އދ. ގެ އިންސާނީ ހައްގުތަކާ ބެހޭ ކައުންސިލްގެ ބައްދަލުވުމެއް: ރާއްޖެއަކީ ވެސް އެ ކައުންސިލްގެ މެމްބަރެއް
07 ޖޫން 2017 - 15:56
68 comments
ރާއްޖޭގެ އިންސާނީ ހައްގުތަކުގެ ހާލަތު އޮތް ގޮތާ މެދު 30 ގައުމަކުން އދ. ގެ އިންސާނީ ހައްގުތަކާ ބެހޭ ކައުންސިލްގައި މިއަދު ކަންބޮޑުވުން ފާޅުކޮށްފި އެވެ.
ޖެނީވާގައި މިހާރު ކުރިއަށް ދާ އިންސާނީ ހައްގުތަކާ ބެހޭ ކައުންސިލްގެ 35 ވަނަ ސެޝަންގައި ރާއްޖެއާ މެދު ކަންބޮޑުވުން ފާޅުކުރީ އެމެރިކާ އާއި ޔޫރަޕްގެ ގައުމުތައް ހިމެނޭ ގޮތުން 30 ގައުމަކުންނެވެ. އެ ގައުމުތަކުގެ ފަރާތުން ގުޅިގެން ނެރުނު ބަޔާން އެ ކައުންސިލްގައި އިއްވީ އިނގިރޭސި ވިލާތުންނެވެ.
އެ ބަޔާނުގައިވާ ގޮތުން ޚިޔާލު ފާޅު ކުރުމުގެ މިނިވަން ކަމަކީ ރާއްޖޭގެ ގާނޫނު އަސާސީންނާއި ބައިނަލްއަގްވާމީ މުއާހަދާތަކުން ކަށަވަރު ކޮށްދޭ ހައްގަކަށް ވާއިރު އެއާ ޚިލާފަށް ރާއްޖޭގައި ވަނީ އެ ހައްގު ހަނިކޮށްފަ އެވެ. އިދިކޮޅު ސިޔާސީ ހަރަކާތްތަކަށް ފުރުސަތު ލިބެންޖެހޭނެ ކަމަށާއި ޑިމޮކްރަސީ ހަރުދަނާ ކުރުމަށް އިދިކޮޅު ސިޔާސީ ހަރަކާތްތަކަށާއި ޚިޔާލު ފާޅު ކުރުމާއި އެއްވެ އުޅުމުގެ މިނިވަންކަން އެންމެންނަށް ލިބެންޖެހޭނެ ކަމަށް އެ ބަޔާނުގައިވެ އެވެ.
މީގެ އިތުރުން ޝަރުއީ ނިޒާމާއި މިނިވަން މުއައްސަސާތަކުގެ މިނިވަންކަން ދަމަހައްޓަން ޖެހޭނެ ކަމަށާއި ތިން ބާރު ވަކިވެފައިވާ ފާރަވެރި ނިޒާމެއް ފުރިހަމަ އަށް ގާއިމް ކުރުމަކީ ވެސް ޑިމޮކްރަސީ ހަރުދަނާ ކުރަން މުހިންމު ކަމެއް ކަމަށް އެ ބަޔާނުގައިވެ އެވެ.
އަނިޔާވެރިކޮށް މަރާލި ޔާމީން ރަޝީދުގެ މައްސަލައިގައި މިނިވަން ތަހުގީގެއް ހިންގަން ސަރުކާރުން ކުރަމުންދާ މަސައްކަތަކަށް މަރުހަބާ ކިޔާ ކަމަށާއި ޔާމީނަކީ ގެއްލިފައިވާ ނޫސްވެރިޔާ އަހުމަދު ރިލްވާންގެ މައްސަލައިގައި އެ ކައުންސިލަށް ހާޒިރުވެ، ވާހަކަ ދެއްކި މީހެއް ކަމަށް ވެސް އެ ބަޔާނުގައިވެ އެވެ. އަދި އިންސާނީ ހައްގުތަކަށް މަސައްކަތް ކުރާ ފަރާތްތަކާ ދެކޮޅަށް ހިންގާ ޖަރީމާތަކާ ދެކޮޅަށް ފިޔަވަޅު އެޅުމަށް އެ ބަޔާނުގައި ގޮވާލާފައިވެ އެވެ.
ރާއްޖޭގެ އިންސާނީ ހައްގުތަކުގެ ހާލަތު ރަނގަޅު ކުރަން ރާއްޖެ އިން އެ ކައުންސިލަށް އެއްބާރުލުން ދޭނެ ކަމަށް އުއްމީދު ކުރާ ކަމަށާއި އެ ކަމުގައި ރާއްޖެ އަށް އެހީވާން ތައްޔާރަށް ތިބި ކަމަށް ވެސް އެ ބަޔާނުގައި ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ
08 June 2017
196 ގައުމު އޮންނައިރު ޔޫއެންގެ މެމްބަރު ގައުމުތަކުގެ ގޮތުގައި 193 ގައުމު ހިމެނޭއިރު އޭގެ ތެރެއިން 30 ގައުމުން ކަންބޮޑުވާއިރު 158 ގައުމުން އެއްވެސް އެއްޗެކޭ ނުބުނާއިރު މެޖޯރިޓީއަކީ 30 ގައުމު ކަމަށް ދެއްކުމަކީ ޑިމޮކްރަސީތޯ ސުވާލުކޮށްލަން ބުއްދިވެރި ލިޔުންތެރިޔާ މިކަމަށް އަލިއަޅުވާލިނަމަ ވަކިފަރާތަކަށް ނުޖެހި ލިޔެފައިވާ ލިޔުމެއްކަމަށް ބުނެވިދާނެ
ރީނދޫ
08 June 2017
ތިއީ ރީނދޫ ޕޯޑިއަމެއްގެ ވަށައިގެން ރީދޫ ގޮނޑިތަކެއްގަ ތިބެގެން ނިންމާފައިވާ ރީނދޫ ނިންމުމެއް. ތިއެއް ބަލައެއްނުގަނެވޭނެ.
