ތިން އަހަރުން 64،000 ވަޒީފާ އުފެދިއްޖެ: ރައީސް

މި އަހަރުގެ ރިޔާސީ ބަޔާން އިއްވެވުމަށްޓަކައި، މިއަދު ބޭއްވި ރައްޔިތުންގެ މަޖިލިހުގެ ފުރަތަމަ ޖަލްސާގައި ރައީސް ޔާމީން.---ފޮޓޯ: ރައީސް އޮފީސް

މުހައްމަދު ޔާމީން، މިހާރު

06 ފެބުރުއަރީ 2017 - 13:08

37 comments

މި ސަރުކާރުގެ ތިން އަހަރު ދުވަހުގެ ތެރޭގައި އެކި ދާއިރާތަކުން 64،000 އަށް ވުރެ ގިނަ ވަޒީފާ އުފެދިފައިވާ ކަމަށް ރައީސް އަބްދުﷲ ޔާމީން މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ މި އަހަރުގެ ފުރަތަމަ ޖަލްސާގައި އިއްވެވި ރިޔާސީ ބަޔާނުގައި، ރައީސް ޔާމީން ވިދާޅުވީ މި އަހަރު ހުޅުވާ ރިސޯޓުތަކާއި ސަރުކާރުން ހިންގުމަށް ހަމަޖެހިފައިވާ ބޮޑެތި މަޝްރޫއުތަކަށް ބަލާއިރު، ވަޒީފާގެ ބާޒާރު ތިޔާގި އަހަރަކަށް މި އަހަރު ވާނެ ކަމަށެވެ.

ރައީސް މިހެން ވިދާޅުވިއިރު، މި ސަރުކާރުގެ ދައުރު ހަމަވުމުގެ ކުރިން ރާއްޖޭގައި 94،000 ވަޒީފާ އުފެއްދުމަކީ ޕީޕީއެމްގެ މެނިފެސްޓޯގައި ހިމަނާފައިވާ އެންމެ މުހިންމު އެއް ވައުދެވެ.

ރައީސް ވިދާޅުވީ ދިވެހި ޒުވާނުންނަށް ވަޒީފާގެ ފުރުސަތުތައް ހޯދައި ދިނުމަށާއި ވަޒީފާ ބޭނުންވާ ޒުވާނުންނަށް އެކިއެކި ތަމްރީނު ޕްރޮގްރާމްތައް ހިންގައި ޒުވާނުންނަށް ވަޒީފާ ހޯދައިދީ، ވަޒީފާގެ މައުލޫމާތު ފޯރުކޮށްދިނުމުގެ މަސައްކަތް ކުރަމުން ގެންދާ ކަމަށެވެ.

މި އަހަރުގެ ރިޔާސީ ބަޔާން އިއްވެވުމަށްޓަކައި، ދަރުބާރުގޭގައި ބޭއްވި ރައްޔިތުންގެ މަޖިލިހުގެ މި އަހަރުގެ ފުރަތަމަ ޖަލްސާ އަށް ރައީސް ޔާމީން ވަޑައިގަތުމުން ސިފައިން އެމަނިކުފާނަށް ގާޑް އޮފް އޮނާއެއް އަރުވަނީ.---ފޮޓޯ: ރައީސް އޮފީސް

މީގެ އިތުރުން ނުކުޅެދުންތެރިކަން ހުންނަ މީހުންގެ ތެރެއިން ވަޒީފާ އަދާކުރެވޭ 277 މީހަކަށް ވަޒީފާ ހަމަޖައްސައިދީފައިވާ ކަމަށް ވެސް ރައީސް ވިދާޅުވި އެވެ. އަދި ދައުލަތުގެ ބެލުމުގެ ދަށަށް ގެންނަން ޖެހޭ ކުދިންގެ އަދަދު އިތުުރުވެފައިވާތީ، އަމިއްލަ ފަރާތްތަކާ ގުޅިގެން އެ ކުދިންނަށް ފުރުސަތުތައް ހޯދައިދޭން މި މަސައްކަތް ކުރަމުން އަންނަ ކަމަށް ވެސް ރައީސް ވިދާޅުވި އެވެ.

