އެއްގަމުން ފެށިގެން މޫދަަށް 150 ފޫޓަށް ބެރިތައް އަޅާފައި. --ފޮޓޯ: ނިޝާން އަލީ/މިހާރު
26 ސެޕްޓެމްބަރ 2017 - 12:28
56 comments
މާލެ އާއި ހުޅުލެއާ މެދު އަޅާ ބްރިޖުގެ ސުޕަ ސްޓްރަކްޗާ އަށް ބޭނުންވާ އައިބީމްތައް ނުވަތަ ކޮންކްރީޓް ބޮޑެތި ބެރިތަކުގެ މަސައްކަތް ވަރަށް ބާރަށް ކުރިއަށް އެބަ ގެންދެ އެވެ.
މިދިޔަ ޖުލައި މަހު އެ ބޮޑު ބެރިިތައް އަޅަން ފެށީ، މާލޭ ކޮޅުން ބްރިޖު ފެށޭ ހިސާބުންނެވެ. ބެރިތައް މިހާރު ވަނީ އެއްގަމުން ފެށިގެން މޫދަށް 150 ފޫޓަށް އަޅައިފަ އެވެ. މިއީ، ބްރިޖްގެ މަސައްކަތުގައި އުޅޭ ބައެއް މީހުން ބުނާ ގޮތުގައި ވަރަށް ބޮޑު ކުރިއެރުމެކެވެ. ބެރިތައް ނިމުމުން، ޑެކު އަޅައި، ޗައިނާގައި މިހާރު ތައްޔާރުކުރަމުން އަންނަ ސުޕަ ސްޓްރަކްޗާ ގެނެސް އަތުރާލާނީ އެވެ.
ލޮނުޒިޔާރަތްކޮޅުގައި ހުރެ ބަލާލުމުން މާލެ އިން ފެށިގެން ހުޅުލެއަށް ބްރިޖު އޮންނާނެ ގޮތް މިހާރު ތަސައްވަރު ކުރެވެ އެވެ. ބްރިޖުގެ މެދުގައިި ހުންނަ އެންމެ އުސް ތަނބު ވެސް މިހާރު ވަނީ ގާތްގަނޑަކަށް ނިންމިފަ އެވެ. އެއީ ބްރިޖްގެ އެންމެ އުސް ދިމާލެވެ.
ބްރިޖުގެ އެންމެ އުސް ތަނބު: މި ތަނބު ހުންނަނީ ބްރިޖުގެ މެދުގައި. --ފޮޓޯ: ނިޝާން އަލީ/ މިހާރު
މެއިން ބްރިޖު ނުވަތަ މާކަނޑުގައި ހިމެނޭ ބައިގެ ދެ ފަރާތުގައި ހުންނަ 35 ތަނބާއި އެޕްރޯޗް ބްރިޖުގެ 88 ތަނބުގެ ކޮންކްރީޓް މަސައްކަތް ވެސް ގާތްގަނޑަށް ނިމިއްޖެ އެވެ. މެއިން ބްރިޖުގެ ތަނބުތަކުގެ ވީ އަކުރެއްގެ ސިފައިގައި އިންނަ ކެޕިން ވެސް މިހާރު ވަނީ ނިންމާލައިފަ އެވެ.
މާލޭ ކޮޅުން ބްރިޖް ފެށޭ ހިސާބުގައި ކޮންކްރީޓް ބޮޑެތި ބެރިތައް އެތުރުމުގެ މަސައްކަތް ކުރަނީ --ފޮޓޯ: ނިޝާން އަލީ/ މިހާރު
ޕީއެސްއެމަށް މި ހަފުތާގައި ދެއްވި އިންޓަވިއުގައި ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވެފައި ވަނީ ބްރިޖުގެ ޑެކުގެ މަސައްކަތް ނޮވެމްބަރު މަހު ނިންމާލެވޭނެ ކަމަށެވެ.
މިނިސްޓަރު ވިދާޅުވި ގޮތުގައި ބްރިޖުގެ ސުޕަސްޓްރަކްޗާ އަންނަ އަހަރުގެ މެއި މަހުގެ ތެރޭގައި ނިމެނޭ އެވެ.
ޗައިނާ އާއި ރާއްޖޭގެ ސަރުކާރުން އެއްބަސްވެފައިވާ ގޮތަށް ބްރިޖުގެ ކަންކަން ކުރިއަށް ދާއިރު، ޝެޑިއުލަށް ވުރެން މާ އަވަހަށް ޗައިނާގެ ސީސީސީސީން މަސައްކަތް ނިންމަމުން އަންނަ ކަމަށް ހައުސިން މިނިސްޓްރީން ވަނީ ބުނެފަ އެވެ.
