އާ އަހަރަށް ރަށްރަށުން މާލޭ ސަރަހައްދުގެ ސްކޫލުތަކަށް 1126 ދަރިވަރުން ވައްދައިފި

ސަލާހުއްދީން ސްކޫލުގެ ދަރިވަރުންތަކެއް: މާދަމާ ފަށައި ދިރާސީ އާ އަހަރުގެ ކިޔެވުން ފެށިގެން ދަނީ 96،000 ދަރިވަރުންނާ އެކު-- ފޮޓޯ: ފަޔާޒު މޫސާ/ މިހާރު

މާއިދާ މުހައްމަދު ރަޝާދު، މިހާރު

25 މެއި 2024 - 17:05

50 comments

ބޮޑު ޗުއްޓީއަށް ފަހު މާދަމާ ދިރާސީ އަހަރުގެ ކިޔުވުން ފެށޭއިރު ރަށްރަށުގެ ސްކޫލުތަކުގައި ކިޔަވަމުން އައި ދަރިވަރުންގެ ތެރެއިން މާލޭ ސަރަހައްދުގެ ސްކޫލުތަކަށް 1126 ދަރިވަރުން ވައްދާފައިވާ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.

މި އަހަރުގެ ދިރާސީ އަހަރުގެ ތަހުނިޔާ ދަރިވަރުންނާއި މުދައްރިސުންނަށް ފޮނުވައި މިނިސްޓްރީން ނެރުނު ބަޔާނުގައި ބުނީ މިއަހަރު މާލޭ ސަރަހައްދުގެ ގްރޭޑް އެކަކަށް 2،250 ދަރިވަރުން އެންރޯލް ކޮށްފައިވާ ކަމަށެވެ. އަދި މާލޭ ސަރަހައްދުގެ ސްކޫލުތަކުގެ ގްރޭޑް އެކެއް ފިޔަވައި އެހެން ގްރޭޑްތަކަށް ވަނުމަށް 2081 ދަރިވަރުން ހުށަހެޅި އެވެ.

މިނިސްޓްރީން ބުނި ގޮތުގައި މިއަހަރުގެ ދިރާސީ އަހަރަށް އަތޮޅު ތެރޭގެ ސްކޫލުތަކުން މާލޭ ސަރަހައްދުގެ ސްކޫލުތަކަށް 1126 ދަރިވަރުން ބަދަލުވެފައިވެ އެވެ. މާލޭގެ އެއް ސްކޫލުން އަނެއް ސްކޫލަށް 1000 އެއްހާ ދަރިވަރުން ބަދަލުވި އެވެ.

މާދަމާ ދިރާސީ އަހަރުގެ ކިޔެވުން ފެށިގެން ދަނީ 96،000 ދަރިވަރުންނާ އެކު އެވެ. އެއީ 40،300 އަންހެން ދަރިވަރުންނާއި 42،700 ފިރިހެން ދަރިވަރުންނެވެ.

މިނިސްޓްރީން ބުނި ގޮތުގައި ސަރުކާރުގެ 217 ސްކޫލުގައި 83،000 އެއްހާ ދަރިވަރުން ކިޔަވަމުން އަންނައިރު މީގެ ތެރެއިން 17،000 އެއްހާ ދަރިވަރުންނަކީ މާލޭ ސަރަހައްދުގެ ސްކޫލުތަކުގައި ކިޔަވާ ދަރިވަރުންނެވެ. ޕްރައިވެޓް ސްކޫލުތަކުގައި އެލްކޭޖީން ފެށިގެން 12 އާ ހަމައަށް 13،000 އަށް ވުރެ ގިނަ ދަރިވަރުން ކިޔަވަމުން އެބަދެ އެވެ. އޭގެ ތެރެއިން 9000 އަށް ވުރެ ގިނަ ދަރިވަރުން ކިޔަވަމުން ދަނީ މާލޭ ސަރަހައްދުގައި ކަމަށް މިނިސްޓްރީން ބުނެ އެވެ.

