ސިއްހީ ހިދުމަތް ދޭ ހުރިހާ ތަނެއް އޮންލައިންކޮށް ގުޅާލާ "ވިނަވި" ޕޯޓަލްގެ ހިދުމަތް މިނިސްޓަރު ނާޒިމް މިދިޔަ ފެބްރުއަރީމަހު އިފްތިތާހުކޮށްދެއްވަނީ: ސިއްހީ ޚިދުމަތްދޭ އަމިއްލަ ތަންތަނުން އާސަންދަ ނިޒާމު މިއަދުން ފެށިގެން ވަނީ ކަނޑާލާފައި.--- ފޮޓޯ/ ހެލްތު މިނިސްޓްރީ
07 މެއި 2017 - 01:49
197 comments
ސިއްހީ ޚިދުމަތްދޭ އަމިއްލަ ތަންތަނުން އާސަންދައިގެ ޚިދުމަތް މިއަދުން ފެށިގެން ކަނޑާލަން އާސަންދަ ކުންފުނިން ނިންމައިފި އެވެ.
އެ ކުންފުނިން ކުއްލި ގޮތަކަށް ނެރުނު ސާކިއުލާއެއްގައި ބުނެފައި ވަނީ އެގޮތަށް ނިންމީ އިޖުތިމާއީ ސިއްހީ އިންޝުއަރެންސްގެ ގައުމީ ނިޒާމު ހިންގާ ބޯޑުން ކަމަށެވެ. ސަބަބެއް ކަމަށް ބުނެފައި ވަނީ "އާސަންދަ ސްކީމް" ހިންގުމުގެ އުސޫލު މުރާޖައާ ކުރަމުންދާތީ އެވެ.
އާސަންދަ ކުންފުނިން ބުނިގޮތުގައި، އާސަންދަގެ ސިއްހީ ނިޒާމު ހިންގާ ބޯޑުން ނިންމާފައި ވަނީ ދައުލަތުގެ ސިއްހީ ޚިދުމަތްދޭ މަރުކަޒުތަކުގައި އިންޕޭޝަންޓް، އައުޓްޕޭޝަންޓް، ލެބޯރެޓަރީގެ ޚިދުމަތް އަދި ސްކޭންގެ ޚިދުމަތް އެއްވެސް އަގަކާ ނުލައި ފޯރުކޮށްދޭތީ، އަމިއްލަ ތަންތަނުން އެ ޚިދުމަތްތަކަށް އާސަންދަ ސްކީމްގެ ތެރެއިން ޚަރަދު ކުރުން ހުއްޓާލުމަށެވެ.
ނަމަވެސް ކުއްލި ގޮތަކަށް، ކުރިން އެންގުމަކާ ނުލައި، އަމިއްލަ ތަންތަނުން އާސަންދަގެ ޚިދުމަތް ކަނޑާލި ސީދާ ސަބަބެއް އާސަންދަ އިން ނުބުނެ އެވެ.
އާސަންދަ ކުންފުނިން ބުނީ އަމިއްލަ ތަންތަނުން އާސަންދަގެ ޚިދުމަތް ކަނޑާލި ނަމަވެސް، މިއަދާ ހަމައަށް އެޑްމިޓްކޮށް، ފަރުވާދެމުން އަންނަ ފަރާތްތަކުގެ ފަރުވާ ނިމެންދެން އާސަންދަ ސްކީމްގެ ތެރެއިން ކުރިއެކޭ ވެސް އެއްގޮތަށް ޚިދުމަތް ލިބެމުންދާނެ ކަމަށެވެ. އަދި އެ މީހުންގެ މައުލޫމާތު މިއަދުން ފެށިގެން 24 ގަޑިއިރުގެ ތެރޭގައި އާސަންދަ ކުންފުންޏަށް އެންގުމަށް ވެސް ސާކިއުލާގައި ވަނީ އެދިފަ އެވެ.