މާލޭ ހުޅުލޭ ބްރިޖްގައި ކަނޑުގައި ޖަހާ އެންމެ ބޮޑެތި ތަނބުތަކުގެ މަސައްކަތް ކުރިއަށް ދަނީ
މުއިއްޒު ވިދާޅުވެފައިވާ ގޮތުގައި އަންނަ އަހަރުގެ ސެޕްޓެމްބަރު މަހަށް މަސައްކަތް ނިންމަން އެއްބަސްވެފައިވާ ބްރިޖު ޖުލައި 26 ގައި ހުޅުވޭ ވަރުވާނެ އެވެ.
ބްރިޖްގެ މަސައްކަތަށް 200 މިލިއަން ޑޮލަރު ޚަރަދުވާއިރު އޭގެ ތެރެއިން 116 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީ އެވެ. އަދި 72 މިލިއަން ޑޮލަރަކީ ޗައިނާގެ ލޯނު އެހީ އެވެ. މި މަޝްރޫއަށް ދިވެހި ސަރުކާރުން 12 މިލިއަން ޑޮލަރު ހޭދަކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކާފަ
27 September 2017
ކޮން ބުރިޖެއް. ބުޖިބް ބޭނުމެއްނޫން. އަނިޔާވެރިވުން ހުއްޓާލާ. ވޯޓް ހަރާމް
ޅަދަރި
27 September 2017
ކާފަ މަރުވެގެން ހުޅުމާލެ ސަހަރާއަށް ގެންދާ ދުވަހު ކާފަގެ ދަރިންވެސް ނާރާނެ ތިޔަ ބްރިޖަށް...ޔަގީން.
ބުރިޖް
27 September 2017
1.މިހާތަނަށް މިގައުމުގެ ރައުސްމާލުން އެންމެ ބޮޑު ވައްކަން ކޮށްފައިވަނީ މިދައުރުގައި. 2.މިހާތަނަށް މިގައިމުގެ އަމާންކަން އެންމެ ބޮޑަށް ގެއްލި އެންމެ ގިނަ މީހުން މަގުމަތިން މަރާފައިވަނީ މިދައުރުގައި. 3.މިހާތަނަށް މިގައުމުގައި ގާނޫންއަސާސީ އޮވެ އޭގެ ބާރު ކަނޑުވާލާފައިވަނީ މިދައުރުގައި. 4.މިހާތަނަށް މިގައުމުގައި ކުންފުނިތައް މުދުވެރިކޮށް ރައްޔިތުންގެ ފައިސާ އަމިއްލަ ފައިދާއަށް ވެރިން ފާޅުގައި ތަޅާހުސްކުރަނީ މިދައުރުގައި. މި4 ޕޮއިންޓަކީ ރޔ އަށް ރިޔާސީ އިންތިޚާބުގައި ފެއިލް ކޮށްލާނެ 4 ސަބަބު. ރޔ އަކީ ދިވެހިންނަށް އޮތް ޗޮއިސެއްނޫން. ތޮބީއަތުގައި ވައްކަންކުރުން ހަރުލާފަތިބި ބައެއްގެ ޗޮއިސްއަކަށް ވެދާނެ.
ރިއަލީ
27 September 2017
މިއީ ބްރިޖާގުޅޭ ކޮމެންޓެއް ކަމަށް ހީކޮށް ކިޔާލެވުނު. އެކަމު ނޭގުނު ބްރިޖާ މިކޮމެންޓާ ހުރި ގުޅުމެއް.
ބުރިޖު އަޅާފަ ނިންމަނީ
27 September 2017
މިއަށް ކީދާނެ ޖެލަސީއޭވެސް.
ޝުކުރިއްޔާ ރައީސް ޔާމީން
27 September 2017
ދުނިޔޭގައިވެސް މިހާތަނަށް ފުން (ވިލުނޫކުލައިގެ) ކަނޑެއް ހުރަސްކޮށް އަދި ދެކޮޅުންވެސް ވޭވް ބްރޭކަކަށް ލޭންޑު ކުރާ ފުރަތަމަ ބްރިޖަށް މި މިބްރިޖް ވާނެ. މިއީ، އިންޖީނިއަރިންގެ ގޮތުން ޗައިނާއިންވެސް ކުރާ އާތަޖްރިބާއަކަށް ވާނެ. މިވަރުގެ ބޮޑު މަސައްކަތަކަށް ހަގީގަތުގައި 300 އެއްހާ މިލިއަން ޑޮލަރެއްނޫން ދާނީކީ...! އެއަށް ވުރެއް ބޮޑުވެގެން ދާނެ. އަސްލު އަދަދު ހާމަކޮށްފައި ނުވިއަސް މައްސަލައެއްނެތް. ޗައިނާގެ ދީލާތި އެހީއާ، މިސަރުކާރުގެ ހިކުމަތު އަމަލީގެ ދަށުން މިހާވަރުގެ ބޮޑުކަމެއް ރައްޔިތުންނަށް ކޮށްދޭތީވެ، ޝުކުރިއްޔާ ރައީސް ޔާމީން.
