20 ސެޕްޓެމްބަރ 2023 - 09:46
10 comments
މުޅި މަޖިލީހުގެ ކޮމިޓީ އަށް މެމްބަރުން ހާޒިރުވެވަޑައިގަތުމާ މެދު މަޖިލިސް ތަމްސީލު ކުރާ މައި ތިން ޕާޓީން އަދިވެސް މަޝްވަރާ ކުރާތީ، ރާއްޖޭގައި މިހާރު އޮތް ވެރިކަމުގެ ނިޒާމު ބަދަލުކުރުމާ ގުޅޭގޮތުން ރައްޔިތުންގެ ހިޔާލު ހޯދުމުގެ އާންމު ވޯޓު ނެގުމަށް ހުޅުދޫ ދާއިރާގެ ޑިމޮކްރެޓްސްގެ މެމްބަރު އިލްޔާސް ލަބީބް ހުށަހަޅުއްވާފައިވާ ގަރާރުގެ މަސައްކަތް ކުރިއަށް ނުގެންދެވި، ލަސްވެއްޖެ އެވެ.
އަންނަ އޮކްޓޯބަރު 30 ގެ ކުރިން ސީދާ މަޖިލީހުން ނިޒާމީ ވޯޓަށް އެހުމަށް އިލްޔާސް ހުށަހެޅުއްވި ގަރާރު މަޖިލީހަށް އިއްޔެ ބަލައިގެންފައިވަނީ، ފަހު ވަގުތު އެމްޑީޕީން ވެސް ދޫދީ އެ އަށް ތާއީދު ކުރުމުންނެވެ. އެ ގަރާރު ބަލައިގަނެ، މުޅި މަޖިލީހުގެ ކޮމިޓީގައި ބަހުސްކުރަން ވެސް ހޯމަ ދުވަހާއި އިއްޔެގެ ޖަލްސާގެ ބޮޑުބައެއް ބޮއިކޮޓް ކުރި އެމްޑީޕީން އިއްޔެ ތާއީދުކުރި އެވެ.
އެކަމަކު، މިއަދުގެ ޖަލްސާ ފަށައި، މުޅި މަޖިލީހުގެ ކޮމިޓީގެ ނުފެށުނީ ބޭނުންވާ 26 މެމްބަރުން ނެތިގެން ކަމަށް ރިޔާސަތުން މަޖިލީހުގެ ރައީސް މުހައްމަދު ނަޝީދު ވިދާޅުވި އެވެ.
ނަޝީދު ވިދާޅުވި ގޮތުގައި އެމްޑީޕީ އާއި މަޖިލީހުގެ އާ މައިނޯރިޓީ ޕާޓީ ޑިމޮކްރެޓްސްގެ އިތުރުން މައި އިދިކޮޅު ޕީޕީއެމް/ޕީއެންސީ ގެ އިސް މެމްބަރުން ތިއްބެވީ މަޝްވަރާގަ އެވެ.
"ސިޔާސީ ޕާޓީތަކުގެ މެދުގައި މަޝްވަރާ ކުރެވެމުން ދަނީ. އަޅުގަނޑު ހިތުން އެމްޑީޕީގެ ޕާލިމަންޓަރީ ގުރޫޕުގެ ލީޑަރާއި އަދި ޕީޕީއެމް/ޕީއެންސީގެ ލީޑަރުންނާއި ޑިމޮކްރެޓުންގެ ލީޑަރުން ދަނީ މަޝްވަރާ ކުރެވެމުން. މަޝްވަރާ ކުރެވެމުން މިދަނީ މަޖިލީހަށް ބޭފުޅުން ވަޑައިގަންނަވާނެތޯ ނުވަތަ ނޫންތޯ،" ވަރަށް ބޮޑަށް ހިނިފުޅުވަޑުވަމުން ނަޝީދު ވިދާޅުވި އެވެ.
އަދި އެ މަޝްވަރާ އަށް ޖާގަ ދިނުމަށް ނަޝީދު ވަނީ 9:45 އަށް މުޅި މަޖިލީހުގެ ކޮމިޓީން ފެށުން ފަސްކުރައްވައިފަ އެވެ.
