ވެލާނާ އިންޓަނޭޝަނަލް އެއާޕޯޓަށް ޖައްސާފައިވާ ފްލައިޓްތަކެއް.
03 ޖެނުއަރީ 2025 - 13:27
8 comments
ރާއްޖެ އަށް މިހާރު ކުރަމުންދާ ބޯ ވިއްސާރަ އާއި ވައިގަދަވުމުގެ ސަބަބުން ވެލާނާ އިންޓަނޭޝަނަލް އެއާޕޯޓް (ވީއައިއޭ) އަށް ބައެއް ފްލައިޓްތައް ޖައްސަން އުނދަގޫވެ، ކޮންމެވެސް ވަރެއްގެ ޑިލޭތަކެއް އުޅޭ ކަމަށް އެމްއޭސީއެލް އިން ދެންމެ ބުނެފި އެވެ.
އެ ކުންފުނީގެ އިސްވެރިއަކު "މިހާރު" އަށް ވިދާޅުވީ، މިއަދު މިއީ ވީއައިއޭ އަށް ވަރަށް ބާރު ބޮޑު ދުވަހަކަށް ވެފައިވާއިރު، ހެނދުނު އައި ގަދަ ކޮޅިގަނޑެއްގެ ސަބަބުން ބައެއް ފްލައިޓްތައް ނުޖެއްސި އިރުކޮޅެއް ވި ކަމަށެވެ.
"އެއް ފްލައިޓް ޓްރިވެންޑްރަމަށް ޖެއްސީ. ކޮޅިގަނޑާ އެކު ވިޒިބިލިޓީ ދަށްވެގެން ނުޖެއްސި ދިޔައީ،" އޭނާ ވިދާޅުވި އެވެ.
މޫސުމާ ބެހޭ އިދާރާ އިން މިވަގުތު ވަނީ ކ. އަތޮޅުން ފެށިގެން ތ. އަތޮޅާ ހަމައަށް މިއަދުގެ ހެނދުނު 11 އިން މެންދުރުފަހު 3 އާ ހަމައަށް ޔެލޯ އެލާޓް ނެރެފަ އެވެ. މެޓުން ލަފާކުރާ ގޮތުގައި އެ ސަރަހައްދަށް ބޯކޮށް ވާރޭ ވެހި، ގުގުރާނެ އެވެ. އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށް މޫސުމާ ބެހޭ އިދާރާ އިން ލަފާކުރެ އެވެ.
މެޓުން ކުރިން ވެސް ބުނެފައިވާ ގޮތުގައި ރާއްޖެ އަށް މޫސުން ރަނގަޅު ވާނީ އާދިއްތަ ދުވަހުން ފެށިފެންނެވެ.
އިރުވައި މޫސުމުގެ ހަޅަ ޖަހަން ފަށާފައިވާ އިރު، އެއީ އިރުމަތީ ފަރާތުން ގަދަޔަށް ވައި ޖެހުމެވެ. ނަކަތް ބުނާ ގޮތުން ހަޅަ ލައްވާލާނީ މިދިޔަ އަހަރުގެ ޑިސެމްބަރު 23 އިން ފެށިގެން މި ޖެނުއަރީ 18އާ ހަމައަށެވެ. އެއީ ހަޅައަށް ހާއްސަކޮށް ނަން ދީފައިވާ އިރުވައި މޫސުމުގެ ފުރަހަޅަ އާއި އުތުރުހަޅައިގެ ދުވަސްތަކުގަ އެވެ.
މިދިޔަ ޑިސެމްބަރު 23 އިން ފެށިގެން ކުރިއަށް މިދަނީ އިރުވައި މޫސުމުގެ ދެވަނަ ނަކަތް ކަމަށްވާ ފުރަހަޅަ ނަކަތުގެ ދުވަސްތަކެވެ. މި ދުވަސްވަރު އިރު އުތުރުން ބާރަށް ވައިޖެހި، ކަނޑުތައް ގަދަވެ އެވެ. ފުރަހަޅަ ނިމޭނީ އަންނަ އާދިއްތަ ދުވަހު އެވެ.