ސްކޫލުތަކުގައި ކިޔަވައިދޭ ޓީޗަރުންގެ ތަފްސީލު:

- ސަރުކާރުގެ ސްކޫލުތަކުގައި 12،662 ޓީޗަރުން މަސައްކަތްކުރާނެ.

- އެއީ 10،729 ދިވެހި ޓީޗަރުންނާއި 1،933 ބިދޭސީ ޓީޗަރުން.

- މިއަހަރުގެ ތެރޭގައި ޓީޗަރުން ތަމްރީނު ކުރުމުގެ ގައުމީ ޕްރޮގްރާމެއް ފަށާނެ.

- ޓީޗަރުން ސްކޫލުގައި ހޭދަކުރާ ވަގުތު މަދުކުރުމަށް މަސައްކަތްތަކެއް ކުރެވޭނެ.

މިނިސްޓްރީން ބުނީ މިއަހަރުގެ ދިރާސީ އަހަރު ފެށޭއިރު 162 ސްކޫލެއްގައި އެއް ދަންފަޅިއަށް ކިޔަވައިދޭނެ ކަމަށެވެ. އަދި 55 ސްކޫލެއްގައި ދެ ދަންފަޅިއަށް ކިޔަވައިދޭނެ އެވެ. ކުރީ އަހަރެކޭ އެއްގޮތަށް ސެޓްލައިޓް މެދުވެރިކޮށް މިއަހަރު ވެސް ހަ ސްކޫލެއްގައި ކިޔަަވައިދޭނެ އެވެ. އެއީ ފެހެންދޫ ސްކޫލާއި ފުޅަދޫ ސްކޫލު، ކޮނޑޭ ސްކޫލު، ރަކީދޫ ސްކޫލު، އަދި ވ. ތިނަދޫ ސްކޫލާއި އދ. ދިއްދޫ ސްކޫލެވެ.

މި ދުވަސްވަރު ރާއްޖެއަށް މޫސުން ގޯސްވެ، އެޑިއުކޭޝަން މިނިސްޓްރީން ވަނީ ދިރާސީ އާ އަހަރުގެ ފުރަތަމަ ތިން ދުވަހުގެ ކިޔެވުން ތިން ގަޑިއިރަށް ފައްތަން ސްކޫލުތަކަށް އަންގައިފަ އެވެ.

Moosun goas vumun dhiraasee aa aharuge furathama 3 dhuvahuge dhanfalhi kuru kuran angaifi

The most trusted news source in the Maldives

Mihaaru

ސްކޫލުގެ ބޮޑު ޗުއްޓީ ދުވަސްވަރުކަމުން ގިނަ ބަޔަކު އެއް ތަނުން އަނެއް ތަނަށް ދަތުރުކުރި ނަމަވެސް މިމަހުގެ މެދު ތެރެއިން ފެށިގެން މުޅި ރާއްޖެއަށް ވަނީ ވަރަށް ބޮޑަށް މޫސުން ގޯސްވެފަ އެވެ. އެހެންވެ، ކަނޑު ދަތުރުކުރުމުގައި ހުރަސްތައް ވަނީ ކުރިމަތިވެފަ އެވެ.

ސްކޫލް ތައުލީމް އެޑިއުކޭޝަން މިނިސްޓްރީ

50 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖުހާގެ ޖޯކު

26 May 2024

ބޮޑު ބަދަރު ވެސް ހަދަންވީ ބޮޑު ސްކޫލް ވެސް އަޅަންވީ ބޮޑު ހޮސްޕިޓަލް އަޅަންވީ ، ބޮޑު ކުޅިވަރު ދަނޑުތައްވެސް އަޅަންވީ ނުވިތާކު ކޮންމެ ރަށެއް ގަ އެއާޕޯޓު ވެސް އަޅަންވީ، ބޮޑެތި ސިޔާސީ ވަޒީފާތައްވެސް ބަހާލަން ވީ އަދި އެންމެން ނަށް މާލެއިން ފުލެޓް ވެސް ދޭންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރިދޫ.

