ގަތަރުގެ ވެރިރަށް ދޯހާގެ އުސް އިމާރާތްތައް. --ފޮޓޯ:އޭއެފްޕީ
05 ޖޫން 2017 - 14:09
6 comments
ދޯހާ (ޖޫން 5) - ގަލްފުގެ ތިން ގައުމަކުން ސިޔާސީ ގުޅުން ކަނޑާލުމުން ގަތަރުން އެ ގައުމުތަކަށް ފާޑު ކިޔައިފި އެވެ.
ގަތަރުން ޓެރަރިޒަމަށް ވާގިވެރިވާ ކަމަށް ބުނެ ސައުދީ އަރަބިއާ، ޔުނައިޓެޑް އަރަބް އެމިރޭޓްސް އަދި ބަހުރޭނުން ވަނީ އެ ގައުމާ ސިޔާސީ ގުޅުން ކަނޑާލައިފަ އެވެ. އަދި މިސްރާއި ޔަމަނުން ވެސް ވަނީ ގަތަރާ ގުޅުން ކަނޑާލައިފަ އެވެ.
ގަތަރުގެ ޚާރިޖީ ވުޒާރާ އިން ނެރުނު ބަޔާނެއްގައި ބުނީ އެ ގައުމާ ސިޔާސީ ގުޅުން ކަނޑާލީ ނާއިންސާފުން ކަމަށާއި ބޭނުމަކީ އެ ގައުމުތަކުގެ ކޮންޓްރޯލް ގަތަރުގެ މައްޗަށް ހިންގުން ކަމަށެވެ.
"ގަތަރާ ގުޅުން ކަނޑާލީ އެއްވެސް އަސްލެއް ނެތް ތުހުމަތުތަކަކަށް ބިނާކޮށް. މަގްސަދު ވަރަށް ސާފު. އެ ގައުމުތަކުން ގަތަރުގެ މައްޗަށް ނުފޫޒު ހިންގުން. އެކަމަކު އެއީ ގަތަރުގެ އިސްތިގްލާލަށް ހުރަސް އެޅުން،" ޚާރިޖީ ވުޒާރާގެ ބަޔާނުގައި ބުނެފައިވެ އެވެ.
ދެހާސް ބާވީސް ވަނަ އަހަރުގެ ވޯލްޑް ކަޕް ބާއްވާ ގަތަރުން ބުނީ އެއްގަމާއި ވައި އަދި ކަނޑުމަގުން ގަތަރާ ގުޅުން ކަނޑާލުމަކީ ގަތަރުގެ ރައްޔިތުންގެ ކޮންމެ ދުވަހެއްގެ ދިރިއުޅުމަށް އެކަމުން އަސަރު ކުރާނެ ކަމެއް ނޫން ކަމަށެވެ.
"ގަތަރުގެ އިގްތިސާދަށާއި މުޖްތަމައަށް ގެއްލުންދޭން ކުރި ކަންތަކުގެ ދިފާއުގައި ގަތަރުން ވެސް ފިޔަވަޅުތައް އަޅަމުން ގެންދާނަން،" ބަޔާނުގައި ބުނެފައިވެ އެވެ.
އެއްގަމު މަގުން ގަތަރު ވަނީ ސައުދީ އަރަބިއާއާ ގުޅިފަ އެވެ. އެ ގައުމާ ދެން އެންމެ ކައިރީގައި ވަނީ ބަހުރޭނާއި ޔޫއޭއީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަތަރު
06 June 2017
ނަގޫފިތުނީ ދޯ، ބަލައަހަރެމެންނަށް ހީނުވާނެކަމެކޭވެސް.
ސިޔާސީ
06 June 2017
ތީ ހަރާމް ބޮޑު ބަގާވާތެއް ކޮއްފައިވާ މިސްރުގެ ރޭވުމެއް | އުންމަތުގެ ބައްޕަ ތިޔޮތީ ކާފަރުންގެ ފިކުރުގައި ޖެހި ސިޔާސީގޮތުން މުނާފިގު ވެވިފައި ވ ސަލާމް
މެކުސް
06 June 2017
ކޮލޮމްބޯ ގެ ނަމުގަ ކޮމެންޓުކުރަނީ ވާނުވާ ނޭންގޭ ބޯގޯސް މޮޔައެއް
އަހުމަދުބެ
05 June 2017
އެންމެ ފަހުން އެމެރިކާ ގެ ކެހިވެރި ރޭވުމުގެ ދަށުގައި މުސްލިމް ގައުމުތައް ވެސް ޖެހެނީއެވެ. ޓެރަރިޒަމް މިހާރު އެއްގައުމުން އަނެއް ގައުމަށް ގުޅުން ކަނޑާލުމުގެ ވަސީލަތަކަށް ވީއެވެ. ގައިރު މުސްލިމުން އެއްބަޔަކު އަނެއްދޭ ތެރޭ ބަޔަކަށް ޓެރަރިޒަމް ގެ ބިރު އޮންނަ ވާހަކަ އެއް ނުދައްކަ އެވެ.
ކޮލޮމްބޯ
05 June 2017
ދިވެހިރާއްޖެއިންވެސް ގަތަރު ސަރުކާރާއި ސިޔާސީ ގުޅުން ކަނޑާލައިފިއެވެ. ޣަރްދާވީ ކަހަލަ ނުލަފާ ބަޔަކުވަނީ ގަތަރު ސަރުކާރު ހައިޖެކް ކޮއްފައެވެ. އަދި ކަނޑައެޅިގެން، ބޮޑެތި ޓެރަރިސްޓުންނަށް ގަތަރު ސަރުކާރުންދަނީ ހިމާޔަތް ދެމުންނެވެ.
ނައީމާ އާދަމް
05 June 2017
ދިވެހި އެތަަށް ކުދިންނެއް ގަތަރު އަދި ދުބާއީގައި ވަޒީފާއަދާކޮށް ދިރިއުޅެމުންދޭ. ދިވެހި ފޮރިންމިނިސްޓްރީން ދިވެހިންގެ ހާލަތު ބައްލަވަމުން އެބަގެންދަވާތޯ؟ ނުރައްކަލެއްގެ ހާލަތުގައި އެނބުރި ގައުމަށް ގެނެވޭނޭ ގޮތްތަކެއް ރޭވިފައިއެބައޮތްތޯ؟