މިއަހަރު 20 ރިސޯޓު ހުޅުވަން އަމާޒު ހިފައިފި

ރައީސް މުއިއްޒު މިއަދު ރިޔާސީ ބަޔާން އިއްވަވަނީ.

ފާތިމަތު ޝަނާ މުހައްމަދު، މިހާރު

05 ފެބުރުއަރީ 2024 - 10:12

ސަރުކާރުގެ އަމާޒަކީ މިއަހަރު 20 ރިސޯޓު ހުޅުވައި 2،857 އެނދު އިތުރު ކުރުން ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.

މިއަދު ދެއްވި ރިޔާސީ ބަޔާނުގައި ރައީސް މުއިއްޒު ވިދާޅުވީ، ޓޫރިޒަމްގެ ހިދުމަތް ފުޅާކޮށް، ލިބޭ އާމްދަނީ އިތުރު ކުރުމަށް މުހިއްމު އިސްކަމެއް ދެއްވާނެ ކަމަށެވެ.

މިއަހަރު އާ 20 ރިސޯޓެއް ހުޅުވާނެ ކަމަށް ރައީސް ވިދާޅުވި އިރު މިދިޔަ އަހަރު ހުޅުވާފައިވަނީ އަށް ރިސޯޓެވެ. މިވަގުތު ގާތްގަނޑަކަށް 150 އަކަށް ރިސޯޓުގެ މަސައްކަތް އަންނަނީ ކުރަމުންނެވެ.

ރައްޖޭގައި މިވަގުތު 175 ރިސޯޓު އަންނަނީ ހިންގަމުންނެވެ. އެއީ 42،000 އެނދެވެ. ރާއްޖައި މިވަގުތު 61،000 އެނދު ބޭނުން ކުރަމުން އަންނަ އިރު އޭގެ 70 ޕަސެންޓަކީ ރިސޯޓުތަކެވެ.

އެމަނިކުފާނު ވިދާޅުވީ ޓޫރިޒަމަށް ކުއްޔަށްދޫކޮށްފައިވާ ރަށްރަށާއި ބިން، އަދި ފަޅުތަކުގެ ތެރެއިން އެކިއެކި ސަބަބުތަކާއި ހެދި މަސައްކަތް ހުއްޓިފައިވާ ތަންތަން ތަރައްގީކުރުމަށް ހުރި ދަތިތަކާއި ހުރަސްތައް ބަލައި އެކަންކަމަށް ހައްލުތައް ދެނެގަތުމުގެ މަސައްކަތް ފަށާފައިވާ ކަމަށެވެ.

"ޓޫރިޒަމް ތަރައްގީ ކުރަން ދޫކޮށްފައިވާ 63 މަޝްރޫއެއް ނިންމައި މާކެޓަށް ނެރުމަށް ޓޫރިޒަމް މިނިސްޓްރީއާއި، ފައިނޭންސް މިނިސްޓްރީއާއި މީރާ އަދި އިކޮނޮމިކް ކައުންސިލް ގުޅިގެން ސިޔާސަތެއް މިހާރުދަނީ އެކުލަވާލެވެމުން. އިރާދަކުރެއްވިއްޔާ ކުރިޔަށް އޮތް ހަފްތާއެއްހާ ދުވަސް ތެރޭގައި މި މަސައްކަތް ނިމޭނެ،" އެމަނިކުފާނު ވިދާޅުވި އެވެ.

ރައީސް ވިދާޅުވީ، އަދި މިފަދަ ތަންތަން ތަރައްގީކޮށް ނިންމުމަށްޓަކައި ލީސް އެގްރީމަންޓާއި އިންވެސްމަންޓްތައް ރީ-ސްޓްރަކްޗާކޮށް، އެ ރަށްތަކުގެ މަސައްކަތް ނިންމުމަށް އެހީތެރިކަން ފޯރުކޮށްދިނުމުގެ ސިޔާސަތެއް އެކުލަވައިލާނެ ކަމަށެވެ.

އެމަނިކުފާނު ވިދާޅުވީ ރާއްޖޭގައި އިންވެސްޓް ކުރުމުގެ ފުރުސަތުތައް މުޅި ދުނިޔެއަށް ހުޅުވާލާނެ ކަމަށާއި ޗައިނާ އެކު ވެފައިވާ ވިޔަފާރީގެ އެއްބަސްވުމަށް އަމަލުކުރަން ފެށުމުން އެތައް މަންފާއެއް ދިވެހި ވިޔަފާރިތަކާއި އިގްތިސާދަށް ލިބޭނެ ކަމަށެވެ.

