ސްޓެލްކޯގެ މެނޭޖިން ޑިރެކްޓަރު އަހުމަދު ޒުހޫރު: މާލެއިން ކަރަންޓް ކެނޑުމުގެ މައްސަލަ ދިމާވަނީ ކޭބަލްތައް މާބޮޑަށް ބަލިކަށިވުމުން ކަމަށް އޭނާ ވިދާޅުވޭ.
15 ޖޫން 2017 - 14:00
30 comments
މާލޭގައި މިހާރު ކަރަންޓް އުފެއްދުމުގައި މައްސަލައެއް ނެތް ކަމަށާއި ކަރަންޓް ކެނޑެނީ ކޭބަލް ނެޓްވޯކް މާބޮޑަށް ބަލިކަށިވުމުން ކަމަށް ސްޓެލްކޯގެ މެނޭޖިން ޑިރެކްޓަރު އަހުމަދު ޒުހޫރު މިއަދު ވިދާޅުވެއްޖެ އެވެ.
ސްޓެލްކޯގެ މެނޭޖިން ޑިރެކްޓަރު ކަމަށް ދާދިފަހުން އައްޔަންކުރެއްވި ޒުހޫރު ވިދާޅުވީ މާލޭގައި އަޅާފައިވާ ކޭބަލް ނެޓްވޯކަކީ ވަރަށް މުސްކުޅި ނެޓްވޯކެއް ކަމަށެވެ. އަދި މާލޭގައި ކަރަންޓް ބޭނުންކުރާ މިންވަރު އިތުރުވަމުންދާ މިންވަރާ ބަލާއިރު މިހާރު އަޅާފައިވާ ކޭބަލްތައް މާބޮޑަށް ބަލިކަށިވުމުން ބައެއް ފަހަރު ލޯޑް ނުހިފެހެއްޓޭ ކަމަށް ވެސް އޭނާ ވިދާޅުވި އެވެ.
"މި އުޅެނީ ޕަވާ ހައުސްގެ ކެޕޭސިޓީ މައްސަލައެއް ނޫން. މާލޭގައި ވަޅުލާފައިވާ ކޭބަލްތައް ދުވަސްވެ ބަލިކަށިވުމުން ޝޯޓް ސާކިޓްތައް އަންނަނީ. އެ މައްސަލަ ދިމާވާއިރަށް ސިސްޓަމުން ކަރަންޓް ކަނޑާލަނީ. އޭގެ އިތުރުން ބައެއް ސަރަހައްދުތައް ކޮނެގެން މަސައްކަތްކުރާއިރު ކޭބަލް ބުރިވުމުގެ މައްސަލަތައް ވެސް އެބަ ދިމާވޭ،" މަގާމާ ހަވާލުވެވަޑައިގެން ފުރަތަމަ ފަހަރަށް ދެއްވި އިންޓަވިއުއެއްގައި ޒުހޫރު ވިދާޅުވި އެވެ.
އޭނާ ވިދާޅުވީ މާލޭގައި ކަރަންޓް ދިނުމަށް އަޅާފައިވާ ނެޓްވޯކަށް މިހާރު ގާތްގަނޑަކަށް 50 އަހަރުވެފައިވާ ކަމަށެވެ. އެހެންވެ އެ ނެޓްވޯކު އަޕްގްރޭޑްކުރުމުގެ މަސައްކަތް ސްޓެލްކޯއިން ކުރަމުން އަންނަ ކަމަށް ވެސް ޒުހޫރު ވިދާޅުވި އެވެ.
"މާލެއަކީ ޕްލޭން ސިޓީއެއް ނޫންވީމަ މިކަހަލަ ބައިވަރު މައްސަލަތައް އެބަ އުޅޭ. އެ މައްސަލަތައް ހައްލުކުރަން ވަގުތު ނަގާނެ. އަޅުގަނޑުމެން މިގެންދަނީ މެދުނުކެނޑި އެކަންތައް ރަނގަޅުކުރަން މަސައްކަތްކުރަމުން،" އޭނާ ވިދާޅުވި އެވެ.
