ތޫނު އެއްޗަކުން ހަމަލާދީ މަރާލާފައި އޮއްވާ ފެނުނު ޔާމީން: އޭނާ އަށް ތަކުރާރުކޮށް މަރުގެ އިންޒާރު ވަނީ ދީފައި
23 އެޕްރީލް 2017 - 13:28
39 comments
ހަށިގަނޑުގެ 14 ތަނަކަށް ހަމަލާދީ މަރާލާފައި އޮއްވާ ރޭ ފެނުނު، ސޯޝަލް މީޑިއާ އެކްޓިވިސްޓް އަދި ބްލޮގާ ޔާމީން ރަޝީދަށް ތަކުރާރުކޮށް މަރުގެ އިންޒާރު ދޭ ކަމަށް އޭނާ ހުށަހެޅި މައްސަލަތައް ތަހުގީގު ކުރަމުން ދިޔަ ކަމަށް ފުލުހުން މިއަދު ބުނެފި އެވެ.
ސ. ފޭދޫ، ޗަނބޭލީގެ، ޔާމީން، 29، ބްލޮގާއި ސޯޝަލް މީޑިއާގައި ލިޔާ ލިޔުންތަކާ ހެދި އޭނާ އަށް ނުރައްކާ އޮތް ކަމަށް ފުލުފުލުގައި ދިން އިންޒާރުތަކުގެ މައްސަލަ ހުށަހެޅުމުން ވެސް ފުލުހުން ފިޔަވަޅު އަޅާފައި ނުވާ ކަމަށް ބުނެ ބޮޑެތި ފާޑުކިއުންތަކެއް ވަނީ އަމާޒުވެފަ އެވެ. ޔާމީން ހުށަހެޅި މައްސަލަތައް ބަލައި އޭނާ އަށް ހިމާޔަތް ދޭން ފުލުހުން "އިހުމާލުވެފައިވާ" ކަމަށް ވެސް އެތައް ބަޔަކު ދަނީ ބުނަމުންނެވެ.
އެކަމަކު އެ ތުހުމަތުތައް ފުލުހުން ދޮގުކުރެ އެވެ.
ފުލުހުންގެ ތަރުޖަމާން އަހްމަދު ޝިފާން "މިހާރު" އަށް ވިދާޅުވީ ޔާމީން ހުށަހެޅި މައްސަލަތަކާ ގުޅިގެން ފުލުހުން މަސައްކަތްތަކެއް ކުރި ކަމަށެވެ. އެންމެ ފަހުން ހުށަހެޅި މައްސަލާގައި ތުހުމަތުކުރެވޭ މީހުންނާ ސުވާލުކޮށް ހެދި ކަމަށް ވެސް އޭނާ ވިދާޅުވި އެވެ.
"ފުލުހުން ކުރަމުން ދިޔަ މަސައްކަތްތައް ޔާމީނަށް އަޕްޑޭޓް ވެސް ދެމުން އައީ،" ޝިފާން ވިދާޅުވި އެވެ. ޔާމީނަށް އިންޒާރު ދޭ ކަމަށް ތުހުމަތުކުރެވިގެން ފުލުހުން ސުވާލުކުރި މީހުން ހައްޔަރުކުރި ކަމެއް ނުވަތަ ނޫން ކަމެއް ޝިފާން ވިދާޅެއް ނުވެ އެވެ.
ޔާމީންގެ މަރާ ގުޅިގެން ފުލުހުން ނެރުނު ނޫސް ބަޔާނެއްގައި ބުނީ އޭނާގެ މަރުގެ މައްސަލަ ތަހުގީގުކުރަން ހާއްސަ ޓީމެއް އެކުލަވާލައި ސީރިއަސް މައްސަލައެއްގެ ގޮތުގައި ތަހުގީގު ކުރިއަށް އެބަ ދާ ކަމަށެވެ. އެ ތަހުގީގުގައި، ފުލުހުންނަށް ލިބިފައިވާ ވަސީލަތްތައް އެންމެ މަތީ ދަރަޖައަށް ބޭނުންކުރާނެ ކަމަށް ވެސް ބަޔާނުގައި ބުންޏެވެ.
ޔާމީން މަރާލާފައި އޮއްވާ ފެނުނީ އޭނާ ދިރިއުޅޭ މ. ސްޕެކްޓިއުލާ، ސިޑި ކައިރިންނެވެ. މޯލްޑިވްސް ސްޓޮކް އެކްސްޗޭންޖްގައި މަސައްކަތް ކުރާ ޔާމީން ރޭ ގެއަށް ދިޔައީ، ވަރަށް ދަންވަންދެން އޮފީހުގެ މަސައްކަތުގައި އުޅުމަށް ފަހު ކަމަށް އޭނާގެ ގާތް މީހުން ބުނެ އެވެ.
އޭނާ އެންމެ ފަހުން މީހަކާ ފޯނުން ވާހަކަ ދައްކާފައި ވަނީ ރޭ ދަންވަރު 2:34 ހާއިރެވެ. އޭނާ މަރުވެފައި އޮއްވާ ފެނިގެން ފުލުހުންނަށް ރިޕޯޓްކުރީ 2:59 ހާއިރު ކަމަށް އާއިލާ އިން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގގ
16 June 2017
މައްސަލަ ބެލިކަމައް ފުލުހުން ތިކިޔާ ބަދިވަރު ހުއްޓާލަން އެބަ ޖެހޭ. ޔާމީނައް އިންޒާރުދިންމީހުން މިހާރުވެސް މާލޭގަ އެބަ އުޅޭ. އެއިން އެއްވެސް މީހަކައް އެއްވެސް ކަމެއް ނުވޭ.
