީސް މައުމޫން ދެކެ ވަނީ ބަފާވަންތަ ކަމުގެ ލޯތްބެވެ. ރައީސް ޞޯލިޙް ދެކެ ވަނީ އަޚްވަންތަ ކަމުގެ ލޯތްބެވެ.
LaamuonlineDOTcom
19 March 2023
މައުމޫނު ނާގާބިލުކަމަށްބުނެ ކޮމެންޓުކޮށް، އޭރާމިހާރު އަޅުވާ ކިޔާނަމަ ދެ ޒަމާނުގެ ގާނޫނު އަސާސީގަ އޮތް އެއްޗެއްވެސް ބަލަންޖެހޭނެ، އެހެންނޫނީ ހަމަޖެހޭ ކޮމެންޓެއްނުކުރެވޭނެ، މައުމޫނުގެވެސް ގޯސްކަންކަން ހުންނާނެ، ނަމަވެސް މައުމޫނަކީ އަބަދުވެސް ވަރަށް ޢިލްމީ، ވިސްނުންތެރިކަމާއެކު ވާހަކަދައްކާ ފަރާތެއް އަދި ރާއްޖެ މިހާތަނަށް ދުށް ސިޔާސީ އެންމެ ހަލަބޮލި ދުވަސްތަކުގައިވެސް މީހުންގެ އަބުރަށް އަރައިގަނެ ތާކުންތާކުނުޖެހޭ ވާހަކަތައް މައުމޫނު ދަށްކާފައެއްނެތް
ހުސެންް
19 March 2023
ތިއީ ވަރަށް ފުރިހަމަ ވާހަކަފުޅެއް. މައުމޫނު ވެރިކަން ލިބިގެން ނާސިރުއާއި ދިމާލަށް ޗުއްޕުވެސް ނުކިޔާ. ހަޑިހުތުރު ބަހުން ލަވަތަކެއްވެސް ނުހަދާ. އަދި ރާއްޖޭގައި ނެތްމީހަކު ބަދުނާމުކޮށް މުޒާހަރާތަކެއްވެސް ނުކުރޭ. ނުހައްގުން މީހުން ޖަލުތަކަށްވެސްނުލާ. އެތައްބައެއްގެ ދިރިއުޅުންވެސް ހަލާކެއްނުކުރޭ. ތިސޮރު މާޅައީއޭ. ނިކަން މާޒީގެ ސޮފުހާތަކުގެ ހިރަފުސް ފޮޅާލަބަލަ.
ޖަމަލު އަޑު
19 March 2023
ޢިބޫ އައް ސައިލެންޓް މެޖޯރިތީގެ ތާއިދު އެބައޮއް. ސައިލެންޓް މާއަޑުމާގަދަވާނެ. ޅައުޑް މައިނޯޓި އަކީހަމަ އެކަނި ކަންފަތައް ބާރުއަޑެއް. ޖަމަލުވެސް އެކަންކުރޭ
ޢެމެރިކާ
19 March 2023
އިންޑިޔާ އައުޓް
ހުސެންް
19 March 2023
މައުމޫނަކީ މިހާރު މާޒީ. ތިއީ ހުކުރު ހަމަނުވާ ޖަމާއަތެއް. މިޖަމާއަތާގުޅިގެން އިބޫއަށް ލިބޭނެ ވަކިމޮޅެއް ނޯންނާނެ. މައުމޫނަކީ ވަރަށް ހީލަތްތެރިކަން ބޮޑުމީހެއް. 30 އަހަރުވެސް ދިވެހިން ގުނބޯހައްދައިލައިގެން އޭނަ އުޅެފި. ރައްރަށުގަޖެހި ކަޑަތަކުގެމަތިން ހަނދާންވަނީ ކޮންމެ 5 އަހަރެއް ފަހުން. ޖީލެއް ފަނާކުރިމީހެއްތިއީ. ސިންގަޕޫރަށް މިހަދަނީއޭ ކިޔަކިޔާ ހުވަފެން ދައްކާފަ އަހަރެމްނެ ބޭތިއްބީ. އޭރު ހުރިހާކަމެއް އޮތީ މައުމޫނުގެ ނުށުތެރޭގަ،
ޝައިހު ބަދީއު
19 March 2023
މައުމޫނުގެ ނާގާބިލުކަމުން ގައުމު ހިންގަންނޭންގީ، ގައުުމުގެ ހުރިހާކަމެއްވަނީ ބޮއްސުންލާފައި. އަޅުގަނޑަކީ މައުމޫނުނަމަ ލަދުން މަގުމައްޗަށްވެސް ނުނިކުންނާނަށް
ޑރ. އިރުޝާދު ޔޫސުފް
19 March 2023
30 އަހަަރު ހަބޭހަށް ކައިފާ އެވަރުންވެސް ނުފުދިގެން ދައުލަތުން ލާރިއެއް ލިބެންއޮތް ހުރިހާ ކޮޅެއްބަލާ، ފަހަރަކު ޑީލެއްހެދުމުގައި. އެއްބަޔަކު ގައުމު ކާހުސްކުރާއިރު ރައްޔިތުން އަަތްތިލަބަޑިޖަހަން
ޝެހެނާޒް މެޑަމް
19 March 2023
އަޅުގަނޑަކީ އިބޫގެ ސަޕޯޓަރެއް.އިބޫ މައުމޫނާ ބައްދަލުކޮށް ކޯލިޝަން މަޝްވަރާކުރަން ޖެހޭ އެއްވެސް ސަބަބެއް ނުވިސްނޭ. މައުމޫނާ ބައްދަލުކުރަން ވަޒީރަކު ނުވަތަ މަޖިލިސް މެމްބަރަކު ފޮނުވީމާ ނިމުނީ. މައުމޫނު ޕާޓީއާ ޑީލް ހެދުމުގެ ހަމައެކަނި ބޭނުމަކީ މައުމޫނު ދަރިންނަށް މަގާމުތައް ބަހާލާ ދައުލަތުން މިލިއަނުން އެމީހުންނަށް ހަރަދުކުރުން. އެކަން ހަރުކަށި އިބާރާތުން ކުއްވެރިކޮށް އެފަދަ ކަމެއްކުރާ ވެރިޔަކަށް އިބޫވިޔަސް، ގާސިމު ވިޔަސް ޔާމީނުވިޔަސް ވޯޓެއްނުދޭނަން
ބުރޯޒް
19 March 2023
އޭ ޝެހެނާޒްމެޑަމް. އައި ޑޯންލައިކް މައުމޫން އެކަމު ޖޭވިޔަސް ތިދެން ބޮޑުވަރު. ތީގެން އެނގެނީ ޔޫގެ ނެތްކަން އިލްމެއްވެސް އަދި ހިލްމެއްވެސް. ހަމަގައިމުވެސް ރައީސް މައުމޫނު ކަހަލަ ހައިޕްރޮފައިލް ބޭފުޅާ ކައިރިޔަށް ވަޒީރަކު ފޮނުވާނީ ތިކަހަލަ ދެބަންދިހާރު މޮޔައެއް! ޔޫގެ ނަފްސުވެސްޔޫއަށް އެބަ މަލާމަތްކުރޭ!