މަރުކަޒީ ބޭންކް އެމްއެމްއޭގެ އޮފީސް އިދާރާ. ފައިސާ ޗާޕު ކުރި ވަރުގެ ތެރެއިން 4.2 ބިލިއަން ރުފިޔާ ވަނީ ބޮންޑަކަށް ބަދަލުކޮށްފައި-- ފޮޓޯ: މިހާރު
20 ޖުލައި 2023 - 13:55
7 comments
މި އަހަރުގެ މިހާތަނަށް ސަރުކާރުން ޗާޕުކުރި ފައިސާގެ ތެރެއިން 4.2 ބިލިއަން ރުފިޔާ ދިގު މުއްދަތުގެ ބޮންޑަކަށް ބަދަލުކޮށްފި އެވެ.
ފިނޭންސް މިނިސްޓްރީގެ ތަފާސްހިސާބުތަކުން އެނގޭ ގޮތުގައި މި އަހަރު ފެށި އިރު ދިގު މުއްދަތުގެ ބޮންޑުގެ ގޮތުގައި ދައުލަތުން ދައްކަން ޖެހޭ އަދަދު ހުރީ 8.3 ބިލިއަން ރުފިޔާގަ އެވެ. މި ހަފުތާގައި އެ މިނިސްޓްރީން އާންމުކުރި މައުލޫމާތުން އެނގޭ ގޮތުން ދިގު މުއްދަތުގައި ދައްކާ ގޮތަށް ހުރި ފައިސާ އަދަދު ވަނީ 12.5 ބިލިއަން ރުފިޔާ އަށް އަރައިފަ އެވެ.
"މިހާރު" އަށް އެނގިފައިވާ ގޮތުގައި ދިގު މުއްދަތުގެ ބޮންޑުގެ ގޮތުގައި އިތުރުވެފައި ވަނީ ސަރުކާރުން އޯވަޑްރޯ ކުރި ފައިސާ އެވެ. އޯވަޑްރޯ ކުރި ވަރު ބޮންޑަކަށް ބަދަލު ކުރުމުން، މި އަހަރަށް ކަނޑައަޅާފައިވާ އޯވަޑްރޯގެ ލިމިޓަށް ވުރެ އިތުރަށް ސަރުކާރަށް ފައިސާ ނެގުމުގެ ފުރުސަތު އޮންނާނެ އެވެ.
މިކަމާ ގުޅޭ ގޮތުން ފިނޭންސް މިނިސްޓްރީ އަށް ގުޅުމުން ވަނީ ޖަވާބެއް ލިބޭ ގޮތް ނުވެފަ އެވެ.
ސަރުކާރުން އަންނަނީ 2020 އިން ފެށިގެން، ޕަބްލިކް ބޭންކް އެކައުންޓް (ޕީބީއޭ) އިން 4.4 ބިލިއަން ރުފިޔާއާ ހަމައަށް ފައިސާ ޗާޕުކުރެވޭނެ ލިމިޓެއް ކަނޑައަޅައިފަ އެވެ. އެ ލިމިޓަށް މި އަހަރުގެ ނިޔަލަށް ފައިސާ ނެގޭނެ ގޮތަށް ރައްޔިތުންގެ މަޖިލީހުން ވަނީ ފާސްކޮށްފަ އެވެ.
ސަރުކާރުން އަންނަނީ މިހާރު ވެސް އެމްއެމްއޭ މެދުވެރިކޮށް ފައިސާ އޯވަޑްރޯ ކުރަމުންނެވެ. މިދިޔަ ޖޫން މަހު 480 މިލިއަން ރުފިޔާ ޗާޕު ކުރި އެވެ. އޭގެ ކުރީ މަހު ވަނީ 1.6 ބިލިއަން ރުފިޔާ ޗާޕުކޮށްފަ އެވެ.
ޕީބީއޭ އިން ހައްދެއް ނެތި އޯވާޑްރޯކުރުމަކީ، 2013 ގެ ކުރިން ސަރުކާރުތަކުގެ އާންމު ކަމެކެވެ. އެކަމަކު ސަރުކާރު ހިންގަން ބޭނުންވާ ފައިސާ ނެގުން 2014 ގައި ހުއްޓާލި އެވެ. އޭގެ ބަދަލުގައި ޕީބީއޭ ބޭނުންކުރީ ހަމައެކަނި ސަރުކާރުގެ ދަރަނި އަދާކުރާށެވެ.