ޒުހޫރު ވިދާޅުވީ މާލޭގެ މަގުތައް ކޮންނަ ބައެއް ފަރާތްތަކުން ފަރުވާކުޑަކުރުމުގެ ސަބަބުން ކޭބަލަށް ގެއްލުންތައް ލިބޭ ކަމަށެވެ. އަދި އެކަމަކީ ސްޓެލްކޯއަށް ހައްލުކުރެވޭނެ ކަމެއް ނޫން ކަމަށް ވެސް އޭނާ ވިދާޅުވި އެވެ.
މިއަދު ހެނދުނު ވެސް މާލޭގެ ބޮޑު ބަޔަކުން ކަރަންޓް ކެނޑިގެން، އާއްމުންނަށް ވަނީ ވަރަށް ބޮޑެތި ދަތިތަކާ ކުރިމަތިލާން ޖެހިފަ އެވެ.
ސްޓެލްކޯއިން ބުނެފައި ވަނީ މާލޭގެ އެކި ސަރަހައްދުތަކުން ކަރަންޓް ކެނޑުނީ ކޭބަލަކަށް ދިމާވި މައްސަލައަކާ ގުޅިގެން ކަމަށެވެ. އެ މައްސަލަ ހައްލުކޮށް، މިހާރު ކަރަންޓް ދޭން ފަށާފައިވަނީ މިއަދު މެންދުރު 11 ޖަހާކަންހާއިރު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަގަމަޑުމިތުރު
16 June 2017
ކަރަންޓުގެ އަގު ދެގުނަ ބޮޑުވެގެން ދިޔައިރު ކަރަންޓް ވިއުގަ އެކްސްޕަޔަރ ވެފައޮތުމުގެ ޒިއްމާ ނަގާނީ ޚިދުމަތް ދޭފަތުންހެއްޔެވެ ނުވަތަ ޚިދުމަތް ހޯދާ މީހުން ހެއްޔެވެ؟ އަޅުގަޑު ގަބޫލުކުރާގޮތުން އަގުތައް އަޕްގްރޭޑް ވެގެންދާއިރު ނެޓްވޯކްވެސް އަޕްގްރޭޑް ކުރަށް ޖެހޭނެއެވެ.
އިކޮނަމިސްޓްކާލި ފުރޭތަ
16 June 2017
50 އަހަރޭ މަގޭ އުމުރުން މިވީ 40 އަހަރު މށަކީވެސް މާލެޔައް އުފަން ގަލޮޅުގަ އުޅެބޮޑުވި މީހެއް ގ ރަތްވިލާ ގޯޅީގެ މަގުތައް ހީވާނީ ރާޅުބާނިތަކެއްހެން އޭރު ކަރަންޓުވެސް ހުރީ މަތިންދަމާފަ ވީމާ ކިހިނެއްތޯ 50 އަހަރުވަނީ ހަމަ ބުރިޖުއަޅަން ޖަހާހިސާބު ތިޖަހަނީ ބާކީބައި ވަންނަނީ ކޮންތާކައްބާ
6ބޭސް
16 June 2017
ނެޓްވޯކް އޭ އެވިދާޅުވަނީ ސަރުކާރަށްތޯ؟ ބުރިޖު އެޅޭ...ނެޓްވޯކް އޯވަހޯލް ކުރާނެފެންވަރުވެސް ނެތް...ޕިސްޕިސް
ައައްސަލަ (އަސްލު މައްސަލަ)
16 June 2017
އަސްލު މައްސަލައަކީ މިފަދަ ފަންނީ ދާއިރާތައް ސިޔާސީ މީހުން ލައިގެން ހިންގުން. 1970 އާއި 1980 އާއި 1990 ގެ ކުރީކޮލުގަ ރާއްޖޭގެ މުއައްސަސާތައް އިލްމީ ގޮތެއްގައި ކުރިއައް ގެންދެވުނު. އެއިރައްވުރެ މިއަދު އިލްމީމީހުން ގިނަ ނަމަވެސް މިހާރު ތަންތަން ހިންގަނީ ސިޔާސީ ކޮށް. ވީމާ ކޮއްމެހެން އިދިކޮލުޕާރޓީ ތަކުން ފެއިލް ކުރަންވެސް ނުޖެހޭ. މުއައްސަސާތައް އަމިއްލަ އައް ހުލިވާނެ. އެފްރިކާގެ ގައުތައްވެސް ބޮއްސުންލީ ސިޔާސީ ވެގެން. އެހެންނޫނަނަމަ ޒިމްބާބްވޭފަދަ ގަމުތަކަކީ ތިޔާގި ތަންތަން ކަމައްވީސް.
