ކުއްޔަށްދޭ ވިލާތަކުން ޓީޖީއެސްޓީގެ ބަދަލުގައި ރިއަލް އެސްޓޭޓް ޓެކްސް ނަގަން ހުށަހަޅައިފި

ފާތިމަތު ޝަނާ މުހައްމަދު، މިހާރު

14 ސެޕްޓެމްބަރ 2023 - 14:55

ރިސޯޓުތަކުގެ ވަކިވަކި ކޮޓަރިތައް ދިގު މުއްދަތަށް ކުއްޔަށް ދޫކުރުމުން އެތަންތަނުން ޓީޖީއެސްޓީގެ ބަދަލުގައި ޓޫރިޒަމް ރިއަލް އެސްޓޭޓް ޓެކްސް ދައްކަންޖެހޭ ގޮތަށް ޓޫރިޒަމް ގާނޫނަށް ބަދަލު ގެންނަ އިސްލާހެއް މަޖިލީހަށް ހުށަހަޅައިފި އެވެ.

މަޖިލީހުގެ ކެނދިކުޅުދޫ ދާއިރާގެ މެންބަރު އަހުމަދު އީސާ ހުށަހެޅުއްވި އެ ބިލްގައިވާ ގޮތުން ޓޫރިސްޓު ރިސޯޓެއް ނުވަތަ އިންޓަގްރޭޓެޑް ޓޫރިސްޓް ރިސޯޓެއްގެ ވިލާއެއް ނުވަތަ ކޮޓަރިއެއް ސްޓްރާޓާ އުސޫލުން ދިގު މުއްދަތަށް ކުއްޔަށްދޭ ނަމަ އެ ތަނެއް ވިއްކާ ޖުމްލަ އަގުގެ ހަތަރު ޕަސެންޓުގެ ރޭޓުން ރިއަލް އެސްޓޭޓް ޓެކްސް ދައްކަން ޖެހޭނެ ކަމަށެވެ.

މި ޓެކްސް ދައްކަން ޖެހޭނީ ދިގު މުއްދަތަށް ކުއްޔަށް ނަގާ ފަރާތުންނެވެ. ނަމަވެސް އެ ޓެކްސް މީރާއަށް ދައްކަން ޖެހޭނީ، އެ ކޮޓަރި ވިއްކި ފަރާތުން ކަމަށް ޓޫރިޒަމްގެ ގާނޫނަށް ގެނެސްފައިވާ މި އިސްލާހުގައި ބުނެފައިވެ އެވެ. އަދި މި ޓެކްސް އާ ގުޅޭ އުސޫލުތަކާއި ޓެކްސް ނުދެއްކުމުން އަޅާނެ އިދާރީ ފިޔަވަޅުތަކާއި އެނޫން ވެސް އިދާރީ އުސޫލުތަށް މީރާއެއް ކަނޑައަޅަންވާނެ ކަމަށް އެ ބިލްގައި ބަޔާންކޮށްފައިވެ އެވެ.

ޓޫރިޒަމް ރިއަލް އެސްޓޭޓް ނަގަން ފެށުމާ އެކު އެ ވިލާއަކުން ދައްކަންޖެހޭ ޓީޖީއެސްޓީ ދެއްކުން ނިމުމަކަށް އަންނާނެ ކަމަށް އެ ބިލްގައި ބުނެފައިވެ އެވެ.

ރިސޯޓުތަކުގެ ވަކި ވަކި ކޮޓަރިތައް ދިގު މުއްދަތަށް ކުއްޔަށް ދެވޭ ގޮތަށް އާ ގަވައިދެއް ހަދައި، އެއަށް އަމަލުކުރަން ފެށީ މިދިޔަ ހަފްތާއިން ފެށިގެންނެވެ. އެ ގަވައިދުގައިވާ ގޮތުން ސްޓްރާޓާ އުސޫލުން ކުއްޔަށް ދިނުމަށް ނިންމާފައިވާ ވިލާ ނުވަތަ ކޮޓަރ،ި ކުއްޔަށް ދިނުމުގެ ކުރިނ،ް ޓޫރިޒަމް މިނިސްޓްރީގައި ރަޖިސްޓަރީ ކުރަން ޖެހޭނެ އެވެ. އަދި މި އުސޫލުން ދިގު މުއްދަތަކަށް ކުއްޔަށް ދިނުމަށް ތަނެއް ރަޖިސްޓަރީ ކުރުމުގެ ފީއެއްގެ ގޮތުގައި އެ ތަން ކުއްޔަށް ދިނުމަށް ހުށަހަޅާ ފަރާތުން 5،000ރ. ގެ ފީއެއް މީރާއަށް ދައްކަން ޖެހޭނެ އެވެ.

