އާސަންދަ ކުންފުނީގެ އިސް ބައެއް ބޭފުޅުން ނޫސްވެރިންނާ ބައްދަލުކުރައްވަނީ: --ފޮޓޯ/ މިހާރު
20 ސެޕްޓެމްބަރ 2017 - 12:17
34 comments
ހުސްނުވާ އާސަންދަ އިން ރައްޔިތުންގެ ބޭސްފަރުވާ އަށް މި އަހަރުގެ މިހާތަނަށް 300 މިލިއަނަށް ވުރެ ގިނަ ރުފިޔާ ދައުލަތުގެ ބަޖެޓުން ހޭދަކޮށްފައިވާ ކަމަށް އާސަންދަ ކުންފުނިން މިއަދު ބުނެފި އެވެ.
އެ ކުންފުނިން ބޭއްވި ޕްރެސް ކޮންފަރެންސްގައި މެނޭޖިން ޑިރެކްޓަރު ހަސަން އަލީ ވިދާޅުވީ އާސަންދަ އަށް ކަނޑައެޅި ބަޖެޓުން އެންމެ ގިނަ ހޭދައެއްކޮށްފައި ވަނީ ރާއްޖޭގެ ފާމަސީތަކާއި ބޭރުގެ ހޮސްޕިޓްލަތަކަށް ކަމަށެވެ. ފާމަސީތަކަށް ގާތްގަނޑަކަށް 78 މިލިއަން ރުފިޔާ ހޭދަކޮށްފައިވާއިރު، ރާއްޖެ އިން ބޭރަށް 60 މިލިއަނެއްހާ ރުފިޔާ ހޭދަކޮށްފައިވާ ކަމަށް ވިދާޅުވި އެވެ.
ހެލްތު މިނިސްޓްރީގެ ދަށުން ހިންގާ ނެޝެނަލް ސޯޝަލް ޕްރޮޓެކްޝަން އެޖެންސީ (އެންސްޕާ) އަށް މި އަހަރު ދޭން ބަޖެޓުގައި ދޭން ކަނޑައެޅީ 731 މިލިއަން ރުފިޔާ އެވެ.
ހަސަން ވިދާޅުވި ގޮތުގައި މި އަހަރުގެ މިހާތަނަށް 3،776 މީހަކު ވަނީ އާސަންދަ އެހީގައި އިތުރު ފަރުވާ އަށް ރާއްޖެ އިން ބޭރަށް ފޮނުވައިފަ އެވެ. ތަފާސްހިސާބުތަކުން ދައްކާގޮތުގައި މީގެ ތެރެއިން ވެސް އެންމެ ގިނަ ބަޔަކު ބޭރަށް ފޮނުވީ ކެންސަރު ބަލީގެ ފަރުވާއަށެވެ. އެގޮތުން 1،000 އަށް ވުރެ ގިނަ މީހުން ކެންސަރުގެ ފަރުވާ އަށް ފޮނުވާފައިވާއިރު މީގެތެރޭގައި އެއް ފަހަރަށް ވުރެ ގިނައިން ފޮނުވުނު މީހުން ހިމެނޭ ކަމަށް އާސަންދަ އިން ބުންޏެވެ.
ރާއްޖެ އިން ބޭރުން ފަރުވާ އަށް ދެން އެންމެ ގިނަ މީހުން ފޮނުވާފައި ވަނީ ލޮލުގެ ބަލިތަކާ ގުޅިގެންނެވެ. އޭގެއިތުރުން ކުޑަކަމުދާ ނިޒާމުގެ ބަލިތަކާއި ނާރުގެ ބަލިތަކާއި ހަޖަމްކުރުމާއި ކިޑްނީގެ ބަލިތަކަށް ވެސް ބޭރުން ފަރުވާ ހޯދަން އާސަން އިން ބޮޑު ހޭދައެއްކޮށްފައިވާ ކަމަށް ތަފާސްހިސާބުތަކުން ދައްކަ އެވެ.