ފައިސާ އިތުރަށް ޗާޕުކޮށްގެން ދައުލަތުގެ ހަރަދުތައް ހަމަޖައްސާ ނަމަ އިގްތިސާދުގައި ދައުރުވާ ފައިސާ އިތުރުވެ، ބޭރު ފައިސާ އަށް އޮންނަ ޑިމާންޑު ދަށްވެ، ރާއްޖޭގެ އެކްސްޗޭންޖް ރޭޓަށް ނޭދެވޭ އަސަރު ކުރާނެ ކަމަށް މި އަހަރުގެ ބަޖެޓާ ގުޅިގެން އެމްއެމްއޭއިން ދިން ލަފާގައި ވެސް ފާހަގަކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބީބީއޭ
21 July 2023
ރައްޔިތުންނަށް ވެލިކާންދޭނެ ސަރުކާރެއް މިހާރު އައިސްފަ މިއޮތީ.
ކަންވާރު އިބްރާހީމް
21 July 2023
ތިޔަ ބޮންޑަކަށް ބަދަލުކޮށްފައި ފައްޔާޒު އަތްޕުޅުގައި ބަހައްޓަވާށެވެ. އެއީ މިޤައުމުގެ އަމާނާތްތެރިޔާއެވެ. ނުހައްގުން އަނިޔާ ލިބިފައި ތިބި ފަރާތްތަކަށް އެމަނިކުފާނު އެދެއްވާ ބަދަލުން ސާލިހްގެ ރިޔާސީ ދައުރުތަށް ދިގުދެމިގެން ހިނގާއްޖެއެވެ. މިޤައުމުގެ އިޤްތިސާދު އެތެއް ގުނައަކަށް މައްޗަށް ހިނގައްޖެއެވެ. ވީމައި ރައްޔިތުންގެ ހައްގުގައި އެމަނިކުފާނުގެ ގޭގައި ތިޔަ ބޮންޑު ބޭނުން ޖެހެންދެން ރައްކާކުރަން ބަހައްޓަވާށެވެ. އެއިރުން ރައީސްވެސް އުފާފުޅުވާނެއެވެ.
ސޮލާހުބެ
20 July 2023
މިގައުމު މިވެއްޓިފައިވާ އިގްތިސާދީ އަނދަވަޅުން ނަގާ ގައުމު ކޮޅައްޖެހޭނީ ، ރައީސް ޔާމީނަށް
ހިމާރުލްގައުމު
20 July 2023
މިރާއްޖެ ވެއްޓިފަ މިއޮތް އަނދަވަޅުން ސަލާމަތް ކުރެވޭނީ ރައީސް ޔާމީންއަށް އެކަނި. ގަބޫލުކުރިޔަސް ނުކުރިޔަސް ހަޖަމްވިޔަސް ނުވިޔަސް މިއީ ހަގީގަތް.
އާދަމް މުހައްމަދު (އައިޒަން / ވައިކަރަދޫ)
20 July 2023
ދިވެހި އިޤްތިސޯދު ސަލާމަތުގެ އައްސޭރިއަށް ގެންދެވޭނީ މާފުށީ ގޮޅީގަހުއްނެވި ކެނޑިޑޭޓަށް
ކޮރަލް
20 July 2023
މި އަހަރުގެ މިހާތަނަށް ސަރުކާރުން ޗާޕުކުރި ފައިސާގެ ތެރެއިން 4.2 ބިލިއަން ރުފިޔާ ދިގު މުއްދަތުގެ ބޮންޑަކަށް ބަދަލުކޮށްފި އެވެ. މީގަ މިބުނާ ވާހަކަ އެއް ރައްޔިތުންނަށް ކިޔާ ދީ ބަލާށެވެ. ޑޮލަރު ރޭޓް މިއަދު ހުރީ 18 ރ ގަ އެވެ. ކޮންމެ ދުވަހަކު އެދަނީ އަރަމުންނެވެ.
ހިމާރުލްގައުމު
20 July 2023
"ޕީބީއޭ އިން ހައްދެއް ނެތި އޯވާޑްރޯކުރުމަކީ، 2013 ގެ ކުރިން ސަރުކާރުތަކުގެ އާންމު ކަމެކެވެ. އެކަމަކު ސަރުކާރު ހިންގަން ބޭނުންވާ ފައިސާ ނެގުން 2014 ގައި ހުއްޓާލި އެވެ. އޭގެ ބަދަލުގައި ޕީބީއޭ ބޭނުންކުރީ ހަމައެކަނި ސަރުކާރުގެ ދަރަނި އަދާކުރާށެވެ" އިގްތިސާދު ދަންނަ އެކަމުގެ މާހިރަކާ ކޮހުންނާ ތަފާތުވާނެ