އަހުމަދު
16 June 2017
އެހެންވީމާ އެއީ ސްޓެލްކޯގެ މައްސަލައެއް ނޫން ދެއްތޯ!.
ދިވެއްސެއް
16 June 2017
ޕްލޭން ސިޓީއެއް ނޫންވީމަ، ކެޕޭސިޓީއާއި ލޯޑް ދިމާނުވާތީ، މުސްކުޅި ނެޓްވޯރކް އޮތީތީވެސް ތިޔަ ލޮބުވެތި ގްރޭޓް "ކެޕިޓަލް ސިޓީ"އަށް މިވަގުތު އޮތީ އެންމެ ޙައްލެކެވެ. ރަމަޟާންމަހު ތިޔަ އިތުރުފުޅުތައް ނުހައްދަވާ މާލެ ޑިޕޮޕިޔުލޭޓްކުރައްވާ ތަރައްޤީއާއި ތަހުޒީބުވުން މުޅިރާއްޖެއަށް ހަމަހަމަ އުސޫލަކުން ބައްސަވައިދެއްވާށެވެ. ދިވެހިންނަކީ ހަމައެކަނި މާލޭގައި އުޅޭ ބައެއްވެސް ނޫނެވެ.
ނަންނުކިޔާ
16 June 2017
ޒުހޫރޫ، ދޮގު ހެދޭތޯ އުޅެނީ ، މަށަކަށް ހިޔެއް ނުވެ މިކަލޭގެ އަކަށް ހައި ވޮލްޓޭޖް / ލޯވޮލްޓޭޖް އަދި އަނބެއް ، ދުނބުރި އެއްވެސް ވަކި ކުރަން އެނގޭނެ ހެން
ހުނިހަކުރު
16 June 2017
ދެން އަވަހަށް ކޭބަލްތައް ބަދަލްކުރަން ފަށާ ދެން އޭރުން އަނެއްކާ އިންޖީނުތަކުގެ މައްސަލަ ޢެހެންތަވާނި ގެންނަނީ ބައު އިންޖީނު
ގުނބޯ
16 June 2017
މި ހުރިހާ ތަނަކަށް ހުރިހާ ވަޒީފާ އަކަށް ފިޓް މީހެއް، ނޭގޭ އެއްޗެއް އޮންނާނެ ކަމައް ނުބެލެވޭ.
ފާނޫޒް
16 June 2017
ސްޓެލްކޯއިން ކުރިން ބުނެފައިއޮތީ ގިނަގިނައިން ކަރަންޓް ކެނޑެނީ އަލަށް ބެހެއްޓި އަށް މެގަވޮޓްގެ ޖަނެރޭޓަރު ޓެސްޓު ކުރުމުގެ ތެރޭގައި ދިމާވާ ޓެކްނިކަލް ކަންތައްތަކުގެ ސަބަބުން ކަމަށް. މިހާރު ތިޔަ ބުނަނީ ކަރަންޓް ކެނޑެނީ ކޭބަލް ނެޓްވޯކް މާބޮޑަށް ބަލިކަށިވުމުން ކަމަށް. ހަމަ ދޮގު ހެދުން ނޫން ކަމެއް ނެތް!