ސަރުކާރުގެ ހިޔާނާތް ކަމަށް ބުނެ އަލްޖަޒީރާ އިން ތައްޔާރު ކުރި ޑޮކިއުމެންޓްރީގެ ޓީޒާއެއް.
22 ޖުލައި 2017 - 21:43
13 comments
ދިވެހި ސަރުކާރުގެ ތެރޭގައި ހުރި ހިޔާނާތާއި ވައްކަންތައް ހާމަވާ ގޮތަށް އަލް ޖަޒީރާ އިން ތައްޔާރުކުރި ތަހުގީގީ ރިޕޯޓް ރީބްރޯޑްކާސްޓް ކުރުމާ ގުޅިގެން މީޑިއާ ނެޓުން ޖޫރިމަނާގެ ގޮތުގައި ދައްކަން ޖެހުނު ފަސް ލައްކަ ރުފިޔާ އެ ކުންފުނިން ދައްކައިފި އެވެ.
ބްރޯޑްކާސްޓިން ކޮމިޝަންގެ ސެކްރެޓަރީ ޖެނެރަލް މުހައްމަދު ނާސިހު މިރޭ ވިދާޅުވީ ޖޫރިމަނާ ގޮތުގައި އެ ފައިސާ މީޑިއާ ނެޓުން ދެއްކީ މިދިޔަ ބުރާސްފަތި ދުވަހު ކަމަށެވެ.
ގައުމީ ސަލާމަތަށް ނުރައްކާވާނެ ފަދަ ކޮންޓެންޓެއް ބްރޯޑްކާސްޓްކުރި ކަމަށް ބުނެ ބްރޯޑްކާސްޓިން ކޮމިޝަނުން މީޑިއާނެޓް ޖޫރިމަނާ ކުރުމުގެ އިތުރުން މައާފަށް އެދި ބަޔާނެއް ނެރުމަށް ވެސް އެ ކޮމިޝަނުން އެންގި އެވެ. އެކަމަކު ނާސިހު ވިދާޅުވީ މީޑިއާ ނެޓުން މިހާތަނަށް ބަޔާނެއް ނެރެފައި ނުވާ ކަމަށެވެ.
އަލްޖަޒީރާގެ މި ޑޮކިއުމެންޓަރީ ދައްކާ ދުވަސް ގާތްވެފައި ވަނިކޮށް، ރާއްޖޭގެ ބްރޯޑްކާސްޓަރުންނަށް ކޮމިޝަނުން ވަނީ އެފަދަ ކޮންޓެންޓް ބްރޯޑްކާސްޓް ކުރުމުގައި ސަމާލުވުމަށް އަންގައިފަ އެވެ.
އަލްޖަޒީރާގެ އިންވެސްޓިގޭޓިވް ޖާނަލިސްޓް ވިލް ޖޯޑަން އިސްވެ ހުރެ އުފެއްދި މި ޑޮކިއުމަންޓްރީ އަށް ވަނީ ބައިނަލްއަގްވާމީ ދެ އެވޯޑެއް ވެސް ލިބިފަ އެވެ. މި ޑޮކިއުމެންޓަރީގައި ރައީސް އަބްދުﷲ ޔާމީނަށް ބޮޑެތި ތުހުމަތުތަކެއް ކޮށްފައިވެ އެވެ.
އޭގައި ގިނައިން ބޭނުންކޮށްފައި ވަނީ ކުރީގެ ނައިބު ރައީސް އަހްމަދު އަދީބުގެ ފޯނުން ލިބިފައިވާ ޓެކްސްޓް މެސެޖްތަކާއި ބައެއް ލިޔުންތަކާއި އަދީބާ ކައިރީގައި އުޅުނު ބައެއް މީހުންގެ އިންޓަވިއުތަކެވެ. ޑޮކިއުމެންޓްރީގައި ކޮށްފައިވާ އެންމެ ބޮޑު އެއް ތުހުމަތަކީ މަނީލޯންޑެރިންގައި ސަރުކާރުގެ ވެރިން ބައިވެރިވުމެވެ. ކުރީގެ ރައީސް މުހައްމަދު ނަޝީދަށް 13 އަހަރުގެ ޖަލު ހުކުމެއް އިއްވީ ރައީސް ޔާމީން ވިދާޅުވެގެން ކަމަށް ވެސް އޭގައި ތުހުމަތުކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޥަސަންތި
23 July 2017
ގައުމީސަލާމަތަކައްނޫން ނުރައްކާވީ ހިޔާނާތުގެ ލާރިތައްކައިގެންތިބިވަގުންގެ ސަލާމަތައްނުރައްކާވީ އެއީތިވެގެން އުޅޭގޮތަކީ ސާފުވެެއޖެއްނު؟؟
މެންބަރު
23 July 2017
ހެޔޮ ވާހަކައެއް. ރުފިޔާގޯނި
ބޫ
23 July 2017
ފައިސާކޮޅެއް ނުލިބިގެން އުޅެނިކޮށް ތި ދެއްކީ.ަަަަމެންބަރުންގެ ސައި ކަނޑާލެވޭނެ.
