މާދަމާ އަކީ ފަހު ރޯދަ، އީދު ވާނީ ބުދަ ދުވަސް

މި އަހަރުގެ ޝައްވާލް މަހުގެ ހަނދާ ބެހޭ ގޮތުން ގޮތެއް ނިންމަވަން މިރޭ ބޭއްވި ރަސްމިއްޔާތުގައި އިސްލާމިކް މިނިސްޓަރު ޑރ. ޒިޔާދު ބާގިރު، އެހެން ބައެއް ބޭފުޅުންނާ ވާހަކަ ދައްކަވަނީ --ފޮޓޯ/މުހައްމަދު ޝަރުހާން/މިހާރު

އަހުމަދު އަބުދުﷲ ސައީދު، މިހާރު

04 ޖުލައި 2016 - 21:56

6 comments

މާދަމާ އަކީ މި ރޯދަ މަހުގެ އެންމެ ފަހު ދުވަސް ކަމަށާއި، މި އަހަރުގެ ފިޠުރު އީދަކީ އަންނަ ބުދަ ދުވަސް ކަމަށް އިސްލާމިކް އެފެއާޒް މިނިސްޓްރީން ދެންމެ އިއުލާންކޮށްފި އެވެ.

ޝައްވާލް މަހުގެ ހަނދު ސާބިތުކުރަން އިސްލާމީ މަރުކަޒުގެ ޖަލްސާކުރާ މާލަމުގައި މިރޭ ބޭއްވި ބައްދަލުވުމުގައި އިއްވި، ޝައްވާލް މަހުގެ ހަނދާ ބެހޭ ގަރާރުގައި ބުނެފައިވާ ގޮތުން، އީދު ދުވަހަކީ އަންނަ ބުދަ ދުވަސް ކަމަށް ހަމަޖެއްސީ މިއަދުގެ އިރު އޮއްސުމަށް ފަހުގައި ރާއްޖޭގެ އެއްވެސް ހިސާބަކަށް ޝައްވާލް މަހުގެ ހަނދު ސާބިތުވެފައި ނުވާތީ އެވެ. އަދި އިސްލާމީ އެއްވެސް ގައުމަކަށް ވެސް މި ރޭ ޝައްވާލް މަހުގެ ހަނދު ސާބިތުވެފައި ނުވާ ކަމަށް އެ ގަރާރުގައިވެ އެވެ.

އިތުބާރު ހުރި ފަލަކީ ހިސާބުން ދައްކާ ގޮތުގައި މިއަދުގެ އިރު އޮއްސުމުގެ ކުރިން، އިސްލާމީ ހުރިހާ ގައުމަކަށް ވެސް ހަނދު އޮއްސޭނެ އެވެ. އެހެންކަމުން މިއަދަކީ ރަމަޟާން މަހުގެ 29 ވަނަ ދުވަސް ކަމަށް ވުމުން ހަނދު ބަލަން ނުކުތް ކަމަށް ވިޔަސް، އިރު އޮއްސުމަށް ފަހުގައި ހަނދު ފެނުމަކީ މުސްތަހީލު ކަމެކެވެ.

އިސްލާމީ ދުނިޔޭގެ އެންމެ އިރުމަތީގައި އަދި އެންމެ ދެކުނަށް އޮންނަ އިންޑޮނީޝިޔާ އަށް މިއަދުގެ އިރު އޮއްސުމުގެ ހަ މިނެޓް ކުރިން ހަނދު އޮއްސެ އެވެ. އިސްލާމީ ދުނިޔޭގެ އެންމެ ހުޅަނގުގައިވާ މަޣްރިބަށް މިއަދުގެ އިރު އޮއްސުމުގެ ތިން މިނެޓް ކުރިން ހަނދު އޮއްސޭނެ އެވެ. އެންމެ އުތުރުގައި އޮންނަ ތުރުކީ ވިލާތަށް މިއަދުގެ އިރު އޮއްސުމުގެ 13 މިނެޓް ކުރިން ހަނދު އޮއްސޭނެ ކަމަށް ފަލަކީ ހިސާބުތަކުން ދައްކަ އެވެ. މުސްލިމުންގެ ދެ ޙަރަމްފުޅު ހުރި ބިމަށް ވެސް މިއަދުގެ އިރު އޮއްސުމުގެ ތިން މިނެޓް ކުރިން ހަނދު އޮއްސޭނެ އެވެ. މިޞްރަށް މިއަދުގެ އިރު އޮއްސުމުގެ ހަ މިނެޓް ކުރިން ހަނދު އޮއްސޭނެ އެވެ. އަދި ޢަރަބި އިސްލާމީ ހުރިހާ ޤައުމަކަށް ވެސް މިއަދުގެ އިރު އޮއްސުމުގެ ކުރިން ހަނދު އޮއްސޭނެ އެވެ.

އީދު އިސްލާމް ފިތުރު އީދު ހަނދު

6 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތަރި

05 July 2016

މިހާރު ނޫހުގެ ހީވާގި މުވައްޒަފުންނަށް އުފާވެރި އީދަކަށް އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހެހެހެެ

04 July 2016

ހުރިހާ ބޭފުޅުންނާ ބޭކަނބަލުންނައް ހެހެހެ ގެ ފަރާތުން އުފާވެރި އީދަކައް އެދެން! އަދި އެއް ދުވަސް އެބަ އޮތް ނޫންތޯ؟ އަވަހައް ޒަކާތް އަދި ސަތަގާތް ދިނުމައް (މިކަން ހަނދުމަނެތި ނުކުރެވި އޮތްނަމަ) ގޮވާލަން. ޒަކާތަކީ އޭގެ ފައިދާ ސީދާ އެހެން މީހުނައް ކުރާ އަޅުކަމެއް. މިއީ އެހެން ހުރިހާ އަޅުކަމަކައްވެރެވެސް މިގޮތައް ތަފާތުވާ އަޅުކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

04 July 2016

ބަލަތިޔަބޭފުޅުން ނުބުނިޔަސް މިހާރު ފޯނުގައި ހުންނަ އެޕްތަކުންވެސް އިނގޭ ހަދު ފެންމަތީގައި ހުންނާނޭމިނެޓް އާ ފަޅިސިކުންތަށް ދަންދެން ، މިހާރުތީކީ ބޮޑުޖަލްސާއެއް ބާއްވައިގެން ބަލަންޖެހޭކަމެށްނޫން ، އެއައްވުރެން ދުނިޔެމިއޮތި ކުރިއަރާފައި ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

04 July 2016

ކުރީގެ މަޟްމޫނަށް ވެސް ކޮމެންޓް ކުރިން، އެންމެ ދެކުނަށް އޮންނަ އިސްލާމީ ޤައުމަކީ ކޮމޯރޯސް. އިންޑޮނީޝިއާ އެއް ނޫން. މައުލޫމާތު ރަނގަޅު ކޮށްލައްވާ. ކޮމެންޓް ވެސް ޝާއިޢު ނުކުރެއްވީމު، މައުލޫމާތުވެސް އިޞްލާޙު ނުކުރެއްވީމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޓާނީކަލޭގެ

04 July 2016

މިހާރު، ނޫހުގެ ހީވާގި އެންމެހާ މުވައްޒަފުންނަށާއި މެނޭޖްމެންޓަށާއި، މިހާރު، ނޫސް ވިދާޅުވާ އެންމެހާ ބޭފުޅުންނަށާއި، ރާއްޖޭގެ އެންމެހާ ރައްޔިތުންނަށް ފިތްރުއީދުގެ ތަހްނިޔާއާއި މުބާރިކްބާދު ދަންނަވަން،