ޔޫއެންގެ ރެޒިޑެންޑް ކޯޑިނޭޓަރު ޝޮކޯ ނޮޑާ (ކ) އާއި ފުލުހުންގެ ބައެއް އިސްވެރިން ބައްދަލުކުރައްވަނީ
27 އެޕްރީލް 2017 - 20:10
40 comments
ހަށިގަނޑުގެ އެކި ތަންތަނަށް ވަޅި ހަރައި މަރާލާފައި އޮއްވާ ފެނުނު ބްލޮގާ ޔާމީން ރަޝީދުގެ މަރުގެ މައްސަލައިގައި އދ. އިން މިއަދު ފުލުހުންނާ ބައްދަލުކޮށްފި އެވެ.
ރާއްޖޭގައި ހުންނަވާ އދ.ގެ ރެޒިޑެންޓް ކޯޑިނޭޓަރު ޝޮކޯ ނޮޑާ ވަނީ ދިވެހި ފުލުހުންނާ ބައްދަލުކުރައްވައި، ޔާމީންގެ މަރުގެ ތަހުގީގާ ގުޅޭގޮތުން މަޝްވަރާތައް ކުރައްވައިފަ އެވެ. އެގޮތުން އޭނާ ވަނީ މި މައްސަލައިގައި ފުރިހަމަ ތަހުގީގެއް ކޮށްދިނުމަށް އެދިވަޑައިގެންފަ އެވެ. އަދި މީހުންނަށް ދޭ އިންޒާރުތަކަށް ސަމާލުކަން ދީ، އެ ފަދަ އިންޒާރުތައް ބެލުން ވަރުގަދަ ކުރުމަށް ވެސް ނޮޑާ އެދިވަޑައިގެންނެވި އެވެ
ޔާމީންގެ މަރުގެ މައްސަލަ ވީހާ ވެސް ފުރިހަމައަށް ތަހުގީގުކުރަން އދ. އިން ވަނީ މީގެ ކުރިން ވެސް އެދިފަ އެވެ.
މި މައްސަލައިގައި، ޔޫއެންގެ ހައި ކޮމިޝަނާ ފޯ ހިއުމަން ރައިޓްސް ޒެއިދު ރައާދު އަލް ހުސެއިން މީގެ ކުރިން ނެރުއްވި ބަޔާނެއްގައި ވިދާޅުވީ ޔާމީން މަރާލާފައިވަނީ އެތައް އިންޒާރެއް ދިނުމަށް ފަހުގައި ކަމަށާއި އެ މައްސަލަތައް ފުލުހުންނަށް ވެސް ހުށަހެޅި ކަމަށެެވެ. އެކަމަކު އެކަން ރަސްމީކޮށް ރަޖިސްޓްރީކުރަން، ޔާމީން އެތައް ފަހަރަކު ފުލުހުންނަށް ގުޅަން ޖެހުނު ކަމަށް ވިދާޅުވި އެވެ.
ނޫސްވެރިންނާއި އިންސާނީ ހައްގުތަކުގެ ދިފާއުގައި މަސައްކަތް ކުރަމުން އަންނަ މީހުންނަށް ބިރެއް ނެތި ހިޔާލު ފާޅުކުރުމުގެ މިނިވަންކަން ހޯދައިދިނުމަކީ ދައުލަތުގެ ޒިންމާއެއްކަން އެ ބަޔާނުގައި ވަނީ ފާހަގަކޮށްފަ އެވެ.
ގެއްލުވާލާފައިވާ މިނިވަން ނޫހުގެ ނޫސްވެރިޔާ އަހުމަދު ރިލްވާންގެ ގާތް އެކުވެރިންގެ ތެރޭގައި ހިމެނޭ ޔާމީން، 29، ރަހުމްކުޑަ ގޮތަކަށް މަރާލާފައި އޮއްވާ ފެނުނީ އޭނާ ދިރިއުޅޭ ގޭގެ ސިޑި ގޮޅި ތެރެއިންނެވެ. އެ މައްސަލާގައި މިހާތަނަށް އަދި މީހަކު ހައްޔަރުނުކުރިއަސް، ޔާމީން މަރާލި މައްސަލާގައި ބައިވެރިވިކަމުގެ ތުހުމަތުކުރެވޭ ދެ މީހެއްގެ ފޮޓޯ ފުލުހުން ވަނީ ދައްކާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެހެހެ
29 April 2017
ފުލުހުން ދޭނެވީ ޖަވާބަކީ މިއީ އދ އާ ބެހޭ ކަމެއް ނޫނޭ. މިހެން ބުނެފަ އަވަހަށް އދ ިން ވަކިވޭ.
ރަނގަޅު
29 April 2017
ތިވިދާޅުވީ ރަނގަޅަށް، މިހާތަނަށް އިސްލާމް ޤައުމަކަށް މިމީޙުން ކޮށްދިން ކަމެއް ދައްކަބަ؟ އިސްލާމީ އެންމެ ވަރުގަދަ ލީޑަރ ސައްދާމު ޙުސައިން މަރާލީވެސް، މި އދ ގެ ނުބައި ރޭވުމެއްގެ ދަށުން ބަޔޮލޮޖިކަލް ހަތިޔާރޭ މަހާނަމައްޗޭ ކިޔައިގެން، ދެން ހުރި ލީޑަރ ޤައްޒާފީވެސް މަރާލީ މިމީހުންގެ ނުބައި ނުލަފާ ރޭވުމުގެ ދަށުން.. އެހެންވީމަ މިމީހުންގެ ޗާޓަރ ގައިވާ "އިންސާނިއްޔަތު" ކަލޭމެން ތި މާނަކުރަނީ އިސްލާމް ދީން ނައްތާލުމަށް.
