އެޑިއުކޭޝަން މިނިސްޓްރީގެ ޕީއެސް ކަމަށް މިއަދު އައްޔަން ކުރެއްވި ސައީދު، އެޑިއުކޭޝަން މިނިސްޓަރު އާއިޝަތު ޝިހާމާ ސަލާމް ކުރައްވަނީ: ފޮޓޯ/އެޑިއުކޭޝަން
09 ނޮވެމްބަރ 2017 - 16:13
18 comments
އެޑިއުކޭޝަން މިނިސްޓްރީގެ ޕާމަނަންޓް ސެކްރެޓަރީ (ޕީއެސް) ގެ މަގާމަށް އާ ބޭފުޅަކު މިއަދު އައްޔަންކޮށްފި އެވެ.
އެ މިނިސްޓްރީގެ ޕީއެސް ކަމަށް ސިވިލް ސާވިސް ކޮމިޝަން (ސީއެސްސީ) އިން އައްޔަން ކުރީ ގ. ދިލްކަޝް، މުހައްމަދު ސައީދެވެ.
އޭނާ އަކީ ކުރިން އެޑިއުކޭޝަން މިނިސްޓްރީގެ ޑިރެކްޓަ ޖެނެރަލްގެ މަގާމު ފުރުއްވި ބޭފުޅެކެވެ.
ބިޒްނަސް އެޑްމިނިސްޓްރޭޝަންގެ ދާއިރާއިން މާސްޓާސް ޑިގްރީ ހާސިލް ކުރައްވާފައިވާ ސައީދަކީ 1989 ވަނަ އަހަރުން ފެށިގެން ސަރުކާރަށް ޚިދުމަތް ކުރައްވަމުންދާ ބޭފުޅެކެވެ. ސައީދު ސަރުކާރުގައި ގިނަ ދުވަހު މަސައްކަތް ކުރެއްވީ ތައުލީމީ ދާއިރާގަ އެވެ.
އެޑިއުކޭޝަން މިނިސްޓްރީގެ ޕީއެސް ކަމަށް ސައީދު އައްޔަން ކުރެއްވީ، އެންމެ ފަހުން އެ މަގާމުގައި ހުންނެވި ޑރ. އަބްދުލް މުހުސިން މުހައްމަދު އެ މިނިސްޓްރީގެ ޑެޕިއުޓީ މިނިސްޓަރަކަށް މިދިޔަ އޮގަސްޓް މަހު ހަމަޖެއްސުމާ ގުޅިގެންނެވެ.
ޕާމަނަންޓް ސެކެޓްރީންނަކީ ކޮންމެ މިނިސްޓްރީއެއްގައި ވެސް ސިވިލް ސާވިސްގެ ފަރާތުން ހުންނަ އެންމެ އިސް މުވައްޒަފެވެ. އެ މަގާމަށް ސީއެސްސީން މިހާރު ބޭފުޅުން އައްޔަން ކުރައްވަނީ އެ މިނިސްޓްރީއެއް ހިންގަވާ މިނިސްޓަރުގެ ލަފާގެ މަތިންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުނބޯ
10 November 2017
ފާޑުފާޑު ނަންނަމުގައި އެޑިޔުކޭޝަން މިނިސްޓުރީއަށްވެސް މީހުންވައްދާ ޓީޗަރުންނަށް ބުރަބޮޑުކޮށް ތަޢުލީމީދާއިރާ ހަރާބުކޮށް ތަފާތު ސިޔާސީގޭމުތައް ޖައްސާ މުޅިގައުމުގެ ކުރިމަގު ބަނަކުކުމުގެ ޢަމަލުތައްކުރާ ދާއިރާއަކަށް އެޑިޔުކޭޝަން ދާއިރާވެއްޖެ!
މުހައިމިން / އިނގުރައިދޫ
10 November 2017
ވަރަށް ބޮޑަށް މަރުޙަބާ! މުޙައްމަދު ސަޢީދަކީ އެޑިޔުކޭޝަން މިނިސްޓްރީގައި މަސައްކަތް ކުރެއްވި އިރު ވަރަށް ހިތްހެޔޮ އިޚްލާސްތެރި އެއްގެ ގޮތުގައި އަޅުގަނޑަށް ފާހަގަކުރެވިފައިވާ ބޭފުޅެއް.