އިބޫ
24 April 2017
އިންޒާރު ތައް ރިޕޯޓް ކުުރމުން ފުލުހުން އަޅާ ނުލައިގެން ޔާމީން ރަޝީދު ކުރި ޓްވީޓް ތައްވެސް އެހުރީ ފެންނާން ރާއްޖެޓީވީ ރޯކޮށްލި މީހުންގެ ސީސީޓީވީ ފުޓޭޖް ތައް ހުރެ ކުރެވުނު ކަމެއްވެސް ނެތެއްނު. އެއީ ފެނަވަރަކީ،، ދެން ކޮްނ ތަހުގީގެއް ؟
ޔާމިން
24 April 2017
މިއީ ދީނަށް ފުރައްސާރަ ކުރަމުން އައި ޒުވާނެއް ނޫންތަ؟
ޓްރޭސް
23 April 2017
ޖީއެސް އެމް ނެޓްވޯކް ބޭނުން ކޮށްގެން އެވަގުތު އޭނަޔާ އެންމެ ކައިރީގަ ތިބިމީހުން ދެނެގަނެވޭނެ.
ޜުޅި
23 April 2017
ތިމީހުނަށް އިތުބާރު ކުރާބަޔަކު މިޤައުމުގައި ނެތް!
އަހުމަދު ޒާހިރު
23 April 2017
އަގައިން ނުބައިއެއްޗެއް ކިއުއްވަންތަ ތިއުޅެނީ !
1828
23 April 2017
ތިޔައީ ހަމަ އެކަނި މަރުގެ މައްސަލަތަކުގައި ފުލުހުން އަޅާ ފިޔަވަޅަކީ؟ ނޫން. ހައްޔަރުވެސް ކުރޭ. ފުލުހުން ބަލާ މައްސަލައެއްގެ އަޕްޑޭޑް، މައްސަލަ ހުށަހެޅި ފަރާތަށް ދެނީ ވަރަށް ވެސް މަދުން. މައްސަލަ ހުށަޙެޅި ފަރާތް، މައްސަލައެއްގެ އަޕްޑޭޑެއް ހޯދަން ގުޅުމުން 'ގިނަ' ފަހަރު އައިއޯ އުޅޭނ އޮފީހުން ބޭރުގައި. ކޮފީގައި، އަނބިމީހާ އޮފީހަށް ލާން ނުވަތަ ބަލައިދިއުމުގައި ނުވަތަ ދަރި ސްކޫލަށްލާން ނުވަތަ ބަލާ ދިއުމުގައި ނުވަތަ އަނބި، ދަރި ޑޮކްޓަރަށް ދައްކަންގޮސް. މިއީ ހަގީގަތް. ފުލުހުންގެ ފަރާތުން މައްސަލައެއްގެ އަޕްޑޭޑް ލިބެނީ ވަރަށް އުނދަގުލުން. 'ގިނައިން' ދޭ ޖަވާބަކީ 'މިދަނީ މައްސަލަ ބަލަމުން'. މިއިދިޔައީ އިންސާނެއްގެ ފުރާނަ. އަނބުރާ ގެނެވޭނެ ހަމަ އެއްވެސް ގޮތެއްނެތް. ފުލުހުން މިއަށްވުރެއް ހަރުދަނާ ވާންވެއްޖެއެއްނު.
Oooo
23 April 2017
ސިޔާސީ މީހުންގެ ފަހަތުން އަޅަގަނެގެން ތިއުލެނީ
މޫސާ ވާސީމް
23 April 2017
މަޖިލީހުގެ މެންބަރަކު އިހައްދުވަހު ބުނި ބައެއްގެ ގަޔަށް ހޫނުފެން ޖަހާ އަނިޔާ ދޭނެ ވާހަކަ. ތި ފުލުހުން ކީއްވެ ބާ އޭނާ ހައްޔަރު ކޮށް ކޯޓަށް ގެންގޮސް މުއްދަތު ނުޖެހީ. ކީއްވެތޯ ޓެރަރިޒަމްގެ ގާނޫނުގެ ދަށުން ދައުވާ ކުރަން ނުފޮނުވީ، މީ ކިހާނުރައްކާ ބޮޑު މީހެއްތޯ. ނަމަކަށް ފުލުސް އޮފީސް ދައްކާލަން އިއްޒަތުގަ މީނާ ގެންދިޔަ. ކޮބާ ފުލުހުންގެ ވާޖިބު، އެބުނަނީ އަލިފާނުން ބަޔަކަށް އަނިޔާ ދޭނެ ވާހަކަ. ޕޮލިސް ކޮމިސަނަރު އިސްތިއުފާ ދިނުން މުހިއްމު.
އިބުރާހިމް ހަލީލް
23 April 2017
ތިހަދަނީ ހުސް ދޮގު، ކޮބާ ކުރި ތަހުގީގެއް، ގަބޫލެއް ނުކުރާނެ ދިވެހި ރައްޔިތުން ތި ވާހަކަ ތަކެއް. މާރަޅުވާނެ ދޮގު ނަހަދަ ތިޔާކަމުން އިސްތިއުފާ ދިނިއްޔާ