ބަންދުގެ މުއްދަތު އިތުރުކުރުމަށް މިއަދު ހަވީރު އަމީތު ކޯޓަށް ހާޒިރުކުރާއިރު، އެތަނުގައި ތިބި މީހުންނަށް އަތުން އިޝާރާތްކޮށްލައްވަނީ. -- ފޮޓޯ: ހުސެން ވަހީދު/މިހާރު
28 ޖުލައި 2017 - 21:15
14 comments
ރޭ ހައްޔަރުކުރި، މަޑުއްވަރި ދާއިރާގެ މެމްބަރު މުހައްމަދު އަމީތުގެ ތަހުގީގަށް ބަންދުގައި ބަހައްޓަން ކްރިމިނަލް ކޯޓުން މިރޭ 15 ދުވަސް އިތުރުކޮށްދީފި އެވެ.
ބަންދުގެ މުއްދަތު އިތުރު ކުރުމަށް އަމީތު ކޯޓަށް ހާޒިރުކުރީ މިއަދު ހަވީރު އެވެ.
ކްރިމިނަލް ކޯޓުގެ ގާޒީ އަލީ އާދަމް ސޮއިކުރައްވައި މިދިޔަ ހޯމަ ދުވަހުގެ ރޭ ނެރުއްވި އަމުރުގައި އަމީތު ހައްޔަރުކުރާ ސަބަބެއް ކަމަށް ބުނެފައި ވަނީ، ރައްޔިތުންގެ މަޖިލިހުގެ އިދާރާ ހިމެނޭ ސަރަހައްދު ހޯމަ ދުވަހު ބަންދުކޮށްފައި ވަނިކޮށް، މަޖިލިހުގެ މެމްބަރުން ނޫން ކަމަށް މަޖިލިހުން ކަނޑައަޅާފައިވާ ބަޔަކު، ފުލުހުންގެ ސަފުތައް ފަޅާލައި، މަޖިލިހުގެ އިދާރާގެ ތެރެއަށް ވަދެފައިވާ ކަމަށް ތުހުމަތު ކުރެވޭ މައްސަލައިގަ އެވެ. އަދި އެ މައްސަލާގައި އަމީތު ހައްޔަރު ނުކޮށް ބަހައްޓައިފި ނަމަ، އޭނާގެ ފަރާތުން މުޖުތަމައުގެ ސަލާމަތަށް ނުރައްކާ ވެދާނެތީ އާއި ހެއްކަށް ނުފޫޒު ފޯރަފާނެ ކަމަށް ފެންނާތީ އަމީތު ހައްޔަރު ކުރުމަށް އަމުރުގައިވެ އެވެ.
އަމީތަކީ ވެސް މަޖިލިހުގެ މެމްބަރުކަމުގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައަޅާފައިވާ ހަ ބޭފުޅުންގެ ތެރޭގައި ހިމެނޭ ބައެކެވެ. އެކަމަކު މަޖިލިހުގެ ގޮނޑި ގެއްލުނު ކަމަށް އިލެކްޝަންސް އިން ކަނޑައެޅި މައްސަލަ ބާތިލް ކޮށްދިނުމަށް ސުޕްރީމް ކޯޓަށް ހުށަހެޅުމުން އެ މައްސަލަ އެ ކޯޓުން ވަނީ ބަލައިގެންފަ އެވެ.
އަމީތުގެ އިތުރުން ތުލުސްދޫ ދާއިރާގެ މުހައްމަދު ވަހީދު އިބްރާހީމް (ލޯޔަރު ވައްޑެ) އާއި ވިލިނގިލީ ދާއިރާގެ މެންބަރު ސައުދު ހުސައިން ވެސް ވަނީ މި ތުހުމަތަށް ހައްޔަރުކޮށްފަ އެވެ.
ރައްޔިތުންގެ މަޖިލިހުގެ ރައީސް އަބްދުﷲ މަސީހްގެ އިތުބާރު ނެތްކަމުގެ މައްސަލަ މަޖިލިހަށް ހުށަހެޅުމަށްޓަކައި މެމްބަރުންގެ ސޮއި ހޯދުމަށް ރިޝްވަތު ދިނުމަށް މަސައްކަތް ކުރެއްވި ކަމުގެ ތުހުމަތުގައި ދިއްގަރު ދާއިރާގެ މެންބަރު އަހްމަދު ފާރިސް މައުމޫން ހައްޔަރުކޮށް، އެ މައްސަލައިގެ ޝަރީއަތް ނިމެންދެން ބަންދުގައި ބަހައްޓަން ކްރިމިނަލް ކޯޓުން ވަނީ އަމުރުކޮށްފަ އެވެ. މިހާރު މާފުށީ ޖަލުގައި ބަންދުކޮށްފައިވާ ފާރިސްގެ އެ މައްސަލައިގެ ޝަރީއަތް އަދިއެއް ނުފަށާއިރު ތަހުގީގު އަދިވެސް ދަނީ ކުރިއަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނެޝަނަލިސްޓް
29 July 2017
ތިޔެއްނޫން ފުލުހުން ކުރަންވި މަސައްކަތަކީ!