އެ ހިސާބުތަކުން ދައްކާ ގޮތުގައި އެންމެ ގިނަ މީހުން ބޭހަށް ފޮނުވާފައި ވަނީ އިންޑިއާ އާއި ސްރީ ލަންކާ އަށެވެ.
ހަސަން ވިދާޅުވީ ހުޅުމާލެ ހޮސްޕިޓަލުގެ ތަރައްގީއާ އެކު ބޮޑެތި ބަލިތަކަށް ރާއްޖެ އިން ބޭރަށް ދިއުން ވަރަށް ބޮޑަށް މަދުކުރެވޭނެ ކަމަށެވެ. އަންނަ މަހުގެ ތެރޭގައި ކެންސަރުގެ ގިނަ ފަރުވާތަކެއް އެ ހޮސްޕިޓަލުގައި ފަށާނެ ކަމަށް ވެސް ވިދާޅުވި އެވެ.
"ހުޅުމާލެ ހޮސްޕިޓަލުގައި ކެންސަރުގެ ބައްޔަށް ހާއްސަ ފަރުވާ އަޅުގަނޑުމެން ފަށަނީ، ނިސްބަތުން އެންމެ ގިނަ އަދަދެއްގެ މީހުން ބޭރުން ފަރުވާ ހޯދަން ޖެހެނީ އެ ބަލީގައި ކަމަށްވާތީ. އެ ފަރުވާ ހުޅުމާލެ ހޮސްޕިޓަލުގައި ދޭން ފެށުމުން ވަރަށް ބޮޑު ލުޔެއް ލިބިގެންދާނެ،" ހަސަން ވިދާޅުވި އެވެ.
ބޮޑެތި ބަލިތަކަށް ހުޅުމާލެ ހޮސްޕިޓަލުން ފަރުވާދޭން ފެށުމާއެކު ބޭހަށް ރާއްޖެ އިން ބޭރަށް ފޮނުވަންޖެހޭ މީހުންގެ އަދަދު ވަރަށް ބޮޑުތަން ދަށްވާނެ ކަމަށް ވެސް ހަސަން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބޫ
20 September 2017
އަހަރުގެ %75 ދިޔަ އިރު ބަޖެޓް ގެ %59 އަދި ނުދަނީތަ؟ ނޫނީ އަދި ބިލް ތައް ނުނިންމާ ހުރީތަ؟ ދެން 300މިލިއަން ތެރެއިން އެންމެ ބޮޑު އެއޗެއް ދިޔައީ ފާމަސީ ތަކާއި ބޭރު ހޮސްޕިޓަލަށޭ ބުނާއިރު އެއީ 8މިލިއަން އަކަީއ 6މިލިއަން!! ދެނ އަނެއްބައި މި ޙަރަދު ކުރީ އަނެއްކާ ކޮން ފަންޑަކަށް؟
ރާއްޖެ
20 September 2017
ތަފާސްހިސާބު އަންގާލުމަކީ ކަލަ ގޮވުމެއް ނޫން. ދައުލަތުގެ ހަރަދުގަ މިލިއަނަރުންނަށް ހިލޭ ބޭސް ފަރުވާ ކޮއްދެނީ ކޮން ގައުމަކުންތަ؟
މަގޭ
20 September 2017
ތީގެ ބޮޑެތި ޢަދަުތައް ހުންނާނީ މަޖްލިސް މެންބަރުންނާ ޢާއއިލާއަށް އަދި އެމީހުން ފޯނުކޮށްފަ އެންގި މީހުންނަށް ދީފި އެއްވެސް ހަމައެއް ލަމައެއް ނެތި ހިންގާކަމެއް ތި ކަމަކީ ފުރަތަމަ ޑޮކްޓަރު ސެޓްފިކެޓްވެސް ނުދޭނެ މަޖިލީހު މެންބަރުގެ ބަހެއް ނެތި
މަހާޖައްރާފު
20 September 2017
ނިކަންބަލާނބަލަ އަމިއްލަ ގައުމުގަ މިއުޅެނީ %6 ވާރު ދައްކައިގެން އެކަމުން ވީ ރަނބގަޅެއް ކޮބާ ކާނުތަކުގަ މަދިރި ބޫބްއަޅުވާލާފަ ހުމާއަތާފައިގެ ރޯގާ ރަށުތެރޭގަ އަޑުބައްދާލާފަ ގަދަވެ އުޅެން ނުލިބޭ ބޭސް ދީގެން ރަނގަޅުކުރުމުގެ ވިސް ނުމުގެ ބަދަލްގައި ރައްކައުތެރިމކަމަށް ކުރިޔަށް އެޅޭ ފިޔަވަޅެއް ނެތް އިޖުތިމާއިއްޔަތު އުވި ހިނގައްޖެ
ހަމަހޭ
20 September 2017
އަހަރު ހަމަވަނީ އެންމެ 300 މިލިއަން. މަހަކު ބިލިއަނުން މީރާއައް ރައިއްޔަތުން ދައްކާ ޓެކްސް އާބަލާފަ ތީކޯންޗެއް. ލަދުކޮބާ.
