މީގެ ކުރިން މާލޭގައި ހިންގި އޮޕަރޭޝަންގައި ފުލުހުން ހަރަކާތްތެރިވަނީ.-- ފައިލް ފޮޓޯ: މިހާރު
02 ޖުލައި 2023 - 21:38
16 comments
މިދިޔަ ހުކުރު ދުވަހު މާލޭގެ ގެއެއްގެ ތެރެއަށް ވަދެ އުޅެނިކޮށް މަރުވި މީހާއަކީ އެ ގެއަށް ވައްކަންކުރަން ވަން މީހެއް ކަމަށް ފުލުހުން މިއަދު ބުނެފި އެވެ.
ފުލުހުން މީޑިއާތަކަށް ފޮނުވި މެސެޖެއްގައި ބުނީ ހ. ހާޅަލަމާ ގްރައުންޑް ފްލޯގައި "ހަބަރު ހުސްވެފައި" އޮއްވާ ފެނުނު މީހާއަކީ އެ ގެއިން ކަރަންޓު ކޭބަލެއް ވަގަށް ނަގަން ވަދެ އުޅުނު މީހެއް ކަމަށެވެ. އަދި އޭނާ މަރުވީ ކަރަންޓު ކޭބަލް ބުރިކުރަން އުޅުމުގެ ތެރޭގައި ކަރަންޓުގައި ޖެހިގެން ކަމަށް ފުލުހުންގެ ތަހުގީގަށް އެނގިފައިވާ ކަމަށް ވެސް ބުންޏެވެ.
މަރުވެފައި އޮއްވައި ފެނުނީ އުމުރުން 43 އަހަރުގެ ދިވެހި ފިރިހެނެކެވެ.
"ނިޔާވި މީހާގެ ހަށިގަނޑުން ކަރަންޓުގައި ޖެހިފައި ހުރި ކަމުގެ ނިޝާންތައް ހުރި،" ފުލުހުން ބުންޏެވެ.
އެ މީހާ ވެއްޓިފައި އޮތް ތަނުން ވައްކަން ކުރަން ބޭނުންކުރާ އާލަތްތައް ވެސް ފެނިފައިވާ ކަމަށް ފުލުހުން ބުންޏެވެ.
ފުލުހުން ކުރިން ބުނި ގޮތުގައި، އެ މީހާ ހޮސްޕިޓަލަށް ގެންދިޔައިރު ވެސް އޮތީ މަރުވެފަ އެވެ.
އެނގިފައިވާ ގޮތުގައި، އެއީ ވައްކަންކުރުމުގެ ރެކޯޑު ވެސް އޮތް މީހެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންކަބިލި
04 July 2023
ހުރިހާ ރެކޯޑެއް އޮންނަމީހުން މިނިވަންކަމާއެކީ މިޤައުމުގައި އުޅެވެއެވެ.
ޖުން
04 July 2023
އެނގިފައިވާ ގޮތުގައި، އެއީ ވައްކަންކުރުމުގެ ރެކޯޑު ވެސް އޮތް މީހެކެވެ.މިނޫން ކުއްވެރިޔަކާ ދިމާވޭތޯ؟މިފެންނަނީ މިގައުމުގަ އިންސާފު ނުލިބޭކަން.ޝަރުއީ ނިޒާމް ފެއިލްވެފަ އޮތްވަރު.
ބޮންދުމޮނީރުމިއާ
03 July 2023
"މަރުވި މީހާއަކީ އެ ގެއަށް ވައްކަންކުރަން ވަން މީހެއް ކަމަށް ފުލުހުން މިއަދު ބުނެފި އެވެ."މިކަމުގައި ހާދަ ފަސޭހަކުން ފުލުހުންނަށް ކަށަވަރުވެއްޖެތާ. މުޖުތަމައުގައި ޑްރަގު ބޯން ތިބޭމީހުން ޑްރަގާއި އާލާތާއި އެކު އަތުލައިގަނެވޭއިރުވެސް ކަށަވަރުނުވެ މުޅިންވެސް "ސައްކު" ކުރެވި ދޫވަމުން ވަމުންގޮސް ދޫވެގެން ދަނީ. މިހާމަރުވެ ދުނިޔެއިން ބޭނުންކެޑި ނެތިދިޔައީމާ މައްސަލަވެސް މިދިޔައީ ވަގުތުން ވަގުތަށް ކަޑައެޅި ނިމިގެން. މިވެސް ވިސްނާބަޔަކަށް އިބުރަތެއް.