ޑިމޮކްރެޓްސްގެ ގަރާރަށް އެމްޑީޕީން އިއްޔެ ދޫދިނުމަށްފަހު، މިއަދު އިތުރަށް މަޝްވަރާ ކުރަނީ ކޮންކަމަކާ ކަމެއް އަދި ސާފެއް ނުވެ އެވެ.
އަދި މަޖިލީހުގެ ހަތަރު ބައިކުޅަ ތިން ބައިގެ ތާއީދާ އެކު، ވެރިކަމުގެ ނިޒާމު ބަދަލުކުރަން ވޯޓަށް އަހަން ފެންނަ ކަމަށް ނިންމައިފި ނަމަ، އެކަން ކުރަން ރިޔާސީ އިންތިހާބުގެ ދެވަނަ ބުރުގެ ކުރިން އިލެކްޝަން ކޮމިޝަންގައި އެދޭނެ ކަމަށް ރައީސް އިބްރާހިމް މުހައްމަދު ސޯލިހު ވެސް އިއްޔެ ވަނީ ވިދާޅުވެފަ އެވެ.
"މިހާރު ހުށަހަޅާފައި އެ އޮތީ އޮކްޓޯބަރު 30 ގައި ވޯޓު ނަގަން. އެހެންވިއްޔާ އެއީ ވާހަކަ ދައްކައިގެން ކުރިއަށް ގެންދެވިދާނެ ކަމެއް. އެކަމަށް ތައްޔާރުވާން އެންމެ ކުޑަކޮށް ވެސް 30 ދުވަސް ލިބެންޖެހޭ ކަމަށް އިލެކްޝަން ކޮމިޝަނުން ވެސް ބުނި. އަނެއްކާ މިކަހަލަ ކަމެއްގައި ރައްޔިތުން ހޭލުންތެރިކުރަން ވެސް ޖެހޭނެ،" ރައީސް އިއްޔެ ވިދާޅުވި އެވެ. "ރިޔާސީ އިންތިހާބުގެ ފަހުން މަޖިލީހުން ވަކި މުއްދަތެއްގެ ތެރޭ އެ ވޯޓު ނަގަން ކަނޑައަޅައިފި ކަަމަށްވާ ނަމަ، ދެވަނަ ބުރުގެ ވޯޓު ނެގުމުގެ ކުރިން އިލެކްޝަން ކޮމިޝަނަށް އެކަން ކުރުމަށް އަޅުގަނޑަށް ރިކްއެސްޓް ކުރެވޭނެ."
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަޝްވަރާމޭޒު
20 September 2023
މަޝްވަރާ މޭޒަށް އިހަށް ގެންނަންވީ މި ގާނޫނުއަސާސީ ބަރާބަރަށް ހިންގުމަށްޓަކައި ހަދަންޖެހޭ ގާނޫނުތައް. އެ ގާނޫނުތައް ހަދާފައި ދެން މި ނިޒާމު ފެއިލްވެއްޖެނަމަ އެވީ ވޯޓެއް ނަގަން. އެކަން ނުކޮށްތިބެފައި ނިޒާމު ކަމަކުނުދެއޭ ކިޔައިގެން ވޯޓެއް ނަގަން އުޅެނީ އޮޅުވާލަން. ސަތޭކަ އެތައް ގާނޫނެއް މިގާނޫނު އަސާސީއާ ގުޅިގެން ހަދަންޖެހޭއިރު އޭގެ ތެރެއިން ދޮޅަހަކަށް ގާނޫނު އަދި މަޖިލީހަށް ހެދިފައި އޮތީ. މިވާހަކަ ދައްކާނެ މެންބަރަކު ނެތްތަ.
