ހުޅުމާލޭގެ ރައްކާތެރިކަން ބަލަހައްޓަން އެސްޓޭޓް ސެކިއުރިޓީގެ ހިދުމަތް ތައާރަފުކޮށްފި

އެޗްޑީސީން "އެސްޓޭޓް ސެކިއުރިޓީ ސާވިސް" ތައާރަފުކުރަން ބޭއްވި އިވެންޓް.-- ފޮޓޯ: އެޗްޑީސީ

އިފްރާޒް އަލީ، މިހާރު

15 ޑިސެމްބަރ 2025 - 10:38

ހުޅުމާލޭގެ މަގުތަކާއި އާންމު ތަންތަނާއި އިމާރާތްތަކުގެ ސެކިއުރިޓީ 24 ގަޑިއިރު ބަލަހައްޓަން އެސްޓޭޓް ސެކިއުރިޓީގެ ހިދުމަތް އެޗްޑީސީން ރޭ ތައާރަފުކޮށްފި އެވެ.

އެޗްޑީސީން ސޯޝަލް މީޑިއާގައި ކުރި ޕޯސްޓެއްގައި ބުނީ ފަރުކޮޅުފުށީގައި ރޭ ބޭއްވި "ސޭފާ ހުޅުމާލެ" އިވެންޓުގައި މުޖުތަމައުގެ ރައްކާތެރިކަން ކަށަވަރުކުރުމަށް އާ ހިދުމަތެއް ފަށާފައިވާ ކަމަށެވެ.

"އެސްޓޭޓް ސެކިއުރިޓީ ސާވިސް"ގެ ނަމުގައި ފެށި އެ ހިދުމަތަކީ ހުޅުމާލެއަކީ ރައްކާތެރި ތަނަކަށް ހެދުމަށް ފެށި ހިދުމަތެއް ކަމަށް އެޗްޑީސީން ބުންޏެވެ.

އެޗްޑީސީން "އެސްޓޭޓް ސެކިއުރިޓީ ސާވިސް" ތައާރަފުކުރަން ބޭއްވި އިވެންޓް.-- ފޮޓޯ: އެޗްޑީސީ

އެޗްޑީސީގެ މެނޭޖިން ޑިރެކްޓަރު އަލީ ޒުހައިރު ރޭގެ އިވެންޓުގައި ވިދާޅުވީ ވަރަށް ބޮޑު އާބާދީއެއް ދިރިއުޅޭ އަދި މުސްތަގުބަލުގައި ވެސް ބޮޑު އާބާދީއެއް ދިރިއުޅޭނެ ހުޅުމާލޭގެ އިމާރާތްތަކާއި އޮފީސްތަކާއި ވިޔަފާރިކުރާ ވަރަށް ގިނަ ތަންތަނުގެ ސެކިއުރިޓީ ބެލެހެއްޓުމުގެ މަސައްކަތް އެ ކުންފުނިން މިހާރު ވެސް ކުރަމުން އަންނަ ކަމަށެވެ.

އެ ކުންފުނިން މިހާރު ދޭ ސެކިއުރިޓީގެ ހިދުމަތުގެ ފެންވަރުގެ ރަނގަޅު ކުުރުމަށް ވަރަށް ގިނަ ފިޔަވަޅުތަކެއް އަޅައި، ރިފޯމްކުރުމުގެ މަސައްކަތް ކުރަމުން އަންނަ ކަމަށް ޒުހައިރު ވިދާޅުވި އެވެ.

"ﷲގެ ރަހުމަތްފުޅާ އެކު ފުރަތަމަ ފިޔަވަޅު މިއަދު އެޅިގެން މި ދިޔައީ. އެސްޓޭޓް ސެކިއުރިޓީގެ ގޮތުގައި ރަސްމީ ބްރޭންޑެއް އުފެދިގެން މި ދިޔައީ އަޅުގަނޑުމެންގެ ސެކިއުރިޓީއަށް،" އޭނާ ވިދާޅުވި އެވެ.

ސެކިއުރިޓީ ގާޑުންނާއި ސެކިއުރިޓީ އޮފިސަރުން އެ ހިދުމަތުގައި ތިބޭނެ ކަމަށް އޭނާ ވިދާޅުވި އެވެ.