"އިތުރު މީހުންނަށް ވަޒީފާ ހޯދައިދިނުމަށް ވަރަށް ގިނަ އަމިއްލަ ކުންފުނިތަކާއި ދަރުމަވެރި ފަރާތްތަކުން ޕާޓްނާޝިޕް އުސޫލުން ސަރުކާރާ ގުޅިގެން މަސައްކަތް ކުރަމުންދާކަން ފާހަގަކޮށްލަން،" އެމަނިކުފާނު ވިދާޅުވި އެވެ.

ވޭތުވެދިޔަ އަހަރަކީ ކުޅިވަރުގެ ދާއިރާ އިން ކާމިޔާބު އަހަރެއްކަން ފާހަގަކުރައްވާ ރައީސް ވިދާޅުވީ ސަރުކާރުން ފެށި ސްޕޯޓްސް އެރީނާ މަޝްރޫއުގެ 80 ޕަސެންޓް މި އަހަރު ނިމޭނެ ކަމަށެވެ.

ރައީސް ވިދާޅުވި ގޮތުގައި، މިދިޔަ އަހަރުގެ ތެރޭގައި ކޮމަންވެލްތުން ރާއްޖެ ވަކިވާން ނިންމުމަކީ ރާއްޖޭގެ ހާރިޖީ ސިޔާސަތުގައި ނިންމި އެންމެ އުނދަގޫ ނިންމުވެ. އަދި ދޭދޭ ގައުމުތަކާ ގުޅުން ބަދަހިކޮށް، ރާއްޖޭން އދ.ގައި ކުރިއަށް ވުރެ ބޮޑަށް ހަރަކާތްތެރިވެފައިވާ ކަމަށް ރައީސް ވިދާޅުވި އެވެ.

"ކުރިއަށް އޮތް ތަނުގައި ރާއްޖެއަށް ހެޔޮ އެދޭ، ގައުމީ ސިޔާދަތަށް އިހްތިރާމް ކުރާ ގައުމުތަކާ ގުޅިގެން މަސައްކަތްކޮށް، ތަރައްގީ އަށް ބޭނުންވާ ފުރުސަތުތައް ފަހި ކުރުމަށް ހާރިޖީ ދާއިރާއިން މަސައްކަތް ކުރާނަން،" އެމްޑީޕީ މެމްބަރުން ބޮއިކޮޓް ކުރި ޖަލްސާގައި ރައީސް ވިދާޅުވި އެވެ.

މީގެ އިތުރުން ރާއްޖެ އަށް ބޭރަށް ދަތުރުކުރާ ދިވެހިންނަށް ވިސާ ހޯދުމުގައި ފަސޭހަ ގޮތްތަކެއް ހޯދައި ދިނުމަށް މި އަހަރުގެ ތެރޭގައި އިތުރު މަސައްކަތްތަކެއް ކުރާނެ ކަމަށް ރައީސް ވިދާޅުވި އެވެ. އަދި ރާއްޖެއިން ބޭރުގައި ދިރިއުޅޭ ދިވެހިންނާއި ކިޔަވާ ދަރިވަރުންނަށް ޑިޕްލޮމެޓިކް އުސޫލުން ދެވިދާނެ ހިދުމަތްތައް މި ގައުމުގެ ފުދުންތެރިކަން ހުރި މިންވަރަކުން ފޯރުކޮށްދެވޭނެ ކަމަށް ވެސް ރައީސް ވިދާޅުވި އެވެ.

ދިވެހި ސަރުކާރު ރައްޔިތުންގެ މަޖިލިސް ވަޒީފާ ރިޔާސީ ބަޔާން ރައީސް އަބްދުﷲ ޔާމީން

37 ކޮމެންޓް, 88 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިބޫ

08 February 2017

ފައިބެ އަހރުގެ ވިދާޅުވީ 70،000 ވަޒީފާ އުފެދުނު ކަމަށް، އަދު މިއޮތީ 64،000 އަށް . އަންނަ އަހަރު 50،000ބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާންތު

06 February 2017

ރައީސަށް ސްޕީޗު ލިޔެދެއްވި މީހާ ލިޔެދެއްވީ ބުހުތާނު ދޮގު ރައީސް ސީދާ ދޯކާދެެއްވި ފަރާތާ މެދު ހަރުކަށި ފިޔަވަޅު އަޅުއްވާތި...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ްއެޒަމާން.