26 May 2024

މާލެއޭ ކިޔާތީ އެރަށު މީހުން ހާޑަ ރުޅިގަދަވެގެން އެބައުޅެއޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެކިބެއްޔާގެ މުހަންމާ

26 May 2024

ކޮންމެވެސް މީހަކު ރައީސްއަށް ދަންނަވައިގެން ނަމަވެސް މިއުޅޭ އައްޑޫ އަފީފް ދީދީ ހެދިގެން އުޅޭ އޮންރަބްލްއަށް ރާއްޖެތެރެ ތަރައްގީ ކުރުމާއި ބެހޭ މަތީ ވަޒީފާއެއް ހަމަޖައްސައި ދޭން ވެއްޖެހެން ހީވަނީ. އޭރުން ތާ އެނގޭނީ މީނާގެ ހުންން ވަރެއްވެސް. އާންމު ގޮތެއްގައި މިކަހަލަ މޮޅު ވާހަކަ ދައްކާމީހުންނާއި އަޗާ ތަޅާމީހުންނަށް ކަމެއް ހަވާލުވީމައި އިސާހިތަކު ފޫކަހަން ފަށާފައި ފިލާފާނެ. އޮނަރަބްލް އެހެން ނުވާނެ ކަމަށް އުންމީދުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

26 May 2024

ދައުލަތުގެ ފުލެޓް ދިނުމުގައި މައިންބަފައިން ގެންގުޅޭފަރާތަށް އިތުރަށް ޕޮއިންޓްދިނުމަށް ކަޑައެޅިފަދައިން ކ.އަތޮޅު މާލެސަރަޙައްދުގައި "ދައުލަތުން ހިންގާ ހައުސިންގ ސްކީމްތަކުން ފުލެޓްދިނުމުގައި" ފުލެޓަށް ހުށަހަޅާމީހުންގެ ދަރިންގެތެރެއިން ތިރަށުގެ (ކ.މާލޭގެ) ސްކޫލްތަކުގައި ކިޔަވާ 14 އަހަރުންދަށުގެ ކުދިންގެނިސްބަތުން އެފަރާތް ތަކަށް ޕޮއިންޓް އިތުރުވާގޮތް ހެދުމަކީވެސް މުހިންމު ކަމެއް. އާބާދީ އިތުރުކޮށް ރަގަޅު ޖީލެއް އުފެއްދުމަށް މިކަން ކުރާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުފެންނަސަބަބު

26 May 2024

މާލެ ސަރަހައްދަށް އެހާ ގިނަ ބަޔަކު ބަދަލުވަނީ ރަށްރަށު މީހުން މިހާރު މުއްސަނދިކަމުންކަމަށް ބެލެވެނީ. އެމީހުންގެ ގޯތިތައް ގެސްޓްހައުސް ހަދަން މީސްމީހުންނަށް ވިއްކާލާފަ ނޫނީ ކުއްޔަށްދީފަ ބޮޑު ފައިސާގަނޑެއް ލިބޭތީ އެ ބަދަލުވަނީ ރަށުގަ 10އާ ހަމައަށް ކިޔަވައިގެން ޓޮޕްޓެންއަށް އެރެން އޮއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިސޯޓްފެންވަރު

26 May 2024

އިބޫ ސަރުކާރުގަ ރިސޯޓް ފެންވަރަށް ގައުމުގެ ހުރިހާ ރަށަކަށް ޚިދުމަތްތައް ދިނީމަ މާ ގޯހެއްނު ވީ ގޮތް. ދައުލަތުން ބޭކާރު ޚަރަދުތަކެއް ހިނގާފަ ރަށުގަ މީހުން ނުތިބެ އެންމެން މާލެ ސަރަހައްދަށް އެ ބަދަލުވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުރާކުނު މީހެއް.