ރައްޔިތުންގެ މަޖިލިސް ޓޫރިސްޓުން ޓޫރިޒަމް ރިސޯޓްތައް ރައީސް ޑރ. މުހައްމަދު މުއިއްޒު ރިޔާސީ ބަޔާން

7 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

05 February 2024

ހަމައެކަނި ރިސޯޓް ހުޅުވައިގެން ވާކަށްނެތް. ރާއްޖޭގައި "ސިޓީ ހޮޓެލް އައިލެންޑް" ނުވަތަ އުސް އިމާރާތްތަކުގައި ހިންގާ ވާޓިކަލް ޓްއަރިޒަމް ފުޅާކުރުމަށްޓަކާ އައްޑޫ ހެރެތެރެ އާއި ހަނިމާދޫގެ ވަކިހިސާބެއްގައި ނުވަތަ ހަނިމާދުއާއި ކައިރިން ބޮޑު ފަޅު ރަށެއްގައި ސިޓީހޮޓާތައް ސަރުކާރުން ތަރައްޤީކޮށްފައި މެނޭޖްމަންޓް އެހެންފަރާތް ތަކަށް ދޫކޮށްގެން ވާދަވެރިންނަށް ޖާގަނުދީ ރާއްޖޭގެ ފަތުރުވެރިކަމާއި، ޤައުމީ އެއަރލައިން އަދި ސީޕްލޭންގެ ހިދުމަތްވެސް ފުޅާކުރަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

06 February 2024

މަތީގައި ދެންނެވިފަދަ "ސިޓީ ހޮޓެލް އައިލެންޑް" ނުވަތަ އުސް އިމާރާތް ތަކުގައި ހިންގާ "ވާޓިކަލް ޓްއަރިޒަމް" ފުޅާކުރުމަށްޓަކާ އައްޑޫ ހެރެތެރޭގެ އިތުރަށް ހަނިމާދޫގެ ވަކިހިސާބެއްގައި ނުވަތަ ހަނިމާދުއާއި ކައިރިން ބޮޑު ފަޅުރަށެއްގައި ސަރުކާރުން ސިޓީހޮޓާތައް ތަރައްޤީކޮށްފައި މެނޭޖްމަންޓް އެހެންފަރާތް ތަކަށް ދޫކޮށްގެން ވާދަވެރިންނަށް ޖާގަނުދީ ރާއްޖޭގެ ފަތުރުވެރިކަމާއި، ޤައުމީ އެއަރ ލައިން އަދި ސީޕްލޭންގެ ހިދުމަތްވެސް ވީހާބޮޑަށް ފުޅާކުރަން ވިސްނާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދުލީބެއްޔާގެ ތެދުބަސް

05 February 2024

މިރާއްޖޭގާ މިހާރު ރިސޯޓު ހުޅުވުމުގެ ބޭނުމެއް ނެތް. ރިސޯޓު އެބަހުރި ވާވަރަށް. ރަންބިސްއަޅާ ކުކުޅުގެ ބިސްކޮޅު އެގެންދަނީ ބިދޭސީން. ދިވެހި ނިކަމެތި ރައްޔިތުން މިހުންނަންޖެހެނީ އެތަން ބަލަން އަނގަނަގައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހީޒު

05 February 2024

ސަރުކާރުގެ ބޮޑެތި ކުންފުނިތައް އެބަހުރި ޓޫރިޒަމްގައި ދިވެހިންނަށް އިންވެސްޓްކުރެވޭގޮތައް އުފައްދާފައި. ދައުލަތުގެ ހަރަދު ފޫނުބެއްދިގެން، ޑޮލަރު ނުލިބިގެން އުޅޭއިރު، ކީއްތޯވާނީ 10 ރިޒޯޓަށް ސަރުކާރުން އިންވެސްޓްކުރުން؟ ދައުލަތުގެ ފައިސާ ވަގަށްނަގައިގެން ތިކަން އެކިއެކި ފަރާތްތަކުން އަމިއްލަނަމުގައި ތި ވިޔަފާރި ކުރުމަށްވުރެ މާ ރަނގަޅުވާނެކަމައް ބެލެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޅި އަލީ

05 February 2024

ރިސޯޓް ތަކުގަ މަސައްކަތް ކުރާ ބިދޭސީންގެ އަދަދު މަދު ކޮއްދެންވަން މަސައްކަތް ކޮއްދެއްވަ ބައްލަވާ! މިހާރު ރަނގަޅު ބޮޑެތި ހުރިހާ ރިސޯޓް ތަކެއް ބިދޭސީން ހިސޯރުކޮއްފި! އަވަސް ފިޔަވަޅެއް އަލޫއްވާ! އަދި ދިވެހި ބިދޭސީ ރޭޝިއޯ 60:40 އަށް މަތިކޮށް ދިވެހިން 60އިންސައްތަ އަށް ގެންގުޅެން ޖެހޭ ގޮތަށް ބަދަލުކޮށް އެކަން ނުކުރާ ފަރާތް ތަކަށް ފިޔަވަޅު އަޅުވައްދެއްވާ! ރައީސް މުއިއްޒައް މިކަން ވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސްޓޭނަބިލިޓީ

05 February 2024

ތިޔަ 20 ރިޒޯޓު ހުޅުވުމުން ރާއްޖޭގައި މީހުން އާބާދުވެ ދިރިއުޅޭ ރަށްތަކުގެ އަދަދަށްވުރެ ރިޒޯޓުތަކުގެ އަދަދު އިތުރުވާނެތާދޯ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއައު

05 February 2024

މުހިއްމީ ރިސޯޓުތަކުން ވަންނަށް ފައިސާ އިކޮނަމީގާ ދައުރުވުން. ރިސޯޓުތައް ނިސްބަތުން މިރާއްޖޭގާ ވަރަށް ގިނަ. ކޮންމެ 2000-3000 މީހަކަށް ރިސޯޓެއް އެބަޖެހޭ.