ކްރިމިނަލް ކޯޓު: އަމިއްލައަށް ހަދާފައިވާ ބޮމެއް ގޮއްވާލަން އުޅުނު މައްސަލާގައި ހަތަރު މީހަކަށް ވަނީ ދައުވާކޮށްފައި. --މިހާރު ފޮޓޯ
30 ޖުލައި 2017 - 12:56
8 comments
މިދިޔަ އޭޕްރީލް މަހު މާލޭގައި ބޮން ގޮއްވަން އުޅުނު މައްސަލައިގެ ތުހުމަތުގައި އިތުރު މީހަކަށް ވެސް ދައުުވާކޮށްފި އެވެ.
އަމިއްލަ އަށް ތައްޔާރު ކޮށްފައިވާ ބޮންތަކެއް ގޮއްވާލަން އުޅުމުގެ ތުހުމަތުގައި މާލޭގެ ބައެއް ތަންތަން ފާސްކޮށް، ބައެއް މީހުން ހައްޔަރުކުރި މީހުންގެ ތެރެއިން ހއ. ހޯރަފުށީ ވިދުވަރުގޭ ނާސިއު މުހައްމަދުގެ އިތުރުން އިތުރު ތިން މީހަކަށް ދައުވާ ކޮށްފައިވާ ކަމަށް ޕްރޮސެކިއުޓާ ޖެނެރަލް އޮފީހުން މިއަދު ބުންޏެވެ. އެކަމަކު އެ މީހުންގެ މައުލޫމާތެއް ސާފެއް ނުވެ އެވެ.
އެ އެންމެންގެ މައްޗަށް ވެސް ކުރަނީ ޓެރަރިޒަމްގެ އަމަލެއް ހިންގަން އުޅުމުގައި ބައިވެރިވުމުގެ ދައުވާ ކަމަށް ޕްރޮސެކިއުޓާ ޖެނެރަލްގެ އޮފީހުން ބުންޏެވެ. އެކަމަކު އެ މައްސަލައިގެ އަޑުއެހުންތައް ކޯޓުން އަދި ނުފަށަ އެވެ. އެ ކުށް ސާބިތުވެއްޖެ ނަމަ 17 އަހަރާއި 20 އަހަރާ ދެމެދުގެ ޖަލު ހުކުމެއް އެ މީހުންނަށް އަންނާނެ އެވެ.
މީގެކުރިން ނޮވެމްބަރު، 2015 ގައި މުލިއާގެ ކައިރީގައި ބޮމެއް ގޮއްވާލަން އުޅުނު ބަޔަކު ވެސް ހައްޔަރުކުރި އެވެ. އެ މައްސަލާގައި ހަތަރު މީހަކަށް ކުށް ސާބިތުވެ، ތިން މީހަކަށް 17 އަހަރުގެ ޖަލު ހުކުމެއް އަދި އެކަކަށް 20 އަހަރުގެ ޖަލު ހުކުމެއް ވަނީ އައިސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަބްދުﷲނާފިޒު
30 July 2017
ކޮބާތަ އެއްކަލަ ސްނައިޕަރު، "މިހާރު" ސްނައިޕަރުގެ ޚަބަރު ސާފު ކޮށްދީބަލަ، ހީވަނީ ޑީލެއް ހަދާފިހެން.
ކޮވެލި
30 July 2017
ކަމެއް ހުއްޓުވައިފިއްޔާ ހުއްޓުވައިގެން ގޯސް، އެ ކަހަލަކަމެއް ހިނގައިފިއްޔާ ނުހުއްޓުވައިގެން ގޯސް. ސަހަރޯ!
ސައްދާމް
30 July 2017
ނިއުކުލިއަރ ބޮމެއް ކަމަށް ބޮޑަށް ލަފާކުރެވެނީ.............. ޔުރޭނިއަމް ފައްކާ ކުރަނީ ރައްޔިތުންގެ މަޖިލީހުން....... އެހެން ވީމާ ސަލާމަތީ ކަންތައްތައް ވަރުގަދަ ކޮށް ބަންދުކޮށްފައި ވަނީ......
އޭފް
30 July 2017
ތިޔަ މީހުންނަށް ހުކުމްތައް ނީއްވައި، ރަނގަޅުގޮތުގައި އެމީހުންގެ ބޭނުން ހިފައިގެން ކުރު ރާސްތާގެ މިސައިލުން ފެށިގެން ނިއުކުލިއަރ މިސައިލު ފަދަ އެއްޗެހި ހައްދުވައި، އަވެއްޓެރި އިންޑިޔާ ފަދަ ގައުމުތައް ސިހުން ވާފަދަ ކުރިއެރުމެއްވެސް ހޯދިދާނެކަން ނޭންގެއެއްނު.
ނަމޫނާ ދާއިރާގެ ނަމޫނާ މެންބަރ މއރފ
30 July 2017
ރިޔާސީ ލޯންޗް ގޮއްވާލަން ބޮން ހެދި މީހާ ކޮބައިތޯ؟
ފާތުމަ
30 July 2017
ހުކުންކުރާނެ...ކުރިންހުކުންކުރިމީހުން މިހާރުތިބިތަނެއްނޫސްވެރިންބަލާބަލަ...
އަހުމަދުބެ
30 July 2017
ފޮޓޯ އިން އެމީހުން ބަލާލަން ބޭނުމެވެ.
ސސ
30 July 2017
ތިމިހުން ނިއުކުލިޔާ މެސައިލެއް އަރުވަން ނޫޅޭތޯ؟ ބަޑިބޭސް އެތެރެ ނުކުރެވޭ ޤައުމެއް!