ކިޔަވާ ކުދިންނަށް ޑޮލަރު ލިމިޓް ބޮޑުކުރަން އަދިވެސް މަޝްވަރާ ކުރަނީ

އޭޓީއެމްއަކުން ޑޮލަރު ނަގަނީ: ޑޮލަރު ލިމިޓް ބޮޑުކުރުމުގެ މަޝްވަރާތައް އަދިވެސް ދަނީ ކުރިއަށް. -- މިހާރު ފައިލް ފޮޓޯ

ފާތިމަތު ޝަނާ މުހައްމަދު، މިހާރު

25 ޖެނުއަރީ 2024 - 13:54

ރާއްޖޭން ބޭރުގައި ކިޔަވާ ދަރިވަރުންނަށް ޑޮލަރު ލިމިޓު ބޮޑު ކުރުމާ މެދު އަދި ވަކި ގޮތެއް ކަނޑަނާޅާ ކަމަށާއި އެކަމުގެ މަޝްވަރާތައް އަދިވެސް ކުރަމުން އަންނަ ކަމަށް ބޭންކް އޮފް މޯލްޑިވްސް އިން މިއަދު ބުނެފި އެވެ.

ބީއެމްއެލްގެ ހެޑް އޮފް ޕަބްލިކް ރިލޭޝަންސް މުހައްމަދު ސައީދު ވިދާޅުވީ، ބޭންކްގެ ކާޑުތަކުން ޑޮލަރުގެ މުއާމަލާތްކުރެވޭ ލިމިޓް އިތުރުކުރުމާ ގުޅޭ ގޮތުން ފިނޭންސް މިނިސްޓްރީއާ އެކު މަޝްވަރާ ކުރަމުން އަންނަ ކަމަށެވެ. އަލަށް ގެންނަ ބަދަލުތަކާ ގުޅިގެން ޑޮލަރު ބޭނުންވާނެ މިންވަރާއި މި ބަދަލުގެ ބޮޑުކުޑަމިނާއި ލިމިޓް އިތުރުކުރާނެ ނިޒާމެއް ގާއިމްކުރުމާ ގުޅޭ ގޮތުން މަޝްވަރާކުރާ ކަމަށް އޭނާ ވިދާޅުވި އެވެ.

"ބޭންކުން ކަސްޓަމަރުންނަށް ޑޮލަރުގެ އެހީތެރިކަން ދެވެން އޮންނާނީ ބޭރު ފައިސާ ގަތުމަށް ބޭންކަށް ލިބިގެންވާ އަދަދެއްގެ މައްޗަށް ބިނާކޮށް،" ބީއެމްއެލް އިން ލިޔުމުން ދިން ޖަވާބުގައިވެ އެވެ.

ސައީދު ވިދާޅުވީ، ކާޑުން ބޭނުން ކުރެވޭ ޑޮލަރު ލިމިޓަށް އަންނަ ބަދަލަކާ ގުޅިގެން އެކައުންޓުން ޑޮލަރު ނެގޭ އަދަދުތަކަށް އެއްވެސް ބަދަލެއް ނާންނާނެ ކަމަށެވެ.

ރާއްޖޭން ބޭރުގައި ކިޔަވާ ދިވެހި ދަރިވަރުންނަށް ބީއެމްއެލް ކްރެޑިޓް އަދި ޑެބިޓް ކާޑުގެ ލިމިޓު މި ފެބްރުއަރީ 1 އިން ފެށިގެން މަތިކުރުމަށް ކެބިނެޓުން ނިންމީ މިދިޔަ ޑިސެމްބަރު މަހު އެވެ.

