އައިޖީއެމްއެޗް.-- ފޮޓޯ: ފަޔާޒު މޫސާ/ މިހާރު
10 އެޕްރީލް 2023 - 13:45
6 comments
ސިނަމާލެ ބްރިޖުގެ ޓްރެފިކް ލައިޓަށް މަޑުނުކޮށް ދިޔަ ސައިކަލެއްގައި، އެހެން ސައިކަލަކުން ޖެހި ރޭ ހިނގި އެކްސިޑެންޓުގައި އަނިޔާވި އެކަކަށް އައިސީޔޫގައި ފަރުވާ ދޭން ފަށައިފި އެވެ.
އައިޖީއެމްއެޗުން މިއަދު ބުނީ އެކްސިޑެންޓުގައި އަނިޔާވެގެން ރޭ 11:30 ހާއިރު ގެންދިޔަ އުމުރުން 43 އަހަރުގެ ފިރިހެނަކަށް ވެންޓިލޭޓަރުގައި ފަރުވާ ދޭ ކަމަށެވެ. ނަމަވެސް، އެ މީހާގެ ހާލަތާ ގުޅޭ އިތުރު ތަފްސީލެއް އަދި ނުލިބެ އެވެ.
ހުޅުމާލެ އިން މާލެ އަށް އަރާ ހިސާބުގައި ހުންނަ ޓްރެފިކް ލައިޓަށް މަޑުނުކޮށް ދިޔަ ސައިކަލެއްގައި އެހެން ސައިކަލަކުން ޖެހިގެން ހިނގި އެކްސިޑެންޓުގައި އުމުރުން 47 އަހަރާއި 31 އަހަރުގެ މީހަކަށް ވެސް އަނިޔާވި އެވެ. އެ މީހުން ގެންދިޔައީ ސެނަހިޔާ ހޮސްޕިޓަލަށެވެ. ލިބުނު އަނިޔާތަކުގެ މައުލޫމާތެއް ނުލިބެ އެވެ.
ސިނަމާލެ ބްރިޖު މަތީގައި ހިނގާ އެކްސިޑެންޓުތައް މި ފަހަކަށް އައިސް ވަނީ އިތުރުވެފަ އެވެ. ބޮޑަށް ފާހަގަކުރެވެނީ ބާރު ސްޕީޑްގައި ދުއްވާފައި ދާ މައްސަލަ އެވެ. ހާއްސަކޮށް ޓްރެފިކް ލައިޓް ރަތްވެފައި ހުއްޓާ ވެހިކަލްތައް ދުއްވާ މައްސަލަ ވަރަށް ބޮޑެވެ. ޓްރެފިކް ލައިޓަށް މަޑުނުކޮށް ދާ ވެހިކަލްތައް އެކްސިޑެންޓްވެ، މީގެ ކުރިން ވެސް ސީރިއަސް އެކްސިޑެންޓްތައް ވެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަމަރޭ
10 April 2023
އެއް ކޮޅުން ފެހި ވެގެން ގޮސް މަގު އަޅާލާއިރު ވެސް ރަތް ވެފަ އިންނަ ފަޅީން ވެހިކަލް އެބަ އާދޭ ކިތަންމެ ފަހަރަކު.. ސީދާ ގެންގޮސް އެކަހަލަ މީހުން އުލުބައިންދަންވީ.. ކުރިން ވެއްޖިއްޔާ މީހަކު މަރުވީމަ ކޮންމެވެސް ވަރެއްގެ މަޑު ޖެހުމެއް އާދޭ.. އެކަމަކު ތިޔަ ބްރިޖަކާ ރިންގް ތޯޑަކާ ހުޅުމާލެ އަދި މާލޭގައި ކިތައް ކިތައް މީހުން އެ މަރުވަނީ.. މިހާރު ނެތް ހަމަ އެއްވެސް ހަމައެއް ލަމައެއް. ކާރުވެސް ހިތަށް އެރުމާ އެއްކޮށް ސައިކަލް ލޭނަށް ދެމިގަންނަ އިރު އަންނަ މީހާގެ ސައިކަލްގެ ކޮންޓްރޯލް އެބަ ގެއްލޭ..
ޓެކްދް
10 April 2023
ބުރިޖްގައި އެކްސިޑެންޓް ވަނީ ބަލަންވާޗަރަށް ނުބަލައި މާބާރަށް ދުއްވާތީ! އާއި ލައިޓް ރެޑްވެފަ ހުންނައުރު
ބަރަބޯ ފާތުމަ
10 April 2023
ބުރިޖް ކައިރީ ހޮސްޕިޓަލް އަކާއި ގަބުރުސް ތާނެއް ވެސް ހެދުން އެއްމެ ރަގަޅު
ނުފެންނަތާކިހާ
10 April 2023
މިރޯދަމަހު ރޭގަނޑު ދަންވަރު ހުޅުމާލެ ފޭސް 2 ގަ ރަތްޓަވަރުތަކާ ދިމާއިން އުތުރުގައި ބައެއް ރޭރޭ ސައިކަލުތަކުގައި އެހެރަޖަހާ ޗަރުކޭސްތަކަކާހުރެ ޓަވަރުތަކުގައި ދިރިއުޅޭ މީހުންނަށް ލޮލުފިޔަޖެހޭ ވަރެއްނުވޭ. މިޢާންމު އުނދަގުލުން ސަލާމަތްވެވޭނޭ ގޮތެއް ހަމަނެތީތަ. އެކުދިންނަށް އޮންނަނީ ހުއްދަދީފަޔޯ.
ކޮރަލް
10 April 2023
ބްރިޖް އެކްސިޑެންޓް ތައް ގިނަ އިރު ބްރިޖް ކައިރީގަ އެމްބިއުލެންސް އެއް ބޭއްވުން ވ ރަނގަޅެވެ. ކުއްލިއަކަށް އެހީ ބޭނުންވާ އިރު އައިޖީއެމް އެޗް އިން އެމްބިއުލެންސް އަންނަން ވ ގިނަ ވަގުތު ނަގަ އެވެ. މިހާރުވެސް ބޭނުން ނުކުރާ އެމްބިއުލަންސް ތައް އެބަ ހުއްޓެވެ. ރެޑް ކްރެސެންޓް އިން ވެސް އެކަން ކުރެވިދާނެ އެވެ.
ނުފެންނަތާކިހާ
10 April 2023
އެއްވެސް ބެލުމެއްނެތި، ޓްރެފިކް ލައިޓް ރަތްވެފައި ހުއްޓާ އަލިފާން ރޮއްޖެންހެން އެހެރަ ނައްޓާލަނީ. ފުލުހުން ތިބޭ ގަޑިތަކުގައިވެސް އެހެރަ ނައްޓާލަނީ. ހޭހުސްވެގެން ދުއްވާ މީހުން، ޒުވާނުން ބުާކަހަލަ، މޮޅިއްޔާ ދެން ނިކަން ހުއްޓުވަބަލާށޭ. ރޭވެސް ބޮޑު ބިޔަ ސައިކަލެއްގައި ގޮލަޔަކު ހައިވޭގައި ދިޔައިރު ހިތަށްއެރި ސަހަރޯއޭ. ލަފާކުރެވޭގޮތުން 150 ކިލޯ މީޓަރަވުރެން މަތިވާނެ ސްޕީޑް.