"މި ތާރީޚަށް ފަހު ސްކީމްގެ ދަށުން ފައިސޭ ދެއްކޭނީ ހަމައެކަނި މި ކުންފުންޏާ ހިއްސާކުރާ ތަފުސީލްގައި ހިމެނޭ ފަރާތްތަކަށް ހިނގާ ޚަރަދުތަކަށް އެކަނި ކަމުގައި ދަންނަވަމެވެ. އަދި މި ތާރީޚުން ފެށިގެން، އަމިއްލަ ހޮސްޕިޓަލްތައް ޑީއެމްޕެނަލްކޮށް، ވެފައިވާ އެއްބަސްވުންތައް ބާތިލް ކުރަން ނިންމާފައިވާ ކަމަށާއި އަދި މި ތާރީޚާ ހަމައަށް، ސްކީމް މެދުވެރިކޮށް ދީފައިވާ ޚިދުމަތްތަކަށް ކުރިއަށް އޮތް 30 ދުވަހުގެ ތެރޭގައި އިންވޮއިސް ފޮނުވުން އެދެމެވެ،" ސިއްހީ ޚިދުމަތް ދޭ އަމިއްލަ ތަންތަނަށް އާސަންދައިން ފޮނުވި ސާކިއުލާގައިވެ އެވެ.
"މި މުއްދަތުގައި މަގުބޫލު އުޒުރެއް ނެތި އިންވޮއިސް ހުށަނާޅާ ފަރާތްތަކަށް އިންވޮއިސް ހުށަހަޅަން އިތުރު ފުރުސަތެއް ނުދެވޭނެކަން ވެސް މައުލޫމާތަށްޓަކައި އަންގަމެވެ."
އާސަންދަ ކުންފުނީގެ ކުއްލި މި އެންގުމާ ގުޅިގެން، ރާއްޖޭގެ އެންމެ ބޮޑު އަމިއްލަ ހޮސްޕިޓަލް އޭޑީކޭ އިން ނެރުނު ބަޔާނެއްގައި ބުނީ އެ އެންގުމާ އެއްގޮތަށް، އާސަންދަ ސްކީމްގެ ދަށުން އެއްވެސް ފަރާތަކަށް އެ ހޮސްޕިޓަލުން ޚިދުމަތް ދެވެން ނެތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާސަންދަ
08 May 2017
ހަމަޔަގީނުންވެސް އިނގޭކަމަކީ އާސަންދަ ވިޔަސް އެންސްޕާ ވިޔަސް އެތަނުގަ ހިންގަންހުރިމީހަކު އެކަނި ނިންމާނެ ކަމެއްނޫން ތީކީ. މިއުޅެނީ އޮފީހަށް ހާޒިރުނުވާ މުވައްޒަފެއްވެސް ކަނޑާލުމުގެ އަމުރު ނައިސްގެން ވަޒީފާއިން ވަކި ނުކުރެވިގެން އުޅޭ ޒަމާނެއް.
އާދަނު
08 May 2017
ކޮންގޮތަކަށް ވިސްނާފަ ނިންމާ ނިންމުންތަކެއްބާއޭ މަގޭ ހިތަށްއަރާ.. މޮޔައަކުވެސް މިހާރު މިފަދަ ވިޔާނުދާ ނިންމުމެއް ނުނިންމާނެ.. އެހެންވެ މަބުނަނީ، ރައީސް ޔަމީންގެ އެޑްވައިޒަރުންނަކީ، ތަނެއްދޮރެއް އެނގޭ ބައެއް ނޫނޭ..
ނުވޭ ދެރައެއް
08 May 2017
ލޮލް. މި ދެން ޖޯކެއް ބޮޑު. ފުރިހަމައަށް އާސަންދަ ދިން ނަމަވެސް ރަނގަޅު. ސަރުކާރު ހަސްފަތާލުތަކެއް ނުހުންނާނެ ރާއްޖެއިން ބޭރުގަ ކިޔަވަން ތިބޭ ކުދިން ބަލިވީމަ ޑޮކްޓަރަށް ދައްކަން ދާކަށް. އެމީހުން ދެން އަންނަންވީ ބައްޔެއްވާ ކޮންމެ ފަހަރަކު މާލެ އަށް. އާސަންދައަށް ގުޅީ ސަލާން ޖެހުމުން ބުނަނީ މާލެ އިން ކުރެވޭ ފަރުވާއެކޭ. އެހެންވީމަ މާ ބޮޑު ދެރައެއް ނުވޭ އާސަންދަ ކަނޑާލިޔަސް. ގައިމުވެސް ސަލާން ޖަހާކަށް ނުދާނަން މިހާރުގެ ވެރިޔާ ގާތަކަށް. ވަރަށް ވެދުން.
