ޚަބަރު / މޯލްޑިވްސް ބްރޯޑްކާސްޓިން ކޮމިޝަން

ބްރޯޑްކޮމް މެމްބަރު މުހަންމާ ޕީއެންސީގެ ސެނެޓަށް

މުހައްމާ ސެނެޓަށް އައްޔަންކުރެއްވި ލިޔުން، ރައީސް ޑރ. މުއިއްޒު ރޭ ދެއްވަނީ.- ފޮޓޯ: ޕީއެންސީ

އާސިމާ ނިޒާރު، މިހާރު

16 މެއި 2025 - 12:23

މިނިވަން މުއައްސަސާއެއްގެ ގޮތުގައި ބަލާ ބްރޯޑްކާސްޓިން ކޮމިޝަނަށް މި ފަހުން އައްޔަންކުރެއްވި މުހައްމަދު އަބްދުﷲ (މުހަންމާ) ސަރުކާރު ހިންގާ ޕީއެންސީގެ ސެނެޓަށް ރޭ އައްޔަންކުރައްވައިފި އެވެ.

ޕީޕީއެމް އުވިގެންދިޔައިރު އެ ޕާޓީގެ ސެނެޓުގައި ތިއްބެވި ބޭފުޅުންގެ ތެރެއިން ޕީއެންސީއާ ގުޅެން ބޭނުންވި ބޭފުޅުން ރަސްމީކޮށް ޕާޓީއާ ގުޅުމަށް ޕީއެންސީ އޮފީހުގައި ރޭ ހަރަކާތެއް ކުރިއަށް ގެންގޮސްފައިވެ އެވެ. އަދި ޕީއެންސީގެ ސެނެޓް ނުވަތަ މެންބަރުންގެ މަޖިލީހުގެ މި އަހަރުގެ ފުރަތަމަ ބައްދަލުވުން ބާއްވާފައިވެ އެވެ.

އެ ހަރަކާތުގައި، ބްރޯޑްކޮމް އަށް މިދިޔަ ޖެނުއަރީ 21 ގައި އައްޔަންކުރެއްވި މުހަންމާއަށް ވެސް ވަނީ ޕީއެންސީގެ ސެނެޓަށް އައްޔަންކުރެއްވިކަމުގެ ލިޔުން، ޕާޓީގެ ރައީސް، ރައީސް ޑރ. މުހައްމަދު މުއިއްޒު ވަނީ ދެއްވައިފަ އެވެ.

Raees ge event inthizaam kuran Broadcasting commission ge member Zeyna!

The most trusted news source in the Maldives

Mihaaru

ބްރޯޑްކޮމްގެ މެމްބަރުންގެ ޝަރުތުތަކުގެ ތެރޭގައި ސިޔާސީ ޕާޓީއެއްގެ މެމްބަރަކަށް ވުން މަނާކޮށްފައެއް ނުވެ އެވެ. އޭގައި ބުނެފައިވަނީ ގާނޫނު އަސާސީގެ ދަށުން ނުވަތަ ގާނޫނެއްގެ ދަށުން އިންތިހާބުކުރެވޭ މަގާމެއްގައި ހުރި މީހަކަށް، ބްރޯޑްކޮމްގެ މެމްބަރަކަށް ނުވެވޭނެ ކަމަށެވެ.

އެކަމަކު، ގާނޫނީ ގޮތުން މިނިވަން މުއައްސަސާއެއްގެ ހައިސިއްޔަތު ދީފައިވާ ކޮމިޝަނެއްގެ މެމްބަރަކު ސިޔާސީ ޕާޓީއެއްގައި ހަރަކާތްތެރިވުމަކީ އެ މެމްބަރާއި ކޮމިޝަންގެ ނަޒާހަތްތެރިކަމާއެކު ސުވާލު އުފެދޭނެ ކަމެކެވެ.

އަދި މެމްބަރެއްގެ މަސްލަހަތު ހިމެނޭ ކަންކަމުގައި ކޮމިޝަންގެ ބައްދަލުވުންތަކުގައި ބައިވެރިވެ، ނިންމުންތަކުގެ ބައިވެރިވެގެން ނުވާނެ ކަމަށް ވެސް ގާނޫނުގައި ބަޔާންކޮށްފައިވެ އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުގައި ވެސް އޭރު ތިއްބެވި ބްރޯޑްކޮމްގެ މެމްބަރުން ފާޅުގައި ވެރިކަން ކުރެއްވި ޕީޕީއެމްގެ ޖަލްސާތައް އިންތިޒާމުކުރުމުގައި ހަރަކާތްތެރިވެވަޑައިގެންނެވި އެވެ. އެ މައްސަލައިގެ ތެރެއިން ކޮމިޝަންގެ މެމްބަރުކަމުން ފާތުމަތު ޒޭނާ ވަކިކުރަން ވެސް މަޖިލީހަށް އޭރު ހުށަހެޅި އެވެ.