އލި މނކ
27 September 2017
ޗައިނާއިން މިައަށްވުރެން މާބޮޑު ދިގު ބްރިޖް އަޅާ. ހެޔެއް ނުވޭ އާތަޖުރިބާއެއްހެނެއް.
ދަންޑަހިލު
27 September 2017
ބުރިޖު އެޅިޔަސް ، ޚިޔާނާތާއި ވައްކަމުގެ ފާފަ ނުފޮހެވޭނެ... އަދީބުގެ ބޮލަށްކަޑާލާފަ ނުފިލޭނެ
ދީދީ
27 September 2017
މިނިސްޓަރު މުއިޒު މިވަރުގެ ބުރިޖައްކައް އަސްލު ހަރަދުވިވަރު ބުނެދިނުން ރަންގަޅު
އަދުރޭ
27 September 2017
ބުރިޖް ނިމެނީ، ލޯނުދައްކަން ހުރި ފައިސާކޮޅަށް ވާނުވާއެއްނޭގެ، ވައްކަން ކުރުން ފެސަނަށްހަދާދެއްވާފި
ޒަރީރު
27 September 2017
އަދައިގެ ރަށް ރަށަށް އެއްކަމެއްވެސް ނެތް. އެކަމު ވޯޓް ބޭނުން ވީ މާ އެބަދޭ ވޯޓް ހޯދަން
އާމިނަ
27 September 2017
މި ހޯއްދެވި ކާމިޔާބީއަށް ހާއްސަ ރަސްމިއްޔާތެއް ބޭވުމަށް ފެނޭ.
ބެއްޔާ އައްޑޫ
27 September 2017
މަރާމާތު ކުރަން ބަންދުކުރާނެ ޝެޑިއުލްއެއް މިހާރުއްސުރެން ތައްޔާރު ކުރަންވާނެ ނޫންތޯ. މަނިކުފާނު ހިންގަވާ ހުރިހާ ޕްރޮޖެކްޓް ތަކެއްވެސް ޕަބްލިކަށް ހުޅުވާފައި ހަފުތާއެއް ނުވަނީސް މަރާމާތައް ބަންދުކުރަންޖެހޭ ވިއްޔާ. އެ ވަރިހަމަ ރަސްފަންނަކަސް ، އިސްލާމީ މަރުކަޒު މާބުލްއަަސް، ރަސްރަނި ބަގީޗާއަކަސް، މަގެއް ވިޔަސް
ސޮޑާ
27 September 2017
މަހުވެއި ތޭ ތެދައް.
ނަމަދޯ
27 September 2017
ބްރިޖް އެޅުމަކީ މުއިއްޒު ނޫނީ ދިވެހިން ކުރާކަމެއްނޫން. ޗައިނާ މީހުންގެ ސަތޭކަ ޕަސެންޓް މަސައްކަތެއް. ޗައިނާ މީހުންނާ ދިމާއަށް އެއްޗިހި ކިޔަން އަދި މަޑުކޮށްލާ..
ލޯނު
26 September 2017
ޝުކުރިއްޔާ 200 މިލިއަން ޑޮލަރުގެ ދަރަނި.
ގޮންގް
27 September 2017
ރަނގަޅަށް ކިޔާވެސް ނުލައޭ ދޯ؟
ހަގީގަތަކީ
27 September 2017
ގަމާރުނތަކާއެވެ، ކަލޭމެން ގޮސްތިބެންވީނޫ އެފްރިކާ ބައްރުގެ ކޮނމެވެސްތަނެއްގަ ވާނުވާނޭގިފަ، ބިއްޖެހިފަ.. ގޮތެއްފޮތެއްނެތް، ނާތަހުޒީބު، ގަމާރުތަކުންނަށް މިގައުމުގަ ޖާގައެއްނެތް، ބަލަ ކިތަންމެ ގޯސްމީހަކުވެސް ރަނގަޅަށް ކުރާކަންތައްތަކެއް ހުންނާނެ އަދި ކިތަންމެ ރަނގަޅުމީހަކުވެސް ކޮއްފާނެ ގޯސްކަންތަކެއް ހުންނާނެކަން ގަބޫލް ނުކުރެވެނީ ޖާހިލުން ކަމުންނޫން ކޮންކަމެއްތޯ.