ރައީސް އޮފީހުން އޭރު ބުނީ ބޭރުގައި ކިޔަވާ ދަރިވަރުންނަށް މިހާރު މަހަކު 750 ޑޮލަރު ނެގޭ ގޮތަށް އޮންނާތީ އެކަމުގެ ދަތިކަމާއި ކަންބޮޑުވުން އޮންނަ ކަމަށާއި އެ މައްސަލަ ހައްލުކުރަން، ފެބްރުއަރީ މަހުގެ 1 ވަނަ ދުވަހުން ފެށިގެން މަހަކު 1،200 ޑޮލަރަށް ބޮޑުކުރަން ނިންމާފައިވާ ކަމަށެވެ.

މިކަމާ ގުޅޭ ގޮތުން ފިނޭންސް މިނިސްޓަރު ޑރ މުހައްމަދު ޝަފީގު ވިދާޅުވީ، އަމާޒަކީ ކަނޑައެޅި ތާރީހަށް ދަރިވަރުންނަށް ލިމިޓު ބޮޑު ކުރުން ކަމަށާއި އެކަމަކު އެކަން ކަނޑައަޅާނީ ބީއެމްއެލްގެ ބޯޑުން ނިންމުމުން ކަމަށެވެ. އެކަން ބީއެމްއެލްއަށް ފަހި ކުރުމަށް އެ ބޭންކަށް ދިމާވާ ދަތިތައް ހައްލުކޮށްދެވޭތޯ މިނިސްޓްރީން މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ.

"މަޝްވަރާ ކުރަން ދެ މީޓިންއެއް ބޭއްވިއްޖެ. މަޝްވަރާގައި އައިޓެންޓިފައި ކުރަނީ ބީއެމްއެލްއަށް ހުރި ގޮންޖެހުންތައް. އަޅުގަނޑުމެންނަށް ހައްލުކޮށްދެވޭނެ ކަންކަން ބަލާނީ،" އޭނާ ވިދާޅުވި އެވެ.

ޝަފީގު ވިދާޅުވީ، މިއީ ބޭރުގައި ކިޔަވާ ކުދިންނަށް ކޮށްދޭ ކަމަކަށްވާތީ، ރާއްޖޭން ބޭރުގައި ކިޔަވަމުން އަންނަ ކުދިންގެ މައުލޫމާތު އެއްކުރުމުގެ މަސައްކަތް ހަޔާ އެޑިއުކޭޝަނާ އެކު ކުރަމުން އަންނަ ކަމަށެވެ.

ޑޮލަރުގެ އަގު ފިނޭންސް މިނިސްޓްރީ ކިޔަވާކުދިން ބީއެމްއެލް ސްޓޫޑެންޓް ލޯނު

11 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަބުދު

25 January 2024

ބީ އެމް އެލް އިން ދޫ ކޮންފައިވާ ކާޑުތައް ކެންސަލް ކޮށްލަން ފެންނަނީ، ކޮވިޑް ގެ ކުރިން ލިމިޓެއް ނެތި ބޭނުން ކުރެވުނަސް މިހާރު ކާޑުގެ މާ ބޮޑު ބޭނުމެއް ނުހިފޭ. ކޮވިޑްގެ ކުރިން ރާއްޖޭގެ ޓޫރިޒަމް ހުރިވަރަށް ވުރެ އިތުރު ކަމަށް ބުނާ އިރު ޑޮލަރ ލިމިޓް އަދި ވެސް ހަމަ އެހާލުގަ. މީގެން އިންގޭ އެެއްޗަކީ ބީއެމް އެލް ގެ އެ ކެޕޭސިޓީ ނެތިއްޔޭ. ވެދުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗޮކުހުން

25 January 2024

ހަފްތާ 14 ގެ ޑޮލަރު ވައުދު ޗޮކުހުންދޯ. ސިފައިންނާ ފުލުހުންނަށް ބޮޑު ކުރަންބުނި މުސާރަ ވައުދު ޕާކް ކޮށްފަ. ލަސްކުރި މުއްދަތު ހަމަވާއިރު ހާލު މާބޮޑުވާނެ ކަމަށް ފެންނަނީ.. މަޝްވަރާ ކުރިއަސް ބެންކުގަ ނެތް އެއްޗެއް ނުދެވޭނެ. މާގިނަ ބޮޑެތި ދޮގު ހަދައިގެން އައިމަ ދެކޮޅެއް ނުޖެއްސޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމުޖޭ

25 January 2024

އަދިވެސް ޓުއަރިޒަމް ސެކްރއަށް ބޭރު މީހުން ގެންނަން ޕަސެންޓް ބޮޑު ކުރަންވީ މިހާރުވެސް ވަންނަ ޑޮލަރުގެ %80 ޑޮލަރު ދަނީ ތިބުނާ ބޭރު މަސައްކަތް ތެރީން ހިފައިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Draw

25 January 2024

ތިވާހަކަ އިއުލާނުކުރުމާއިއެކު ކުދިވިޔަފާރިތަކަށް ޓީޓީއަށް ބޭންކުންދޭ %10 ވެސް ޖެނުއަރީ 2024 ން ފެށިގެން ކަނޑާލައިފި. މިއީތޯ ވިޔަފާރިތައް ކުރިއެރުވޭނެ ގޮތަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ކުރުސި

25 January 2024

މަޝްވަރާކޮށްގެން ވާނެކަމެއް ނޯންނާނެ. ކަމެއްވާނީ "ކިޔަވާ ކުދިންނަށް ޑޮލަރު ލިމިޓް ބޮޑުކުރާ އިދާރާ" އުފައްދައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިޑްނ

25 January 2024

450 ޑޮލަރު އިތުނުކޮއްލެވޭ، އަންޑާވޯޓޯ ޓަނަލް އަޅަންބޭނުންވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުބާދު

25 January 2024

ކެބިނެޓުން ނިންމާގޮތަކާ ބީއެމްއެލް ކިޔާއެއްޗަކާ ފިނޭންސް ކުރާކަމަކާ ދިމާނުވޭ، ތިވާގޮތުން ބޮޑުކޮއްލަންޖެހޭނީ ޖެހިޖެހީނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝުމަކު

25 January 2024

ކަލޭމެން ކޮންވަތަރު ހުންނަނީ މިނިސްޓަރު ބުނަނީ ބޯރޑުން ފާސްކުރަނީ، އަހަރެމެން ކިހިނެއް ފާސްކުރަނީ އަހަރުމެންއަތުގައި ނެތް ޑޮލަރެއް ދޭން! ކަލޭމެން ދިވެހިމީހާ މޮޔަ ހުންނަނީތަ؟ ނެތް އެއްޗެއް ކިހިނެތް ދޭނީ! މިނިސްޓަރުު ބުނަނީ ސަރުކާރު ބޭރުފައިސާ ނެތީ، ދެން ބޭންކުގައި ކިހިނެތް ހުންނަނީ؟ ސަކަރާތްވަތަރު ހުންނަނީ ޝަފީގްބާއި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްސަދު އަލީ

25 January 2024

މީ ސަރުކާރުގެ ފެއިލިއަރއެއް. ހަމަ ކެބިނެޓުން ކަންކަން ނިންމާލަނީ. އެއްވެސް ހިސާބެއް ކިތާބެއް ނުބަލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅަސޮރުގޯތި ފޮނިބެ

25 January 2024

ދެކަމުން ކުރެ ކަމަކުން ތާހިރު ވާނޭ އެންމެ ވާހަކައެއްވެސް އަދި މިސަރުކާރަކުން ނުދައްކާ. ބެންކޮކު ދައްކަނީ ޑުބޭ ދައްކަނީ ޓަނަލް ދައްކަނީ ދެއްކުން ނޫން ކަމެއްނެތް. މުއިއްޒު އިސްޕީޑަކީ ފޮނިކެނޑުމަށް ދިވެހިބަހުން ކިޔާ އާނަމެއް. ދެއްތޯ?