މޯލްޑިވްސް ބްރޯޑްކާސްޓިން ކޮމިޝަން މުހައްމަދު އަބުދުﷲ (މުހައްމާ) ޕީޕަލްސް ނެޝަނަލް ކޮންގްރެސް ރައީސް ޑރ. މުހައްމަދު މުއިއްޒު

29 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފާނަކޮށި

18 May 2025

ނާއިބްރައީސް ކަމަށް ހަވާލުކުރަން ފެނޭ.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބީބް

17 May 2025

ކޮމެންޓް ކުރަން ވަރައް ވަރު ހުންނާނެ ވޯޓް ވިއްކާނީ؟!!! މީހުންނަށް ނުަބަވާ ކިޔަވައިގެން ތިބި މީހުންނަށް ވޯޓް ދީބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

17 May 2025

އެއީ ސެނެޓްގަ ކުރު ފިލުމުކުޅެން މުހައްމާ ބޭނުންވާތީ ކުރިކަމަކާ ވައްތަރީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދާލަތު

17 May 2025

ރާއްޖޭގައިހުންނެވި ޕޮލިޓިކަލްސައިންސްގެ އެއްމެމަތީ ފާސްއޮތްބޭފުޅާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަޑަ

17 May 2025

ކިޔެވުމުގެ ބޭނުމެއް އެބައޮތްތަ؟ ގްރޭޑް 7 ވެސް ނުނިންމާ މީހަކު އެހެރީ ކޮމިޝަނަށްލާފައި. އެހެންވީމާ ވައުދު ކިހާސަޅި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

17 May 2025

ޕާޓީ ޕޮލިޓިކްސް އާ ދައުލަތުގެ ކަންކަން އެެކުވާ ހިސާބުގައި ރޮގެއް ދަމާލަން ނޭގޭ ވަރު ވެރިޔަކު މިތާ މިހުރީ. ބަންޑާރަ ނައިބަށްވެސް ކޮންމެވެސް ގޮތަކުން މިކަންމިކަން މިހެން ހިންގީމާ މޫނުމައްޗަށް ކުރާނެ އަސަރުނަމަވެސް ބުނެލެވެންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ ވާންޗޯ

17 May 2025

ބްރޯޑްކޮމް ހާދަ ވަކިފަރާތަކަށް ނުޖެހި ހިންގޭނޭދޯ ވަކިޕާޓީއެއްގެ ސެނެޓުގަ ތިބެގެން، ސަރުކާރުމުސާރައިގަ ޕާޓީ ސެނެޓްގަ!!!!.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެޑްމުންޑޯ

17 May 2025

މިހާރު މިނިވަން މުއައްސަސާ ތަކެއްހުރޭތޯ ، އިހައްދުވަހު ނޫންތޯ އޭސީސީގެ ރައީސްގެ އަމަލުފުޅުތަށްވެސް ފެނިގެން ދިޔައީ ، ރޯބުހުތާން ދޮގުހަދާ ފަނޑިޔާރުންގެ މައްސަލަތަކެއްބަލަމޭ ކިޔާގެން އުޅުނީ ، ވަރަށް ފާޅުގައި މިފަދަ ކަންތައްތަށް ކުރުމުން ދޭހަވަނީ ، ރައްޔިތުންގެ ނިކަމަތިކަމާއި ބާރެއްނެތްކަން ، ރައްޔިތުންނަށް އިހްތިރާމްނުކުރާކަން ، ތިމާމެންގެ ވެރިކަމުގައި ބޭނުންގޮތަކަށް ކަންތައްތަށް ކުރިއަަސް އެކަމަށް ބަހެއްނުބުނެވޭނެކަން ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗޫޤީ

17 May 2025

ޕީއެންސީގެ ސެނެޓަށް އެލިބުނީ މިނިވަން މެމްބަރެއް. ދެން ސެނެޓުން ނިންމާ ނިންމުންތައް ވަރަށް މިނިވަންވާނެ އަދި އިންސާފުވެރިވާނެ. އެންމެ ފުރަތަމަ ސެނެޓު، ދެން ބުރޯޑުކޮމު. އެއީ ތަރުތީބަކީ. މަރުހަބާ މުހައްމާ އަދި ޕީއެންސީ.