ދަޅަ
22 July 2017
ދެން އެތަނުގެ މުއައްޒަފުންވެސް ޖުރިމަނާކޮށް، އެމީހުންގެ އަބިންވެސް ޖުރިމަނާކޮށްލާފަ މީޑިޔާގަ ބުނަންވީނު ، ރައީސް ޔާމީންގެ ހެޔޮފުޅުކަމުންނޭ ދަރިން ޖުރިމާނާނުކުރެއްވީ މީދެން ތަންކޮޅެއް ބޮޑުވަރު.
ބަދުރު ބެ/މާލެ
22 July 2017
މީޑީއާ ނެޓުން ބަގުވާން ޕްރޮގްރާމް ދައްކާ އިރު ޝަހީބަކަށް ނުކެރޭ 5 ލައްކަ ނަގާކަށް
GAN Island
22 July 2017
މީގެ އަހަރެއް ކުރިން 24 މެއި 2016 ގަ ހޯރަފުށީގެ ނަރުދަމާގެ ނިޒާމު އިފްތިތާހުކޮށް ދިނުމަށް ބޮޑު ހޭދައެއް ކޮށްގެން ބޭއްވި ރަސްމީޔާތުގައި ވާހަކަ ދައްކަވަމުން ޔާމީން އަބުދުލް ޤައްޔޫމް ވިދާޅުވެފައިވަނީ ''ކުރިއަށް އޮތް ރިޔާސީ އިންތިހާބުގައި ވޯޓުން ނާކާމިޔާބުވެވަޑައިގެންފިނަމަ، ގާނޫނީ ގޮތުން އުފެދޭ ސަރުކާރެއް ވައްޓާލަން ނުނިކުންނަވާނެ ކަމަށް އަދި އިންތިހާބުވި ބޭފުޅަކަށް މަސައްކަތްކުރުމުގެ ޖާގަ ދޭން ޖެހޭނެ'' ކަމަށް. . . އަދި ވިދާޅުވި ''ނަމަވެސް ސަރުކާރުން ރައްޔިތުންނަށް އަނިޔާވެރިވެ، ގާނޫނުއަސާސީއާ ހިލާފަށް ބޮޑެތި މަސައްކަތްތަކެއް ކޮށް، އެކަންތައްތަކުގެ ނަތިޖާއިން ދައުލަތް މުޅި ޗާޓުން ފޮހެވޭވަރުގެ ކަންތައްތަކެއް ކުރެވޭނަމަ އެއީ ރައްޔިތުންގެ ބަސް ބުނަންވީ ވަގުތު ކަމަށް'' މީގެ ފުރިހަމަ މާނަ އަހަރުމެންނަށް ނޭގުނު ކަމުގައި ވިޔަސް (މާނަ ކަޑައެޅުމަށް ފަހުބަސްބުނާ ސކ ދާކަށް ނުޖެހޭ) ޖުމްލަކޮށް ދެއްކެވި ވާހަކަ އަށް ބަލާ އިރު ބުނެފައިވަނީ ވެރިކަމުގައި ހުންނަ މީހާ ވުނަތަ އޭނާގެ ވެރިކަން ރައްޔިތުންނަށް ''ގިލަން ވެރިކަމަކަށް'' ނުވަތަ ބަލާ ވެރިކަމަކަށް'' ވެގެން ހިގައްޖެނަމަ ރައްޔިތުން ނިކުމެ އެވެރިޔަކު ނުވަތަ ވެރިކަން ވައްޓާލަން ޖެހޭނެއޭ. (ތިރީގައި އެދުވަހުގެ ހަބަރު މިހާރު ނޫހުން ގެނެސްދީފައިވާ ލިންކް ޔަޤީން ކޮށްލައްވާ) . . . އެހެން ކަމަށް ވާނަމަ މިހާރުގެ ސަރުކާރުން ރައްޔިތުން ނިކުމެގެން މިއުޅެނީ އެދުވަހު ރައީސް ވިދާޅުވި ''ވަގުތު ޖެހިއްޖެ ކަން ރައްޔިތުންނަށް ޤަބޫލު ކުރެވިގެން'' ކަން ނޭގެނީތޯ ؟؟
ޕްރިންސެސް
23 July 2017
ތިބުނާ މީހާގެ ބަސްމަގާއި އަމަލު އުޑާއި ބިމާހައި ތަފާތުކަން ނޭގޭ މީހެއްނެތް....ބްރޯއަށް 500℅ އިތުބާރުކުރީމާ ލިބުނީ ކުޑަގޮޅި..
