އާސަންދައިގެ ހޭދައިގެ 90 ޕަސެންޓު އައުޓްޕޭޝަންޓް ހިދުމަތަށް

ފާތިމަތު ޝަނާ މުހައްމަދު، މިހާރު

12 ނޮވެމްބަރ 2024 - 14:06

އާސަންދައިން ކުރާ ހޭދައިގެ ތެރެއިން ގާތްގަނޑަކަށް 90 ޕަސެންޓު ހޭދަކުރަން ޖެހެނީ އައުޓްޕޭޝަންޓު ހިދުމަތްތަކަށް ކަމަށް ހިސާބުތަކުން ދައްކައިފި އެވެ.

ބަޖެޓާ ގުޅޭ ތަފްސީލީ ރިޕޯޓުގައިވާ ގޮތުން މިދިޔަ އަހަރު އާސަންދަ ހިދުމަތަށް ކުރި ހޭދައިގެ ތެރެއިން 2.3 ބިލިއަން ރުފިޔާ ބޭނުންކުރީ ބޭހަށާއި ޑޮކްޓަރަަށް ދެއްކުމަށެވެ. އޭގެ ތެރެއިން ޑޮކްޓަރަށް ދެއްކުމަށް ވަނީ 1.3 ބިލިއަން ރުފިޔާ ހޭދަކޮށްފަ އެވެ. އަދި ބޭހަށް 980 މިލިއަން ރުފިޔާ ހޭދަކޮށްފައި ވެ އެވެ.

ކޮންސިއުމަބަލް އަށް ހޭދަކުރީ 12 މިލިއަން ރުފިޔާ އެވެ.

އައުޓްޕޭޝަން ހިދުމަތްތައް މިދިޔަ އަހަރު 373,848 މީހުން ހޯދިއިރު، އެޑްމިޓް ކޮންގެން ފަރުވާ ހޯދީ، 43,178 މީހުންނެވެ.

އެޑްމިޓް ކޮށްގެން ފަރުވާ ހޯދި މީހުންނަށް މިދިޔަ އަހަރު ހޭދަކުރި ކަމަށް ދައްކަނީ 298 މިލިއަން ރުފިޔާ އެވެ.

ފިނޭންސް މިނިސްޓްރީން ބުނީ، ކުދިކުދި ކަންކަމަށް ވެސް އާސަންދަ ނިޒާމުގެ ތެރެއިން ޑޮކްޓަރަށް ދައްކާކަން ވަރަށް ބޮޑަށް ފާހަގަކުރެވޭ ކަމަށެވެ. ބަލި ރަނގަޅަށް ދަނެނުގެނުވި، ގިނަ ފަހަރު ޑޮކްޓަރަށް ދައްކަން ޖެހި، އެކްސްރޭ އާއި ލެބޯޓަރީ ޓެސްޓާއި ސްކޭންތައް ނަގާކަން ފާހަގަކުރެވޭ ކަމަށް ފިނޭންސް މިނިސްޓްރީން ބުންޏެވެ. އެކަމަކު، އެފަދަ ހިދުމަތްތައް ގިނައިން ހޯދަނީ ރާއްޖޭގައި އާންމު ބަލިތަކަށް ފަރުވާ ދިނުމުގެ މިންގަނޑުތަކާއި އުސޫލުތައް ގައުމީ ފެންވަރެއްގައި ހެދިފައި ނެތުމުން ކަމަށް އެ މިނިސްޓްރީން ބުންޏެވެ.

ރާއްޖޭގެ ސިއްހީ ނިޒާމު އޮތީ ނާޖައިޒު ފައިދާ ނެގޭ ގޮތަށް ކަމަށާއި އެ ނިޒާމުގައި ހުރި މައްސަލަތައް ހައްލު ކުރުމަށް އަންނަ އަހަރު އާސަންދައަށް ގިނަ ބަދަލުތަކެއް ގެންނަން ސަރުކާރުން ވަނީ ނިންމައިފަ އެވެ. އަންނަ އަހަރު އާސަންދަ އަށް ގެންނަ މުހިއްމު ހުރިހާ ބަދަލުތަކުން 600 މިލިއަން ރުފިޔާ ސަލާމަތް ކުރެވޭނެ ކަމަށް ފިނޭންސް މިނިސްޓްރީން ބުންޏެވެ.

ދައުލަތުގެ ބަޖެޓް ރީފޯމް އެޖެންޑާ އާސަންދަ ދައުލަތުގެ ބަޖެޓް 2025 އާސަންދަ ޕްރައިވެޓް ލިމިޓެޑް ސިއްހަތު

8 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަންދީ(ލ)

12 November 2024

ތަފްސީލް ރިޕޯޓުގައި ނެތްތަ ރާއްޖެއިން ބޭރުން އާސަންދައަށް ކުރި ޚަރަދު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަފާ މަނިކު

12 November 2024

ފުލުހުންގެ ޤާނޫނުން ފުލުހަކަށް ވެހުރެ އެހެން ވަޒީފާއެއް އަދާކުރުމަކީ މަނާކަމެއް، އެހެންވެ އެކަމަށް ޙާއްސަ އެލަވަންސްއެއް ދޭއިރު މިވެރިން "ޓެކްސީ" ކުރުން ނުހުއްޓިގެން މިއުޅެނީ ކީއްވެ! ދަޢުލަތަށް ނުކަތާވަރަށް މިވެރިންނަށް ޙަރަދުކޮށްފައި ނިކަމެތި ރައްޔިތުންނަށް ދޭ 5000 ރުފިޔާވެސް ކަޑާލަން ތި އުޅެނީ! އާސަންދަ ލިބެނީއެއް ނޫން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީިިހާހާ

12 November 2024

މޮޅެތި ވާހަކަ ދައްކާނެ ކަމެއް ނެތް، ރައްޔިތުންގެ ސިއްހީ ނިޒާމަށް ކުޅެން ފެށުމަކީ ސަރުކާރުގެ ބޮޑު ފެއިލް އެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެދުރު1

12 November 2024

ސިޔާސީގޮތުން އަތްލަން ނުކެރުފައި ހުރި މިކަހަލަ ބޮޑެތި ކަންކަން ކުރަން ކެރުނުވެރިއެއް އަދި ނެތް . މިސަރުކާރުން ޤައުމުގެ އިޤްތިޞާދަށް އެކަށީގެންވާ ގޮތަށް މިކަލަ ބޮޑެތި މައްސަލަތަށް ހައްލު ކުރަން މަސައްކަތް ކުރާތަން އެބަފެނޭ . އިދިކޮޅުން މިކަންކަމުގެ ބޭނުންހިފައިގެން މީހުންނަށް އޮޅުވާލާނެ . އެކަމަކުވެސް އާސަންދަ ނިޒާމާއި ކުރީގެ ރައީސުންނާއި މެންބަރުންނަށް އުމުރަށްދޭ އެލަވަންސްތަށް މިއީ ހުއްޓުވަންޖެހޭ ކަންކަން