އިއްސެ މަރާލާފައި އޮއްވާ ފެނުނު އައިސް ޕްލާންޓް: އެ މަރާ ގުޅިގެން ފަސް ބިދޭސީއަކު ވަނީ ހައްޔަރުކޮށްފައި
22 ޖޫން 2017 - 11:31
3 comments
ހއ. އިހަވަންދޫގައި ހުންނަ މިފްކޯގެ އައިސް ޕްލާންޓްގެ މެކޭނިކް އިސްމާއިލް އުމަރު (އިއްސެ) އަށް ހަމަލާދީ މަރާލި ކަމުގެ ތުހުމަތުގައި ހައްޔަރު ކުރި ބިދޭސީންގެ ބަންދަށް، ކޯޓުން މިއަދު 15 ދުވަސް އިތުރު ކޮށްފި އެވެ.
ފުލުސް އޮފީހުން ބުނީ އިއްސެގެ މަރާގުޅިގެން ފަސް ބިދޭސީއަކު ހައްޔަރު ކޮށްފައިވާ އިރު އެ އެންމެންގެ ބަންދަށް ވެސް 15 ދުވަސް އިތުރު ކޮށްފައިވާ ކަމަށެވެ. އެކަމަކު އެ މީހުން މާލެ ގެނައިކަމެއް އަދި މިހާރު ތިބި ތަނެއް ވެސް ފުލުހުން ނުބުނެ އެވެ.
ފުލުހުން ބުނާ ގޮތުގައި ހައްޔަރު ކުރި ބިދޭސީންގެ ތެރެއިން ޝުމާން މިއާ ކިޔާ މީހަކު ވަނީ އިއްސެެ މަރާލި ކަމަށް އެއްބަސްވެފަ އެވެ. އަދި ހަމަލާ ދޭން އޭނާ ބޭނުން ކުރި ވަޅި އާއި ހަމަލާ ދިން އިރު ލައިގެން ހުރި އަންނައުނު ވެސް ފުލުހުން ވަނީ ހޯދާފަ އެވެ.
އެ މައްސަލައާ ގުޅިގެން އެންމެ ފުރަތަމަ ވެސް ހައްޔަރު ކުރީ އޭނާ އެވެ.
ފުލުހުން ބުނީ މި މައްސަލައިގައި ޝުމޮން މިއާގެ އަތެއްވާ ކަމަށް ރައްޔިތުން ޝައްކުކުރީ، އިއްސެ މަރާލާފައި އޮއްވާ ފެނުނުތާ ތިން ދުވަސް ކުރިން އޭނާ ރަށުން ފިލުމުންނެވެ. އެ މީހާ ހޯދަން އިއްސެ އާއި އޭނާގެ ގާތް މީހުން މަސައްކަތް ކުރި ނަމަވެސް ނުފެނުމުން ނިންމައިގެން ތިބީ އޭނާ ފިލައިގެން ދިއްދު އަށް ދިޔައީ ކަމަށެވެ.
އެކަމަކުު އިއްސެ މަރާލި ރޭ ޝުމޮން ޑިންގީއެއްގައި އިހަވަންދޫން ފުރައިގެން ހޯރަފުށްޓަށް ދިޔަކަން އެނގުމާ އެކު، އިއްސެގެ މަރުގެ ފަހަތުގައި އޭނާގެ އަތެއް ވާ ކަމަށް އިހަވަންދޫ މީހުންނަށް ޝައްކު ކުރެވުނީ އެވެ. އިހަވަންދޫން ވާހަކަ ދެއްކި މީހުން ބުނެފައިވާ ގޮތުގައި ޝުމޮންއާ އެއްވެސް މައްސަލައެއް ނުޖެހޭ ކަމަށް އިއްސެ ވަނީ ބުނެފަ އެވެ. އޭނާ ފިލީ ބޮޑު މުސާރައެއް ހޯދަން އެހެން ތަނަކަށް ދާން ވެގެން ކަމަށް އިއްސެ ގަބޫލުކުރި ކަމަށް ވެސް "މިހާރު"އާ ވާހަކަ ދެއްކި މީހަކު ކިޔައިދިނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާތުމަ
22 June 2017
ބިދޭސީން އެތެރެކޮށްގެން ކައިގެން ބޮއެގެން އުޅޭމީހުން މަދެއްނޫން
ރަދީފް
22 June 2017
ބީދޭސީންގެ އުނދަގޫ ދިވެހިރާއްޖޭގަ ވަރަށް ބޮޑު. މިކަމުގަ ދިވެހިންގެ އިހްމާލުވެސް ކުޑައެއްނޫން. ބޯކޮށާ ތަަނަކަށް ދިޔައަސް މިޖެހެނީ ބިދޭސީ މިހާ އަތަށް ކަނދުރާދީގެން އޮންނަން، މިހާރު ކިތަންމެ ދުވަހަކު މަގޭ ކަރުގެ އެކިތަންތަން ކުރަފަތުން ކަނޑާލައިފި، ކެނޑުނީމަ މިބުނަނީ ''އެއީ މައްސަލަނެތީ ، ބޮރޯބަރު ވަނީ''. ކޮބައިތޯ ބޯކޮށުމުގެ އެކި ކޯސް ހަދާފަ ނިކުންނަ ޒުވާނުން.ޒުވާނުން އެބަޖެހޭ ނިކުމެ ބޭރު މަސައްކަތު މީހުންގެ އަތުން ވަޒީފާގެ ބާޒާރުގެ 80 އިން ސައްތަ ހޯދަން. ލޯކަލް މާރުކޭޓަށް މިރުހެއް ގަންނަން ދިޔައަސް އެމީހުން މިތިބެނީ. ދެރަކަމެއް. ވ.ވެދުން
އަލީ
22 June 2017
ލޯކަލް މާރުކޭޓް ބަންގާޅު މާރުކޭޓަށްވެއްޖެ... އެމީހުންގެ އަމިއްލަ ވިޔަފާރިވެސް ލޯކަލް މާރުކޭޓުގަ ހިނގާ.. ދިވެހި މީހާގެ ނަން އިންނަކަން އެކަނި.