އީދުކަޅުބެ
22 July 2017
ދައުލަތުގެ މާލިއްޔާ ދަވާލީމަ ޤައުމީ ސަލާމަތަށް ނުރައްކަލެއް ނެތް. އެ ވައްކަން ކުރި މީހުންގެ ވާހަކަ މީޑިޢާ ނެޓުން ދެއްކީމަދޯ ނުރައްކާވަނީ! ޝަހީބު މެން ތިޔަތިބީ މޮޔަވެފަތަ؟
ކުޑަދޫއަހްމަދު
22 July 2017
ޝަހީބު ފަހާ ގޮސް ގާނޫނު އަރާ ހަމަކުރާނެ! އަދި އަނިޔާވެރިކަމަށް ނިމުން އަންނަން ވަރަށް އަވަސްވެއްޖެ! އެދުވަހަކުން ދެރަވެ، ހިތާމަކުރިޔަސް ހައްގު އަދަބާއި ކުރިމަތިލާން ޖެހޭނެ! އެނޫން ގޮތެއް މިއަދު ނެތް!
ސުވާދީބު ރާނީ
22 July 2017
ހެ ހެ.. ގައުމީ ސަލާމަތަށް ނުރައްކާވީއޭ..
ޖޯޖް
22 July 2017
ބަލަގަ ޝަހީބަށް ގޯސްވަނީ ސަރުކާރާ ބެހުނީމަ އެކަމަކު މީޑިއާނެޓުން އޯކޭ ދީނާ ނުގުޅޭ ކޮންޓެކްޓް ބްރޮޑްކާސްޓް ކުރިއަސް ... އެހެން ނޫނަސް މީޑިއާނެޓާ ނުކުޅެވޭނެ މީޑިއާނެޓް މި ހިންގަނީ ސީދާ ރައްޔިތުންގެ ލަފަޔާ އެކީ އަތްފޯރާ އަގުގައި ކޮން ބައެއްތޯ މިހާ އަގު ހެޔޮކޮއް މި ހިދުމަތް ދޭނީ މިދެނީ ހިލޭ އިނގޭތޯ ރައްޔިތުން މީޑިއާނެޓް ބަލައިގަންނަނީ ހިތްހަމަޖެހުމާ އުފަލާއެކު
ޖޯކް
22 July 2017
ކޮންތަނަކަށްތަ އަތް ފޯރަނީ. މުޅިން މަކަރުން ރައްޔިތުން ފެލާލަން އުޅޭބައެއް.
ޖޯޖް
22 July 2017
ބަލަގަ ޖޯކު ތިވާހަކަ މިހާރު މިއުޅޭ މީހުން ގަބޫލެއް ނުކުރާނެ މީޑިއާނެޓުން މަކަރެއް ނުހަދާނެ ތިޔާ އުޅެނީ މާ ޒާތީވެގެން މީޑިއާނެޓުން މިގެނެސްދޭ ޗެނަލްތައް ބަލާފަ ޝުކުރުކޮއްބަލަ މަހުފީ އަގު މިހުރީ އެންމެ ނިކަމެތި މީހާއަށް ވެސް އަތްލެވޭހާ ހިސާބުގަ