ގިނަ
08 June 2017
ކަންބޮޑުނުވާ މީހުން ގިނައީ
ބޯދާ
08 June 2017
ފަލަސްތީނު ރައްޔިތުންނާއި ޢިރާގާއި ޔަމަން އާއި ސޫރިޔާއާއި ލީބިޔާއާއި އަފްގާނިސްތާނު ރައްޔިތުންނާ މެދު ކަންބޮޑުވޭތޯ؟ މިއީ ހައްތާވެސް ހުޅުގުގެ ގައުމުތަކުގެ މަދަދާއެކު ނުވަތަ އެމީހުންގެ ސީދާ ހަމަލާތަކުންނާއި ބައިވެރިވުމާއެކު އިންސާނިއްޔަތާ ޚިލާފު ބޮޑެތި ޖަރީމާތައް ހިންގައިފައިވާ ނުވަތަ ހިނގަމުން ދާ ގައުމުތައް. މިތަންތަނުގައި އޮތް ސަރުކާރުތަކަކީ ހުޅަގުން ބޭނުންވާ ގޮތްނޫން ގޮތްތައް ގެންގުޅޭ ސަރުކާރުތައްކަމުގައި ދެކެ އެތަންތަނުގެ ވެރިންވަނީ އިހާނެތި ގޮތްގޮތަށް ބަދަލު ހިފުމުގެ ރޫހުގައި މަރާލާފައި.ކުށެއް ނެތް އެތަށް ރައްޔިތުންނެއް މަރާލާ، އެތައް ބަޔަކު ނުކުޅެދުންތެރި ވެފައި.ޖީލެއް އެއްކޮށް ތަޢުލީމުންމަހުރޫމް ކޮށްލާފައި. އ،ދ ންނާއި އިންސާނީ ހައްޤުތަކައިގެން ނިދިނައިސްގެން އުޅޭ ހުޅަގު ގަމުތަކުން މިޖަރީމާތަކާބެހޭ ރިޕޯޓެއް ލިޔެ ދުނިޔެއަށް ހާމަކުރުމަށް ގޮވާލަން.
ފަރީނާ
08 June 2017
ނުޖެހޭ ރާއްޖޭގެ ހާލަތާއި މެދުގައި ކަންބޮޑުވުން ފާޅު ކުރާކަށް. އެމީހުންގެ އަމިއްލަ ގައުމުގެ ހާލައިގެން އުޅުނީމަ މާ ރަނގަޅުވާނެ. އެއުޅެނީ މުޅިންވެސް ރާއްޖޭގައި ކޮންމެ ދީނަކަށް ވެސް އުޅުމުގެ ފުރުސަތު ނުދީގެން..
ޖާންސީ
08 June 2017
މި ރިޕޯރޓްގަ ކީއްވެބާ ނުލިޔުނީ އެ ޤައުމުތަކުގެ ތެރޭގައި އިންސާނީ ހައްގު އެންމެ ބޮޑަށް ރައްކާތެރި ކުރާ އިޒްރޭލު ވެސް ހިމެނޭ ވާހަކަ!
ދެލޮލުގެ ދުރުމި
08 June 2017
އަމިއްލަ ޙާލަތަށް ނުވިސްނާނަމަ ދެން ކޮންކަމަކަށްތޯ ވިސްނާނީ
ފަގީރުކޮއި
08 June 2017
ކޮއްކޮމެންނޭ، ތިޔަ 30 ގައުމަކީ ހުދުފޮތިކޮޅެއް ފަދަ ގައުމުތަކެއް. ޚާއްސަކޮށް އިޒުރޭލަކީ އިންސާނީ ކަރާމަތާ ރައްކާތެރިކަމަށްޓަކައި 24 ގަޑީއިރު މަސައްކަތްކުރާބައެއް. އެވެރިން އެހައްދަވަނީ ހަމަސީދާތެދު.
މުގާބޭ ގެ ބައްޕަ
08 June 2017
ރާއްޖޭގައި އެމީކު ބޭނުން ދީނަކަށް އެމީހަކު އުޅުމުގެ މިނިވަން ކަން ނުލިބޭހާ ހިނދަކު ރާއްޖެއާ މެދު ކަލޯމެން ކަންބޮޑުވާނެ އެވެ.. ބަލަ އިޒްރޭލުން ފަލަސްތީނު ރައްޔިތުން މަރާ އަނިޔާ ކުރާ އިރު ކަލޯމެން ކަންބޮޑު ނުވަނީ ކީއްވެ ބާއެވެ
މޮހޮނު
08 June 2017
އެހީއަތެއްދިމާކޮއްލަން ފަރާތަކުން އެދުނަސް އެއަޑު އިވޭ ކަމައް ނުަހަދާ ތީވަރައްދެރަވޭ