ރާއްޖެ އައި ބަޔަކު މިދިޔަ އާދިއްތަ ދުވަހު ވެލާނާ އެއާޕޯޓުގައި.---ފޮޓޯ: ނިޝާން އަލީ| މިހާރު
ވެލާނާ އެއާޕޯޓަށް ބާރު ބޮޑު ދުވަހެއް
މި ސްކޫލް ޗުއްޓީއާ ދިމާކޮށް ޑިސެމްބަރު މަހު އުމްރާއަށް ދިޔަ ގިނަ ބަޔަކު މިއަދު އެނބުރި އަންނާތީ، އެއާޕޯޓުގެ ޓްރެފިކް ފްލޯ އަށް ބާރުބޮޑުވާނެ ކަމަށް ލަފާކޮށް ސަމާލުވާން އެމްއޭސީއެލުން އިއްޔެ އެދިފައި ވެ އެވެ. އެ ކުންފުނީގެ އިރުޝާދަކީ ވީއައިއޭއިން ދަތުރުކުރާ މީހުން ފްލައިޓް ފުރުމުގެ ތިން ގަޑިއިރު ކުރިން އެއާޕޯޓަށް ދިއުމެވެ.
މިއަދުގެ ހެނދުނުގެ ގަޑިތަކަށް ފަހު ވީއައިއޭ އަށް ދެން އެންމެ ބާރު ބޮޑު ވާނީ އެމްއޭސީއެލުން އިއްޔެ ބުނެފައިވާ ގޮތުން ނަމަ މެންދުރު 2:00 އިން ހަވީރު 4:00 އަށެވެ. އެ ވަގުތުގެ ތެރޭގައި 2،071 މީހުން ރާއްޖެ އެތެރެވާނެ ކަމަށާއި 1،091 ފުރާނެ ކަމަށް ލަފާ ކޮށްފައިވެ އެވެ. އެ ގަޑީގައި ރާއްޖެ އަންނަ މީހުންގެ ތެރެއިން 452 މީހުންނަކީ އުމްރާގެ އަޅުކަމުން އަންނަ މީހުންނެވެ.
ބާރުބޮޑު ވަގުތުތަކުގައި ޓެކްސީ ސެންޓަރުތަކާއި ޑްރައިވަރުން ވެސް ފަސިންޖަރުން އަރުވައި ބޭލުމުގަޔާއި އެއާޕޯޓު ވަށައިގެންވާ ސަރަޙައްދުގައި ޓްރެފިކް ފްލޯ ދެމެހެއްޓުމަށް އެއްބާރުލުން ދިނުމަށް އެމްއޭސީއެލުން އެދިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
04 January 2025
އެއަރޕޯޓް ޓްރާންސިޓް ހޮޓާ ތަރައްޤީކުރަން ޗައިނާ އެގްޒިމް ބޭންކުން ލޯނު ހަމަޖައްސާ މިދެންނެވި ހޮޓަލުގެ މަސައްކަތް ޗައިނާގެކުންފުންޏަކަށް ދިނުމުން 2 އަހަރުތެރޭގައި ހުރިހާ މަސައްކަތެއްނިންމާ ސަރުކާރާއި ޙޮޓާ ޙަވާލުކުރާނެ. މިދެންނެވި ހޮޓާ ތަރައްޤީކުރުމުގެ މަސައްކަތް ފެއްޓުމާއިއެކުގައި އިންވެސްޓްމަންޓްގެ އަގު އެއްފަހަރާ ދައްކާ ފަރާތަކަށް 50 އަހަރަށް ހޮޓާ ވިއްކާލުމުގެ އިސްތިހާރު ރާއްޖެއާއި ބައިނަލް އަޤުވާމީ ބާޒާރުގައި އިސްތިހާރު ކުރަން ފައްޓަން ވާނެ.
އޮނަރަބްލް އަފީފު ދީދީ
04 January 2025
އިންފްލައިޓް ކޭޓަރިންގ ހިދުމަތާއި، ޑިޕާޗާރ ޓާމިނަލް ބިޒިނެސް ލައުންޖް ގެ ހިދުމަތް ވެސް ލިބޭގޮތަށް ބީޗް ކޮޓަރި ތަކާއިއެކު ތަރައްޤީ ކުރާ 1000 ކޮޓަރީގެ އެއަރޕޯޓް ޓްރާންސިޓް ހޮޓާ GAN International Airport ގައި ތަރައްޤީކޮށް މަތީގައި ދެންނެވިގޮތަށް ބޭރު ބަޔަކަށް 50 އަހަރަށް ވިއްކައިފި ނަމަ، ދުވަހަކު ޝަންގްރިލާޒް ރިސޯޓް ނުހުޅުވިޔަސް މިސަރަޙައްދަށްބޭނުންވާ އެނދު އައްޑޫ މީހުން އަމިއްލައަށްވެސް ތަރައްޤީކޮށް ފްލައިޓް އޮޕަރޭޓް ކުރެވޭވަރަށް އެނދު ގިނަ ކުރާނެ.
