ފިޗުން ރާއްޖޭގެ ރޭޓިން ދަށްކޮށްފި

ބާޒާރު ސަރަހައްދުގައި ބޯޓުތަކަށް މުދާ އަރުވަނީ -- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

26 ޖޫން 2024 - 19:22

ދުނިޔޭގެ އެންމެ ބޮޑު އެއް ކްރެޑިޓް ރޭޓިން އެޖެންސީ، ފިޗް ރޭޓިންސް އިން މި އަހަރުގެ ރާއްޖޭގެ ރޭޓިން ދަށްކޮށް ރާއްޖެއަށް "ސީސީސީ ޕްލަސް" އެއް ދީފި އެވެ.

މީގެ ކުރިން ކޮވިޑާ ހެދި ވެސް ރާއްޖޭގެ ރޭޓިން "ސީސީސީ" އަށް ދަށްކުރި އެވެ. މިދިޔަ އަހަރު އެ ކުންފުނިން ރާއްޖެއަށް ދިނީ "ބީ މައިނަސް" އެވެ. ރާއްޖެ "ބީ މައިނަސް" ގައި ރޭޓު ކުރަމުން އަންނަތާ ވަނީ ތިން އަހަރު ވެފަ އެވެ.

ތިން އަހަރަށް ފަހު ރާއްޖޭގެ ރޭޓިން ދަށްކުރީ، ރާއްޖޭގެ މާލީ ހާލަތު ވަރަށް ބޮޑަށް ދަށަށް ގޮސް، ބޭރުގެ ދަރަނި އިތުރުވުމުންނެވެ. އަދި ރާއްޖޭގެ ރިޒާވު ދަށްވެ، ޑޮލަރުގެ ތާށިކަން ކުރިމަތިވެފައިވުމުގެ ސަބަބުންނެވެ.

ފިޗު ރޭޓިންސް އިން ބުނީ، އާ ސަރުކާރުން މެދު ރާސްތާގައި ބޭރުން ނަގާ ދަރަނި ދަށްކުރާނެ ކަމަށް ލަފާކުރާ ކަމަށެވެ. އެކަމަކު އަންނަ އަހަރާއި 2026 ވަނަ އަހަރުގެ ދަރަނި އަދާކުރުމަށް ރާއްޖެއަށް ބޮޑު ގޮންޖެހުމެއް ކުރިމަތިވެފައިވާ ކަމަށް ބުނެފައިވެ އެވެ. އަަންނަ އަހަރު ދަރަންޏަށް ނުވަ ބިލިއަން ރުފިޔާ ދައްކަން ޖެހޭ އިރު 2026 ވަނަ އަހަރު ދައުލަތުން ގާތްގަނޑަކަށް 15 ބިލިއަން ރުފިޔާގެ ދަރަނި އަދާކުރަން ޖެހެ އެވެ.

ފިޗްގެ ބަޔާނުގައިވާ ގޮތުން ކަރަންޓު އެކައުންޓު ޑެފިސިޓު 492 މިލިއަން ޑޮލަރު (7.5 ބިލިއަން ރުފިޔާ) 748 މިލިއަން ޑޮލަރު (12 ބިލިއަން ރުފިޔާ) އަށް ބޮޑުވެފައިވާ ކަމަށެވެ. އަދި ފޮރިން ރިޒާވުގެ ޝޯޓް ޓާމު ފޮރިން ލައިބިލިޓީތަކުގެ އަދަދު 73 މިލިއަން ޑޮލަރު (1.1 ބިލިއަން ރުފިޔާ) އަށް ދަށް ވެފައިވާ ކަމަށެވެ.

މިހާރު ގައުމުގެ މާލީ ހާލަތު ހުރި ގޮތުން ދަރަނިތައް އަދާކުރުމުގައި ގައުމުތަކުގެ އެހީ ހޯދާނެ ކަމަށް ބުނެފައިވެ އެވެ. އަދާކުރަން ހުރި ދަރަނިތަކާ އަޅާ ބަލާ އިރު ސޮވަރިން ޑިވަލޮޕްމެންޓް ފަންޑް (އެސްޑީއެފް) ގައި ބޭނުން ކުރެވޭ ގޮތަށް ހުރީ، ކުޑަ އަދަދެއް ކަން ވެސް ފިޗުން ފާހަގަކުރި އެވެ.

އެސްޑީއެފްގެ ޖުމްލަ އަދަދު އަށް ބިލިއަން ރުފިޔާއަށް އަރާ އިރު އޭގެ ތެރެއިން ކޭޝް ބެލެންސް ނުވަތަ ބޭނުން ކުރެވޭ ގޮތަށް ހުރީ 54 މިލިއަން ޑޮލަރެވެ. ފަންޑުގެ ބޮޑު ބައެއް ވަނީ ކޮވިޑާ ގުޅިގެން ޓީބިލުގައި އިންވެސްޓްކޮށްފަ އެވެ. އެެހެންވެ، އެއީ ކުރިއަށް ހުރި ދަރަނިތައް އަދާކުރަން ބޭނުން ކުރެވޭނެ ފައިސާއެއް ނޫނެވެ.

ދަރަނި އިންތިހާއަށް ބޮޑުވެފައިވާ އިރު 2026 ވަނަ އަހަރު ރާއްޖޭގެ އުފެއްދުންތެރިކަމުގެ ނިސްބަތުން ދަރަނި ހުންނަ މިންވަރު 117 ޕަސެންޓަށް އަރާނެ ކަމަށް ވެސް ފިޗުން ލަފާކޮށްފައިވެ އެވެ.