ފޮނިޓައްޕު ހަސަނު
03 July 2023
އަހަރެން ހިޔާފްލެޓްގައި ހަދަމުން ދިޔަ ފިހާރައަކަށް ލައިފައި ހުރި ސްޓެލްކޯގެ ވަގުތީ ކަރަންޓު ބޯޑުގެ ކޭބަލް ވެސް ވަގަށް ނެގި. އެވަގު ކޭބަލް ބުރިކުރީ އަތަށް ރަގަރު އަންގި ލައްވައިގެން، އެ އަންގި އެތަަނުން ފެނުނު. އަހަރެން އެކޭބަލަށް 15000ރ ސްޓެލްކޯއަށް ދައްކަން ޖެހުނު.
ނާބަ
03 July 2023
ދެން ފަހަރަކުން ވަގު ކަލޭތިބުނި ގޮތައް ހަދާނީ އޯކޭ އެއްނު
ކޮސްބެއްޔާ
03 July 2023
ވަގަކު ތިކަހަލަކަމެއް ނުކުރާނެ. ތިކަހަލަކަމެއް ކުރާނީ ކޮހެއް.
ޞަރަިމު
02 July 2023
ވަގަކު މަދުވުމުން މުޖުތަމައު އަށް ފައިދާވޭބާ.
މީހަކުމަރުވުމަކީ ހިތާމައެއް
03 July 2023
މިއީ އެއްވެސް ޙާލެއްގައި އުފާކުރަންވީ ކަމެއް ނޫން. ވަގަކު، ޑްރަގް ނަގާ މީހަކު މަރުވުމަކުން މުޖްތަމަޢުއަށް ރައްކާތެރިކަމެއް ނުލިބޭ. އަދި މައްސަލައަށް ޙައްލެއްވެސް ނުލިބޭ. ޑްރަގް ގެ އެޑިކްޝަން އަށް މީހުންނަށް ފަސޭހައިން ވަދެވޭނެގޮތްތަށް އޮތީ. އެއްވެސް މީހަކަށް އެކަށީގެންވާ ފަރުވާ ދެވި ރަނގަޅު ނުކުރެވޭ. މި ޙާލަތުގައި، އެޑިކްޓް ވެފައިވާ މީހާ ޑްރަގް ހޯދަން ނުކުރާނެ ކަމެއް ނޯންނާނެ. ނުރައްކަލަކަށް ނުވިސްނާނެ. މަންމަގެ ގަހަނާވެސް ވިއްކާނެ. ހިތާމަހުރި
އޮނަރަބްލް އަފީފު ދީދީ
02 July 2023
ހާދަ ދެރައޭ.! ވައްކަން ކުރުމަކީ މިކަހަލަ ކަމެއް. ކިންމެވެސް ހިސާބަކުން ކޮންމެވެސް ދުވަހަކުން ވައްކަމުގެ ސަޒާ އާއި ކުރިމަތިލާން ޖެހޭނެ. ދައުލަތުގެ ޙަޒާނާ ހުސްކޮށްގެން ހިއްކާފައިވާ ބިމުން ކޮންމެ މީހަކަށް 18 މިލިޔަން ރުފިޔާގެ ބިން ވަގަށް ނަގަން އުޅޭ މީހުން އަދި އެތިބީ ސަލާމަތުން.
އެދުރުބޭބެ
03 July 2023
މަލާމާތް ކޮށް ފުރައްސާރަ ކުރުމަކީ ވެސް ހާދަހާވާ ނުބައި ކަމެކޭ. ކޮންމެވެސް ގޮތަކަށް ކޮންމެވެސް ދުވަހަކު އެކަން އެކުރާ މީހަކަށް އެކަމުގެ ޖަޒާދެއްވާނެ!
ބުހުތާން
03 July 2023
އޮނަރަބަލް އަފީފް ދީދީ ޖަހައިގެން ކޮމެންޓް މިކުރާ މީހާއަށް އެނގޭބާ ވައްކަމަކީ ކޮބައިކަން ވައްކަމުގެ އުންސުރުތައް އެވަރު ނޭނގެންޏާ ކޮމެންޓް ނުކުރުން ރަނގަޅުވާނެ..
ކުލުނުހޭ
03 July 2023
ބުހުތާނުބޭ ކޮން އުންސުރެއް. ލޮލް
ރަދީފްއޮފިޝަލް
02 July 2023
ކަރަންޓް ކޭބަލެއް ވަގަށް ނަގަން އުޅޭނީ ކޮހެއް.
ކަތްދައްތަ
02 July 2023
މަގުގެ އަދަބު ތަންވީޒުވާން ފެށީބާ
އުދުހޭ
02 July 2023
ނުބައިވެގެންވާ މިފަދަ މަރެއް އައިސް އެމީހަކާ އަރާ ހަމަކުރުމުގެ ކުރިން ތައުބާވުމަށް އެންމެހާ އަޚުންނަށް އިލްތިމާސް ކުރަން. ހެއްދެވިހާ ފާފައެއް 20 އަހަރު ކުރިޔަސް ދުނިޔެއަށް ނޭވާލެވެންޏާ އެއޮތީ ފުރުސަތެއް.