06 February 2017

ތި ވަޒީފާތަށް ތި ދެއްވީ އެމެރިކާގައި. އެމެރިކާ ރައްޔަތުންނަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

06 February 2017

ރާއްޖޭގެ އާބާދީ ދަނީ ދަށަށް. މުޅި މާލޭގެ ގިނައީ އަވަށްޓެރި ގައުމެއްގެ ތަރުބިއްޔަތެއް ނެތް މީހުން ގަޔަށް ބާރު ސޯޓު ކޮޅުލާފަ އެބުރޭތަން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުގާބޭ

06 February 2017

މަމިއުޅެނީ މަޒީފާއެއް ނުލިބިގެން. ތި 64000 ވަޒީފާ އުފެދުނުއިރު މަށަށް މިއޮތީ ނިދިފާ........

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހައްމަދު އަހައްމަދޭ

06 February 2017

1 ބިލިއަން ޑަލަރު ގެ އިންވެސްތްމެންޓް ގެ ތަފްސިލައް ދާއިރު އަންނަނި އެއަރޕޯރޓްގެ 800 މިލިއަން ބުރިޖްގެ 250 މިލިއަން ދެން ހޮސްޕިޓަލުގެ 200 މިލިއަން އެހެންވީމާ މިއިން އެއްވެސް ޕްރޮޖެކްޓެއްގަ 2% ދިވެހި މަސައްކަތްތެރިންގެ ހައްސާއެއް އޮތް ތޯ މީ އުފެދޭ ސުވާލަކީ، އަލައް ހުޅުވުނު ރިސޯރޓް ތަކައް ބަލާއިރު ވިއްސަކައްރިސޯރޓް އޮޕަރޭޝަނައް ގެނެވިފަވިޔަސް އެއިގެން ރަޝެއްގެ އެވުރެޖް މުއަޒިފުން ގެ އަދަދަކީ 200 ކަމުގަ ބެލިޔަސް 50% ވުރެން ގިނަވާނީ ބޭރު މީހުން އެހެންކަމުން ރިސޮރޓް ތަކުގެ ދަފްތަރުގަ އުޅޭ ދިވެހިންގެ އަދަދު ބަލާލީމަ ނިކަން ފަސޭހައިން އެއޮތީ އެގެން މި ސިނާއަތައް ދިވެހިން އިތުރުވީ އަދަދު، ނުކުޅެދުން ތެރިކަން ހުރި އެތައް ބަޔަކަށް ވަޒީފާ ދެވިއްޖެ އެކަން ކުަގަދަކޮއް ފާހަނގަވެސް ކުރެވިއްޖެ އެހެންކަމުން އެކަން އަހަރެމެން އުފަލާއެކު ބަލައިގަންނަން، ރާއްޖޭގެ ރިސޯރޓްތަކުގެ ކޮންސެޕްޓް ތައް ހަދާފައި ހުންނަގޮތުން ގިނަ އަދަދަކަށް ލަކުޑި ބޭނުން ކުރަންޖެހޭތީ މެލޭޝިޔާ އިންޑަނޭޝިޔާ ސަޕްލަޔަރުން ސަޕްލައިކޮއްދެނީ އަދި އެމީހުން އެމަސައްކަތުގެ ބޮޑުބައި ނަގާ ޕުރޮޖެކްޓް ނިންމާދެނީ ، އެފަދައިން ދިވެހި ބިމުގަ ކުރާ އިންވެސްޓްމެންޓް ތަކަކައްވީތީ ދިވެހިން ލައްވާ ނޫންގޮތަކަށް ބައެއްކަހަލަ މަސައްކަތްތައް ނުކުރެވޭގޮތަށް ހަދައިފިއްޔާ ދިވެހިންނަށް އިތުރު އާމްދަނީ އެއްލިބިގެންދާނެ ދޮރު ހުޅުވިގެންދާނެ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޭކްއަޕް

06 February 2017

މަމެން މިއަހަރު އެކަނި ވެސް ރިސޯރޓް ތަކުން މި ގަސްތު ކުރަނީ މަދުވެގެން 60 ހާސް ވަޒީފާ އުފެއްދޭތޯ އިނގޭ. ދެން މިކަން ކުރެވޭނީ ހުރިހާ ރަންރީނދުލޭ މެން ވެސް މަމެން ނާއި އެކު ސައިޑް ބައި ސައިޑް ގައި ތިބެގެން ނޫންތޭ އޭ މަމެން ބުނަން ނެތީމު އެވެ. ބޭބީ ޖަސްޓް ވޭކް އަޕް..