ޓޫރިޒަމްގެ ކާމިޔާބީގެ ވާހަކަ ހުއްޓާލައި، ދާއިރާ ކުރިއަަށް ގެންދާނެ ގޮތްތައް ހޯދަންޖެހޭ: ޕައިނިއަރުން

ޓޫރިޒަމްގެ ބާނީންގެ ތެރޭގައި ހިމެނޭ އަދި ޓޫރިޒަމަށް ބޮޑު އިންވެސްޓްމަންޓްތަކެއް ކުރައްވާފައި މުހައްމަދު އުމަރު މަނިކު ޖަލްސާގައި ވާހަކަ ދައްކަވަނީ--ފޮޓޯ: ފަޔާޒް މޫސާ / މިހާރު

ފާތިމަތު ޝަނާ މުހައްމަދު، މިހާރު

12 އޮކްޓޯބަރ 2023 - 23:16

35 comments

ޓޫރިޒަމްގެ 50 އަހަރުގެ ކާމިޔާބީއަކީ ބާ ވާހަކައެއް ކަމަށާއި އަދި ޓޫރިޒަމް ދާއިރާ ކުރިއަށް ގެންދަން ސީރިއަސް މަސައްކަތްތައް ފަަށަންޖެހޭ ކަމަށް ރާއްޖޭގެ ޓޫރިޒަމްގެ ބާނީންގެ ތެރޭގައި ހިމެނޭ އަދި ޓޫރިޒަމަށް ބޮޑު އިންވެސްޓްމަންޓްތަކެއް ކުރައްވާފައި މުހައްމަދު އުމަރު މަނިކު ވިދާޅުވެއްޖެ އެވެ.

ގައުމީ ޓޫރިޒަމް ދުވަސް ފާހަގަކުރަން މިރޭ ސޯޝަލް ސެންޓަރުގައި ބޭއްވި ރަސްމިއްޔާތުގައި އޭނާ ވިދާޅުވީ ޓޫރިޒަމް މިހާ ހިސާބަށް އައީ ދާއިރާގެ ފަރާތްތަކުގެ ބުރަ މަސައްކަތުގެ އިތުރުން އެކަމުގައި ދިވެހިންގެ ނަސީބު ގަދަވުމުން ކަމަަށެވެ.

"ދާއިރާ މިހާރު އޮތް ސްޓޭޖުން ކުރިއަށް ގެންދަން ދެން އަންނަ ސަރުކާރުން ވެސް ވަރަށް ހާއްސަ އިސްކަމެއް ދޭން ޖެހޭ،" އޭނާ ވިދާޅުވި އެވެ.

އޭނާ ވިދާޅުވީ މިދިޔަ ތިން މަހު ރާއްޖޭގެ ޓޫރިޒަމް ދިޔައީ ދަށަށް ކަމަށާއި އެކަމުގެ އަސަރު ހުރިހާ ހިދުމަތްދޭ ތަނަކަށް ކުރި ކަމަށެވެ.

މިދިޔަ މަހު ރާއްޖެއަށް އައީ 130،000 ޓޫރިސްޓުންނެވެ. އެއީ އޭގެ ކުރީ ދެ މަހަށް ވުރެ ދަށް އަދަދެކެވެ. ރާއްޖެއަށް 1.3 މިލިއަން ޓޫރިސްޓުން އައި ނަމަވެސް ސަރުކާރުގެ އަމާޒަކީ 1.9 މިލިއަން ޓޫރިސްޓުން ގެނައުމެވެ.

އެމްޔޫ މަނިކުގެ އިތުރުން ޓޫރިޒަމް ދާއިރާގެ ވިޔަފާރިވެރިޔާ އަދި މަޓީގެ ނައިބު ރައީސް ހުސައިން އަފީފު ވެސް ވިދާޅުވީ ރާއްޖޭގެ ޓޫރިޒަމްގެ ރަނގަޅު ވާހަކަ ދައްކަ ދައްކާ ނުތިބެވޭނެ ކަމަށާއި އަދި މި ދާއިރާ ކުރިއަށް ގެންދިއުމަށް އިޝްތިހާރު ކުރުން ފުޅާކުރަން ޖެހޭނެ ކަމަށެވެ.

