ރިޔާސީ ދައުރު ނޮވެމްބަރު 11 ގައި ފަށަން ގާނޫނުއަސާސީ އިސްލާހު ކުރަނީ

ރައީސްގެ ދެކަނބަލުން: ވެރިކަމުގެ ދައުރު ނޮވެމްބަރު 11 ގައި ފަށަން ގާނޫނުއަސާސީއަށް އިސްލާހު ހުށަހަޅާނެ ކަމަށް އޭޖީ ވިދާޅުވި

ނާޒިމް ހަސަން، މިހާރު

30 އޮކްޓޯބަރ 2024 - 17:12

22 comments

ރިޔާސީ ދައުރު ފެށޭ ދުވަހަކީ ނޮވެމްބަރު މަހުގެ 11 ވަނަ ދުވަސް ކަމަށް އަލުން ކަނޑައަޅަން ގާނޫނުއަސާސީއަށް އިސްލާހު ހުށަހަޅަން ނިންމާފައިވާ ކަމަށް ބަންޑާރަ ނައިބު އަހުމަދު އުޝާމް މިއަދު ވިދާޅުވެއްޖެ އެވެ.

ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި އުޝާމް ވިދާޅުވީ ރިޔާސީ ދުވަސް ފެށޭނީ ނޮވެމްބަރު 11 ވަނަ ދުވަހު ކަމަށް ކަނޑައަޅަން ގާނޫނުއަސާސީއަށް އިސްލާހު ހުށަހަޅާނެ ކަމަށެވެ. އެ އިސްލާހަކީ ރައްޔިތުންގެ ވޯޓަކަށް ދާން ޖެހޭނެ އިސްލާހެއް ކަން ވެސް އުޝާމް ފާހަގަ ކުރެއްވި އެވެ.

ނޮވެމްބަރު 11 ވަނަ ދުވަސް ޖުމްހޫރީ ދުވަހުގެ ގޮތުގައި ފާހަގަކުރަމުން އަންނަނީ 1968 ގައި ފެށި ދެވަނަ ޖުމްހޫރިއްޔަތާ ގުޅުވައިގެންނެވެ. ކޮންމެ ފަސް އަހަރަކުން މި ދުވަހަކީ ރާއްޖޭގެ ޖުމްހޫރީ ދުވަހުގެ އިތުރުން އާ ރައީސް ހުވާ ކުރައްވައި، ރިޔާސީ ދައުރު ފެށޭ ދުވަހެވެ. އެކަމަކު 2013 ވަނަ އަހަރު ރިޔާސީ އިންތިހާބުގެ ފުރަތަމަ ބުރު ސުޕްރީމް ކޯޓުން ބާތިލު ކުރުމުން އައި ލަސްވުމާ ހެދި، ކުރީގެ ރައީސް އަބްދުﷲ ޔާމީންގެ ވެރިކަން ފެށުނީ ނޮވެމްބަރު 17 ވަނަ ދުވަހު އެވެ.

އެހެންވެ އޭގެ ފަހުން ރިޔާސީ ދައުރު ފެށެނީ ނޮވެމްބަރު މަހުގެ 17 ވަނަ ދުވަހުން ފެށިގެންނެވެ.

November 11 gai riyaasee dhauru nufesheyne tha!

The most trusted news source in the Maldives

Mihaaru

ރައީސް އިބްރާހިމް މުހައްމަދު ސޯލިހް 2018 ގައި ރިޔާސީ އިންތިހާބު ކާމިޔާބުކުރެއްވުމަށް ފަހު ނޮވެމްބަރު 11 ގައި ހުވާ ކުރައްވަން ޖެހޭނެ ކަމަށް އެއްބަޔަކު ބުނި ނަމަވެސް އެމަނިކުފާނު އެންމެ ފަހުން ނިންމެވީ ނޮވެމްބަރު 17 ގައި މަގާމާ ހަވާލުވެވަޑައިގަތުމަށެވެ.

އެކަން ބަދަލު ކުރަން ގާނޫނަށް އިސްލާހު ހުށަހަޅަން އެމަނިކުފާނު ވެސް ނިންމެވި އެވެ. ނަމަވެސް އެ ބަދަލު ދައުރު ނިމުނުއިރު ވެސް ނުގެނެވޭތީ ރައީސް ޑރ. މުހައްމަދު މުއިއްޒު ވެރިކަމުގެ ހުވާ ކުރެއްވީ ވެސް ނޮވެމްބަރު މަހުގެ 17 ވަނަ ދުވަހު އެވެ.

ރައީސް ޑރ. މުހައްމަދު މުއިއްޒު ރައީސް އޮފީސް ރިޔާސީ އިންތިޚާބު އަހުމަދު އުޝާމް (އެޓާނީ ޖެނެރަލް) ރާއްޖޭގެ ގާނޫނުއަސާސީ

22 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސޭކުބެ

31 October 2024

ތީއެއްވެސް ހާލެއްގައި އާއްމު ވޯޓަކަށް ދާންޖެހޭވަރުގެ ކަމެއްކަމަކަށް ނުދެކެން. ރައްޔިތުންގެ މަޖިލީހުން ޤާނޫނަށް ބަދަލު ގެނެވިދާނެ. އެއްވެސް ސަބަބަކާއިހުރެ ދައުރު ވެއްޓޭ ދުވަސް ލަސްވި ކަމުގަވިއަސް އެދައުރުގެ މުއްދަތު ހަމަވާ ތާރީޚަކީ އެދައުރު ފެއްޓުނު ދުވަހުން ފެށިގެން 5 ވަނައަށް އަންނަ އަހަރުގެ ނޮވެމްބަރު 11 ކަމުގަ ނިންމިދާނެ. އަދި އެގޮތަށް ދިމާވިނަމަވެސް އެދައުރުގަ ވެރިކަންކުރި ފަރާތުން 5 އަހަރުގެ ދައުރެއް ފުރިހަމަ ކުރި ކަމަށްވެސް ކަނޑައެޅިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްބެ

31 October 2024

1 ޖެނުއަރީގައި ދައުރު ފެށޭގޮތަށް ހަދަން ފެންނަނީ. އަދި އެއް ދުވަހު މަޖިލިސް އިންތިޚާބު އާއި ޚައުންސިލް އިންތިޚާބުވެސް ބޭއްވޭނެ ގޮތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުހާޖީ

31 October 2024

މޫޒު އަށް ދެވަނަ ދައުރެއް ނުލިބޭނެ ނޮވެމްބަރު 11 އަށް ހެދިޔަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

31 October 2024

ޝުކުރިއްޔާ! ހެޔޮ ބަދަލެއް. ދެން ނިކަން އެއްވެސް ބަޔަކަށް އެބަޔެއްގެ މުސާރަ އަމިއްލައަށް ކަނޑަނޭޅޭނޭގޮތަށް ވެސް ޤާނޫނު އަސާސީއަށް ޕޭކޮމިޝަނެއްގެ ބާބު އިތުރުކޮށްގެންވެސް ހަދާބަލާށެވެ.