މަރީ
07 May 2017
2018ޢަށް ވޯޓު ގަނެލަން ތައްޔާރު ވަނީ މިފަހަރު ރައްޔިތުން ވަރަށް ބިކަކޮށްލާނެ
ފަލަކް
07 May 2017
މީ އަޅެ އޯގާތެރި ސަރުކާރެއް..
އަދިވެސް
07 May 2017
އަމިއްލަ ތަންތަނުން އާސަންދައިގެ ޚިދުމަތް ކަނޑާލުމުން މައްސަލައެއް ނެތް. ސަބަބަކީ އަމިއްލަ ތަންތަނުން މިހާރު ދޭ އާސަންދަ ހިދްމަތުން ރައްޔިތުންނަށް ލިބޭ ފައިދާއެއް ނެތް. ބަލިމީހާގެ އަތުން 200 ރުފިޔާ ނަގާފައި އާސަންދައިން ވެސް 200 ރުފިޔާ ނަގާ. މީގެ ކުރިން އާސަންދަ ނެތް އިރު ބަލި މީހާ އަތުން ނަގަނީ 200 ރުފިޔާ. ހުރިހާ ހިދްމަތެއްވެސް ދެނީ ދެ ގުނަ ބޮޑުކޮށް. މިހާރު މިދޭ އާސަންދައަކީ ބަލި މީހާއަށް ދޭ ހިދްމަތަކަށް ވުރެ އަމިއްލަ ކުލިނިކުތަކާއި ހޮސްޕިޓާތައް މުއްސަނދި ކުރުމަށް އޮތް އެއްޗެއް.
ޕީ ޕީ
07 May 2017
ލިބުނު ކާމިޔާބީގާ ރައްޔިޔުންނަށް ދެއްވި ބޮޑު އިނާމް، ( އަމިއްލަ ތަންތަނުން އާސަންދައިގެ ޚިދުމަތް ކަނޑާލައިފި) ކުރިޔަށްހުރި ފަސޭހަތަށް - އައިޖީ އެމްއެޗް ގެ ހިދުމަތުގެ އަގުބޮނޑު ވާނެ - ކާބޯތަކެތީގެ އަގުމަތިވާނެ، - ކަރަންޓްގެ އަގުބޮނޑުވާނެ، - ފޯނުބިލް ބޮނޑުވާނެ ބަލިވީމާ ރޯންވީ
އާނަ
07 May 2017
ޓެކުސް ފައިސާއިން ކީތްކުރަނީ ، އަހަރުންނަކަށް ފަސޭކަމެއްނޫން ދެމަސްވަންދެން ޑަކްޓަރަށް ނުދެއްކި ކިއުގަ ތިބެން . ސާލަލު ސްޓިކާ އަތްވެސް އެތަށް ރުފިޔާއެއް އެބަނެގޭ، ދެން ކިހިނެތް އުޅޭނީ މިގައުމުގަ، އެކި ނަންނަމިގަ ލާރި އެބަނެގޭ ދެކޮޅުނުޖެހޭ ވަރަށް ...
މީމުހާ
07 May 2017
ރައްޔިތުންދެކެ ރުޅިއައިސްގެން ލިބޭނެ މޮޅެއް ނެތް. ދެންވެސް ނާކާމިޔާބީގައި ހިތްވަރުގަދަކޮށް ރައްޔިތުންނަށް ހެޔޮ ވެރިކަމެއް ކޮށްދޭންވީ.. ރައްޔިތުންނަށް ޖެއްސުންކޮށް އަދަބުދޭންވީކީ ނޫން. ނޫންނަމަ މާދަމާ ރައްޔިތުން ނުކުމެ މިސަރުކާރަށް އަދަބުދީ ގެޔަށް ފޮނުވާލާނެ! ނަތީޖާ ވަރަށް ސާފް ދޮއްތޯ؟
ލަލީގާ
07 May 2017
ރައްޔިތުން... ހުރިހާ ޓެކްސް ކަނޑާލާ .. ހުރިހާ އެންމެން ޖަލަކަށް ނުލެވޭނެ .. އޭރުން ޖަލުމީހުންނަށް ކާންދޭނީ ކިހިނެއް .. ވީމާ .. ސަރުކާރަށް ދައްކަން ހެހޭނެ އެއް ވެސް ޓެކްސް އެއްނޯންނާން .. ޓެކްސް ފްރީވީ ..