އަފީފު މިރޭގެ ޖަލްސާގައި ވާހަކަ ދައްކަވަނީ-- ފޮޓޯ: ފަޔާޒް މޫސާ / މިހާރު

އޭނާ ވިދާޅުވީ ހިންދަމާލެވެން ނެތް ކަމަށާއި ކޮވިޑްގެ ދުވަސްވަރު ރާއްޖެ އިޝްތިހާރު ކުރުމުގެ މަސައްކަތް އެމްއެމްޕީއާރްސީ އާއި ޓޫރިޒަމް މިނިސްޓްރީން ކުރަން ޖެހޭ ކަމަށެވެ.

އޭނާ ވިދާޅުވީ ރާއްޖެއަށް ޓޫރިސްޓުން އަންނަ މިންވަރަށް ވުރެ ރާއްޖެއަށް ޓޫރިސްޓް ބެޑް އިތުރުވެފައިވާއިރު ޓޫރިޒަމްގެ ކާމިޔާބުގެ ވާހަކަ ދައްކައިގެން ނިންމާ ނުލެވޭނެ ކަމަށެވެ.

"ޓޫރިޒަމްގެ މުސްތަގްބަލާ މެދު އެބަ ވިސްނަން ޖެހޭ. މާކެޓިން ކުރުމުގައި ތަފާތު ކުރާނެ ގޮތް ހޯދަން އެބަ ޖެހޭ. މިހާރަށް ވުރެ ފައިދާ އިތުރު ކުރާނެ ގޮތްތައް ހޯދަން ޖެހޭ،" އޭނާ ވިދާޅުވި އެވެ.

ޓޫރިސްޓުން ޓޫރިޒަމް އެމްޔޫ މަނިކު ޗަމްޕާ ހުސައިން އަފީފު ރިސޯޓްތައް

35 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކާމިޔާބޯ، ހުސް ނަރުދަމާ އަޅަނީ

13 October 2023

އަހަރުމެން ބޭނުމީ ޕޭމެންޓްތައް އެކައުންޓަށް ލިބޭނެ ޕޭމެންޓް ގޭޓްވޭތަކެއް. މުޅިދުނިޔެ ޔޫޓިއުބުން ފައިސާ ލިބިގެން އޮންލައިން ވިޔަފާރިކޮށްގެން މިއުޅެނީ. އަހަރުމެން ދިވެހިންނަށްވީތީ އެއްވެސް ވަސީލަތެއްނެތް. ވެރިކަންކުރާވަރަކަށް އެބަކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖ‫ެފަރސަން

13 October 2023

މ‫ީހުން ދިރިއުޅޭ ރަށްތަކުގައި ގެސްޓުން އުޅުމަކީ ނޭދެވޭ އަސަރުތަކެއް ކުރާނެ ކަމެއް .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

14 October 2023

ހުޅަނގުން އަންނަ ގެޝްޓުންގެ ކުރިއަރާފަވާ ތަހުޒީބުން ކުޑަ މިންވަރެއް ދަސް ވިޔަސް ފައިދާވާނީ ރާއްޖެއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ހުދުހުދާ

13 October 2023

‫ހުސްޓުވަރިޒަންބަރޯސާވާކައްނުވާނެމިހާރުވެސްމިކުރާހަގުރާމައިންރާޖެއައްޓުވަރިޒައަންނަނ ވަރައްބޮޑައްއަސަރުކުރާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝ‫ޭމްއޮންޔޫ

13 October 2023

ކ‫ަލޭނަށް ތިޔަ މުއްސަދިކަން ލިބުނީ ދައުލަތުގެ ރަށްތައް ނަގައިގެން , ދައުލަތަށް ތިޔަ ހުރިހާ ރަށްތަކެއް އަނބުރާ ނަގަންޖެހޭ ދައުލަތަށް ފައިސާ ވަންނަ ގޮތައް ތިޔަ ރައްޔަތުންގެ މުދާ އަވަހަށް ހަވާލުކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމިނާ

13 October 2023

ރާއްޖެއިން ބޭރު ގައުމު ތަކުގަ ގާއިމްކުރާ އެމްބަސީ ތަކުން ކުރާ ކަމެއްވެސް އެނގޭ ބަޔަކު ނުތިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމިނާ

13 October 2023

އަބަދު ފޮނިކެނޑުން ދިވެހީންގެ ކަމަކީ. މަސައްކަތައް ވުރެ އިސްކަން ދެވޭނީ ހުސްއަނގަ ތަޅުވަން. ހެޔޮ ވާހަކައެއް ބޭފުޅާ ތިޔަ ވިދާޅުވީ. ގަބޫލު ކުރާނެ ބަޔަކު ތިބިއްޔާމު ރަނގަޅު. ބުރަ މަސައްކަތުގަ އަބަދު އުޅެންވީ ނަމާދު ކޮށްފަ. މީހަކު ބުނެފާނެ ހެޔޮ ބަހަކަށް ދީފާނެ މެޑަލަކަށް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

LaamuonlineDOTcom

13 October 2023

ޓޫރިޒަމްގެ ކާމިޔާބީގެ ވާހަކަދެއްކޭކަށްނުވެސްނެތް، ދެތިން ދިވެހިއާއިލާއެއްގެ ޖީބަށް ޓުއަރިޒަމުގެ ފައިދާވަނަސް، ރިސޯޓުތަކުގެ %90 އޯނަރޝިޕު އޮތީ ރާއްޖޭންބޭރުގެ އެކިއެކި ފަރާތްތަކުގަ، މިތަންތަނުން ލިބޭ އާންމުދަނީ (ޑޮލަރު) ރާއްޖޭގެ ބެންކެއްގައި ރޯލްކުރާކަށް ނުވަތަ ވަކި ޕެސެންޓެއް ބަހައްޓާކަށްވެސްނުޖެހޭ، ދަބަހަށްއަޅައިގެން ގެންދަނީ ބޭރުގެ ބޭންކުތަކަށް، ޓުއަރިޒަމްގެ ފައިދާ ދިވެހިންނަށް ލިބޭނެ އެއްވެސް ހަރުދަނާއުސޫލެއް ގަވައިދެއް މިތާކުނެތް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާރކެޓް

13 October 2023

ޖުމްލަގޮތެއްގައި، ދިވެހިރާއްޖޭއަށް ގިނަ އަދަދަކަށް، ސަސްޓެއިނެބްލްކޮށް ފަތުރުވެރިގެެނެވޭނެ ގިނަ ގޮތްތަކެއް ހޯދަންޖެހޭ... ހަމަ އެކަނި ރިސޯޓް ބެޑް ކެޕޭސިޓީ އިތުރުކޮށްގެން މިކަމެއްނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 October 2023

ތިޔަ ޔިވަފާރިއަށް ވަންނަން އެހެންބަޔަކަށްޖާގަނުދީ އާރާއިބާރުގެބޭނުންކޮށް ވިޔަފާރި މޮނޮޕޮލައިޒް ކޮށްގެންތިބުމަކީ ތިމާމެންދައްކާ ހުރިހާވާހަކަ އެހެންމީހުން ޤަބޫލުކުރާންޖެހޭ ސަބަބެއްނޫން. # ދުނިޔޭގައިތިބި 7 ބިލިޔަން މީހުންގެތެރެއިން ޗުއްޓީހޭދަކުރަން ދަތުރުދާމީހުންގެ ބޮޑުސައްތައެއް ރާއްޖެއަންނާންބޭނުން އެކަމަކު ބޭޅާމެންގެ ރިސޯޓްއަގުތަށްހުރީ އެހެންތޯ؟ އަދިވެސް ސިޓީހޮޓާ ތަރައްޤީކޮށް އެނދު ތަރައްޤީކޮށްގެންނޫނީ ދައުލަތަށްލިބޭ އާމްދަނީ އިތުރު ނުކުރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅިންދީ

13 October 2023

ހުޅުމާލެޔައް ޓުއަރިޒަމް ފުޅާ ކުރަންވީ. އޭރުން އާމުންގެ ޖީބުތަކައްވެސް ޓުއަރިޒަމްގެ ފައިދާ ވަންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

13 October 2023

ތިހަމަ ރަނގަޅު ވާހަކަޔެއް އަދި މީހުންދިރި އޫޅޭ އެހެން ރައްތަކައް ޓުއަރިޒަމް ފުޅާކުރެވުވުނީމަ އެތައް ގޮތަކުން ފައިދާވާނެ! މިސާލަކައް އަބިދަރިން ކައިރީގަ ވަޒީފާގެ ފުސަތު ފަހިވީމަ އާއިލާ ދުޅަހެޔޮވާނޭނެ އަދި ހުޅަގުމީހުންގެ ރީތި އާދަތައް ކުދިންނައް ދަސްވުމުން ވަރައް ފައިދާ ކުރާނެ