26 May 2024

މާލެއަށް ބދަލު ވީއްޔާ ކީއް؟ މާލެ އަކީ ރާއްޖޭގެ އެންމެންގެ ރަށެއް. ބޭނުން ބަޔަކު ބަދަލުވާންވީ. ހަމަ އެކަނި ބަންގާޅީންނަކަށްނޫން ތިރަށުގައި ޖާގަ އޮތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުރާކުނޭ

26 May 2024

މާލެއަށް ބަދަލުވާކަން ކުރީ ބައިގަ އަންގާފަ ބާއްވާނަމަ ވޯޓާ ދިމާކޮށް ތިޔަ ރަށްރަށަށް މިލިއަނުން ބޭކާރު ޚަރަދުތައް ކޮންމެ ސަރުކާރަކުން ކުރާކަށް ނުޖެހޭނެނު. މާލެ އެންމެންގެ ރަށަކަށް ވާނަމަ ދައުލަތުގެ ފައިސާ ބޭކާރު ކަންކަމަށް ހޭދަކުރީމަ އެވެސް އެންމެންނަށް ލިބޭނެ ގެއްލުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެއްވެސް24

26 May 2024

އެއްވެސް ސަރުކާރަކަށް ނުކެރުނު ރަސްމީކޮށް މީހުން މާލެ ބަދަލު ކުރާނެ ޕޮލިސީއެއް ހަދާކަށް. އަބަދުވެސް ވަގު ވަގަށް ފުލެޓުތަކެއް ހަދާފަ ސުކޫލު އަޅާފަ ޖާގަ ދީފަ މީހުން މާލެ ބަދަލު ކުރަނީ. މީގެ ބަދަލުގައި އެކަން ރަސްމީކޮށް މާލެ ބަދަލުވާނެ މީހުންގެ ދަފްތަރެއް ހަދައި ތަހުޒީބު މުޖްތަމައުއެއް ގައި ކަން ކުރާހެން ކަން ކުރަން އެެބަޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޑަހަންޖާ

26 May 2024

1126 ދަރިވަރުންވީމަ ކ.މާލޭ ގޭގެއިން އެވިކުނީ 3500 ބެޑް 5 އަހަރަށް. ދެން ކޮޓަރި ކުއްޔަށްދީފަ މާލޭމީހާ ސިޓިންރޫމުގަ ކުނާއަޅައިގެން ފޮޓޯނަގާފަ ވަންނާނެތަނެއްނެތޭ ކިޔާފަ ޓުވީޓުކުރީމަ ރައްޔިތުންބޮލަށް ހަރަދުކަނޑާފަ އެސޮރަށް ދޮޅަކަށް ފުލެޓުދޭން އެޖެހުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑަހަންޖާ

26 May 2024

ދެން މާލެ ބަދަލުވާ ރަށްރަށުގެ މީހުންގެ ގޭގޭގަ ގެސްޓްހައުސް ހަދައިގެން ކިތައް ބެޑުންތޯ އެމީހުން ލާރި ހޯދަނީ ނުބަލަންވީތަ؟ އަދި މާލޭގަ 15 އަހަރުވެއްޖެކަމަށް ކިޔައި ފޭކް ލިއުން ހަދައިގެން ފްލެޓް ހޯދައިގެން ހައްގުވާ މީހުން އަތުން އަތުލާ އަތުލުންވެސް ނުބަލަންވީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަބަބު

26 May 2024

މާލެ އަންނަށް ޖެހޭ މައިގަނޑު 3 ސަބަބު. 1- ބަލިވެގެން ޑޮކްޓަރަށް ދައްކަން ރަށު ހޮސްޕިޓަލަށް ދާއިރަށް އެބުނަނީ އަވަހަށް ފުރައިގެން މާލެދާށޭ. މިތަނުން ދެވޭނެ ފަރުވާއެއް ނެތޭ. 2- ރަށުން ކިޔެވެނީ ގްރޭޑް 10 އަށް. މަތީތަޢުލީމު ހޯދަން ކޮލެޖެއް، ޔުނިވަރސިޓީއެއް ރަށުގަ ނުހުންނާތީ މަތީތަޢުލީމު ހޯދަން. 3- ރަށުގަ ވަޒީފާގެ ފުރުޞަތު މަދުވީމަ ދިރިއުޅުމަށް އާމްދަނީ ހޯދުމަށް ވަޒީފާއެއް ހޯދަން މާލެސަރަހައްދަށް އަންނަން މަޖުބޫރުވެގެން. މިކަންކަމަށް ހައްލެއް ނުލިބުނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާސަބަބު

26 May 2024

ގްރޭޑް 10އާ ހަމައަށް ކިއެވެން ހުއްޓާ އެ ގްރޭޑްތަކަށް ވައްދަން މާލެ ދާންޖެހޭ ސަބަބަކީ ކޮބައި؟ ކިޔަވައިގެން އެކަކުވެސް ރަށަށް ޚިދުމަތް ކުރަން ދާން ނުވިސްނާ ސަބަބަކީ ކޮބާ؟ ކުދިން ކިޔަވާ ނިމުނަސް މާލެއިން ނުފައިބާ ތިބޭ ސަބަބަކީ ކޮބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޝީދު.

26 May 2024

ކޮބާސަބަބު ކަލޭ ތިސުވާލުތައް ކުރަންޖެހެނީ ކަލޭތީ ކާކު ؟ ކ.މާލެއަކީ ބޭނުން ދިވެއްސަކު އެރަށަކަށް އަރާ އެރަށުގައި ދިރިއުޅެން ހުރަހެއް އޮތް ރަށެއްނޫން. އެހެން ނޫނަސް ތިރަށު މީހުންނަށް ކުލި ލިބޭނީ އެހެން ރަށްރަށުގެ މީހުން ތިރަށުގައި އުޅުނުވަރަކުން ދޯ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާސަބަބު

26 May 2024

ނަޝީދު.. ކަލެއަށް ސުވާލުތަކުގެ ޖަވާބު ނޭނގެންޏާ މަޑުންހުރެބަލަ އެހެން މީހުންގެ ކޮމެންޓާ ނުބެހި. މާލެ މީހުންނަށް ކުލި ދެނީ ތިޔަ ހިތުން ރުހުމުން. އެހެންނޫންނަމަ ރަށްރަށުގަ އާމްދަނީ ހޯދައިގެން ކިޔަވައިގެން މާލެ ނުގޮސް އުޅޭ މީހުން އުޅޭހެން އުޅެން ކެރިބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެއްފަސްކުރުން

26 May 2024

1126 ޢާއިލާ މާލެއަށް ހިޖުރަކުރީ. މިއީ ބޮޑު ރަށެއްގެ އާބާދީއާ އެއްވަރުގެ އަދަދެއް. ކޮންމެ އަހަރަކު މާލެއަށް ހިޖުރަކުރާ ޢާއިލާތައް މިދަނީ އިތުރުވަމުން. ރާއްޖެތެރެ އެދަނީ މަޑުމަޑުން ފަޅުވަމުން. ނުސީދާކޮށް މިކަން ކުރުމަށްވުރެ ސީދާކޮށް މިކަން ކުރަން އުޅޭނަމަ ދައުލަތަށް ލުއިވާނެ. ކުދިރަށްރަށަށް ކުރާ ޚަރަދުތައް ހުއްޓާލާ އެރަށްރަށުގެ މީހުން މާލެސަރަހައްދަށް ގެނައުމަށް ޕްލޭނެއް ހަދައިގެން މިކަން ކުރާނަމަ އެތައް ގޮތަކުން ރަނގަޅުވާނެ. ތަރައްޤީ ހަލުވިވާނެ.