އައްދޯތް
20 September 2023
މައި ދެޕާޓީން ރިޔާސީ އިންތިޚާބުގެ ކަންކަމުގައި ސީރިއަސްކޮށް މަސައްކަތްތައް ކުރަމުން ގެންދާ މި ދަނޑިވަޅުގައި ޑިމޮކްރެޓްސްގެ ބޭނުމަކީ މައި ދެޕާޓީއާއި ރައްޔިތުންވެސް ރިޔާސީ އިންތިޚާބަށް އޮތް ސީރިއަސްކަން ދުރުކޮށް މުޅި މާހައުލު ތަޣައްޔަރުކުރުންކަން އެބަ އެނގޭ. މި ގުއިރޯނުގައި ދެޕާޓީންވެސް ޖެހިއްޖެ. މިވަގުތު ކުރަންވީ ކަމަކީ މައި ދެޕާޓީންވެސް ނިންމައި އިންތިޚާބުގައި ކުރިޔަށް ދިއުން. ޑިމޮކްރެޓްސް ސައިޒުކުރުން.
ޗަރުކާޭސް މަޖްލިސް
20 September 2023
ތީގެން ތި އިނގޭ އެއްޗަކަީ ރޭވެފަ އަލިވިލޭއިރު ވަރަށް ގިނަ ސިއްރު ޑީލްތައް މިހާރު ހަދަމުން ދާކަން. ވާނީވެސް އެހެން. މިހާރު އެންމެން ތި ތެޅި ބާލަނި، ރައްޔިތުންގެ ފައިސާ އަމިއްލަ ބޭނުމަށް ދަވާލެވޭނޭ ފަހި މަގު ހޯދަން. ޤައުމޭ ވަތަނޭ އަންނަ އޮތް ޖީލުތަކޭ، ތަރައްޤީއޭ، ދަރިންގެ ދަރިންގެ މުތަޤްބަލޭ...ބްލާ ބްލާ ކިޔަމުްނގޮސް ރައްތުންގެ ބޮލަށް ސަވާރުވެފަ، ބާރު ލިބުނީމާ ރައްޔިތުންނަށް ދޭނީ ކޮޅުކެހި. ރާއްޖެއަށް ބޭނުންވަނީ ޚުދުމުޚުތާރު ރަސްކަލެއް ނޫނީ ރާނީއެއް
ރަސްކަން
20 September 2023
ރަސްކަމުގައި ވަގުތުން ކުށްވެރިން ދަރުބާރަށް ގެންގޮސް ހުކުމްކޮށްލާނެ. މިހާރު ހެން ވާނުވާގަ އެތައް އަހަރަކު ޖަލުގަ ތިބެ 3، 4 މަރުހަލާ ނިމިންދެން ވާންވީ ގޮތެއް ނޭނގި މީހާގެ އުމުރު ހުހެއްނުވާނެ. މަކަރު ހަދައިގެން ވަކީލުން ލައްވާ މިނިވަންވުން މަދުވާނެ. ފުލުހުންގެ ލިއެކިއުން ރަގަޅުނުވެގެން ކުށްވެރިން ދުލެއްނުވާނެ. ޕާޓީ ކުލައިގެ ސަބަބުން މީހުން މިނިވަނެއްނުވާނެ.
ބޭނުމީ ބަރުލަމާނީ-4
20 September 2023
5. އިދިކޮޅަށް ސުޕަރ މެޖޯރިޓީ ލިބިއްޖެ ނަމަ ރައީސް، އިދިކޮޅަށް ސިންޕަލް މެޖޯރިޓީ ލިބިއްޖެނަމަ ސަރުކާރު (ކެބިނެޓް) ބޭރު ކޮށްލެވޭނެ. މި މޮޅު ރިޔާސީ ނިޒާމްގަވެސް މެޖޯރިޓީ ހޯދަން ޖެހޭ. ދެ އިންތިހާބް ބާއްވައިގެން ޗަރުކޭސް ފާޑަށް މި ކަން ނުކުރަމާހޭ، އެއް އިންތިހާބް ބާއްވާ މެޖޯރިޓީން ނިންމަމާހޭ. މެޖޯރިޓީ ހޯދާ ޕާޓީޔަކުން ވެރިކަމަށް އެއްބުރުން އާދެވޭނޭ ގޮތެއް އެއީ އެންމެ މޮޅު ގޮތް.