ހުސޭނުބޭ
29 July 2017
ކިތަންމެވަރަކަށް ދުވަސްޖެހިޔަސް ހެޔޮ މިފަހަރު ކާމިޔާބުކުރާނެ. ހުދު ލައިގެން ހުންނަ ޖަނގިޔާވެސް މިހާރު ނޭގޭހާލުގައި ދިވެހި ފުލުހުން.
ރަނގަޅެއްނު
29 July 2017
1=350000
ރަނގަޅެއްނު
29 July 2017
1=350000
އަޙްމަދު
29 July 2017
15 ދުވަސް؟ ސަޅި!
ތުއްރަވާސް
29 July 2017
މި ގައުމުގައި މުޖުތަމައަށް ނުރައްކާވަނީ ވެރިކަމުގެ ތަޚުތަށް ބެލީމަ ، ކުކުޅު ހާ ކަތިލެވޭހެން ގައުމުގެ އެކި ދިމަދިމާ ގައި ހުރުމަތްތެރި އިންސާނުން ކަތިލެވޭ އިރު ސަލާމަތީބާރުތައް ކޮބާ ބާ؟ އިދިކޮޅު މަޖިލިސް މެމްބަރެއް ވެއްޖެއްޔާ އަދި ވީޑިއޯ ފުޓޭޖްވެސް ހަބޭސް! ފުލުހުން ގެ ސަފުތައް ފަޅާ އަމުރަށް ނުކިޔަމަން ތެރިވިކަމަށް އެއް މެމްބަރަކު ޖަލުގައި އަދަބު ލިބުނުއިރު ބެރިކޭޑު ފަޅާލި އަނެއް މެމްބަރު ޙެވިދިލިފަ ކަހާތާ ހިރުވާވެސް ނުލާ.
އާދޭސް
28 July 2017
އިއްޒަތްތެރި ޤާޒީ އަދި ދެލައްކަމީހުންނަށް މުއްދަތުކަހާލާ އޭރުން ނުރައްކަލެއްނެއް. ދުނިޔެއަށްޓަކައި އާޚިރަތް ވިއްކާނުލާ. ތިމާގެ މީހަކަށްވީތީ ދެރަވަން
ޙަސަންކޮ
28 July 2017
މިގައުމުގަ ކޯޓްތަކުން ގާނޫނު ދަމަހައްޓަން އެބަޖެހޭ، ފަޑިޔާރުން ވެސް ފަހުރުވެވޭފަދަ ގޮތަކަށް ގާނޫނީ ކަންކަން ގާނޫނުގެ އިމުގެ ތެރެޔަށް ގެނާން އެބަޖަހޭ އޭރުނަ ފަޑިޔާރުންނަށްވެސް ދެމިގެންދާނެ އަގުހުރި ކަމެއް ކުރެވެނީ، ތިމާކުރި ކަމަކުމް ލިބޭ ގެއްލުން ތިމާއަށް.
ރޮކެޓް ސައިންސް
28 July 2017
ކިހާވަރަކަށް މެމްބަރުން ހައްޔަރު ކުރީމަތޯ މެޖޯރިޓީ ލިބޭވަރު ވާނީ. 16 ހަމަ ނުވަނީތަ އަދިވެސް. ތިޖަހަނީ ގޯސް ހިސާބެކޭ މިހާރު 21 ހައްޔަރު ކުރީމަ ނޫނީ ގޮނޑި ގެއްލުވާލައިގެން ނޫނީ ތިކޮޅަށް ކާމިޔާބެއް ނުވާނެ. ހައްޔަރު ކުރާ މެންބަރަކަށް ދެމެންބަރުން މިކޮޅަށް އެބަ އާދޭ. ވައިބަރ ގުރޫޕު ހާލިކޮއްލި ގޮތަށް މިނިސްޓަރުންނާއި އަރިސް މީހުންވެސް މިފަހަރު ހާލިވާނެ. އެގަހުކޭލެއް މިގަހު ކޭލެއް ތިބޭޅާއަށް ނޭގޭނެ މިހާރު.
ޥަޓަލައްޕަން
28 July 2017
އޭރުންތާ މަސީހުގެ މައްސަލަ ބޭރުކޮށްލެވޭނީ