ފުނޯސް
29 April 2017
މިސަރުކާރަކުން ތިޔަ އަޑެއްނާހާނެ. މަސަރުކާރަށް ބިރަށްޓެހި ވާޙަކައެއް އދ އިން އެދަށްކަނީ.
އަސްމާ
29 April 2017
މިއީ ކޮންއިރަކު އުފެދުނު ސިޔާސީ ޕާޓީއެއްބާ؟
އަސްމާ
29 April 2017
އަވަހަށް މިމީހުންގެ މިއަމަލުތައް ހުއްޓުވާ، މިތާނގަ ތިބެވޭނެގޮތް މިޤައުމުން ހަދައިދިނުމުގެ މާނައަކީ، ޤައުމުގެ ދާހިލީ ކަންކަމުގެ ތެރެއަށް ވަންނަން ފުރުޞަތު ދިނުމެއްނޫން.. މިމީޙުން ކޮން ހައިޟިއްޔަތަކުންބާ ފުލުހުންނާ މިބައްދަލުކުރީ؟ ވެރިކަން ހޯދުމަށް ބަޔަކަށް އެހީތެރިވެ ދިނުމަށް ކަމަށް އަހަރެމެންނަށް ފެންނަނީ.
ޖޖ
29 April 2017
ބޭރު ޖަމުއްޔާތަކުން ދާހިލީ ކަންކަމުގެ ތެރެޔަށް ވަދެ ގޮތްކިޔަނީ އަޑީގައި ސަރުކާރު ލެވެލްގައިވެސް މީހުން ތިބޭތީ!
އަންފޮގިވަން
29 April 2017
ބަލަ އަހުންނައް ޖާހިލީ އައްވުރެން އިންސާނެއްގެ ފުރާނައިގެ އަގުބޮޑު
ހެހެހޭ
29 April 2017
ތަންދޮރު ނޭންގޭ މީހުން ހާދަ ގިނައޭ ދޯ.
ފދފ
29 April 2017
މިއީ ވަރަށް ނުބައި ފާލެއް ބޭރުގެ ބާރުތަކުން ރާއްޖޭގެ ކަނކަމުގެ ތެރެއަށް ވަނުމަށް މަގުފަހިވަނީ
ގަޓު
29 April 2017
އެއްވެސް އިންސާނަކު މެރުމުގެ ޙައްޤެއް އަނެއްއިންސާނަކަށް ލިބިގެނެއްނުވޭ.ނުބައިނުލަފާ ކާފިރުންގެ ބުރަކަށިތަކުންވެސް އިސްލާމްދީން ކުރިއަރުވާފަދަ ދަރިން އުފައްދަވާތޯ ނޫންތަ ލޮބުވެތި ރަސޫލާދުޢާ ކުރެއްވީ؟ދީން އޮޅިފަތިބި މީހުނައް ދީނުގެ އަލިމަގުދައްކަވާތޯ ނޫންތަ އަހަރުމެންވެސް ދުޢާކުރާންވީ؟ސީރިއާއޭ،ފަލަސްތީނޭ ތިޔަގޮވަނީ ބަލަ އަމިއްލަ ވަތަނާ ގާތްތިމާގެމީހުނާ ދެން ކާރީތިބިމީހުނައް ސަލާމަތްކަމާ އެހީފޯރުކޮށްދީފަ ނޫންތަ ދުރުގަ ތިބިމީހުނާއަޅާލަން އޮތީ؟އަނބިދަރީން ނާއި މައިންބަފައިން ބިކަކޮށް ހިތުގަޖައްސާފަ ސީރިޔާއައްގޮސް ބަޑިތަޅާށޭތަ އޮތީ.؟އަމިއްލަ ނަފްސަށާ އަނެކާއައް އަނިޔާކުރާށޭ އޮތީ މިމާތްދީނުގެ ކޮންފޮތެއްގަތަ؟ ބޯބުރާންތި ވެ މޮޔަވީތަ؟އޭން
މުހައްމަަާ
28 April 2017
÷ޕީޕީ އަށް މަގުމަތީގަ ޕާޓީބޭއްވޭ، އެހެންމީހުނަށް ނުބޭއްވޭ!
ކީއްވެތޭ
28 April 2017
ޔާމީންގެ މަރާ ގުޅިގެން އދ. އިން ފުލުހުންނާ ބައްދަލުކޮށްފި އެވެ. އެއީ ކޮންމެހެން މުހިއްމު ކަމެއް ނޫން ބައްދަލު ކުރުމަކީ ވެސް. އަލިފުދާލުން ވެސް ވަކި މީހަކު މަރާލުމުން ނޫން ޕޮލިހުންނާއި ބައްދަލު ކުރަން ޖެހޭނީ. އަލިފުދާލުން މީގެ ކުރީގައި އޮތީ ނިދާފައިތޭ. މިރާއްޖޭގެ ކިތައް މީހުން މަރާ ވައްޓާލިތޭ. އެއިރު ތިޔާ އަލިފުދާލު ކޮބާތޭ. މިހާރު ކުއްލި އަކަށް އަލިފުދާލު ތިޔާ ފެންމަތިވާން ފެށީ އެއީ ކީއްވެގެން ކަން މަމެންނަށް ނޭގިގެން މިޔާ އުޅެނީ. އަޅެ ބުނެދީބަލަ އަލިފުދާލުން ތީގެ ސިއްރަކީ ކޮބައިކަން.