ގެއްލުނު، ލަންކާގެ ބޯޓެއް އެމްއެންޑީއެފުން ހޯދައިފި

ކޯސްޓްގާޑުގެ އުޅަނދެއް އަޅާފައި: ލަންކާގެ މަސް ބޯޓެއް ދިވެހި ސިފައިން މިއަދު ވަނީ ހޯދާފައި-- މިހާރު ފޮޓޯ

އާމިނަތު ޝިފްލީން، މިހާރު

11 ޑިސެމްބަރ 2017 - 17:43

އިންޑިއާ އާއި ސްރީ ލަންކާ އަށް އެރި ތޫފާން "އޮކްޝީ" ގައި ގެއްލުނު ލަންކާގެ މަސް ބޯޓެއް، ދިވެހި ސިފައިން މިއަދު ހަވީރު ހޯދައިފި އެވެ.

އެމްއެންޑީއެފުން ބުނީ ހާލުގައި ޖެހިފައިވާ ލަންކާގެ އެ ބޯޓު ފެނުނީ، ހއ. ތުރާކުނުގެ 62 ނޮޓިކަލް މޭލު ބޭރުން، ކޯސްޓްގާޑުގެ އުޅަނދަކަށް ކަމަށެވެ. ރޯޝަނީ ނަމަކަށް ކިޔާ އެ ބޯޓުގައި އޭރު ހަތް މީހަކު ތިއްބެވެ.

އެމްއެންއެޑީއެފުން ބުނިގޮތުގައި އެ ހަތް މީހުންގެ ވެސް ހާލު ގޯހެއް ނޫނެވެ. އެކަމަކު އެ ބޯޓުގައި އެއްވެސް ވަރަކަށް ބޯފެން ނެތުމުން، ކޯސްޓްގާޑުގެ އުޅަނދުން ފެނާއި އެހެން އެހީތެރިކަން ފޯރުކޮށްދެމުން އަންނަ ކަމަށް ބުންޏެވެ.

ދިވެހި ސިފައިންނަށް މި ފެނުނީ ލަންކާއިން ގެއްލިގެން ރިޕޯޓުކޮށްފައިވާ އުޅަނދެކެވެ.

Gellunu masverin hoadhan India sifain Raajje sarahadhu gai

The most trusted news source in the Maldives

Mihaaru

ތޫފާނުގައި އިންޑިއާ އާއި ލަންކާގެ 67 މަސް ބޯޓެއް ގެއްލިފައިވާ އިރު، އެ އުޅަނދުތައް ހޯދުމަށް ދެ ގައުމުގެ ސިފައިން ވެސް އަންނަނީ މަސައްކަތް ކުރަމުންނެވެ. އެގޮތުން ގެއްލުނު އިންޑިއާގެ މަސްވެރިންނާއި މަސްބޯޓުތައް ހޯދުމަށް، އެ ގައުމުގެ ކަނޑުގެ ސިފައިން ވަނީ ރާއްޖޭގެ ކަނޑުގެ ސަރަހައްދުގައި ހަރަކާތްތެރިވެފަ އެވެ.

ތޫފާން "އޮކްޝީ" ގައި އިންޑިއާގެ ޓެމިލްނާޑޫ އާއި ލަންކާގެ ބައެއް ހިސާބުތަކަށް ބޮޑެތި ގެއްލުންތައްވެ، ބައެއް މީހުން މަރުވެފައި ވެ އެވެ. އަދި ކެރެލާ އާއި މަލިކު ހިމެނޭ ސަރަހައްދުން ހާލުގައި ޖެހުނު 531 މަސްވެރިން ސަލާމަތްކޮށްފައިވާ ކަމަށް ކެރެލާގެ ކަމާ ބެހޭ އިދާރާތްތަކުން ބުނެފައި ވެ އެވެ. މި ތޫފާނުގެ އަސަރު ރާއްޖެއަށް ވެސް ކުރި އެވެ. އެގޮތުން ރާއްޖެއަށް ގަދައަށް ވިއްސާރަކޮށް 57 ރަށަކަށް ވަނީ ގެއްލުން ލިބިފަ އެވެ.

ސްރީ ލަންކާ މޫސުން އެމްއެންޑީއެފް ކޯސްޓް ގާޑް

5 ކޮމެންޓް, 42 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަސްލުތަ؟

11 December 2017

ހަމަ އަސްލުވެސް ކޯސްޓް ގާޑުންތޯ ހޯދީ؟ ނޫނީ މަސްވެރިންތަކަކަށް ފެނިގެން ތިޔަ ވިދާޅުވާ ބޯޓުގެ ތަފްސީލް ދިނީތޯ؟ މިހެން މިދެންނެވީ، ފާއިތުވި ގިނަ ހާދިސާ ތަކުގައި ކޯަސްޓްގާޑުން 'ސަލާމަތްކޮށްފި' ހެޑިން އަންނަ ފަހަރަކުވިއްޔާ އޮންނަނީ ކޮންމެވެސް ބަޔަކަށް ފެނިގެން މާ ކުރިން ރިޕޯޓްކޮށްފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިކަލޯ

11 December 2017

އަނެއްކާ ތިމީހުން ރާއްޖޭގެ ސަރަހައްދުން މަސްވެރިކަން ކޮށްފައި ނުވޭތޯއެވެ. ރަނގަޅައް ޗެކު ކުރުން އެއީ ވަރައް މުޙިއްމު ކަމެކެވެ. ސަބަބަކީ މަކަރު ވެރި ބަޔަކައްވާތީއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީއަލީ

11 December 2017

ރަގަޅަށް ލިޔެފައޮތް އެއްޗެއްކިޔާބަލަ. ބޯޓަކީ ތޫފާނުގައި ގެއްލުނުކަމަށް ރިޕޯޓްކޮއްފަ އޮތް ބޯޓެއްކަމަށް އެއޮތީ. ލަންކާއާ ރާއްޖެއާ އިންޑިޔާއިންވެސް ދަނީ މިބޯޓުތައް ހޯދަމުން. ކޮމެންޓް ކުރާއިރު ބަލާލަން ރަގަޅު ދީފަހުރި މައުލޫމާތައް.