އޮނަރަބްލް އަފީފު ދީދީ
04 January 2025
ކ.މާލެ ދިވެހިރާއްޖޭގެ ހުޅުލެ އެއަރޕޯޓަށް ނުޖެއްސިގެން ސިލޯނަށް ޑައިވާޓްކުރާ ބޯޓް ތައް އައްޑުއަށް ޑައިވާޓް ކުރުމުގެ އިތުރަށް، GAN International Airport ގައި ޓްރާންސިޓް ހޮޓަލެއް ތަރައްޤީކުރުމަކީ Maldivian އަށް އަލަށްގެނައި A-330ގެ ބޯޓް މާލެ-ގޭން-ސައުތުއެފްރިކާ ގެ ރޫޓިންގ ގެ އިތުރުން މާލެ-ގޭން-ޗައިނާ ރޫޓިންގ އަށް ޑެއިލީ ޝެޑިއުލްކޮށް ނެޝަނަލް އެއަރލައިނަށް މުޅިން އަމިއްލަ ރޫޓްތަކެއް ޙާއްސަ ކުރުމަށްވެސް މަގު ހުޅުވިގެންދާނެފަދަ މުހިންމު ކަމެއް އިގޭތޯ.
އަނގަ ގަދަ މިތުރު
03 January 2025
ސްކޫލް ތަކުގެ ދަރިވަރުންގެ އަހަރީ ޗުއްޓީ މި ދުވަސް ވަރަށް ބަދަލު ކުރަން ބޭނުން ވަނީ މޫސުން ރަނގަޅު ދުވަސް ކޮޅު އަންނަނީ ޑިސެމްބަރ ޖެނުއަރީ ގަޔޯ
ޙާރިޖު
03 January 2025
މަސްދުވަހު ވާރޭވެހި ފިނިވިޔަސް ކަރަންޓުބިލްކަށް ލުޔެއްނުވޭ. އެކަމަކު ގަދަ އަވިދިނީމައޭ ކަރަންޓުބިލު ބޮޑުވެނީކިޔާ މޮޔަވާހަކަ ދައްކާފަ ރައްޔިތުންނަށް އޮޅުވާލަނީ.
އަލީބެ
03 January 2025
ކިތައްމެ ވައިގަދަވިޔަސް ދެމޫސުމު ފުލައިޓު ޖެއްސުނީސް ކްރޮސްރޯޑްވހަދާފައޮތް ފަޚުގާ އެއަރޕޯޓު ހެދިނަމަ. އަބަދުވުސް ހުޅުލޭ ރަންވޭއަށް ޖެއްސޭނީ ވަޔަަށް ކަނޑައިގެން. ވިސްނަންޖެހޭ މީހުން ނުވިސްނީމަ ލިބޭ ގެއްލުން.
އޮނަރަބްލް އަފީފު ދީދީ
03 January 2025
ތިއީ މިއަދު ކުއްލިއަކަށް ދިމާވި ކަމެއްނޫން. ތިކަމަކީ ވޭރުވެދިޔަ 60 އަހަރުވެސް ތަކުރާރުވަމުން އައި އަދި މިއަންނަ އަހަރާއި ކުރިއަށް ހުރި އަހަރު ތަކުގެ ވިއްސާރަ މޫސުން ތަކުގައި ކ.މާލޭ އެއަރޕޯޓަށް ދިމާވާނެ ކަމެއްކަން ސަރުކާރަށް ރަނގަޅަށް އިގޭނެ. އެހެން ނަމަވެސް ތިކަމުގެ އެންމެ އަވަސް ހައްލަކީ ކ.މާލޭ އެއަރޕޯޓަށް ނުޖެއްސޭ ބޯޓްތައް ލަންކާއަށް ޑައިވާޓް ކުރުމުގެބަދަލުގައި ހަނިމާދޫ ނުވަތަ އައްޑޫ GAM International Airport ޑައިވާޓް ކުރެވޭނެގޮތް ހެދުން.
ލާމަސީލު
03 January 2025
ޑިދެމްބަރ މަހު ހޫނުބދުވަހެެްގަ ފުރަންދިޔަޭިމަވެސް 3 ގަޑިއިރު މޯލްޑިވިއަން ފްލައިޓްތައް ޑިލޭވި. އކަމަކު އެހެނިހެން ފްލައިޓްތައް ބަރާބަރު ގަޑިއަޑއ ފުރަމުންންދިޔަ. ބެކްއަޕް ފްލައިޓެއް ނޯންނާތީ ވާހާ ގެއްލުން. ފްލައިޓެއް މައްސަލަ ޖެހުނީމާ ހަމަ އެފްލައިޓް ހަދައިން ނޫނީ ފުރޭކަށް ނޯވޭ. މިވެސް އަރަތެއް.