އިގްތިސާދު ފިނޭންސް މިނިސްޓްރީ ލޯކަލް މާރުކޭޓް ކްރެޑިޓް ރޭޓިން

18 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މާހިލް ސަލީމް

27 June 2024

މިހާރު މީހުންނަށް އިނގޭނެއްނު އެމްޑީޕީން ކޮށްފަ ހުރި ވައްކަމާ އެއްޗެސް. މައްސަލައަކީ އަދިވެސް މީގެވެސް ބްލޭމް ނަގަން މި ޖެހެނީ މުއިއްޒު. ބިލިއަނުން ދަރާފަ އޮތީ މުއިއްޒު ކުރި ކަމަކުންތަ؟ އެވަރަށް ދަރުވާފަ މޮޅު ކަމަކީ ނެތޭ އެ އެއްޗެސް ދައްކާނެ ޕްލޭން އެއްވެސް ހަދާދަ. ދެން ލޯނާ އެއްޗެސް ހޯދަން ދާ މީހަކަށް ކިހިނެތް ގައުމު ތަކުން ލާރި ދޭނީ މިގައުމަށް ދޭހާ ލާރިއެއް ވެރިން ކާ ކަން އިނގޭ އިރު؟ ސޯލިހު ރައްޔިތުންގެ ލާރިއަށް ގައްދާރު ވެފަ އެ ހުރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒާޖިލް

27 June 2024

ތި މާ ބޮޑު މައްސަލައެއް ނޫން. ތިބައިތައް ތިގޮތުގަ ހުރީމަ އެކަންތައް ރަނގަޅު ކުރަން މުއިއްޒު ވެރިއަކަށް ގެނެއީ. ވަގުތާ އެކީ ކަންކަން އިސްލާހު ވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަމީރް

27 June 2024

ކަންކަން އިސްލާހު ކުރަން ފުރުސަތު އޮއްވާ ވެސް ސޯލިހު ކުރީ ދުއްޕާން. ވެރިން ވެރިންނަށް ޖައްސާ ދުއްޕާނުގެ ސަބަބުން ރައްޔިތުންނަށް އޭގެ ނޭދެވޭ އަސަރު މި ކުރަނީ. ޑރ.މުއިއްޒު އަށް މިކަންތައް ހައްލު ވާނެ ކަމަށް މި ބަލަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިރާޝް އަލީ

27 June 2024

ސާބަހޭ ޗޯރާ. އައްސަރިބަހާ ސާބަސް ތިބޭފުޅާއަށް. ބޮޑު ވަގެއްގެ އަތަށް ގައުމެއް ހިންގަން ދިނީމަ ވާ ގޮތް ވެފަ މި އޮތީ. ލައްކަ ޒަމާނެއް ނަގާނެ މުއިއްޒުއަށް ކަންކަން އިސްލާހު ކުރަން. ޗޯރޭ ޖެހޭނެ ޖަލަށް ލާން. އިހުމާލު ވެފަ އެހުރީ އަހަރުން ރައްޔިތުންގެ ފައިސާއަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިޝާމާ

27 June 2024

ސުވާލަކީ ހަމަސް ތެރޭހޭ ޑރ.މުއިއްޒު މިހުރިހާ ދަރަންޏެއް މި އެރުވީ؟ ކީކޭ ބުނާނީ. އިބުރާހިމް މުހައްމަދު ސޯލިހާ. ކަލޭ އަށް ސޯލިހު ކިޔާ މީހަކަށް ވެސް ފާފަ ވާނެ ކަންނޭގެ. މުޅި ގައުމު ދަރާ ވިއްކާފަ މުޅި ދުނިޔެއަށް ތި ދައްކާލީ އަހަރުންގެ ލެވެލް. މިކަންކަމަށް ޒިންމާވާ މީހުން ހައްޔަރުކޮށް ފިޔަވަޅު އަޅަން ޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިޒްޔާންް

27 June 2024

މި ރޭޓިންގް މިހާ ދަށްނުވީސް އިބޫގެ ސަރުކާރުން އަޅަންހުރި ފިޔަވަޅުތަށް އަޅާ އޭރު ހަރަދު ކުޑަ ކުރިނަމަ. މި ސަރުކާރުގެ ތަފާތަކީ ކުރަންޖެހުނު ކަމެއް ކުރާކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖިހާދްް

27 June 2024

މި ގައުމުގެ މާލީ ހާލަތު މިހާލަތަށް ވައްޓާލި އެމްޑީޕީއިން މިކަމުގެ ފުރިހަމަ ޒިންމާ ނަގަންޖެހޭނެ. މި މީހުން ބޭނުންވަނީ ގައުމު ދަވާލާފައި އެހެންބަޔަކު ވެރިކަންކޮށް ގައުމު ކޮޅަށްޖެހީމާ އަނެއްކާ ގޮސް އުތުވާލަން. މިއީ އިބޫގެ ޕްލޭންއަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުލްތާންް

27 June 2024

މިހާރުވެސް މިސަރުކާރުން އަޅަމުންދާ ފިޔަވަޅުތަކާއެކު ކަންކަން ހަމަމަގަކަށް އަންނާނެކަމަށް ބެލެވޭ. މިކަމަށް އެމީހުންވެސް ވަނީ ތައުރީފްކޮށްފައި. މީގެ އިހުމާލު މިއޮތީ މީގެ 10 އަހަރުތެރޭ ފެށިފައި.