ބޭނުމީ ބަރުލަމާނީ-1
20 September 2023
1. މަޖިލުސް ކޮރަޕްޓް ވެފަ މިއޮތީ ރިޔާސީ ނިޒާމްގެ ސަބަބުން. އެއީ އޭގެ އާދަ. ރައީސްއާއި ކޮރަޕްޓް ރިޔާސީ ވަޒީރުން ގައުމު ދަވާލަން ގަނެލަނީ މަޖިލިސް. 2. މަޖިލިސަކީ ރިޔާސީ ނިޒާމްގެ އެއްބައި. އޭގެ ދެވަނަ ބާރު. އެތަން ނުހިނގާ ނަމަވެސް އުވާލަން ޖެހޭނީ ރިޔާސީ ނިޒާމް. އެހެނީ މުޅި ރިޔާސީ ނިޒާމްގެ ތިޔަރީއަކީ ސަރުކާރަށް މަޖިިލިސުން ފާރަވެރިވުމާ ޖަވާބްދާރީ ކުރުން، އެ މަޖިލިސް ފޭލްވެއްޖެ ނަމަ ރިޔާސީ ނިޒާމް އުވާލަން ޖެހޭ.
ކަތްދައްތަ
20 September 2023
ހަމަތޯ؟ތިޔަ ކިޔޭ އެއްޗެއް އެބަ ފަހުމުވޭތޯ؟ ބަރުލަމާނީގަ ހަމައެކަނި އޮތް ތަންފުކަކީ ކޯލީޝަން ހަދައިގެން އަންނަ ސަރުކާރު ވައްޓާލުން. އޭރުން ބޮޑުގެރި ބޭރަށް ހިންގާހެން ސަރުކާރު ވައްޓާނީ. އިންތިހާބު ބާއްވަން އިރުއިރުކޮޅާ ބޮޑު ޚަރަދު ކުރަން ޖެހޭނީ. ދެން މެޖޯރިޓީއާ އެއްކޮށް މަޖިލިސް ނަގައިފިނަމަ ދެބާރު އެއްވީ. މިހާރު މީހުން ކޮރަޕްޓް ގައުމެއްގަ ބަރުލަމާނީ މެޖޯރީޓީ ސަރުކާރެއް ދުއްވައެއް ނުލެވޭނެ. ހަމަ ބަލަ ބަލަ ތިއްބާ ކައިނިންމާނީ.
ކަރީނާ
20 September 2023
ބޮޑުވަޒީރުކަން ނަށީދު ހުވަފެނުގަ ކޮއްލަންފެނޭ
ޖަވާބެއް
20 September 2023
ރިޔާސީ ނިޒާމު ހިންގުމަށްޓަކައި މަޖިލީހުން ހަދަންޖެހިފައިވާ ހުރިހާ ގާނޫނުތައް ހަދައި ނިމިއްޖެތޯ. ނުނިމޭނަމަ ފުރަތަމަ އެކަން ކުރޭ. ގާނޫނުތައް ހަދާފައި ނިޒާމު ފެއިލްވެއްޖެނަމަ އެއީ ފެއިލްވުން. ގާނޫނު ނުހަދައިތިބެގެން ރައްޔިތުންނަށް އޮޅުވާލަން ނޫޅޭ. އަމިއްލަ އެދުމަށް ރައްޔިތުންގެ ނިންމުން ބޮލާލާޖަހާފައި ކުރާ ކަމެއް ތީ.
ކަތްދަ ބަފާ
20 September 2023
ނޭގޭ ވާހަކަ ނުދައްކާ. 5 އަހަރު ނިމެންދެން މަޖިލިސް އޮންނާނެ. އިންތިހާބް ބާއްވާކަށް ނުޖެހޭ. މަޖިލިސް ތެރޭން ސަރުކާރު ބަދަލްވާނީ ބަދަލްވިޔަސް. ބަރުލަމާނީ މެޖޯރިޓީ ސަރުކާރު ވެސް ވެއްޓޭނެ. މިހާރުވެސް އެމްޑީޕީން 2 ބާރަށް އަރާ އޮއްވައި ވެއްޓެގެން އެދަނީ. ސަރުކާރު ބަދަލްވާނެ 5 އަހަރުން ވޯޓުން. ވޯޓުލުން އޮންނާން ޖެހޭނީ.