ޒިދްނާ އަޝްރަފް
20 September 2017
އާސަންދަ އަތްފޯރާ ފަށަށް ގެނައި އޯގާތެރި ވެރިންގެ މަތިން ހަނދާން ނައްތައެއް ނުލެވޭނެ.
ހަޖަމއ
20 September 2017
މަށަކީ އިންޑިއާގަ ކެންސަރަށް ފަރުވާ ހޯދާމީހެއް. ޢެކަމު ވިސާޖަހަން މާލެގޮސްފަ ކީމޯ އަށް އަންނަންވެގެން އެހީތެރިމީހާގެ ޓިކެޓް ހޯދަން އެދުނީމަ ނުލިބުނު. ކީމޯ ނަގަން އެކަނި އާރި.ސީ.ސީ އަށް ދިޔާމަ ބުނީ އެހީތެރިއެއްްނެތި ނުދެވޭނޭ. ދެން ޖެހުނީ ދުވާލަކަށް 1000 ރުޕީސް އަށް މީހަކު ނަގަން. ސުވާލަކީ އާސަންދަ ބޯޑުގެ ޑޮކްޓަރުންނަށް މިވަރު ނޭގެނީ ކީއްވެހޭ؟
ކޮލަމާފުށި
20 September 2017
75% އެއީ ސާރުކާރާ ގުޅުންހުރި ފަރާތްތަކާ ޕީޕީއެމް މަޖްލިސްމެމްބަރުންގެ ގާތްމީހުނަށް...
Boava
20 September 2017
ކޮރަޕްޓް ވީމަ ވާނީ ތިހެން. އައިޖީއެމް އެޗްގައި ހިންގާ ޔޫރޮލޮޖީ ކުލިނިކަކީ ސީދާ އިންޑިޔާގެ އޫއެން ހޮސްޕިޓަލުން ހިންގާ ކުލިނިކެއް. އެމީހުން އެބަބުނޭ އާސަންދަ ބޭނުމިއްޔާ ތިމަންނަމެންނަށް ގުޅާށޭ ވަގުތުން ލިޔުން ހަމަޖައްސާލަ ދޭނަމޭ. ރާއްޖެއިން ކުރެވެންހުއްޓަސް އެމީހުން ބޭނުންވާނީ ރާއްޖެއިން ބޭރުން އެކަންކުރަން. މިހެން ރާއްޖޭގެ ހޮސްޕިޓަލް ތަކުގައި މަސައްކަތް ކުރާ ޑޮކްޓަރުންނާއި ބޭރުގެ ހޮސްޕިޓާތަކާ ޑީލް ހަދާފައިވަނީ ކިހާވަރަކައްތޯ އާސަންދައިން ބަލަންތޯ.
ވަރަށް ވެދުން
20 September 2017
ތިކަމަށް ހޭދަކުރަން އަހަރުމެން ޓެކްސް ދައްކަނީ، ޕީޕީއެމް ކެމްޕޭން ކުރާކަށް ނޫން