އައްމަޓީ ފުރަން ހުއްދަ ދިން މައްސަލަ ދައުލަތުން އިސްތިއުނާފް ކުރަނީ

ޕީޖީ ޝަމީމް: އައްމަޓީ ރާއްޖެއިން ބޭރަށް ދާން ހުއްދަ ދިން މައްސަލަ އިސްތިއުނާފް ކުރަން ދައުލަތުން ވަނީ ނިންމާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

07 ޑިސެމްބަރ 2023 - 14:35

6 comments

ސީލައިފް ގްލޯބަލްގެ މައްސަލާގައި ދައުލަތުން ހިޔާނާތުގެ ދައުވާ ކޮށްފައިވާ އެ ކުންފުނީގެ ވެރިޔާ އަހުމަދު މޫސާ (އައްމަޓީ) ގެ ޕާސްޕޯޓް ވަގުތީ ގޮތުން ދޫކޮށްލަން ނިިންމި މައްސަލަ ދައުލަތުން އިސްތިއުނާފް ކުރަން ނިންމައިފި އެވެ.

ފްލެޓް އަޅައިދޭނެ ކަމަށް ބުނެ ސީލައިފް ކުންފުނިން ގިނަ ބައެއްގެ އަތުން ފައިސާ ނެގި މައްސަލާގައި އައްމަޓީގެ މައްޗަށް ހިޔާނާތުގެ ގިނަ ދައުވާތަކެއްކޮށް، އޭނާގެ ޕާސްޕޯޓް ހިފަހައްޓާފައި ވަނިކޮށް އޭނާ ފުރުމުގެ ހުއްދަ ދޭން ކްރިމިނަލް ކޯޓުން ނިންމީ ބޭސްފަރުވާ އަށް ރާއްޖެއިން ބޭރަށް ދާން ހުއްދައަށް އެދުމުންނެވެ.

ޕްރޮސެކިއުޓާ ޖެނެރަލް (ޕީޖީ) އޮފީހުގެ އޮފިޝަލަކު ވިދާޅުވީ އައްމަޓީގެ ޕާސްޕޯޓް ދޫކޮށްލި މައްސަލަ ހައި ކޯޓުގައި އިސްތިއުނާފް ކުރަން ނިންމާފައިވާ ކަމަށެވެ. އަދި އެ މައްސަލަ ހައި ކޯޓުން ނިމެންދެން އައްމަޓީ ފުރުން މަނާކުރުމުގެ ވަގުތީ އަމުރަކަށް ވެސް ހައި ކޯޓުގައި އެދޭނެ ކަމަށް އޮފިޝަލް ވިދާޅުވި އެވެ.

ކްރިމިނަލް ކޯޓުން ބުނިގޮތުގައި އައްމަޓީ ފުރުމުގެ ހުއްދަ ދޭން ނިންމީ އޭނާގެ ސީރިއަސް އޮޕަރޭޝަނެއް ކުރަން ޖެހޭތީ އެވެ. އަދި ކޯޓުން އެ ހުއްދަ ދިނީ 20 ދުވަހުގެ މުއްދަތަކަށެވެ.

ސީލައިފް މައްސަލާގައި އައްމަޓީ ގިނަ ދުވަސްތަކެއް ވަންދެން ބަންދުގައި ބެހެއްޓުމަށްފަހު އޭނާ މިހާރު ހުރީ ދޫކޮށްލައިފަ އެވެ.

ކްރިމިނަލް ކޯޓް ހައި ކޯޓް ޕީޖީ އޮފީސް އަހުމަދު މޫސާ (އައްމަޓީ) ހުސައިން ޝަމީމް (ޕީޖީ)

6 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަރީފު

09 December 2023

ރިލްވާންއާ ޔާމީން ރަޝީދުގެ މަރުގެ މައްސަލައިގައި ދައުވާ ކުރި 3 މީހުންގެ މައްސަލަ ކްރިމިނަލް ކޯޓުން ބެލޭނެ ކަމަށް ނިންމާފައި، އަހަރަކަށްވުރެ ގިނަ ދުވަސްކޮށްފަ ހަމަ އެ ކޯޓުން އެ ގާޒީ މައްސަލަ ނުބެލޭނެކަމަށް ނިންމީމަ ޕީޖީ އޮފީހުން އެ މައްސަލަތައް އިސްތިއުނާފުނުކުރަންވީ ކީއްވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްޖާ

07 December 2023

ޒީރޯ ޓޮލެރެންސް ގެ ދަށުން ކޮންމެ ސަރުކާރެއްގަވެސް މިކަހަލަ މީހުން ދާނީ ބަދަ ހަލުވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮޅި

07 December 2023

އިސްތިއުނާފު ކުރާއިރު އޭނަ ދާތަނަކަށް ގޮސް ނިމޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިފޮނިޓައްޕު ކުމާރު

07 December 2023

މިޝަމީމު ކަމަކީ އިސްތިއުނާފުކޮށްފާ އިސްތިއުނާފުކުރުން. އަދި ފޮނިކަނޑާފާ ބުންޏޭ އަދީބަށް 800 ޖެހިދާނެހާ ހެކި އެބަހުއްޓޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުބާދު

07 December 2023

ފުރުންމަނާކުރުމުގެ ވަގުތީ އަމުރައްއެދޭނީ އާދީއްތަދުވަހު، މިއަދު މިހާރުނޭގެ ނުފުރާކަމެއް!!. ކޯޓުންވެސް އެބުނީނު ވަރައްސީރިއަސް މައިބަދައިގެ އޮޕަރޭސަނެކޭ، ކިހާސީރިއަސްވީމަ 20 ދުވަސްދޭނީ މައިބަދައިގެ އޮޕަރޭސަނަކައް. ކޯޓައްވެސް އެގެނީތޯއްޗެ މީނަގައުމުންބޭރުކޮއްލީމަ ނިމުނީކަން.