ޒުހައިރު ވިދާޅުވި ގޮތުގައި، ހުޅުމާލޭގެ މަގުތަކާއި އާންމު ތަންތަނާއި އިމާރާތްތަކުގެ ސެކިއުރިޓީ ބެލެހެއްޓުމުގެ މަސައްކަތުގައި 24 ގަޑިއިރު، އެ ހިދުމަތުގެ މުވައްޒަފުން މަސައްކަތްކުރާނެ އެވެ. އަދި މުވައްޒަފުން ތިބޭނީ އެކަމަށް ހާއްސަ ޔުނީފޯމުގައި އެއީ ކޮންބައެއްކަން އެނގޭނެ ގޮތަށެވެ.

ހުޅުމާލޭގެ ސެކިއުރިޓީ ބަލަހައްޓަން މިހާރު ގާތްގަނޑަކަށް 50 މީހުން ހަރަކާތްތެރިވާނެ އެވެ.

ފަރުކޮޅުފުށީގައި ރޭ ބޭއްވި އިވެންޓުގައި ވަނީ ހުޅުމާލޭގެ "އެސްޓޭޓް ސެކިއުރިޓީ ސާވިސް"ގެ މުވައްޒަފުންގެ ޔުނީފޯމް ވެސް ދައްކާލައިފަ އެވެ.

އެޗްޑީސީން އެސްޓޭޓް ސެކިއުރިޓީގެ ހިދުމަތް ތައާރަފުކުރި އިރު، ވެލާނާ އިންޓަނޭޝަނަލް އެއާޕޯޓު ހިންގާ އެމްއޭސީއެލުން ވެސް ހުޅުލޭގެ އާންމު ތަންތަނުގެ ރައްކާތެރިކަން ބެލެހެއްޓުމަށްޓަކާ މި އަހަރު ވަނީ އެސްޓޭޓް ސެކިއުރިޓީގެ ހިދުމަތް ތައާރަފުކޮށްފަ އެވެ.

އެޗްޑީސީން ބަލަހައްޓާ ހިޔާ ފްލެޓާއި ވިނަރެސް ފްލެޓްތަކުގައި މިހާރު ވެސް ސެކިއުރިޓީ ބަލަހައްޓަން އެ ކުންފުނީގެ މުވައްޒަފުން ތިބެ އެވެ.

މާލޭގެ އާންމު ތަންތަނުގެ ރައްކާތެރިކަން ބަލަހައްޓައި ފާރަވެރިވުމަށް، މިހާރުގެ ރައީސް ޑރ. މުހައްމަދު މުއިއްޒުގެ މޭޔަރު ކަމުގައި މާލޭ ސިޓީ ކައުންސިލުން ވެސް ވަނީ ކޮމިއުނިޓީ އެންގޭޖުމަންޓް އޮފިސަރުންގެ ނަމުގައި މި ބާވަތުގެ ހިދުމަތެއް ތައާރަފުކޮށްފަ އެވެ.

ހުޅުމާލެ ސެކިއުރިޓީ އެޗްޑީސީ ސަލާމަތީ ފިޔަވަޅުތައް

52 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަސަބު

16 December 2025

އެޗްޑީސީ ގެ އެސުޓޭޓް ސެކިއުރީޓީއަކީ ކިހާފެންވަރެއްގެ އަޚުލާގް، ތެދުވެރި އަދި އިޚުލާސްތެރި ބައެއްތޯ ؟ ސިޔާސީ ގޮތުން ވަޒީފާދީފައި ކުރިމިނަލް ނުވަތަ ޑްރަގް އަދި ގޭގް ތަކުގެ ކުދީންނަށް ވަޒީފާ ދީފައި އެކުދީން ސެކިއުރިޓީނަށް ލިމާ ވާނޭގޮތް ރައްޔިތުންނަށް އެގެއެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމަ

16 December 2025

މިރާއްޖޭގެ ވެރިކަމަށް އަންނަ މީހުން ސިޔާސީ ބޭނުންތަކުގައި މިޤައުމު މިދަނީ ހަލާކުކޮށް ރައްޔިތުންގެ ފައިސާ ނަހަމަގޮތުގައި ތަޅާ ބުރުވަމުން. މިހެން މިކަން ކުރަން ރުހިގެން ރައްޔިތުން ތިބެންވީތޯ؟ ނެރެން މިއުޅޭ ނަތީޖާއަކީ ކޮބައިކަން ނޭގޭ ހިސާބަށް ޤައުމުގެ ހަލާތު ގޮއްސި. 1 މިއަދު ފުލުހުންގެ މުވައްސަސާ އޮތުމުގެ ބޭނުމެއްނެތް. 2 ޤާނޫނީ ވެރިކަމުގެ ސިފަ ގެއްލިއްޖެ. 3 ދައުލަތުގެ ހިންގުން ބޮއްސުންލައިފި. 4 ރަސްކަމަކާއި ދިމާއަށް ޤައުމުދާހެން ހީވާން ފަށައިފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންމަނިކު

16 December 2025

ހިޔާ ފުލެޓްގެ ސިކުއިރިޓީ އިންގެ ޒިންމާ އަކީ ކޮބައިކަން އެމީހުންނަށް ވެސް ނޭގޭ. ޕާޓޭ ވައްތަރު ކުދިން ޔުނިފޯމުގައި ދަންވަރު ޑިއުޓީގައު ތިބެ ދަންވަރުވރައްޓެހި ގުރޫޕު ތައްގެނެސް ޖޯލިފަތިބތަކުގައި ސިގެރެޓް ބޯންތިބެނީ. އެއްވެސް ޒިންމާއެއް އޮތްބައެއް ހެނެއްހީނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކްސިް

16 December 2025

ޕާޓީ އެކްޓިވިސްޓުންނަށް އިތުރު ވަޒީފާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްކާ

15 December 2025

އެހެންވީމާ ޖޯޑުޖޯޑަށް ސައިކަލުގަ ޕެޓް ރޯލުކުރަމުން އެއުޅޭ ފުލުހުންނަކީ ބޭކާރުބައެއްތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަގަތްފާނު

15 December 2025

ކ.މާލޭ އަވަށެއްގައި ތިވަރު ސަކަރާތެއްޖަހާއިރު ސިޓީކައުންސިލުން ތިކަން ފާސްކޮށްފިބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދިއްޕެ

15 December 2025

އެޗްޑީސީގެ މުވައްޒަފުންގެ އަދަދަކީ 4000 ، ޑުބާއީގެ ޕާމް އައިލެންޑަކީ އެޗްޑީސީއަށްވުރެ 10 ގުނަ ބޮޑު ހިއްކާފައި އޮތް ރަށެއް. މުވައްޒަފުންގެ އަދަދަކީ 150 މީހުން. އެމް.އޭ.ސީ.އެލްގެ މުވައްޒަފުންގެ އަދަދަކީ 9000 މީހުން. 80 މިލިއަން ޓުއަރިސްޓުން އަންނަ ޑުބާއީގެ އެއަރޕޯޓުގެ މުވައްޒަފުންގެ އަދަދަކީ 4000 މީހުން. ދިވެހި ދައުލަތުގެ ކުންފުނިތަށް ހިންގުމަށް ބޭރުގެ ތަޖްރިބާކާރު މީހުން ލާންޖެހޭ ވަގުތު މިއީ. ދިވެހިންނަށް ނުވާކަންކަން މިއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަގަތްފާނު

15 December 2025

ފުރަތަމަ ސިޓީކައުންސިލެއް އޮއްވާ ރަށެއް ކުންފުންޏަކުން އެހިންގަނީ އެއީ ސަރުކާރު މެދުވެރިވެގެން ބަޖެޓަށް ނާރާގޮތަށް ބިލިއަނުން ދަރަނިނަގައިގެން ބައިތުލްމާލު ރަށަށް ކަހާފަ ނަސްލީ އިމްތިޔާޒު ހިންގަން. އެކަން ކޮށްފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯލިފަތި

15 December 2025

އަހަރެންގެ ބަހުން ނަންގަނޑެއް ކިޔައިނުލާތީ ބައްރުން ބޭރުވާން ފޮށި ތަންމަތި ބަންނަނީމި. ހިތާމައިގެ ކޮޅެއް ނެތް. ފުރޮމް ދިވެހި ލެންގުއޭޖް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސްރު45

15 December 2025

ބޮޑު އާބާދީ އެއް އޮންނަ ކޮންމެ ރަށެއްގައި އަމިއްލަ ސެކިޔުރިޓީ ފޯސް އެއް އުފައދަންވީ. މިލިޓަރީ މީހުން ކޮންމެތަނަކަށް ވެރިންނަށް ލީމާ، ވިސްނާނީ ތިހެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢރޗް

15 December 2025

ހުޅުމާލެ މީ ވަކި ސަރުކާރެއްތަ؟ ރައްޔިތުން ހޮވާފަ ތިބޭ ކައުންސިލުގެ އެއްވެސް ބާރެއް ހުޅުމާލެއަކަށް ނޯވޭ. ފުލުހުންގެ ވެސް ބާރެއް ނެތް؟ މިހާރު އަމިއްލަ ފުލުސް ފޯހެއް މި އުފެއްދީ؟