ޓޫރިސްޓުން ޓޫރިޒަމް ޓޫރިޒަމް މިނިސްޓްރީ ރިސޯޓްތައް

8 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަލީމު އިދުރީސް

14 September 2023

ތީ މަކަރުވެރި ރޭވުމެއް! ދެންނުހުންނާނެ ދިގުމުއްދަކައް ކުއްޔައް ނުދޭވިލައެއް! ރެއަކައް 500 ދޭވިލާއެއް 16% ޓީޖީއެސްޓީ ދައްއިގެން 5 ރޭ މަޑުކުރީމަތޯ ދައުލަތައް ގިނަފައިސާ ވަންނީ ނުވަތަ އަހަރަކު 500 ދައްކައިގެން 4% ނެގީމަތޯ ދައުލަތައް ގިނަފައިސާ ވަންނީ ތިއަކީ ވިއަފާރި ވެރިންގެ މަކަރު ވެރި މަޅިއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަކުނިބޯ

14 September 2023

މުއްސަދިންނަޑް މިޤައުމު ހަކުރާޖައްސާގެން ކާންދޭންްވީނު. ބަލަ ޓިޖީއެސްޓި އުވާލާފަ ޖީއެސްޓީ 32%އަށް ހިއްލާފަ ޓުއަރިސްޓް ރިސޯޓްތަކުގެ ބިމުކކުލިވެސް ކަނޑާލާ. ޢޭރުން ކެމްޕޭނަށް އެވެރިން ފައިސާދޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިލިއަނަރު

14 September 2023

މިގައުމުގަ މުއްސަނދިވާ ފޯމިއުލާ 3: 1. ފަޅެއް ނޫނީ ރަށެއް 99 އަހަރަށް އަހަރަކު 1 މިލިޔަން ރުފިޔާއަށް ހޯދުން. 2. ސަރުކާރުގެތެރެއިން ރިޝްވަތިގެ އުސޫލުން 3. ތަން ހޯދުމަށްފަހު 20 މިލިޔަން ޑޮލަރަށް 50 އަހަރަށް ދޭރުގެ ބަޔަކަށް ކުއްޔަށް ދިނުން. 4. 99 އަހަރުގެ ފައިސާ 99 މިލިޔަން ރުފިޔާގެ އިތުރުން 200 މިލިޔަނެއްހާ ރުފިޔާ ހިފައިގެން ޕާޓީއެއްގެ ނިވަލަށްވަދެ ފިލުން. 5. އަނބިދަރިން ބޭރަށް ފޮނުވާލުން. އާއަނބިން ހޯދުން. މަޖުލިހަށް ވަނުން. 6. ރިޕީޓް. ވައްސަލާމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕްލާސްޓިކް

14 September 2023

އަހަރުމެންވީ ކަންމަތީ ފިހާރައިން ހަޑު ކިލޯއަށް ގަންނަށް ފްލާސްޓިކް ކޮތަޅަކަށް 2ރ ދައްކަންޖެހެނީ. ރިސޯޓް އޯނަރު މިހާރު އެވީ ޓީ.ޖީ.އެސް.ޓީ ވެސް ކަޓޫވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހިޕަކާސް

14 September 2023

ރިސޯޓުއޯނަރުގެ ކުންފުންޏެއް އެހެން ގައުމެއްގަ ހަދާފަ އެކުންފުންޏަށް ރިސޯޓު ހުރިހާ ވިލާ ދިގު މުއްދަތަށް ދިނީމަ ޓީޖީއެސްޓީ ނިމުނީ؟ ވަރަށް ހަބޭސް އިންގޭ!