ވެރިން
09 November 2017
މާގިނަ ވެއްޖެއްޔާ ރަނގަޅަކަށް ނުހިންގޭނެ، މިހާރުވެސް ހާދަ ވެރިން ގިނަ މިނިސްޓްރީއެކޭ ތީ
ޙުސައިން އަޙްމަދު
09 November 2017
ވަރަށް ބޮޑަށް ދެކެން ބޭނުންވި ދުވަހެއް. ހިއުމަން ރިސޯސް ސެކްޝަނުގައި މަސައްކަތް ކުރެއްވިއިރު ވަރަށް ގިނައިން ގުޅަންޖެހުނު. ކޮންމެ ކަމެއްވެސް ވަަރަށް ރަގަޅަށް ސާފުކޮށްދެއްްވި.
އިބްރާޙިމް
09 November 2017
މަރުޙަބާ. ކުރީގެ ހަނދާންތައް އައު ކޮށްލަން ބައްދަލުކޮށްލަން ގުޅާލާނަން. މަސައްކަތުގައި ކުރިއަށް ދިއުމަށް މަށަށް ދިން ނަސޭހަތާއި އިރުޝާދަށް ޝުކުރިއްޔާ
އަހްމަދު
09 November 2017
ކުޑަދުވަސްކޮޅަކު އެކުގައި މަސައްކަތް ކުރިން. މަސައްކަތަށް ވަރަށް ފަރުވާތެރި އަދި ކުރާ ކޮންމެ ކަމެއްވެސް ވަރަށް ރަގަޅަށް ކުރަން މަސައްކަތް ކުރާނެ.
އިސްމާއީލް
09 November 2017
މަރްޙަބާ ސައީދު. ކުރީގައި މަސައްކަތް ކުރި އިރު ދެއްކި ނަމޫނާ އާއެކު ހިއްވަރާއެކު މަސައްކަތް ކުރާނެކަމަށް ޔަގީން ކުރަން.
އާއިލީ
09 November 2017
އާއިލީ ތަނެއްބާ؟
އުމަރު
09 November 2017
ސައީދުއަކީ އެޑިއުކޭޝަން މިނިސްޓްރީގައި އުޅުއްވާ އަދި ހަމަ ތިޔަމަގާމު ފުރުއްވާ ބޭފުޅެއް ހަމަ އެކަނި ބަދަލުވީ މަގާމުގެ ނަންނޫންތޯ؟ އަޅުގަނޑު އެންމެ ކަންބޮޑުވަނީ ގްރޭޑްތަކުން ފެށިގެން 8 އާއި ހަމައަަށް ޓެސްޓްނުނަގާވާހަކަ ދައްކާތީ، ބަލަ ދުނިޔޭގެ ތިޔަ ނިޒާމު ހިންގަނީ ސްކޫލުތަކަށް ކިޔަވައިދިނުގެ ދާއިރާއިން މާސްޓާރސްގެ ފެންވަރުގެ މީހުން ލުމަށްފަހު، އަހަރުމެން ކަންބޮޑުވޭ މީގެ އެތަކެއް އަހަރެއް ކުރިން ގްރޭޑް 7 ނިންމާފައި މައްޗަށް ނުދެވޭގޮަތަށް ހެދި ނިޒާމުގެ ސަބަބުން އެތަކެއް ބަޔަކުވަނީ އޯލަވަލް ނުހަދައި މަސައްކަތުގެ މާހައުލަށް ނެރެފައި އޭގެ ސަބަބުން އެތަކެއް މައްސަލަތަކެއް މިހާރު އެމީހުންނަށްވަނީ ދިމާވެފައި
ިއިންސާނާ
09 November 2017
ތަޢުލީމީ ދާއިރާ ހަލާކޮށް ނިންމައިފި. އެއްވެސް އެގްޒާމެއް ނުނަގައި ގުރޭޑް 9 އަކާއި ހަމައަށް ގެންދާއިރު ދަރިވަރުންގެ ހަގީގީ ފެންވަރު ރަނގަޅަކަށް ދެނެއެއް ނުގަނެވޭ