ފުލުހުންގެ މައި އިދާރާ: މެރުއާނާ ގަސްތަކެއް ހައްދައިގެން އުޅުނު ކަމަށް ތުހުމަތުކޮށް ހައްޔަރުކޮށްފައި ވަނީ 29 އަހަރުގެ މީހެއް. -- ފޮޓޯ: ފަޔާޒު މޫސާ | މިހާރު
15 މެއި 2023 - 11:17
9 comments
މަސްތުވާ ބާވަތެއް ކަމަށްވާ މެރުއާނާ ގަސްތަކެއް މާލޭގެ ގެއެއްގައި ހައްދައިގެން އުޅުނު ކަމަށް ތުހުމަތު ކުރެވޭ މީހަކު ހައްޔަރުކޮށްފި އެވެ.
މި މައްސަލާގައި ހައްޔަރުކުރީ ނ. ކެނދިކުޅުދޫ، ކެނދިކޮޅު، އަހުމަދު ޔާސިހު، 29 އެވެ. އޭނާގެ ބަންދަށް ކްރިމިނަލް ކޯޓުން ވަނީ 15 ދުވަސް ޖަހައިފަ އެވެ.
ޔާސިހް ހައްޔަރުކޮށް، ނެރުނު ބަންދު އަމުރުގައި ބުނެފައި ވަނީ އެ ގަސްތައް ހައްދާފައި ހުއްޓާ ފެނުނީ ގަލޮޅުގެ ގެއެއްގައި ކަމަށެވެ. އެއީ އޭނާ ހެއްދި ގަހެއް ކަމަށް އެއްބަސްވި ކަމަށް ފުލުހުން ކޯޓުގައި ބުންޏެވެ.
އެ ގޭގެ ބެލްކަނީގައި ވެސް މެރުއާނާ ގަސްތައް ހުންނާނެ ކަމަށް ވެސް އޭނާ ބުނި ކަމަށް ފުލުހުން ބުނެފައިވެ އެވެ.
އެ ގެ ބަލާ ފާސް ކުރުމަށް ތަހުގީގަށް އެއްބާރުލުން ދޭނަންތޯ އޭނާ ކައިރީ އެހުމުން ފުލުހުންގެ ތަހުގީގަށް އެއްބާރުލުން ދޭނެ ކަމަށް ބުނެ، ސޮއިކޮށް ފޯމްގައި އިނގިލީގެ ނިޝާން ޖެހި ނަމަވެސް ފަހުން ކޯޓުގައި އޭނާ ވަނީ ބަލައި ފާސްކުރަން ހުއްދަ ނުދޭ ކަމަށް ބުނެފަ އެވެ.
ޔާސިހު ކޯޓުގައި ބުނެފައި ވަނީ ފުލުހުން އޭނާ އަށް އަނިޔާ ކުރި ކަމަށާއި ބަލައި ފާސްކުރި ތަނުގައި ހުރި ތަކެއްޗަށް ވެސް ގެއްލުން ދީފައިވާ ކަމަށެވެ.
ފުލުހުން ކޯޓަށް ހުށަހެޅި ހެކިތަކަށް ބިނާކޮށް ފަނޑިޔާރު ވަނީ ޔާސިހު ހައްޔަރުކުރީ އިޖުރާއަތުތަކާ އެއްގޮތަށް ކަމަށް ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަން ކުރުސް
15 May 2023
ރާއްޖޭ ހާލަތު ހިތިކަރުނައަށް ވެއްޖެ. އުމުރުން 18 ހަމަ އެފުރުނީ. އަންހެން ދަރިފުޅު އުޅެނީ ކ.އަތޮޅު ރަށެއްގައި ގްރޫޕެއްގެ ބެލުމުގެ ދަށުގައި. ގިިނަމީހުންނާއެކު އެއްފަހަރާ ޖިންސީ ގުޅުން ހިންގުމާއި ބަނގުރާބޯކަން އުފަންރަށު އެންމެނަށް އެނގޭ. ފުލުހުންނާއެކި އޭނަގެ ބޭބެމެން ގޮސް އައުމަށް އެދުމުން ވެސް ނައި. 18 އަހަރު ފުރިފައިވާތީ އޭނަގެ ނުރުހުމުގައި ގެނެވޭނެ ގޮތެއް ވެސް ނެތް. ދަރިފުޅު ހަލާކުވީ ހަމަކުއްލިއަކަށް. އާއިލާއަށް އެނގުނުއިރު ވަތުތު ފާއިތުވެއްޖެ.
ގަހުގެ ވެރިޔާ
15 May 2023
ހަމައެހެންހުރެފާ އެ ފެޅީ. މަ ދެން ކީއްކުރާނީ؟
އިބިރާ
15 May 2023
ދަނޑުވެރިކަމުގެ ރޮނގުން ހިތްވަރުދިނުމުގެ އިނާމު ދޭކަށް ނުވޭ؟
މެރޫ
15 May 2023
މެރުއާނާ ހައްދާއިރު އެ ބޭނުންކުރުމަކީ ވެދާނެ ކަމެއް. އެ ބޭނުންކުރާނަމަ ބަޔާން 3 ގޮތަށް 3 ފަހަރު ދިނުމަކީ ވެދާނެ ކަމެއް. އެކި ފަހަރު އެކި ގޮތަށް ބަޔާން ބަޔާންދޭތީ އެފަދަ މީހުން ޓެސްޓްކޮށްލެވޭނެ ގޮތެއްވެސް އޮންނަންވާނެ.
ގުންޑޮގަން
15 May 2023
އާން. ދެން އަމިއްލަ ގޭގަ ހައްދާފަ ހުރި އެއްޗެހިވިޔަސް ހުކުން ކޮށްލާ ސާބިތެއް ނުވެޔޭ ކިޔާފަ.
1828
15 May 2023
ހަމަ ފަޅައިފިއްޔަ ނުވާނެ ދޯ ހެއްދިކަމަކަށް؟ ދެން ކިހިނެއް ސާބިތުކުރަނީ؟
ވަންޓޫކާފޯ
15 May 2023
ކޮންމެސްނޫހެއްގާ އެބައޮތް މެރުޖުއާނާއޭ ޖަހާފާ.
ބޮލުރޮދިވާހަކަ
15 May 2023
އެއީ އެނޫހުގެ ހާލުހުއޮންނަ ގޮތް. އެންމެ މަގުބޫލު ނޫހޭ އަމިއްލައަށް ކިޔާ ފަޚުރުވެރިވާނެ.. ބަކަރި ރިހަ އާއި މަޓްން ކަރީ އެއީ އެކައްޗެއްކަންވެސް ނޭނގޭ މީހުން ރިޕޯޓަރުނަށް ތިބެނީ. އެއްދުވަހެއްގައި އެ ނޫހުގައި ދެތިން ގަޑި އިރުތެރޭޖެހި 2 އާޓިކަލް. އެކަތީގައި އޮތީ ބަކަރި ރިހަ ނުކައްކައިގެން ފިރިމިޙާ އޭނަގެ އަނބިމީޙާ ގެ މައްސަލަ ފުލުހައް ހުށައެޅި ވާހަކަ. އަނެއް އާޓިކަލް ގައި އޮތީ މަޓްން ކަރީ ނުކައްކައިގެން އަނބި މީހާ ގެ މައްސަލަ ފުލުހައް ހުށައެޅި ވާހަކަ.
ޖުއާނާ
15 May 2023
މަރުޖުއާނާ އެ މަނާ ނުން ވައްތަރު